ແຂວງຊຽງຂວາງເປັນແຂວງໜຶ່ງທີ່ໄດ້ຮັບຜົນກະທົບຈາກລູກລະເບີດໃນສົງຄາມອິນດູຈີນ(ປີ1964-1973)ຢ່າງໜັກໜ່ວງທີ່ສຸດ. ເລີ່ມແຕ່ປີ 1994 ມາເຖິງປັດຈຸບັນສາມາດກວດກູ້ລະເບີດອອກຈາກພື້ນທີ່ທຳການຜະລິດ ແລະ ພື້ນທີ່ພັດທະນາຕ່າງໆຂອງແຂວງໄດ້ 18.805 ເຮັກຕາ ເທົ່າກັບ 1,15% ຂອງເນື້ອທີ່ໃນທົ່ວແຂວງ.
ຄະນະກຳມະການ ແຫ່ງຊາດ ເພື່ອແກ້ໄຂບັນຫາລະເບີດບໍ່ທັນແຕກ(ຄຊກລ) ຮ່ວມກັບອົງການສະຫະປະຊາຊາດ ເພື່ອການພັດທະນາ(UNDP) ໄດ້ຈັດກອງປະຊຸມພົບປະກັບ ບັນດາທູຕານຸທູດ, ອົງການຈັດຕັ້ງສາກົນ ແລະ ຜູ້ຕາງໜ້າຈາກລັດຖະບານທີ່ໃຫ້ທຶນ ເຊັ່ນ: ການາດາ, ອຽກລັງ, ຍີ່ປຸ່ນ, ສ ເກົາຫຼີ, ລຸກຊຳບວກ, ນູແວນເຊລັງ ແລະ ສະຫະລັດອາເມຣິກາຂຶ້ນ ໃນວັນທີ 8 ພະຈິກນີ້ທີ່ໂຮງແຮມອະນຸລັກແຄນລາວ ແຂວງຊຽງຂວາງ ໂດຍໃຫ້ກຽດເປັນປະທານຂອງທ່ານ ສີວິໄລ ແສງຈະເລີນ ຮອງເຈົ້າແຂວງຊຽງຂວາງ ປະທານຄະນະກຳມະການເພື່ອແກ້ໄຂບັນຫາລະເບີດບໍ່ທັນແຕກ (ລບຕ) ແລະ ທ່ານ ໂພໄຊ ໄຂຄຳພິທູນ ຮອງລັດຖະມົນຕີ ກະຊວງການຕ່າງປະເທດ, ມີທ່ານປະເດີມພອນ ສົນທະນີ ຮອງລັດຖະມົນຕີກະຊວງແຮງງານ ແລະສະຫວັດດີການສັງຄົມ ຮອງປະທານຜູ້ປະຈຳການ ຄຊກລ, ມີຕົວແທນຈາກກະຊວງກ່ຽວຂ້ອງເຂົ້າຮ່ວມ.
ທ່ານ ສີວິໄລ ແສງຈະເລີນລາຍງານວ່າ: ພາຍຫຼັງສົງຄາມສິ້ນສຸດລົງ, ລະເບີດບໍ່ທັນແຕກຍັງສືບຕໍ່ທຳລາຍຊີວິດຂອງປະຊາຊົນລາວບັນດາເຜົ່າຕະຫຼອດມາ ແລະ ຍັງເປັນອຸປະສັກກີດຂວາງ ຢ່າງໃຫຍ່ຫຼວງຕໍ່ການພັດທະນາເສດຖະກິດ-ສັງຄົມ ແລະ ການດຳລົງຊີວິດຂອງປະຊາຊົນຕະຫຼອດມາ ຊຶ່ງໃນແຕ່ປີຍັງມີປະຊາຊົນ ໄດ້ຖືກອຸບັດເຫດຈາກລະເບີດບໍ່ທັນແຕກຕະຫຼອດມາ, ສະເພາະໃນປີ 2023 ມີ 8 ກໍລະນີ, ມີຜູ້ຮັບເຄາະຮ້າຍຈໍານວນ 15 ຄົນ, ເສຍຊີວິດ 5 ຄົນ, ເຮັດໃຫ້ປະຊາຊົນຍັງມີຄວາມຢ້ານກົວ ແລະ ບໍ່ໝັ້ນໃຈທີ່ຈະນໍາໃຊ້ດິນເຂົ້າໃນການທໍາການຜະລິດ ເນື່ອງຈາກວ່າພື້ນທີ່ສ່ວນຫຼາຍແມ່ນຍັງມີລະເບີດບໍ່ທັນແຕກ ຕົກຄ້າງ ແລະບໍ່ມີຄວາມປອດໄພ.
ຕະຫຼອດໄລຍະຫຼາຍປີຜ່ານມາແຂວງຊຽງຂວາງ ໄດ້ສຸມໃສ່ຈັດຕັ້ງປະຕິບັດວຽກງານແກ້ໄຂບັນຫາລະເບີດບໍ່ທັນແຕກທີ່ຕົກຄ້າງຢ່າງຕໍ່ເນື່ອງ ໂດຍສຸມໃສ່ສາມຄາດໝາຍບຸລິມະສິດຕົ້ນຕໍຄື: ການໂຄສະນາຄວາມສ່ຽງໄພ ຈາກລະເບີດທີ່ບໍ່ທັນແຕກ ໃນພື້ນທີ່ຊຸມຊົນຕ່າງໆ; ການສໍາຫຼວດ ແລະ ກວດກູ້ລະເບີດອອກຈາກພື້ນທີ່ທຳການຜະລິດ ຂອງປະຊາຊົນ ແລະ ພື້ນທີ່ພັດທະນາທີ່ຈຳເປັນຂອງແຂວງ ແລະ ການຊ່ວຍເຫຼືອຜູ້ຖືກເຄາະຮ້າຍຈາກລະເບີດທີ່ບໍ່ທັນແຕກ ຊຶ່ງໄດ້ຮັບການສະໜັບສະໜູນຈາກບັນດາປະເທດຜູ້ໃຫ້ທຶນ ແລະ ອົງການຈັດຕັ້ງສາກົນ ທີ່ເປັນຄູ່ຮ່ວມພັດທະນາຕ່າງໆ ໂດຍເລີ່ມຈັດຕັ້ງປະຕິບັດແຕ່ປີ 1994 ເປັນຕົ້ນມາ ມາເຖິງປັດຈຸບັນສາມາດກວດກູ້ລະເບີດອອກຈາກພື້ນທີ່ທຳການຜະລິດ ແລະ ພື້ນທີ່ພັດທະນາຕ່າງໆຂອງແຂວງໄດ້ 18.805 ເຮັກຕາ ເທົ່າກັບ 1,15% ຂອງເນື້ອທີ່ໃນທົ່ວແຂວງ, ສາມາດທໍາລາຍລະເບີດບໍ່ທັນແຕກໄດ້ທັງໝົດ 599.992 ໜ່ວຍ.ໃນນີ້, ມີໂບ່ມບີ່ 370.715 ໜ່ວຍ, ໂບ່ມໃຫຍ່ 530 ໜ່ວຍ, ມິ່ນ 280 ໜ່ວຍ ແລະ ສໍາພາວຸດອື່ນໆ ໄດ້ທັງ ໝົດ 228.467 ໜ່ວຍ ຊຶ່ງຂໍ້ມູນການຖິ້ມລະເບີດລູກຫວ່ານ ມີປະມານ 42.103.689 ລ້ານໜ່ວຍ. ໃນນັ້ນ, ມີລະເບີດທີ່ບໍ່ທັນແຕກກວມ 30% ມີປະມານ 12.630.000 ກວ່າໜ່ວຍ. ໃນປັດຈຸບັນ ຍັງສືບຕໍ່ຈັດຕັ້ງປະຕິບັດໂຄງການສຳຫຼວດ ແລະ ກວດກູ້ລະເບີດ ຢູ່ບັນດາເມືອງຂອງແຂວງຊຽງຂວາງ ໂດຍໄດ້ຮັບການສະໜັບສະໜູນທຶນຈາກລັດຖະບານ ສະຫະລັດອາເມຣິກາ, ລັດຖະບານນີວຊີແລນ, ລັດຖະບານຍີປຸ່ນ ແລະ ບັນດາປະເທດຄູ່ຮ່ວມພັດທະນາ ຈໍານວນໜຶ່ງ ໂດຍແມ່ນໂຄງການເກັບກູ້ລະເບີດແຫ່ງຊາດສາຂາແຂວງຊຽງຂວາງ, ອົງການເກັບກູ້ລະເບີດແມັກ, ອົງການເຈມັດ, ອົງການກອຍກາ, ອົງການເທີຣາ ແລະ ສະມາຄົມຄີວລ່າເປັນຜູ້ຈັດຕັ້ງປະຕິບັດ. ການຊ່ວຍເຫຼືອດັ່ງກ່າວ ເປັນການປະກອບສ່ວນທີ່ສໍາຄັນເຂົ້າໃນວຽກງານມະນຸດສະທຳ ກໍຄືການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ຂອງແຂວງຊຽງຂວາງໃນແຕ່ລະໄລຍະ ໂດຍສະເພາະແມ່ນການປະຕິບັດເປົ້າໝາຍການພັດທະນາແບບຍືນຍົງ (SDG 18) ຂອງລັດຖະບານ.
