ຂ່າວຕ່າງປະເທດລາຍງາຍ ເມື່ອທ້າຍອາທິດຜ່ານມາ, ກະຊວງການເງິນຂອງອາເມຣິກາໄດ້ເປີດເຜີຍບົດລາຍງານໂດຍລະບຸວ່າ: ອາເມຣິກາຂາດດູນງົບປະມານ 1,695 ລ້ານໆໂດລາ ໃນສົກປີງົບປະມານ 2023 ເພີ່ມຂຶ້ນ 23% ຈາກປີ 2022 ເນື່ອງຈາກລັດຖະບານມີລາຍໄດ້ຫຼຸດລົງ ຂະນະທີ່ຄ່າໃຊ້ຈ່າຍດ້ານປະກັນສັງຄົມ, ປະກັນສຸຂະພາບ ແລະ ອັດຕາດອກເບ້ຍໜີ້ສິນລັດຖະບານເພີ່ມສູງຂຶ້ນ.

ກະຊວງການເງິນລະບຸວ່າ: ຈຳນວນການຂາດດູນງົບປະມານດັ່ງກ່າວນັ້ນເປັນລະດັບສູງທີ່ສຸດນັບຕັ້ງແຕ່ປີ 2021 ຊຶ່ງຢູ່ທີ່ 2,78 ລ້ານໆໂດລາ ຊຶ່ງເປັນຜົນມາຈາກການແຜ່ລະບາດຂອງພະຍາດໂຄວິດ-19 ໂດຍຈຳນວນການຂາດດູນງົບປະມານກັບມາເພີ່ມຂຶ້ນອີກຄັ້ງ ຫຼັງຈາກຫຼຸດລົງໃນໄລຍະ 2 ປີຜ່ານມາ.