ງານມິດຕະພາບ ລາວ - ສ ເກົາຫຼີ 2023 ຈັດໂດຍສະຖານເອກອັກຄະລັດຖະທູດ ສ ເກົາຫຼີ ປະຈໍາ ສປປ ລາວ ແລະ ອົງການຮ່ວມມືສາກົນ ສ ເກົາຫຼີ (KOICA) ຫວ່າງບໍ່ດົນມານີ້ ທີ່ໂຮງແຮມຄຣາວພາຊາ ໂດຍການໃຫ້ກຽດເຂົ້າຮ່ວມຂອງ ທ່ານ ພຸດ ສີມມາລາວົງ ລັດຖະມົນຕີ ກະຊວງສຶກສາທິການ ແລະ ກິລາ; ທ່ານ ຈອງຢອງຊູ (Jung Yung Soo) ເອກອັກຄະລັດຖະທູດ ສ ເກົາຫຼີ ປະຈຳ ສປປ ລາວ; ທ່ານ ຄໍາສວຍ ແກ້ວດາລາວົງ ປະທານສະມາຄົມມິດຕະພາບ ລາວ - ສ ເກົາຫຼີ; ທ່ານຫົວໜ້າອົງການ KOICA ແລະ ອະດີດນັກສຶກສາລາວ ທີ່ຮັບທຶນຮຽນຢູ່ ສ ເກົາຫຼີ ເຂົ້າຮ່ວມຢ່າງພ້ອມພຽງ.
ຈຸດປະສົງຂອງງານໃນຄັ້ງນີ້ ກໍເພື່ອເປັນການເສີມສ້າງການຮ່ວມມື ຂອງສອງປະເທດ ສປປ ລາວ ແລະ ສ ເກົາຫຼີ ໃຫ້ດີຍິ່ງຂຶ້ນກວ່າເກົ່າ ແລະ ທັງເປັນການພົບປະສ້າງສັນກັບບັນດາອະດີດນັກສຶກສາລາວ ທີ່ເຄີຍໄດ້ຮັບທຶນຮຽນຢູ່ ສ ເກົາຫຼີ ໃນໄລຍະຜ່ານມາ ເພື່ອຊຸກຍູ້ໃຫ້ເຂົາເຈົ້າປະກອບສ່ວນເຂົ້າໃນການພົວພັນ ແລະ ຮ່ວມມື ໃຫ້ກາຍເປັນຂົວຕໍ່ ທີ່ສຳຄັນໃນການເສີມຂະຫຍາຍການຮ່ວມມື ຂອງສອງປະເທດ.
ໃນໂອກາດນີ້, ທ່ານ ພຸດ ສີມມາລາວົງ ໄດ້ສະແດງຄວາມຮູ້ບຸນຄຸນ ມາຍັງສະຖານເອກອັກຄະລັດຖະທູດ ສ ເກົາຫຼີ ປະຈຳ ສປປ ລາວ ກໍຄືລັດຖະບານ ສ ເກົາຫຼີ ທີ່ຍາມໃດກໍໃຫ້ຄວາມສໍາຄັນ ຕໍ່ການພັດທະນາຊັບພະຍາກອນມະນຸດ ຂອງ ສປປ ລາວ ໂດຍໄດ້ມອບທຶນການສຶກສາທັງໃນໄລຍະສັ້ນ, ໄລຍະຍາວ ແລະ ທຶນຝຶກອົບຮົມໃຫ້ແກ່ ພະນັກງານ-ລັດຖະກອນ ແລະ ນັກສຶກສາຂອງລາວ ໄດ້ມີໂອກາດໄປສຶກສາໃນລະດັບຕ່າງໆ ທີ່ ສ ເກົາຫຼີ ເປັນຈໍານວນຫຼວງຫຼາຍ ພ້ອມທັງໄດ້ສົ່ງຊ່ຽວຊານຂະແໜງການຕ່າງໆ ໂດຍຜ່ານອົງການ KOICA ເພື່ອປະກອບສ່ວນຊ່ວຍພັດທະນາເສດຖະກິດ ແລະ ສັງຄົມ ຂອງ ສປປ ລາວ; ສໍາລັບນັກສຶກສາ ກໍຄືພະນັກງານລາວ ທີ່ເຄີຍໄດ້ຮັບທຶນຈາກລັດຖະບານ ສ ເກົາຫຼີ ທີ່ຮຽນຈົບມາແລ້ວ ໄດ້ນຳໃຊ້ຄວາມຮູ້ ແລະ ທັກສະເຂົ້າໃນການພັດທະນາກົມກອງຂອງຕົນ; ພ້ອມທັງນຳເອົາແບບແຜນວິທີການເຮັດວຽກທີ່ທັນສະໄໝ ລວມທັງວັດທະນະທຳອັນດີງາມຂອງປະເທດເຈົ້າພາບ ມາໝູນໃຊ້ເຂົ້າໃນການພັດ ທະນາເສດຖະກິດ-ສັງຄົມຂອງປະເທດເຮົາ, ເປັນຂົວຕໍ່ເຊື່ອມໂຍງມິດຕະພາບອັນດີງາມ ແລະ ເສີມຂະ ຫຍາຍສາຍພົວພັນລະຫວ່າງສອງລັດຖະບານກໍຄືປະຊາຊົນທັງສອງຊາດໃຫ້ມີຄວາມເຂົ້າອົກເຂົ້າໃຈຍິ່ງຂຶ້ນ.
ທ່ານເອກອັກຄະລັດຖະທູດ ສ ເກົາຫຼີ ຈອງຢອງຊູ ໄດ້ກ່າວວ່າ: ສຳລັບງານຄ່ຳຄືນນີ້ ຖືວ່າເປັນໜຶ່ງ ໃນກິດຈະກຳ ທີ່ຂ້າພະເຈົ້າຈັດຂຶ້ນ ພາຍຫຼັງມາຮັບຕຳແໜ່ງເປັນເອກອັກຄະລັດຖະທູດຢູ່ ສປປ ລາວ ໄດ້ 1 ປີ ກັບ 3 ອາທິດແລ້ວ ແລະ ຍ້ອນມີແນວຄວາມຄິດຢາກເສີມສ້າງການຮ່ວມມືຂອງສອງປະເທດ ສ ເກົາຫຼີ ແລະ ສປປ ລາວ ໃນອະນາຄົດ ໃຫ້ດີຂຶ້ນກວ່າເກົ່າ ເພາະວ່າອະນາຄົດ ເປັນປັດໄຈຕໍ່ເນື່ອງຈາກອະດີດ ແລະ ປັດຈຸບັນ ທັງເປັນໜໍ່ແໜງຂອງອະດີດ-ປັດຈຸບັນ. ເຖິງວ່າສາຍພົວພັນທາງການທູດຂອງສອງປະເທດ ສ ເກົາຫຼີ ແລະ ສປປ ລາວ ຫາກໍ່ສ້າງຂຶ້ນບໍ່ທັນໄດ້ 30 ປີກໍຕາມ, ແຕ່ການພົວພັນຮ່ວມມືຂອງສອງປະເທດ ໄດ້ເຕີບໃຫຍ່ຂະຫຍາຍຕົວຢ່າງວ່ອງໄວ ທຽບເທົ່າກັບບັນດາປະເທດ ອື່ນໆ; ຂ້າພະເຈົ້າເຫັນໄດ້ວ່າການພົວພັນ ແລະ ຮ່ວມມືຂອງສອງປະເທດ ນັບແຕ່ມີການສ້າງຕັ້ງສາຍພົວພັນການທູດ ເປັນຕົ້ນມາ, ມີຫຼາຍຂະແໜງການ ໄດ້ເຕີບໃຫຍ່ຂະຫຍາຍຕົວຢ່າງວ່ອງໄວ ໂດຍໝາກຜົນດັ່ງກ່າວ ໄດ້ມາຈາກການຮ່ວມມືຂອງລັດຖະບານ, ວິສາຫະກິດ ແລະ ປະຊາຊົນຂອງສອງຊາດ. ການສ້າງຕັ້ງສາຍພົວພັນການທູດຂອງສອງປະເທດ ຈະຄົບຮອບ 30 