ໃນໂອກາດນີ້, ທ່ານຮອງເຈົ້າແຂວງຊຽງຂວາງ ໄດ້ສະແດງຄວາມຂອບໃຈ ຢ່າງຈິງໃຈ ມາຍັງອົງການສະຫະປະຊາຊາດ ເພື່ອການພັດທະນາ ປະຈຳ ສປປ ລາວ, ບັນດາທູດປະເທດຕ່າງໆ ແລະ ຜ່ານທ່ານໄປຍັງຜູ້ໃຫ້ທຶນຕ່າງໆ ທີ່ໄດ້ເຫັນຄວາມສຳຄັນ ແລະ ເປັນຫ່ວງເປັນໃຍ ຊຶ່ງຍາມໃດກໍໄດ້ເປັນຄູ່ຮ່ວມງານທີ່ດີ, ເອົາໃຈໃສ່ຊອກຫາທຶນມາຊ່ວຍເຫຼືອ ແຂວງຊຽງຂວາງ ຕະຫຼອດມາ ແລະ ຫວັງຢ່າງຍິ່ງວ່າ ຈະສືບຕໍ່ສະໜັບສະໜູນຊ່ວຍເຫຼືອແຂວງຊຽງຂວາງໃນຕໍ່ໜ້າ. ທັງນີ້ ກໍເພາະວ່າການຈັດຕັ້ງປະຕິບັດວຽກງານດັ່ງກ່າວ ຕ້ອງໄດ້ໃຊ້ເວລາຍາວນານ ແລະ ນໍາໃຊ້ງົບປະມານຫຼວງຫຼາຍ ຊຶ່ງໃນແຕ່ລະປີມີຄວາມຕ້ອງການກວດກູ້ລະເບີດ ອອກຈາກພື້ນທີ່ທຳການຜະລິດຂອງປະຊາຊົນ ແລະ ພື້ນທີ່ພັດທະນາຕ່າງໆຂອງແຂວງຢ່າງຫຼວງຫຼາຍ.
(ຂ່າວ-ພາບ: ວັນເພັງ)
ຄະນະກຳມະການ ແຫ່ງຊາດ ເພື່ອແກ້ໄຂບັນຫາລະເບີດບໍ່ທັນແຕກ(ຄຊກລ) ຮ່ວມກັບອົງການສະຫະປະຊາຊາດ ເພື່ອການພັດທະນາ(UNDP) ໄດ້ຈັດກອງປະຊຸມພົບປະກັບ ບັນດາທູຕານຸທູດ, ອົງການຈັດຕັ້ງສາກົນ ແລະ ຜູ້ຕາງໜ້າຈາກລັດຖະບານທີ່ໃຫ້ທຶນ ເຊັ່ນ: ການາດາ, ອຽກລັງ, ຍີ່ປຸ່ນ, ສ ເກົາຫຼີ, ລຸກຊຳບວກ, ນູແວນເຊລັງ ແລະ ສະຫະລັດອາເມຣິກາຂຶ້ນ ໃນວັນທີ 8 ພະຈິກນີ້ທີ່ໂຮງແຮມອະນຸລັກແຄນລາວ ແຂວງຊຽງຂວາງ ໂດຍໃຫ້ກຽດເປັນປະທານຂອງທ່ານ ສີວິໄລ ແສງຈະເລີນ ຮອງເຈົ້າແຂວງຊຽງຂວາງ ປະທານຄະນະກຳມະການເພື່ອແກ້ໄຂບັນຫາລະເບີດບໍ່ທັນແຕກ (ລບຕ) ແລະ ທ່ານ ໂພໄຊ ໄຂຄຳພິທູນ ຮອງລັດຖະມົນຕີ ກະຊວງການຕ່າງປະເທດ, ມີທ່ານປະເດີມພອນ ສົນທະນີ ຮອງລັດຖະມົນຕີກະຊວງແຮງງານ ແລະສະຫວັດດີການສັງຄົມ ຮອງປະທານຜູ້ປະຈຳການ ຄຊກລ, ມີຕົວແທນຈາກກະຊວງກ່ຽວຂ້ອງເຂົ້າຮ່ວມ.
