ຂ່າວສານຊີອາໄອລາຍງານ ເມື່ອບໍ່ດົນມານີ້, ກະຊວງເສດຖະກິດ, ການເງິນ ແລະ ອຸດສາຫະກຳ,ອະທິປະໄຕດີຈີຕອນຂອງຝຣັ່ງໄດ້ອອກຖະແຫຼງການວ່າ: ຝຣັ່ງ, ເຢຍລະມັນ ແລະ ອີຕາລີ ຕົກລົງເພີ່ມທະວີການຮ່ວມມືໃນຂົງເຂດປັນຍາປະດິດ (AI).

ຖະແຫຼງການລະບຸວ່າ: ຍ້ອນວ່າ AI ໄດ້ສ້າງກຳລັງການປ່ຽນແປງອັນໃຫຍ່ຫຼວງ, ສະຫະພາບເອີຣົບຕ້ອງຈັດໄວ້ຢູ່ໃນຖານະແກນກາງຂອງນະໂຍບາຍອຸດສາຫະກຳ. ເຕັກນິກລັກສະນະຍຸດທະສາດນີ້ຈະສ້າງຜົນສະທ້ອນສຳຄັນທີ່ສຸດຕໍ່ກຳລັງແຮງດ້ານອຸດສາຫະກຳ, ກຳລັງການຜະລິດ ແລະ ກຳລັງແຂ່ງຂັນຂອງສະຫະພາບເອີຣົບ. ທ່າແຮງດ້ານການແຂ່ງຂັນຢູ່ໃນໂລກຂອງສະຫະພາບເອີຣົບແມ່ນຂຶ້ນຢູ່ກັບຄວາມສາມາດດ້ານການນຳໃຊ້ປັນຍາປະດິດຢ່າງມີປະສິດທິຜົນ.