ເລີ່ມຕັ້ງແຕ່ປີ 2009 ເປັນຕົ້ນມາ ອົງການສະຫະປະຊາຊາດກອງທຶນສຳລັບປະຊາກອນ UNFPA ໄດ້ຮ່ວມມືກັບກະຊວງສາທາລະນະສຸກ ແລະ ກະຊວງສຶກສາທິການ ແລະ ກິລາ ໃນການສະໜັບສະໜູນວຽກງານຜະດຸງຄັນຂອງ ສປປ ລາວ, ໃນໄລຍະທ້າຍປີ 2022 ອົງການດັ່ງກ່າວໄດ້ເຂົ້າມາ ສປປ ລາວ ເພື່ອປະເມີນສະຖາບັນທັງ 3 ແຫ່ງຄື: ວິທະຍາໄລ ວິທະຍາສາດ ສຸຂະພາບ ແຂວງຈໍາປາສັກ, ຫຼວງພະບາງ ແລະ ແຂວງຊຽງຂວາງ ຊຶ່ງຜົນການປະເມີນທີ່ອອກມາ ແມ່ນສາມາດບັນລຸເກນມາດຕະຖານຂອງສະຫະພັນຜະດຸງຄັນສາກົນ ຫຼື International Confederation of Midwives (ICM) ໄດ້ເຖິງ 35ມາດຖານ ໃນຈໍານວນທັງໝົດ 37 ມາດຕະຖານ, ໂດຍທີ່ສອງມາດຕະຖານທີ່ຍັງເຫຼືອສາມາດບັນລຸໄດ້ບາງສ່ວນ ແລະ ໄດ້ປະກາດຢ່າງເປັນທາງການຮັບຮອງເອົາ ສະຖາບັນການສຶກສາຜະດຸງຄັນ 3 ແຫ່ງໃນ ສປປ ລາວ ໃນວັນທີ 7 ມັງກອນ 2023 ຜ່ານມາ.
ທ່ານ ນາງ ບຸຸນທອງ ກອງພະຈັນ ຮອງຜູ້ອໍານວຍການ ວິທະຍາໄລວິທະຍາສາດ ສຸຂະພາບ ແຂວງຊຽງຂວາງ (ວວສຊຂ) ໄດ້ໃຫ້ສໍາພາດຕໍ່ສື່ມວນຊົນກ່ຽວກັບການພັດທະນາວຽກງານໄວຈະເລີນພັນ ໃນວັນທີ 6 ພະຈິກ 2023 ທີ່ວິທະຍາໄລດັ່ງກ່າວ ວ່າ: ມວສ ແຂວງຊຽງຂວາງ ເປັນສະຖາບັນການສຶກສາສາທາລະນະສຸກໄດ້ຮັບການຊີ້ນໍາທາງວິຊາການຈາກກົມຈັດຕັ້ງພະນັກງານກະຊວງສາທາລະນະສຸກ ແລະ ການຄຸ້ມຄອງຂຶ້ນກັບພະແນກສາທາລະນະສຸກ ມີພາລະບົດບາດກໍ່ສ້າງບຸກຄາລາກອນ ຄົ້ນຄ້ວາວິທະຍາສາດ ແລະ ໃຫ້ການບໍລິການທາງດ້ານສຸຂະພາບໃຫ້ແກ່ປະຊາຊົນບັນດາເຜົ່າ ໃນປັດຈຸບັນການຈັດການຮຽນ-ການສອນໄດ້ເປີດຮຽນ 2 ສາຂາ ຄື: ສາຂາຊັ້ນສູງພະຍາບານ, ສາຂາຊັ້ນສູງຜະດຸງຄັນ ມີ 4 ຫລັກສູດ: 1)ຊັ້ນສູງພະຍາບານສາຍກົງ, 2)ຊັ້ນສູງພະຍາບານສາຍຕໍ່ເນື່ອງ,3)ຊັ້ນສູງຜະດຸງຄັນກົງ, 4) ຊັ້ນສູງຜະດຸງຄັນຕໍ່ເນື່ອງ ການຮຽນ-ການສອນປະຕິບັດຕາມແຜນຍຸດທະສາດການກໍ່ສ້າງຊັບພະຍາກອນມະນຸດຂອງກະຊວງສາທາລະສຸກວາງອອກ ສະເພາະວຽກງານສຸຂະພາບເພດ ແລະ ໄວຈະເລີນພັນ, ການວາງແຜນຄອບຄົວການດູແລະແມ່ໄລຍະຖືພາ ແລະ ຫຼັງເກີດກໍ່ມີຄວາມສໍາເລັດເພື່ອຫຼຸດຜ່ອນອັດຕາການຕາຍຂອງແມ່ ແລະ ເດັກ ໂດຍສອນໃຫ້ນັກສຶກສາຮູ້ຈັກກ່ຽວກັບການໃຫ້ຄໍາປຶກສາ, ໃຫ້ການບໍລິການ, ການວາງແຜນຄອບຄົວ ແລະ ການໃຫ້ຄຳແນະນຳນອກສະຖານທີ່ ກ່ອນຈະລົງໄປປະຕິບັດຕົວຈິງ ໂດຍມີນັກສຶກສາເຂົ້າຮຽນ ປະມານ 283 ກວ່າຄົນຕໍ່ປີ.ໃນນັ້ນນັກສຶກສາຜະດຸງຄັນມີ 79 ຄົນ, ການຄັດເລືອກນັກສຶກສາມາຮຽນສາຍກົງແມ່ນຜ່ານການສອບເສັງສຳລັບສາຍຕໍ່ເນື່ອງແມ່ນໄດ້ຄັດເລືອກເອົາພະນັກງານ, ພະຍາບານ, ຜະດຸງຄັນ, ວິຊາການຈາກໂຮງໝໍນ້ອຍ, ໂຮງໝໍເມືອງ, ໂຮງໝໍແຂວງຜ່ານຈັດຕັ້ງພະແນກສາທາແຂວງໂດຍການຮັບຮອງຈາກກົມຈັດຕັ້ງ ແລະ ພະນັກງານກະຊວງສາທາລະນະສຸກສະເພາະການອົບຮົມແມ່ນກຸ່ມກອງຈະຄັດເລືອກຕາມເປົ້າໝາຍຜູ້ປະຕິບັດຕົວຈິງຕໍ່ວຽກງານດັ່ງກ່າວມາຝຶກອົບຮົມທາງດ້ານທິດສະດີ ແລະ ປະຕິບັດຕົວຈິງ ແລ້ວນໍາໄປຜັນຂະຫຍາຍ ແລະ ຈັດຕັ້ງປະຕິບັດຢູ່ໃນຂົງເຂດວຽກງານຂອງຕົນຮັບຜິດຊອບ. ສຳລັບສາຍກົງໄດ້ມີຫຼັກສູດຊັ້ນສູງ ສາຍພະດຸງຄັນ ໂດຍນັກສຶກສາໄດ້ຮຽນທິດສະດີ, ພາກປະຕິບັດຕົວຈິງກັບຫຸ່ນ, ປະຕິບັດຕົວຈິງຢູ່ໂຮງໝໍເມືອງ, ໂຮງໝໍແຂວງ, ລົງໂຄສະນາຊຸມຊົນ, ຢູ່ໃນວິທະຍາໄລ ແລະ ບ່ອນບໍລິການສຸຂະພາບທ້ອງຖິ່ນພາຍໃນແຂວງ ຊຶ່ງໄດ້ຮັບການຊ່ວຍເຫຼືອດ້ານການຝຶກອົບຮົມ, ດ້ານອຸປະກອນ ແລະ ງົບປະມານ ຈໍານວນໜຶ່ງຈາກອົງການ UNFPA ເຊັ່ນ: ອຸປະກອນການເກີດລູກ, ຫຸ່ນໃສ່ຫ່ວງ, ຫຸ່ນເຄິ່ງໂຕ, ຢາຄຸມກຳເນີດ ແລະ ອື່ນໆ. ໂຄງການຮັບຮອງມາດຕະຖານການສຶກສາຜະດຸງຄັນຂອງ ICM (MEAP) ແມ່ນການຮັບຮອງທີ່ອີງໃສ່ຫຼັກການປະຕິບັດທີ່ດີທີ່ສຸດຂອງສາກົນ. ເປົ້າໝາຍຂອງໂຄງການດັ່ງກ່າວ ແມ່ນເພື່ອປະເມີນຫຼັກສູດການສຶກສາຜະດຸງຄັນກ່ອນການໃຫ້ບໍລິການ ໂດຍອີງໃສ່ມາດຕະຖານສາກົນຂອງ ICM. ນອກນີ້ MEAP ຍັງເປັນຕົວຊີ້ວັດສໍາຄັນໃຫ້ແກ່ວຽກງານການສຶກສາຜະດຸງຄັນ ໃນການກ້າວໄປສູ່ລະດັບສາກົນ ແລະ ສປປ ລາວ ຍັງເປັນປະເທດທຳອິດໃນອາຊຽນທີ່ຖືກຮັບຮອງ.
