ວິທະຍຸກະຈາຍສຽງຫວຽດນາມລາຍງານວ່າ: ຕາມບົດລາຍງານເສດຖະກິດດີຈີຕອນ ອາຊີຕາເວັນ ອອກສ່ຽງໃຕ້ (e-Conomy SEA report) 2023 ໂດຍ Google, Temasek ແລະ Bain & Company ປະກາດເມື່ອບໍ່ດົນຜ່ານມາ ໄດ້ອັບເດດທ່າອ່ຽງເສດຖະກິດດີຈີຕອນ ຂອງ 6 ປະເທດ, ລວມມີ: ອິນໂດເນເຊຍ, ມາເລເຊຍ, ຟີລິບປິນ, ສິງກະໂປ, ໄທ ແລະ ຫວຽດນາມ.

ຂ່າວລະບຸວ່າ: ຕາມບົດລາຍງານ, ຫວຽດນາມ ສືບຕໍ່ແມ່ນປະເທດທີ່ມີລະດັບການເຕີບໂຕໄວທີ່ສຸດໃນພາກພື້ນເປັນເວລາ 2 ປີລຽນຕິດ (2022 ແລະ 2023) ແລະ ໄດ້ຮັບການຄາດຄະເນຈະສືບຕໍ່ຮັກສາທີ່ຕັ້ງດັ່ງກ່າວໃນປີ 2025. ລະອຽດແມ່ນ, ຫວຽດນາມ ມີລະດັບເຕີບໂຕຄວບຄູ່ 19% ແລະ ຄາດຄະເນວ່າຈະສືບຕໍ່ຮັກສາໂຕເລກນີ້ໃນປີ 2025. ຍອດມູນຄ່າສິນຄ້າຂອງ ຫວຽດນາມ ຄາດວ່າບັນລຸອັດຕາການເຕີບໂຕຄວບຄູ່ແຕ່ລະປີ (CAGR), ຈາກ 30 ຕື້ໂດລາ ໃນປີ 2023 ຂຶ້ນເປັນເກືອບ 45 ຕື້ໂດລາ ໃນປີ 2025. ຄາດວ່າ, ການເຕີບໂຕກ່ຽວກັບຍອດມູນຄ່າສິນຄ້າໃນ 2 ປີຈະມາເຖິງ ຈະໄດ້ຮັບຈາກຕະຫຼາດການຄ້າເອເລັກໂຕຣນິກ ແລະ ທ່ອງທ່ຽວອອນລາຍ.

ຫວຽດນາມ ກໍແມ່ນປະເທດທີ່ມີລະດັບການຊຳລະດີຈີຕອນບັນລຸລະດັບເຕີບໂຕໄວທີ່ສຸດຢູ່ອາຊີຕາ ເວັນອອກສ່ຽງໃຕ້ ໃນປີ 2023. ຄາດວ່າ, ຈະສືບຕໍ່ຮັກສາລະດັບເຕີບໂຕຄວບຄູ່ໃນແຕ່ລະປີ 13% ໃນໄລຍະ 2023 – 2025.