ໃນເດືອນມີນາຂະແໜງການຜະລິດຂອງສິງກະໂປ ຍັງແຂ່ງແກ່ງ

11:56 28/04/2025

ຂ່າວຕ່າງປະເທດລາຍງານ; ຄະນະກຳມະການພັດທະນາເສດຖະກິດສິງກະໂປ (EDB) ກ່າວໃນທ້າຍອາທິດຜ່ານມາວ່າ: ຂະແໜງການຜະລິດຂອງສິງກະໂປຍັງຄົງແຂງແກ່ງໃນເດືອນມີນາຜ່ານມາ ເມື່ອທຽບໃສ່ປີກ່ອນ ແຕ່ຍັງຊ້າລົງເມື່ອທຽບໃສ່ເດືອນກຸມພາ, ປັດໃຈຕົ້ນຕໍແມ່ນການຫຼຸດລົງຂອງການຜະລິດໃນກຸ່ມຊີວະການແພດ.

ຂໍ້ມູນຈາກ EDB ສະແດງໃຫ້ເຫັນວ່າ:ຜົນຜະລິດຂະແໜງການຜະລິດໂດຍລວມໃນເດືອນມີນາເພີ່ມຂຶ້ນ 5.8% ເມື່ອທຽບໃສ່ໄລຍະດຽວກັນຂອງປີກາຍນີ້, ແຕ່ຖ້າຫາກພິຈາລະນາເປັນເດືອນຕໍ່ເດືອນ, (ປັບຕາມລະດູການ) ຜົນຜະລິດຫຼຸດລົງ 3.6%.

ເຫດຜົນຕົ້ນຕໍຂອງການຫຼຸດລົງປະຈໍາເດືອນມາຈາກຂະແໜງຊີວະການແພດ ທີ່ມີການຜະລິດຊ້າລົງຢ່າງຫຼວງຫຼາຍ ຊຶ່ງຖ້າຫາກບໍ່ນັບລວມກຸ່ມນີ້, ຂະແໜງການຜະລິດຂອງສິງກະໂປໄດ້ເຕີບໂຕ 4.9% ເມື່ອທຽບໃສ່ປີກາຍແລະ ຂະຫຍາຍຕົວ 0.8% ເມື່ອທຽບໃສ່ໄລຍະດຽວກັນຂອງປີກາຍ.

ນອກຈາກນັ້ນ, ຖ້າເບິ່ງໃນໄລຍະກາງດ້ວຍຄ່າສະເລ່ຍການເຄື່ອນຍ້າຍປະຈໍາ 3 ເດືອນ, ຜົນຜະລິດຍັງເພີ່ມຂຶ້ນ 4.0% ເມື່ອທຽບໃສ່ປີກ່ອນ.

ເມື່ອພວກເຮົາເຈາະເລິກເຂົ້າໄປໃນແຕ່ລະກຸ່ມອຸດສາຫະກໍາ ພົບວ່າ:ກຸ່ມວິສະວະກໍາການຂົນສົ່ງໄດ້ມີຜົນງານທີ່ໂດດເດັ່ນທີ່ສຸດໃນເດືອນມີນາ. ໂດຍເພີ່ມຂຶ້ນສູງເຖິງ 20.2% ເມື່ອທຽບໃສ່ປີກ່ອນ, ໂດຍ EDB ຊີ້ໃຫ້ເຫັນວ່າປັດໃຈສະໜັບບສະໜູນຕົ້ນຕໍແມ່ນການຜະລິດຊິ້ນສ່ວນເຮືອບິນທີ່ສູງຂຶ້ນແລະການບໍາລຸງຮັກສາເຮືອບິນ(MRO) ຈາກສາຍການບິນການຄ້າທີ່ເພີ່ມຂຶ້ນ.

ພ້ອມກັນນັ້ນ, ຂະແໜງການເອເລັກໂຕຣນິກກໍຍັງເຕີບໂຕເປັນຢ່າງດີໃນລະດັບ 8.9% ເມື່ອທຽບໃສ່ປີກາຍ. ໂດຍສະເພາະ, ກຸ່ມຜະລິດຕະພັນດ້ານເຕັກໂນໂລຊີຂໍ້ມູນຂ່າວສານແລະການສື່ສານ (ICT) ທີ່ເພີ່ມຂຶ້ນເຖິງ 14.1% ແລະກຸ່ມ semiconductor ກໍເພີ່ມຂຶ້ນ 8.2%.