ທ່ານໄດ້ໃຫ້ຮູ້ຕື່ມອີກວ່າ: ໂດຍໄດ້ຮັບການສະໜັບສະໜູນທຶນຊ່ວຍເຫຼືອຈາກອົງການ UNFPAໃນໄລຍະຜ່ານມາ ນອກຈາກການຝຶກອົບຮົມເພດ ແລະ ສຸຂະພາບຈະເລີນພັນ, ອົບຮົມ BEmOC ໃຫ້ພະນັກງານພະດຸງຄັນໂຮງໝໍນ້ອຍສອງແຂວງ ແຂວງຊຽງຂວາງ ແລະ ແຂວງຫົວພັນ, ຍັງໄດ້ຮັບອຸປະກອນໃນການຝຶກອົບຮົມ BEmOC ໃຫ້ສອງແຂວງດັ່ງກ່າວ ໂດຍສະເພາະແມ່ນໂຮງໝໍນ້ອຍ, ຄູ-ອາຈານຜະດຸງຄັນ ໄດ້ສ້າງປື້ມຄູ່ມືກ່ຽວກັບຜະດຸງຄັນ, ປັບປຸງຫຼັກສູດການຮຽນ-ການສອນໃຫ້ສອດຄ່ອງກັບສະພາບປັດຈຸບັນພ້ອມທັງເຜີຍແຜ່ໃຫ້ບັນດາຄູ-ອາຈານ ແລະ ນັກສຶກສາຮັບຮູ້ພ້ອມກັນນັ້ນຍັງໄດ້ສະໜັບສະໜູນຂະບວນການໃນການຮັບຮອງຫຼັກສູດຜະດຸງຄັນຈາກ ICM; ພາຍຫຼັງໄດ້ຮັບການອົບຮົມແລ້ວຜູ້ເຂົ້າຮ່ວມກໍໄດ້ນໍາເອົາຄວາມຮູ້ປະສົບປະການໄປສອນໃຫ້ນັກສຶກສາ ແລະ ຊ່ວຍສອນຢູ່ແຕ່ລະໂຮງຮຽນທີ່ກ່ຽວກັບໄວຈະເລີນພັນເປັນຕົ້ນແມ່ນໄດ້ໄປສອນຢູ່ເມືອງພູກູດ, ເພື່ອໃຫ້ຄວາມຮູ້ແກ່ນັກຮຽນມັດທະຍົມຕອນປາຍໄວໜຸ່ມໄວຈະເລີນພັນຈໍານວນ 6 ແຫ່ງ ຢູ່ເມືອງພູກູດ ເຮັດໃຫ້ນັກຮຽນຮູ້ຮັກສາເບິ່ງແຍງສຸຂະພາບຂອງຕົນ ປ້ອງກັນຕົນບໍ່ໃຫ້ຕິດພະຍາດ. ສໍາລັບນັກສຶກສາທີ່ຈົບຫຼັກສູດພາຍໃນ ວວສຊຂ ກໍໄດ້ໄປປະຕິບັດໜ້າທີ່ຕາມສະຖານທີ່ບໍລິການສຸຂະພາບຢູ່ແຫ່ງຕ່າງໆຕາມຄວາມຕ້ອງການຂອງໂຮງໝໍ, ຖ້າວ່າບໍ່ໄດ້ປະຕິບັດໜ້າທີ່ນໍາພັກ-ລັດ ກໍໄປໃຫ້ການຊ່ວຍເຫຼືອນໍາຊຸມຊົົນດ້ານສຸຂະສຶກສາ ຊ່ວຍດູແລແມ່ຖືພາ, ໄລຍະຖືພາ ແລະ ໄລຍະເກີດລູກແກ້ໄຂບັນຫາຕ່າງໆສົ່ງຄົນເຈັບທີ່ມີບັນຫາໃຫ້ທາງໂຮງໝໍນ້ອຍ, ເມືອງ ແລະ ໂຮງໝໍແຂວງບ່ອນທີ່ມີເງືອນໄຂໃນການປິ່ນປົວລະບົບການບໍລິການສຸຂະພາບແມ່ແລະເດັກແມ່ນນັບມື້ນັບດີຂຶ້ນ ແລະ ຈະຊ່ວຍຮັບປະກັນໃຫ້ຫຼັກສູດການສຶກສາຜະດຸງຄັນມີຄວາມແທດເໝາະສາມາດໝູນໃຊ້ຫຼັກປະຕິບັດທີ່ດີທີ່ສຸດເຂົ້າກັບສະພາບຕົວຈິງ ພ້ອມທັງປິດຊ່ອງວ່າງຕ່າງໆ ເພື່ອໃຫ້ສາມາດສຸມໃສ່ພັດທະນາ ແລະ ຍົກສູງຄຸນະພາບການສຶກສາຜະດຸງຄັນໃຫ້ມີປະສິດທິພາບ ແລະ ຍືນຍົງ.