ປີ ໃນປີ 2025, ໂດຍຫວັງວ່າເນື່ອງໃນໂອກາດດັ່ງກ່າວ, ສອງປະເທດ ຈະພ້ອມກັນທົບທວນຜົນງານ ການຮ່ວມມືໃນໄລຍະຜ່ານມາ ແລະ ປຶກສາຫາລືກັນ ກ່ຽວກັບທິດທາງການຮ່ວມມືໃນຕໍ່ໜ້າ. ພ້ອມດຽວກັນນີ້, ພວກເຮົາ ກໍຍັງມີຄວາມມຸ່ງຫວັງ ຢາກຍົກລະດັບສາຍພົວພັນຂອງສອງປະເທດ ຈາກປັດຈຸບັນໄປເປັນ “ສາຍພົວພັນຄູ່ຮ່ວມມືຮອບດ້ານ” ຫຼື “ສາຍພົວພັນຄູ່ຮ່ວມຍຸດທະສາດ”. ໂດຍສະ ເພາະໃນວາລະ ທີ່ ສ ເກົາຫຼີ ແລະ ອາຊຽນ ສ້າງຕັ້ງສາຍພົວພັນຄູ່ຮ່ວມເຈລະຈາ ຄົບຮອບ 35 ປີ ໃນປີໜ້ານີ້, ພວກເຮົາ ໄດ້ມີແຜນຈະຍົກລະດັບສາຍພົວພັນຂອງສອງປະເທດ ເປັນສາຍພົວພັນແບບຄູ່ຮ່ວມຍຸດທະສາດຮອບດ້ານ ໂດຍຫວັງວ່າ ສາຍພົວພັນແບບຄູ່ຮ່ວມຍຸດທະສາດຮອບດ້ານດັ່ງກ່າວ ຈະກາຍເປັນພື້ນ ຖານ ທີ່ດີແຫ່ງການຮ່ວມມືໃນອະນາຄົດ ລະຫວ່າງ ສ ເກົາຫຼີ ແລະ ສປປ ລາວ.
ການລົງທຶນຂອງ ສ ເກົາຫຼີ ຢູ່ໃນ ສປປ ລາວ ກຳລັງຫັນປ່ຽນ ຈາກຂະແໜງການເງິນ ແລະ ການບໍລິການໄປສູ່ການລົງທຶນເຂົ້າໃນຂະແໜງອຸດສາຫະກຳປຸງແຕ່ງທີ່ສາມາດສ້າງວຽກເຮັດງານທໍາເປັນຈຳນວນຫຼາຍໃຫ້ແກ່ຊາວໜຸ່ມລາວ; ຂ້າພະເຈົ້າເອງ ກໍເຄີຍສະເໜີ ຕໍ່ລັດຖະບານລາວວ່າ: ຄວນຊຸກຍູ້ການລົງທຶນຂອງ ສ ເກົາຫຼີ ເຂົ້າມາ ສປປ ລາວ ໃຫ້ຫຼາຍຂຶ້ນ ໂດຍສະເພາະດຶງດູດບໍລິສັດຂະໜາດໃຫຍ່ຂອງ ສ ເກົາຫຼີ ເຂົ້າມາລົງທຶນໃນລາວໃຫ້ຫຼາຍ ສ້າງວຽກເຮັດງານທຳແກ່ຄົນລາວ, ເພີ່ມລາຍຮັບດ້ານພາສີອາກອນແກ່ລັດ ຖະບານ ປະກອບສ່ວນເຂົ້າໃນການພັດທະນາເສດຖະກິດສັງຄົມຂອງ ສປປ ລາວ. ຂ້າພະເຈົ້າຫວັງວ່າ ລັດຖະບານ ແຫ່ງ ສປປ ລາວ ຈະເປີດກວ້າງການລົງທຶນແກ່ບັນດາວິສາຫະກິດຂອງ ສ ເກົາຫຼີ ໂດຍປັບປຸງສິ່ງແວດລ້ອມການລົງທຶນ ແລະ ສ້າງນະໂຍບາຍສົ່ງເສີມການລົງທຶນໃຫ້ດີຂຶ້ນກວ່າເກົ່າ.
