ວິທະຍຸກະຈາຍສຽງຫວຽດນາມລາຍງານວ່າ: ປະທານທະນາຄານສູນກາງເອີຣົບ (ECB) ເຊື່ອໝັ້ນວ່າ: ອາດສາມາດນຳໄພເງິນເຟີ້ຫຼຸດລົງຕ່ຳກວ່າ 2% ໃນປີ 2025. ໃນການຕອບສຳພາດຕໍ່ນັກຂ່າວໜັງສືພິມ Kathimerini ຂອງ ເກຣັກ, ທ່ານນາງ ຄຣິສຕິນ ລາກາດ ປະທານ ECB ເນັ້ນໜັກວ່າ: ເອີຣົບ ຕັດສິນໃຈນຳອັດຕາໄພເງິນເຟີ້ໃຫ້ຢູ່ໃນລະດັບຕ່ຳກວ່າ 2%. ຕາມການຄາດຄະເນໃນປັດຈຸບັນ, ເອີຣົບ ຈະບັນລຸໄດ້ເປົ້າໝາຍນີ້ໃນປີ 2025.

ຂ່າວລະບຸວ່າ: ທ່ານນາງ ຄຣິສຕິນ ລາກາດ ກ່າວວ່າ: ທ່ານບໍ່ເປັນຫ່ວງຕໍ່ຄວາມພະຍາຍາມຂອງທະນາຄານຈະຖືກຜົນກະທົບຈາກບັນດາປັດໄຈການເມືອງ. ທ່ານຢັ້ງຢືນວ່າໜ້າທີ່ຂອງ ECB ແມ່ນຮັບປະກັນໃຫ້ລາຄາເປັນປົກກະຕິ, ແລະ ນັ້ນແມ່ນວິທີປະກອບສ່ວນດີທີ່ສຸດແກ່ສັນຕິພາບ, ສະຖຽນລະພາບສັງຄົມ, ພິເສດແມ່ນສຳລັບບັນດາປະເທດສະມາຊິກທີ່ມີຄວາມສ່ຽງສູງ.

ECB ໄດ້ຢຸດຕິຊົ່ວຄາວການເພີ່ມອັດຕາດອກເບ້ຍແບບບໍ່ເຄີຍມີມາກ່ອນ ເພື່ອຄວບຄຸມໄພເງິນເຟີ້.