ຂ່າວ-ພາບ:ຍຸພິນທອງ
ທ່ານ ນາງ ບຸຸນທອງ ກອງພະຈັນ ຮອງຜູ້ອໍານວຍການ ວິທະຍາໄລວິທະຍາສາດ ສຸຂະພາບ ແຂວງຊຽງຂວາງ (ວວສຊຂ) ໄດ້ໃຫ້ສໍາພາດຕໍ່ສື່ມວນຊົນກ່ຽວກັບການພັດທະນາວຽກງານໄວຈະເລີນພັນ ໃນວັນທີ 6 ພະຈິກ 2023 ທີ່ວິທະຍາໄລດັ່ງກ່າວ ວ່າ: ມວສ ແຂວງຊຽງຂວາງ ເປັນສະຖາບັນການສຶກສາສາທາລະນະສຸກໄດ້ຮັບການຊີ້ນໍາທາງວິຊາການຈາກກົມຈັດຕັ້ງພະນັກງານກະຊວງສາທາລະນະສຸກ ແລະ ການຄຸ້ມຄອງຂຶ້ນກັບພະແນກສາທາລະນະສຸກ ມີພາລະບົດບາດກໍ່ສ້າງບຸກຄາລາກອນ ຄົ້ນຄ້ວາວິທະຍາສາດ ແລະ ໃຫ້ການບໍລິການທາງດ້ານສຸຂະພາບໃຫ້ແກ່ປະຊາຊົນບັນດາເຜົ່າ ໃນປັດຈຸບັນການຈັດການຮຽນ-ການສອນໄດ້ເປີດຮຽນ 2 ສາຂາ ຄື: ສາຂາຊັ້ນສູງພະຍາບານ, ສາຂາຊັ້ນສູງຜະດຸງຄັນ ມີ 4 ຫລັກສູດ: 1)ຊັ້ນສູງພະຍາບານສາຍກົງ, 2)ຊັ້ນສູງພະຍາບານສາຍຕໍ່ເນື່ອງ,3)ຊັ້ນສູງຜະດຸງຄັນກົງ, 4) ຊັ້ນສູງຜະດຸງຄັນຕໍ່ເນື່ອງ ການຮຽນ-ການສອນປະຕິບັດຕາມແຜນຍຸດທະສາດການກໍ່ສ້າງຊັບພະຍາກອນມະນຸດຂອງກະຊວງສາທາລະສຸກວາງອອກ ສະເພາະວຽກງານສຸຂະພາບເພດ ແລະ ໄວຈະເລີນພັນ, ການວາງແຜນຄອບຄົວການດູແລະແມ່ໄລຍະຖືພາ ແລະ ຫຼັງເກີດກໍ່ມີຄວາມສໍາເລັດເພື່ອຫຼຸດຜ່ອນອັດຕາການຕາຍຂອງແມ່ ແລະ ເດັກ ໂດຍສອນໃຫ້ນັກສຶກສາຮູ້ຈັກກ່ຽວກັບການໃຫ້ຄໍາປຶກສາ, ໃຫ້ການບໍລິການ, ການວາງແຜນຄອບຄົວ ແລະ ການໃຫ້ຄຳແນະນຳນອກສະຖານທີ່ ກ່ອນຈະລົງໄປປະຕິບັດຕົວຈິງ ໂດຍມີນັກສຶກສາເຂົ້າຮຽນ ປະມານ 283 ກວ່າຄົນຕໍ່ປີ.