ທ່ານ ສີວິໄລ ແສງຈະເລີນລາຍງານວ່າ: ພາຍຫຼັງສົງຄາມສິ້ນສຸດລົງ, ລະເບີດບໍ່ທັນແຕກຍັງສືບຕໍ່ທຳລາຍຊີວິດຂອງປະຊາຊົນລາວບັນດາເຜົ່າຕະຫຼອດມາ ແລະ ຍັງເປັນອຸປະສັກກີດຂວາງ ຢ່າງໃຫຍ່ຫຼວງຕໍ່ການພັດທະນາເສດຖະກິດ-ສັງຄົມ ແລະ ການດຳລົງຊີວິດຂອງປະຊາຊົນຕະຫຼອດມາ ຊຶ່ງໃນແຕ່ປີຍັງມີປະຊາຊົນ ໄດ້ຖືກອຸບັດເຫດຈາກລະເບີດບໍ່ທັນແຕກຕະຫຼອດມາ, ສະເພາະໃນປີ 2023 ມີ 8 ກໍລະນີ, ມີຜູ້ຮັບເຄາະຮ້າຍຈໍານວນ 15 ຄົນ, ເສຍຊີວິດ 5 ຄົນ, ເຮັດໃຫ້ປະຊາຊົນຍັງມີຄວາມຢ້ານກົວ ແລະ ບໍ່ໝັ້ນໃຈທີ່ຈະນໍາໃຊ້ດິນເຂົ້າໃນການທໍາການຜະລິດ ເນື່ອງຈາກວ່າພື້ນທີ່ສ່ວນຫຼາຍແມ່ນຍັງມີລະເບີດບໍ່ທັນແຕກ ຕົກຄ້າງ ແລະບໍ່ມີຄວາມປອດໄພ.
ຕະຫຼອດໄລຍະຫຼາຍປີຜ່ານມາແຂວງຊຽງຂວາງ ໄດ້ສຸມໃສ່ຈັດຕັ້ງປະຕິບັດວຽກງານແກ້ໄຂບັນຫາລະເບີດບໍ່ທັນແຕກທີ່ຕົກຄ້າງຢ່າງຕໍ່ເນື່ອງ ໂດຍສຸມໃສ່ສາມຄາດໝາຍບຸລິມະສິດຕົ້ນຕໍຄື: ການໂຄສະນາຄວາມສ່ຽງໄພ ຈາກລະເບີດທີ່ບໍ່ທັນແຕກ ໃນພື້ນທີ່ຊຸມຊົນຕ່າງໆ; ການສໍາຫຼວດ ແລະ ກວດກູ້ລະເບີດອອກຈາກພື້ນທີ່ທຳການຜະລິດ ຂອງປະຊາຊົນ ແລະ ພື້ນທີ່ພັດທະນາທີ່ຈຳເປັນຂອງແຂວງ ແລະ ການຊ່ວຍເຫຼືອຜູ້ຖືກເຄາະຮ້າຍຈາກລະເບີດທີ່ບໍ່ທັນແຕກ ຊຶ່ງໄດ້ຮັບການສະໜັບສະໜູນຈາກບັນດາປະເທດຜູ້ໃຫ້ທຶນ ແລະ ອົງການຈັດຕັ້ງສາກົນ ທີ່ເປັນຄູ່ຮ່ວມພັດທະນາຕ່າງໆ ໂດຍເລີ່ມຈັດຕັ້ງປະຕິບັດແຕ່ປີ 1994 ເປັນຕົ້ນມາ ມາເຖິງປັດຈຸບັນສາມາດກວດກູ້ລະເບີດອອກຈາກພື້ນທີ່ທຳການຜະລິດ ແລະ ພື້ນທີ່ພັດທະນາຕ່າງໆຂອງແຂວງໄດ້ 18.805 ເຮັກຕາ ເທົ່າກັບ 1,15% ຂອງເນື້ອທີ່ໃນທົ່ວແຂວງ, ສາມາດທໍາລາຍລະເບີດບໍ່ທັນແຕກໄດ້ທັງໝົດ 599.992 ໜ່ວຍ.