(ຂ່າວ: ຣັດສະໝີ ດວງສັດຈະ)
ຈຸດປະສົງຂອງງານໃນຄັ້ງນີ້ ກໍເພື່ອເປັນການເສີມສ້າງການຮ່ວມມື ຂອງສອງປະເທດ ສປປ ລາວ ແລະ ສ ເກົາຫຼີ ໃຫ້ດີຍິ່ງຂຶ້ນກວ່າເກົ່າ ແລະ ທັງເປັນການພົບປະສ້າງສັນກັບບັນດາອະດີດນັກສຶກສາລາວ ທີ່ເຄີຍໄດ້ຮັບທຶນຮຽນຢູ່ ສ ເກົາຫຼີ ໃນໄລຍະຜ່ານມາ ເພື່ອຊຸກຍູ້ໃຫ້ເຂົາເຈົ້າປະກອບສ່ວນເຂົ້າໃນການພົວພັນ ແລະ ຮ່ວມມື ໃຫ້ກາຍເປັນຂົວຕໍ່ ທີ່ສຳຄັນໃນການເສີມຂະຫຍາຍການຮ່ວມມື ຂອງສອງປະເທດ.
ໃນໂອກາດນີ້, ທ່ານ ພຸດ ສີມມາລາວົງ ໄດ້ສະແດງຄວາມຮູ້ບຸນຄຸນ ມາຍັງສະຖານເອກອັກຄະລັດຖະທູດ ສ ເກົາຫຼີ ປະຈຳ ສປປ ລາວ ກໍຄືລັດຖະບານ ສ ເກົາຫຼີ ທີ່ຍາມໃດກໍໃຫ້ຄວາມສໍາຄັນ ຕໍ່ການພັດທະນາຊັບພະຍາກອນມະນຸດ ຂອງ ສປປ ລາວ ໂດຍໄດ້ມອບທຶນການສຶກສາທັງໃນໄລຍະສັ້ນ, ໄລຍະຍາວ ແລະ ທຶນຝຶກອົບຮົມໃຫ້ແກ່ ພະນັກງານ-ລັດຖະກອນ ແລະ ນັກສຶກສາຂອງລາວ ໄດ້ມີໂອກາດໄປສຶກສາໃນລະດັບຕ່າງໆ ທີ່ ສ ເກົາຫຼີ ເປັນຈໍານວນຫຼວງຫຼາຍ ພ້ອມທັງໄດ້ສົ່ງຊ່ຽວຊານຂະແໜງການຕ່າງໆ ໂດຍຜ່ານອົງການ KOICA ເພື່ອປະກອບສ່ວນຊ່ວຍພັດທະນາເສດຖະກິດ ແລະ ສັງຄົມ ຂອງ ສປປ ລາວ; ສໍາລັບນັກສຶກສາ ກໍຄືພະນັກງານລາວ ທີ່ເຄີຍໄດ້ຮັບທຶນຈາກລັດຖະບານ ສ ເກົາຫຼີ ທີ່ຮຽນຈົບມາແລ້ວ ໄດ້ນຳໃຊ້ຄວາມຮູ້ ແລະ ທັກສະເຂົ້າໃນການພັດທະນາກົມກອງຂອງຕົນ; ພ້ອມທັງນຳເອົາແບບແຜນວິທີການເຮັດວຽກທີ່ທັນສະໄໝ ລວມທັງວັດທະນະທຳອັນດີງາມຂອງປະເທດເຈົ້າພາບ ມາໝູນໃຊ້ເຂົ້າໃນການພັດ ທະນາເສດຖະກິດ-ສັງຄົມຂອງປະເທດເຮົາ, ເປັນຂົວຕໍ່ເຊື່ອມໂຍງມິດຕະພາບອັນດີງາມ ແລະ ເສີມຂະ ຫຍາຍສາຍພົວພັນລະຫວ່າງສອງລັດຖະບານກໍຄືປະຊາຊົນທັງສອງຊາດໃຫ້ມີຄວາມເຂົ້າອົກເຂົ້າໃຈຍິ່ງຂຶ້ນ.