ໃນນັ້ນນັກສຶກສາຜະດຸງຄັນມີ 79 ຄົນ, ການຄັດເລືອກນັກສຶກສາມາຮຽນສາຍກົງແມ່ນຜ່ານການສອບເສັງສຳລັບສາຍຕໍ່ເນື່ອງແມ່ນໄດ້ຄັດເລືອກເອົາພະນັກງານ, ພະຍາບານ, ຜະດຸງຄັນ, ວິຊາການຈາກໂຮງໝໍນ້ອຍ, ໂຮງໝໍເມືອງ, ໂຮງໝໍແຂວງຜ່ານຈັດຕັ້ງພະແນກສາທາແຂວງໂດຍການຮັບຮອງຈາກກົມຈັດຕັ້ງ ແລະ ພະນັກງານກະຊວງສາທາລະນະສຸກສະເພາະການອົບຮົມແມ່ນກຸ່ມກອງຈະຄັດເລືອກຕາມເປົ້າໝາຍຜູ້ປະຕິບັດຕົວຈິງຕໍ່ວຽກງານດັ່ງກ່າວມາຝຶກອົບຮົມທາງດ້ານທິດສະດີ ແລະ ປະຕິບັດຕົວຈິງ ແລ້ວນໍາໄປຜັນຂະຫຍາຍ ແລະ ຈັດຕັ້ງປະຕິບັດຢູ່ໃນຂົງເຂດວຽກງານຂອງຕົນຮັບຜິດຊອບ. ສຳລັບສາຍກົງໄດ້ມີຫຼັກສູດຊັ້ນສູງ ສາຍພະດຸງຄັນ ໂດຍນັກສຶກສາໄດ້ຮຽນທິດສະດີ, ພາກປະຕິບັດຕົວຈິງກັບຫຸ່ນ, ປະຕິບັດຕົວຈິງຢູ່ໂຮງໝໍເມືອງ, ໂຮງໝໍແຂວງ, ລົງໂຄສະນາຊຸມຊົນ, ຢູ່ໃນວິທະຍາໄລ ແລະ ບ່ອນບໍລິການສຸຂະພາບທ້ອງຖິ່ນພາຍໃນແຂວງ ຊຶ່ງໄດ້ຮັບການຊ່ວຍເຫຼືອດ້ານການຝຶກອົບຮົມ, ດ້ານອຸປະກອນ ແລະ ງົບປະມານ ຈໍານວນໜຶ່ງຈາກອົງການ UNFPA ເຊັ່ນ: ອຸປະກອນການເກີດລູກ, ຫຸ່ນໃສ່ຫ່ວງ, ຫຸ່ນເຄິ່ງໂຕ, ຢາຄຸມກຳເນີດ ແລະ ອື່ນໆ. ໂຄງການຮັບຮອງມາດຕະຖານການສຶກສາຜະດຸງຄັນຂອງ ICM (MEAP) ແມ່ນການຮັບຮອງທີ່ອີງໃສ່ຫຼັກການປະຕິບັດທີ່ດີທີ່ສຸດຂອງສາກົນ. ເປົ້າໝາຍຂອງໂຄງການດັ່ງກ່າວ ແມ່ນເພື່ອປະເມີນຫຼັກສູດການສຶກສາຜະດຸງຄັນກ່ອນການໃຫ້ບໍລິການ ໂດຍອີງໃສ່ມາດຕະຖານສາກົນຂອງ ICM. ນອກນີ້ MEAP ຍັງເປັນຕົວຊີ້ວັດສໍາຄັນໃຫ້ແກ່ວຽກງານການສຶກສາຜະດຸງຄັນ ໃນການກ້າວໄປສູ່ລະດັບສາກົນ ແລະ ສປປ ລາວ ຍັງເປັນປະເທດທຳອິດໃນອາຊຽນທີ່ຖືກຮັບຮອງ.
ທ່ານໄດ້ໃຫ້ຮູ້ຕື່ມອີກວ່າ: ໂດຍໄດ້ຮັບການສະໜັບສະໜູນທຶນຊ່ວຍເຫຼືອຈາກອົງການ UNFPAໃນໄລຍະຜ່ານມາ ນອກຈາກການຝຶກອົບຮົມເພດ ແລະ ສຸຂະພາບຈະເລີນພັນ, ອົບຮົມ BEmOC ໃຫ້ພະນັກງານພະດຸງຄັນໂຮງໝໍນ້ອຍສອງແຂວງ ແຂວງຊຽງຂວາງ ແລະ ແຂວງຫົວພັນ, ຍັງໄດ້ຮັບອຸປະກອນໃນການຝຶກອົບຮົມ BEmOC ໃຫ້ສອງແຂວງດັ່ງກ່າວ ໂດຍສະເພາະແມ່ນໂຮງໝໍນ້ອຍ, ຄູ-ອາຈານຜະດຸງຄັນ ໄດ້ສ້າງປື້ມຄູ່ມືກ່ຽວກັບຜະດຸງຄັນ, ປັບປຸງຫຼັກສູດການຮຽນ-ການສອນໃຫ້ສອດຄ່ອງກັບສະພາບປັດຈຸບັນພ້ອມທັງເຜີຍແຜ່ໃຫ້ບັນດາຄູ-ອາຈານ ແລະ ນັກສຶກສາຮັບຮູ້ພ້ອມກັນນັ້ນຍັງໄດ້ສະໜັບສະໜູນຂະບວນການໃນການຮັບຮອງຫຼັກສູດຜະດຸງຄັນຈາກ ICM; ພາຍຫຼັງໄດ້ຮັບການອົບຮົມແລ້ວຜູ້ເຂົ້າຮ່ວມກໍໄດ້ນໍາເອົາຄວາມຮູ້ປະສົບປະການໄປສອນໃຫ້ນັກສຶກສາ ແລະ ຊ່ວຍສອນຢູ່ແຕ່ລະໂຮງຮຽນທີ່ກ່ຽວກັບໄວຈະເລີນພັນເປັນຕົ້ນແມ່ນໄດ້ໄປສອນຢູ່ເມືອງພູກູດ, ເພື່ອໃຫ້ຄວາມຮູ້ແກ່ນັກຮຽນມັດທະຍົມຕອນປາຍໄວໜຸ່ມໄວຈະເລີນພັນຈໍານວນ 6 ແຫ່ງ ຢູ່ເມືອງພູກູດ ເຮັດໃຫ້ນັກຮຽນຮູ້ຮັກສາເບິ່ງແຍງສຸຂະພາບຂອງຕົນ ປ້ອງກັນຕົນບໍ່ໃຫ້ຕິດພະຍາດ. ສໍາລັບນັກສຶກສາທີ່ຈົບຫຼັກສູດພາຍໃນ ວວສຊຂ ກໍໄດ້ໄປປະຕິບັດໜ້າທີ່ຕາມສະຖານທີ່ບໍລິການສຸຂະພາບຢູ່ແຫ່ງຕ່າງໆຕາມຄວາມຕ້ອງການຂອງໂຮງໝໍ, ຖ້າວ່າບໍ່ໄດ້ປະຕິບັດໜ້າທີ່ນໍາພັກ-ລັດ ກໍໄປໃຫ້ການຊ່ວຍເຫຼືອນໍາຊຸມຊົົນດ້ານສຸຂະສຶກສາ ຊ່ວຍດູແລແມ່ຖືພາ, ໄລຍະຖືພາ ແລະ ໄລຍະເກີດລູກແກ້ໄຂບັນຫາຕ່າງໆສົ່ງຄົນເຈັບທີ່ມີບັນຫາໃຫ້ທາງໂຮງໝໍນ້ອຍ, ເມືອງ ແລະ ໂຮງໝໍແຂວງບ່ອນທີ່ມີເງືອນໄຂໃນການປິ່ນປົວລະບົບການບໍລິການສຸຂະພາບແມ່ແລະເດັກແມ່ນນັບມື້ນັບດີຂຶ້ນ ແລະ ຈະຊ່ວຍຮັບປະກັນໃຫ້ຫຼັກສູດການສຶກສາຜະດຸງຄັນມີຄວາມແທດເໝາະສາມາດໝູນໃຊ້ຫຼັກປະຕິບັດທີ່ດີທີ່ສຸດເຂົ້າກັບສະພາບຕົວຈິງ ພ້ອມທັງປິດຊ່ອງວ່າງຕ່າງໆ ເພື່ອໃຫ້ສາມາດສຸມໃສ່ພັດທະນາ ແລະ ຍົກສູງຄຸນະພາບການສຶກສາຜະດຸງຄັນໃຫ້ມີປະສິດທິພາບ ແລະ ຍືນຍົງ.
ຂ່າວ-ພາບ:ຍຸພິນທອງ
