ເມື່ອບໍ່ດົນມານີ້, ບໍລິສັດບິກບລູ ເອເຈນຊີລາວ ໜຶ່ງໃນຜູ້ນຳດ້ານການໂຄສະນາ ແລະ ປະຊາສຳພັນ ຂອງສປປ ລາວ ໄດ້ສະເຫຼີມສະຫຼອງຄົບຮອບ 20 ປີໃນປີນີ້ ຊຶ່ງນັບຕັ້ງແຕ່ກໍ່ຕັ້ງໃນປີ 2004 ມາບໍລິສັດໄດ້ເຕີບໃຫຍ່ຂຶ້ນຈົນເປັນຜູ້ນຳໃນອຸດສາຫະກຳໂຄສະນາ ໃນປະເທດລາວ ແລະ ເປັນທີ່ຍອມຮັບໃນບັນດາລູກຄ້າທັງໃນ ແລະ ຕ່າງປະເທດ. ໂດຍມີທ່ານ ໂພສີ ແກ້ວມະນີວົງ ຮອງລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ, ທ່ານ ສິລິລາດທົງສິນ ທອງເພັງ ຮອງເຈົ້າຄອງນະຄອນຫຼວງວຽງຈັັນ, ທ່ານ ສະຫວັນຄອນ ຣາຊມົນຕຣີ ປະທານສະມາຄົມນັກຂ່າວແຫ່ງ ສປປ ລາວ, ທ່ານນາງ ມໍຣະກົດ ສີສະຫວັດ ເອກອັກຄະຣາຊະທູດຣາຊະອານາຈັກໄທ ປະຈໍາ ສປປ ລາວ ພ້ອມດ້ວຍຄະນະບໍລິຫານບໍລິສັດ ບິກບລູ ເອເຈນຊີລາວ ແລະ ແຂກຖືກເຊີນ ເຂົ້າຮ່ວມ.
ທ່ານ ສັນທະລັກ ຈ່າສານ ປະທານບໍລິສັດ ບິກບລູ ເອເຈນຊີລາວ ໄດ້ຍົກໃຫ້ເຫັນວິໄສທັດສຳລັບອະນາຄົດຂອງບໍລິສັດ ວ່າ: ໃນຂະນະທີ່ສະພາບແວດລ້ອມທາງທຸລະກິດໃນລາວ ມີການເຕີບໃຫຍ່ຢ່າງຕໍ່ເນື່ອງ ບໍລິສັດຂອງເຮົາມຸ່ງໝັ້ນຕັ້ງໃຈທີ່ຈະຂະຫຍາຍການບໍລິການໄປຍັງແຂວງຕ່າງໆຂອງລາວ ພ້ອມທັງປັບປຸງຜະລິດຕະພັນໃຫ້ທັນສະໄໝຫຼາຍຂຶ້ນ ເພື່ອຕອບສະໜອງຄວາມຕ້ອງການຂອງລູກຄ້າໃຫ້ໄດ້ດີຍິ່ງຂຶ້ນ ຕະຫຼອດໄລຍະເວລາ 20 ປີຜ່ານມາ ບິກບລູ ເອເຈນຊີລາວ ໄດ້ສ້າງຊື່ສຽງໃນດ້ານການນຳສະເໜີແຄັມເປນທີ່ມີຄຸນນະພາບ ແລະ ສ້າງສັນ ພ້ອມທັງຮ່ວມງານກັບລູກຄ້າຊັ້ນນຳທັງພາຍໃນປະເທດ ແລະ ຕ່າງປະເທດ ຊຶ່ງເປັນການເນັ້ນຢໍ້າຄວາມມຸ່ງໝັ້ນໃນການສ້າງມາດຕະຖານໃໝ່ ໃຫ້ອຸດສາຫະກຳນີ້.
ບິກບລູ ເອເຈນຊີລາວ ໃຫ້ບໍລິການຫຼາຍດ້ານ ເຊັ່ນ: ປ້າຍໂຄສະນາທີ່ເນັ້ນຕະຫຼາດເປົ້າໝາຍ, ການວາງແຜນສື່ສຳລັບຮູບແບບອອນລາຍ ແລະ ອັອບລາຍ, ການອອກແບບ ແລະ ສ້າງສັນປ້າຍໂຄສະນາທີ່ມີຄວາມໂດດເດັ່ນ, ການວາງແຜນປະຊາສຳພັນ ແລະ ການບໍລິຫານພາບລັກຂອງອົງກອນ, ການສ້າງແບຣນ ແລະ ການຕະຫຼາດ ຜ່ານອິນຟູເອນເຊີ ບໍລິສັດ ບິກບລູ ເອເຈນຊີລາວ ຍັງຄົງຕັ້ງໃຈພັດທະນານະວັດຕະກຳ ແລະ ສ້າງສັນບໍລິການທີ່ຕອບສະໜອງຄວາມຕ້ອງການຂອງລູກຄ້າຢ່າງຕໍ່ເນື່ອງໃນອະນາຄົດ ສຳລັບຂໍ້ມູນເພີ່ມເຕີມສາມາດສອບຖາມໄດ້ທີ່ເພຈ BigblueAgency Lao ຫຼື ໂທ 020 7899 5959.
(ຂ່າວ:ບິກບລູ)