ນັກຂ່າວໄດ້ຮັບຂ່າວຈາກເຂດສະຫງວນທໍາມະຊາດລະດັບຊາດພູຕ້າປາວຊານ ທີ່ນະຄອນຈາວທອງ ແຂວງຢູນນານ ໃຫ້ຮູ້ວ່າ: ພະນັກງານຕິດຕາມຄຸ້ມຄອງໃນເຂດດັ່ງກ່າວໄດ້ພົບເຫັນ ນົກແວ່ນຕາຂາວສີຂ້າງແດງ 5 ໂຕ ແລະ ນົກແວ່ນຕາຂາວສີຂ້າງແດງມີພື້ນທ້ອງເປັນສີເທົາ 27 ໂຕ, ໃນນັ້ນນົກແວ່ນຕາຂາວສີຂ້າງແດງ ແມ່ນໄດ້ເຂົ້າບັນຊີຂອງສັດສະຫງວນສໍາຄັນ ອັນດັບສອງແຫ່ງຊາດຈີນ, ພ້ອມທັງເປັນປະເພດສັດທີ່ຖືກຈັດເຂົ້າໃນບັນຊີໃໝ່ຂອງພູຕ້າປາວຊານ.

ນົກແວ່ນຕາຂາວສີຂ້າງແດງ ສ່ວນຫຼາຍກິນແມງໄມ້, ແກ່ນພືດ ແລະ ໜໍ່ອ່ອນເປັນອາຫານ, ໄດ້ສືບພັນຢູ່ພາກຕາເວັນອອກສ່ຽງເໜືອຂອງຈີນເປັນຕົ້ນຕໍ, ເມື່ອພົ້ນລະດູໜາວຈະອົບພະຍົກໄປຢູ່ພາກກາງ, ພາກໃຕ້ ແລະ ພາກຕາເວັນອອກຂອງຈີນ. ຍ້ອນວ່າຂ້າງຂອງມັນເປັນລາຍສີແດງຈຶ່ງມີຄວາມແຕກຕ່າງກັບນົກແວ່ນຕາຂາວອື່ນໆ.

ເຂດສະຫງວນພູຕ້າປາວຊານຕັ້ງຢູ່ພາກຕາເວັນອອກສ່ຽງເໜືອຂອງແຂວງຢູນນານ, ສູງຈາກໜ້ານໍ້າທະເລ 3.000 ແມັດ, ເປັນເຂດທີ່ຢູ່ອາໄສ ແລະ ສະຖານທີ່ອົບພະຍົກທີ່ສໍາຄັນຂອງນົກຍາງຄໍແດງ ແລະ ນົກອື່ນໆ.

ບັນນາທິການ: Yang Chunmei