ໃນທາງກົງກັນຂ້າມການຜະລິດທາງເຄມີຫຼຸດລົງ 6% ເມື່ອທຽບໃສ່ປີຕໍ່ປີແລະກຸ່ມຜະລິດຕະພັນທົ່ວໄປຍັງຫຼຸດລົງ 13%.

ຄໍາເຫັນ

ຂ່າວຕ່າງປະເທດ

ຍີ່ປຸ່ນ ກຽມຂຶ້ນລາຄາສິນຄ້າອາຫານ-ເຄື່ອງດື່ມ 2,700 ກວ່າລາຍການ

01/04/2026 14:13

ຂ່າວຕ່າງປະເທດລາຍງານ ໃນວັນທີ 31 ມີນາ ຜ່ານມາວ່າ: ບໍລິສັດ Teikoku Databank ຊຶ່ງເປັນບໍລິສັດຄົ້ນຄວ້າຂອງຍີ່ປຸ່ນ ໄດ້ເປີດເຜີຍວ່າ: ສິນຄ້າອາຫານ ແລະ ເຄື່ອງດື່ມ ໃນປະເທດຍີ່ປຸ່ນ ທັງໝົດ 2,798 ລາຍການ ລາຄາຈະເພີ່ມຂຶ້ນໃນເດືອນເມສາ ນີ້ ຊຶ່ງເປັນຄັ້ງທຳອິດນັບຕັ້ງແຕ່ເດືອນຕຸລາ ທີ່ຈຳນວນສິນຄ້າເກີນ 2,000 ລາຍການ.

ຈີນ ຈະເປີດນະໂຍບາຍການຂໍຖອນຄືນພາສີສຳລັບນັກທ່ອງທ່ຽວໃນເວລາອອກຈາກຈີນ

01/04/2026 14:02

ຂ່າວສານຊີອາໄອລາຍງານວ່າ: ໃນກອງປະຊຸມຖະແຫຼງຂ່າວທີ່ຈັດຂຶ້ນໃນວັນທີ 30 ມີນາ ຜ່ານມາ, ຜູ້ຮັບຜິດຊອບທີ່ກ່ຽວຂ້ອງຂອງກະຊວງການຄ້າຈີນກ່າວວ່າ, ຈີນຈະອອກຫຼາຍມາດຕະການ ເຊັ່ນ: ປັບປຸງການຂໍຖອນຄືນພາສີສຳລັບນັກທ່ອງທ່ຽວໃນເວລາອອກຈາກຈີນ, ການຍົກລະດັບ ແລະ ເພີ່ມປະເພດສິນຄ້າທີ່ມີຈຳໜ່າຍ ແລະ ອື່ນໆ ເພື່ອຊຸກຍູ້ໃຫ້ກິດຈະກຳ “ຊື້ສິນຄ້າຢູ່ຈີນ” ມີຄວາມຄຶກຄື້ນຫຼາຍຂຶ້ນ.

ຫວຽດນາມ ບໍ່ປະໃຫ້ເກີດສະພາບການຊັກຊ້າໃນການຫັນແຜນນະໂຍບາຍຂອງພັກ

01/04/2026 13:59

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 31 ມີນາ ຜ່ານມາ ຢູ່ຫໍສະພາແຫ່ງຊາດ, ທ່ານ ໂຕເລິມ ເລຂາທິການໃຫຍ່ ຫົວໜ້າຄະນະກວດກາເລກ 10 ຂອງກົມການເມືອງ ໄດ້ເປັນປະທານການເຮັດວຽກຮັບຮອງເອົາຮ່າງບົດລາຍງານຕິດຕາມກວດກກາບັ້ນທີ 1 ແລະ ຜັນຂະຫຍາຍຂໍ້ຕົກລົງກວດກາບັ້ນທີ 2 ຂອງກົມການເມືອງ ຕໍ່ຄະນະປະຈຳຄະນະພັກສະພາແຫ່ງຊາດ.