ທ່ານເອກອັກຄະລັດຖະທູດ ສ ເກົາຫຼີ ຈອງຢອງຊູ ໄດ້ກ່າວວ່າ: ສຳລັບງານຄ່ຳຄືນນີ້ ຖືວ່າເປັນໜຶ່ງ ໃນກິດຈະກຳ ທີ່ຂ້າພະເຈົ້າຈັດຂຶ້ນ ພາຍຫຼັງມາຮັບຕຳແໜ່ງເປັນເອກອັກຄະລັດຖະທູດຢູ່ ສປປ ລາວ ໄດ້ 1 ປີ ກັບ 3 ອາທິດແລ້ວ ແລະ ຍ້ອນມີແນວຄວາມຄິດຢາກເສີມສ້າງການຮ່ວມມືຂອງສອງປະເທດ ສ ເກົາຫຼີ ແລະ ສປປ ລາວ ໃນອະນາຄົດ ໃຫ້ດີຂຶ້ນກວ່າເກົ່າ ເພາະວ່າອະນາຄົດ ເປັນປັດໄຈຕໍ່ເນື່ອງຈາກອະດີດ ແລະ ປັດຈຸບັນ ທັງເປັນໜໍ່ແໜງຂອງອະດີດ-ປັດຈຸບັນ. ເຖິງວ່າສາຍພົວພັນທາງການທູດຂອງສອງປະເທດ ສ ເກົາຫຼີ ແລະ ສປປ ລາວ ຫາກໍ່ສ້າງຂຶ້ນບໍ່ທັນໄດ້ 30 ປີກໍຕາມ, ແຕ່ການພົວພັນຮ່ວມມືຂອງສອງປະເທດ ໄດ້ເຕີບໃຫຍ່ຂະຫຍາຍຕົວຢ່າງວ່ອງໄວ ທຽບເທົ່າກັບບັນດາປະເທດ ອື່ນໆ; ຂ້າພະເຈົ້າເຫັນໄດ້ວ່າການພົວພັນ ແລະ ຮ່ວມມືຂອງສອງປະເທດ ນັບແຕ່ມີການສ້າງຕັ້ງສາຍພົວພັນການທູດ ເປັນຕົ້ນມາ, ມີຫຼາຍຂະແໜງການ ໄດ້ເຕີບໃຫຍ່ຂະຫຍາຍຕົວຢ່າງວ່ອງໄວ ໂດຍໝາກຜົນດັ່ງກ່າວ ໄດ້ມາຈາກການຮ່ວມມືຂອງລັດຖະບານ, ວິສາຫະກິດ ແລະ ປະຊາຊົນຂອງສອງຊາດ. ການສ້າງຕັ້ງສາຍພົວພັນການທູດຂອງສອງປະເທດ ຈະຄົບຮອບ 30 ປີ ໃນປີ 2025, ໂດຍຫວັງວ່າເນື່ອງໃນໂອກາດດັ່ງກ່າວ, ສອງປະເທດ ຈະພ້ອມກັນທົບທວນຜົນງານ ການຮ່ວມມືໃນໄລຍະຜ່ານມາ ແລະ ປຶກສາຫາລືກັນ ກ່ຽວກັບທິດທາງການຮ່ວມມືໃນຕໍ່ໜ້າ. ພ້ອມດຽວກັນນີ້, ພວກເຮົາ ກໍຍັງມີຄວາມມຸ່ງຫວັງ ຢາກຍົກລະດັບສາຍພົວພັນຂອງສອງປະເທດ ຈາກປັດຈຸບັນໄປເປັນ “ສາຍພົວພັນຄູ່ຮ່ວມມືຮອບດ້ານ” ຫຼື “ສາຍພົວພັນຄູ່ຮ່ວມຍຸດທະສາດ”. ໂດຍສະ ເພາະໃນວາລະ ທີ່ ສ ເກົາຫຼີ ແລະ ອາຊຽນ ສ້າງຕັ້ງສາຍພົວພັນຄູ່ຮ່ວມເຈລະຈາ ຄົບຮອບ 35 ປີ ໃນປີໜ້ານີ້, ພວກເຮົາ ໄດ້ມີແຜນຈະຍົກລະດັບສາຍພົວພັນຂອງສອງປະເທດ ເປັນສາຍພົວພັນແບບຄູ່ຮ່ວມຍຸດທະສາດຮອບດ້ານ ໂດຍຫວັງວ່າ ສາຍພົວພັນແບບຄູ່ຮ່ວມຍຸດທະສາດຮອບດ້ານດັ່ງກ່າວ ຈະກາຍເປັນພື້ນ ຖານ ທີ່ດີແຫ່ງການຮ່ວມມືໃນອະນາຄົດ ລະຫວ່າງ ສ ເກົາຫຼີ ແລະ ສປປ ລາວ.
ການລົງທຶນຂອງ ສ ເກົາຫຼີ ຢູ່ໃນ ສປປ ລາວ ກຳລັງຫັນປ່ຽນ ຈາກຂະແໜງການເງິນ ແລະ ການບໍລິການໄປສູ່ການລົງທຶນເຂົ້າໃນຂະແໜງອຸດສາຫະກຳປຸງແຕ່ງທີ່ສາມາດສ້າງວຽກເຮັດງານທໍາເປັນຈຳນວນຫຼາຍໃຫ້ແກ່ຊາວໜຸ່ມລາວ; ຂ້າພະເຈົ້າເອງ ກໍເຄີຍສະເໜີ ຕໍ່ລັດຖະບານລາວວ່າ: ຄວນຊຸກຍູ້ການລົງທຶນຂອງ ສ ເກົາຫຼີ ເຂົ້າມາ ສປປ ລາວ ໃຫ້ຫຼາຍຂຶ້ນ ໂດຍສະເພາະດຶງດູດບໍລິສັດຂະໜາດໃຫຍ່ຂອງ ສ ເກົາຫຼີ ເຂົ້າມາລົງທຶນໃນລາວໃຫ້ຫຼາຍ ສ້າງວຽກເຮັດງານທຳແກ່ຄົນລາວ, ເພີ່ມລາຍຮັບດ້ານພາສີອາກອນແກ່ລັດ ຖະບານ ປະກອບສ່ວນເຂົ້າໃນການພັດທະນາເສດຖະກິດສັງຄົມຂອງ ສປປ ລາວ. ຂ້າພະເຈົ້າຫວັງວ່າ ລັດຖະບານ ແຫ່ງ ສປປ ລາວ ຈະເປີດກວ້າງການລົງທຶນແກ່ບັນດາວິສາຫະກິດຂອງ ສ ເກົາຫຼີ ໂດຍປັບປຸງສິ່ງແວດລ້ອມການລົງທຶນ ແລະ ສ້າງນະໂຍບາຍສົ່ງເສີມການລົງທຶນໃຫ້ດີຂຶ້ນກວ່າເກົ່າ.
(ຂ່າວ: ຣັດສະໝີ ດວງສັດຈະ)
