ບໍລິສັດ ທາງລົດໄຟ ລາວ-ຈີນ ຊ່ວຍທ້າວ ໄກ້ຟ້າ ແກ້ວສິງທອງ ບັນລຸຄວາມຝັນ ແລະ ຄວາມສະແຫວງຫາຂອງຕົນ. ທ້າວ ໄກ້ຟ້າ ແກ້ວສິງທອງ ປີນີ້ ອາຍຸ 24 ປີ, ເປັນພະນັກງານບັນຊາການສູນບຳລຸງຮັກສາສ້ອມແປງ ປະຈໍາແຂວງຫຼວງພະບາງ ບໍລິສັດທາງລົດໄຟ ລາວ-ຈີນ.

10 ປີ ກ່ອນໜ້ານີ້, ມີບໍລິສັດຈີນຫຼາຍແຫ່ງ ໄດ້ມາກໍ່ສ້າງໂຄງການຂະໜາດໃຫຍ່ຢູ່ປະເທດລາວ, ທ້າວ ໄກ້ຟ້າ ແກ້ວສິງທອງ ກ່າວວ່າ: ມາເຮັດວຽກຢູ່ນຳບໍລິສັດ ທາງລົດໄຟ ລາວ-ຈີນ ແມ່ນເປົ້າໝາຍໃນສະໄໝເປັນນັກຮຽນ.

ເດືອນທັນວາປີ 2016, ບໍລິສັດ ທາງລົດໄຟ ລາວ-ຈີນ ໄດ້ເລີ່ມການກໍ່ສ້າງຢ່າງຮອບດ້ານ. ປີ 2018, ທ້າວ ໄກ້ຟ້າ ແກ້ວສິງທອງ ໄດ້ເດີນໄປຕາມຄວາມຝັນຂອງຕົນ ໂດຍໄດ້ໄປສຶກສາຢູ່ມະຫາວິທະຍາໄລເຕັກນິກປະຍຸກທາງລົດໄຟຊຽງໄຮ້. ຕົນເອງຮູ້ວ່າມີໂອກາດໄດ້ໄປຮຽນຢູ່ປະເທດຈີນ ກໍໄດ້ລົງທະບຽນໂດຍບໍ່ມີຄວາມລັງເລໃຈ, ພ້ອມທັງໄດ້ເລືອກວິຊາວິສະວະກຳທາງລົດໄຟ. ທ້າວ ໄກ້ຟ້າ ແກ້ວສິງທອງ ກ່າວວ່າ: ຕົນໄດ້ຕິດຕາມວິຊາວິສະວະກໍາມາໂດຍຕະຫຼອດ, ແຕ່ວ່າຢູ່ປະເທດລາວບໍ່ຄ່ອຍມີນັກສຶກສາທີ່ຮຽນຈົບຈາກວິຊານີ້ປານໃດ. ປີ 2021 ທ້າວ ໄກ້ຟ້າ ແກ້ວສິງທອງ ໄດ້ສໍາເລັດການຮຽນ ແລະ ກັບຄືນປະເທດລາວ ພ້ອມທັງໄດ້ໄປສະໝັກວຽກງານຢູ່ບໍລິສັດທາງລົດໄຟ ລາວ-ຈີນ. ໃນເດືອນທັນວາຂອງປີນັ້ນ, ເສັ້ນທາງລົດໄຟ ລາວ-ຈີນ ໄດ້ເປີດນໍາໃຊ້ຢ່າງເປັນທາງການ. ທ້າວ ໄກ້ຟ້າ ແກ້ວສິງທອງ ກ່າວວ່າ: ຄວາມຮູ້ທີ່ຕອນຮຽນຢູ່ໂຮງຮຽນສາມາດນໍາໃຊ້ໃນສະພາບຕົວຈິງໄດ້ໝົດ ເຖິງແມ່ນວ່າວຽກງານໃນປັດຈຸບັນນີ້ຈະຫຍຸ້ງຍາກກໍຕາມ, ແຕ່ຕົນເອງ ກໍໄດ້ພະຍາຍາມຮຽນນໍາອາຈານ ຄົນຈີນ, ຢ່າງໃດກໍຕາມ, ບັນດາຄູ-ອາຈານ ສາມາດຊອກຫາວິທີທີ່ເຂົ້າໃຈງ່າຍ ຮຽນງ່າຍ ມາສອນໃຫ້ຕົນເອງ.

ປີ 2022, ທ້າວ ໄກ້ຟ້າ ແກ້ວສິງທອງ ໄດ້ກາຍເປັນພະນັກງານສົມບູນຢ່າງເປັນທາງການ, ຍ້ອນມີຄວາມສາມາດທີ່ໂດດເດັ່ນລາວຍັງຖືກແຕ່ງຕັ້ງເປັນຫົວໜ້າທີມງານ. ເມື່ອຂ້າພະເຈົ້າເຫັນຄົນທັງຫຼາຍໄດ້ຂີ່ລົດໄຟໄປໆມາໆ ຢ່າງສະດວກສະບາຍ, ຮູ້ສຶກມີຄວາມສຸກຫຼາຍ ແລະ ມີຄວາມພາກພູມໃຈທີ່ສຸດ. ພວກເຮົາ ກໍໄດ້ເຫັນວ່າ: ທາງລົດໄຟ ລາວ-ຈີນ ໄດ້ເຮັດໃຫ້ການເດີນທາງຂອງປະຊາຊົນລາວ ສະດວກກວ່າເກົ່າຫຼາຍ. ເຂດຢູ່ອ້ອມຂ້າງຂອງສະຖານີ ກໍໄດ້ພັດທະນາຂຶ້ນແລ້ວ, ມີຫຼາຍຄົນສາມາດຊອກວຽກເຮັດງານທຳໃໝ່ຢູ່ທີ່ນີ້. ທ້າວ ໄກ້ຟ້າ ແກ້ວສິງທອງ ອຸທານ ໃຫ້ຮູ້ຕື່ມວ່າ: ຕົນເອງ ແລະ ໝູ່ຮຽນ ມີອຸດົມການຄືກັນນັ້ນ ກໍຄືພວກເຮົາຈະຮຽນເອົາຄວາມຮູ້ດ້ານເຕັກນິກໃຫ້ຫຼາຍເທົ່າທີ່ຈະຫຼາຍໄດ້, ຈົນກາຍເປັນນັກຊ່ຽວຊານທາງລົດໄຟ. ໃນຕອນນັ້ນ, ພວກເຮົາ ກໍສາມາດນໍາພາປະຊາຊົນລາວຮັກສາ ແລະ ຄຸ້ມຄອງທາງລົດໄຟໃຫ້ດີ.

ແຫຼ່ງຂ່າວ: ສໍານັກຂ່າວສານຊິນຮວາ