ໃນນີ້, ມີໂບ່ມບີ່ 370.715 ໜ່ວຍ, ໂບ່ມໃຫຍ່ 530 ໜ່ວຍ, ມິ່ນ 280 ໜ່ວຍ ແລະ ສໍາພາວຸດອື່ນໆ ໄດ້ທັງ ໝົດ 228.467 ໜ່ວຍ ຊຶ່ງຂໍ້ມູນການຖິ້ມລະເບີດລູກຫວ່ານ ມີປະມານ 42.103.689 ລ້ານໜ່ວຍ. ໃນນັ້ນ, ມີລະເບີດທີ່ບໍ່ທັນແຕກກວມ 30% ມີປະມານ 12.630.000 ກວ່າໜ່ວຍ. ໃນປັດຈຸບັນ ຍັງສືບຕໍ່ຈັດຕັ້ງປະຕິບັດໂຄງການສຳຫຼວດ ແລະ ກວດກູ້ລະເບີດ ຢູ່ບັນດາເມືອງຂອງແຂວງຊຽງຂວາງ ໂດຍໄດ້ຮັບການສະໜັບສະໜູນທຶນຈາກລັດຖະບານ ສະຫະລັດອາເມຣິກາ, ລັດຖະບານນີວຊີແລນ, ລັດຖະບານຍີປຸ່ນ ແລະ ບັນດາປະເທດຄູ່ຮ່ວມພັດທະນາ ຈໍານວນໜຶ່ງ ໂດຍແມ່ນໂຄງການເກັບກູ້ລະເບີດແຫ່ງຊາດສາຂາແຂວງຊຽງຂວາງ, ອົງການເກັບກູ້ລະເບີດແມັກ, ອົງການເຈມັດ, ອົງການກອຍກາ, ອົງການເທີຣາ ແລະ ສະມາຄົມຄີວລ່າເປັນຜູ້ຈັດຕັ້ງປະຕິບັດ. ການຊ່ວຍເຫຼືອດັ່ງກ່າວ ເປັນການປະກອບສ່ວນທີ່ສໍາຄັນເຂົ້າໃນວຽກງານມະນຸດສະທຳ ກໍຄືການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ຂອງແຂວງຊຽງຂວາງໃນແຕ່ລະໄລຍະ ໂດຍສະເພາະແມ່ນການປະຕິບັດເປົ້າໝາຍການພັດທະນາແບບຍືນຍົງ (SDG 18) ຂອງລັດຖະບານ.
ໃນໂອກາດນີ້, ທ່ານຮອງເຈົ້າແຂວງຊຽງຂວາງ ໄດ້ສະແດງຄວາມຂອບໃຈ ຢ່າງຈິງໃຈ ມາຍັງອົງການສະຫະປະຊາຊາດ ເພື່ອການພັດທະນາ ປະຈຳ ສປປ ລາວ, ບັນດາທູດປະເທດຕ່າງໆ ແລະ ຜ່ານທ່ານໄປຍັງຜູ້ໃຫ້ທຶນຕ່າງໆ ທີ່ໄດ້ເຫັນຄວາມສຳຄັນ ແລະ ເປັນຫ່ວງເປັນໃຍ ຊຶ່ງຍາມໃດກໍໄດ້ເປັນຄູ່ຮ່ວມງານທີ່ດີ, ເອົາໃຈໃສ່ຊອກຫາທຶນມາຊ່ວຍເຫຼືອ ແຂວງຊຽງຂວາງ ຕະຫຼອດມາ ແລະ ຫວັງຢ່າງຍິ່ງວ່າ ຈະສືບຕໍ່ສະໜັບສະໜູນຊ່ວຍເຫຼືອແຂວງຊຽງຂວາງໃນຕໍ່ໜ້າ. ທັງນີ້ ກໍເພາະວ່າການຈັດຕັ້ງປະຕິບັດວຽກງານດັ່ງກ່າວ ຕ້ອງໄດ້ໃຊ້ເວລາຍາວນານ ແລະ ນໍາໃຊ້ງົບປະມານຫຼວງຫຼາຍ ຊຶ່ງໃນແຕ່ລະປີມີຄວາມຕ້ອງການກວດກູ້ລະເບີດ ອອກຈາກພື້ນທີ່ທຳການຜະລິດຂອງປະຊາຊົນ ແລະ ພື້ນທີ່ພັດທະນາຕ່າງໆຂອງແຂວງຢ່າງຫຼວງຫຼາຍ.
(ຂ່າວ-ພາບ: ວັນເພັງ)
