ວິທະຍຸກະຈາຍສຽງຫວຽດນາມລາຍງານວ່າ: ເມື່ອບໍ່ດົນມານີ້, ທ່ານ ຟູມິໂອະ ກິຊິດະ ນາຍົກລັດຖະມົນຕີ ຍີ່ປຸ່ນ ໃຫ້ຮູ້ວ່າ: ລັດຖະບານ ຍີ່ປຸ່ນ ຈະໃຊ້ງົບປະມານຫຼາຍກວ່າ 17.000 ຕື້ເຢນ (113 ຕື້ໂດລາ) ເພື່ອຫຼຸດຜ່ອນຜົນກະທົບດ້ານເສດຖະກິດຈາກໄພເງິນເຟີ້ທີ່ເພີ່ມຂຶ້ນ ຊຶ່ງລວມມີການຫຼຸດຜ່ອນພາສີ.

ທ່ານ ຟູມິໂອະ ກິຊິດະ ກ່າວວ່າ: ຊຸດເສດຖະກິດນີ້ ຈະລວມເອົາເງິນອຸດໜູນເພື່ອຈຳກັດຜົນກະທົບຈາກລາຄານ້ຳມັນເຊື້ອໄຟທີ່ເພີ່ມຂຶ້ນ ແລະ ບັນດາຄ່າໃຊ້ສອຍຕ່າງໆ; ການຫຼຸດຜ່ອນພາສີລາຍໄດ້ ແລະ ພາສີທີ່ຢູ່ອາໄສ ເປັນການຊົ່ວຄາວ. ເພື່ອສະໜອງທຶນສ່ວນໜຶ່ງຂອງຊຸດໃຊ້ຈ່າຍນີ້, ລັດຖະບານ ຈະກະກຽມງົບປະມານເພີ່ມອີກ 13.100 ຕື້ເຢນໃນປີງົບປະມານປັດຈຸບັນ.