ວິທະຍາສາດເຕັກໂນໂລຊີທີ່ທັນສະໄໝຂອງຈີນເປັ່ງປະກາຍລັດສະໝີໃໝ່ໃນດ້ານການອຸປະໂພກ-ບໍລິໂພກ

01/04/2026 11:47

ຂ່າວສານຊີອາໄອລາຍງານວ່າ: ໃນກອງປະຊຸມປະຈໍາປີ 2026 ຂອງເວທີປຶກສາຫາລືຈົ່ງກ່ວນຊຸນ, ໄດ້ມີການນໍາສະເໜີສະພາບການທີ່ປັນຍາປະດິດເພີ່ມປະສິດທິພາບໃຫ້ແກ່ຂະແໜງ ການຕ່າງໆ ຊຶ່ງເປັນພາບທີ່ມີຊີວິດຊີວາ, ເຮັດໃຫ້ເກີດຄວາມສົນໃຈຢ່າງກວ້າງຂວາງ. ທ່ານ ຊາບັສ ຄານ ເຈົ້າໜ້າທີ່ອົງການສະຫະປະຊາຊາດເພື່ອການສຶກສາ, ວິທະຍາສາດ ແລະ ວັດທະນະທຳ ຫຼື ອຸຍແນັສໂກ (UNESCO) ກ່າວວ່າ: ເວທີປຶກສາຫາລືຄັ້ງນີ້ໄດ້ສະແດງໃຫ້ເຫັນວ່າ: ວິທະຍາສາດເຕັກໂນໂລຊີໄດ້ປະກອບສ່ວນເຂົ້າໃນການພັດທະນາທີ່ມີຄຸນນະພາບສູງຄືແນວໃດ.

ວາລະສານ The Lancet ໄດ້ຕີພິມຜົນການສຶກສາຫຼ້າສຸດຂອງໂຄງການ GX Foundation

01/04/2026 10:13

ວາລະສານ The Lancet ໄດ້ຕີພິມຜົນການສຶກສາຫຼ້າສຸດຂອງໂຄງ ການ GX Foundation ຢືນຢັນເຖິງປະສິດທິພາບຂອງ “ການແກ້ໄຂຕາມ ແນວທາງຂອງ ສປ ຈີນ” ໃນການນຳໃຊ້ມາດຕະການຄວບຄຸມພາຫະນຳພະຍາດທາງກາຍຍະພາບ ເພື່ອປ້ອງກັນພະຍາດໄຂ້ເລືອດອອກທີ່ກຳລັງເປັນໄພຄຸກຄາມທົ່ວໂລກ.

ສະຫະພັນ ອາຣັບ ສະເໜີເລຂາທິການໃຫຍ່ຄົນໃໝ່

31/03/2026 12:55

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 29 ມີນາ ຜ່ານມາ, ສະຫະພັນ ອາຣັບ ໄດ້ປະກາດທ່ານ ນາບິລ ຟາມີ ອະດີດລັດຖະມົນຕີກະຊວງການຕ່າງປະເທດເອຢິບ ໄດ້ຮັບການສະເໜີດຳລົງຕຳແໜ່ງເປັນເລຂາທິການໃຫຍ່. ການສະເໜີທ່ານ ນາບິລ ຟາມີ ດຳລົງຕຳແໜ່ງເລຂາທິການໃຫຍ່ ສະຫະພັນ ອາຣັບ ສືບທອດທ່ານ ອາເໝັດ ອາບລູ ເກດ, ໂດຍບັນດາປະເທດສະມາຊິກເຫັນດີເປັນເອກະພາບຮັບຮອງເອົາໃນວາລະກອງປະຊຸມລັດຖະມົນຕີການຕ່າງປະເທດ ອາຣັບ ຄັ້ງທີ 165.

ໂຣກຕຸ້ຍ ແລະ ການດື່ມເຫຼົ້າ ເພີ່ມຄວາມສ່ຽງເປັນມະເຮັງເຕົ້ານົມ

31/03/2026 12:53

ຂ່າວຕ່າງປະເທດລາຍງານວ່າ: ຜົນການສຶກສາທີ່ນຳພາໂດຍມະຫາວິທະຍາໄລຊິດນີຂອງອົສຕຣາລີ ແລະ ເຜີຍແຜ່ຜ່ານເວັບໄຊສູນວິທະຍາສາດສື່ມວນຊົນອົສຕຣາລີ ໃນວັນທີ 30 ມີນາ ຜ່ານມາ ຊີ້ໃຫ້ເຫັນວ່າ: ໂຣກຕຸ້ຍ ແລະ ການດື່ມເຄື່ອງດື່ມທີ່ມີທາດເຫຼົ້າເພີ່ມຄວາມສ່ຽງຂອງການເປັນມະເຮັງເຕົ້ານົມໃນແມ່ຍິງຢ່າງຫຼວງຫຼາຍເມື່ອມີອາຍຸຫຼາຍຂຶ້ນ.

ICAO ຈຳກັດຜູ້ໂດຍສານພົກພາ power bank ໄດ້ສູງສຸດ 2 ອັນ

31/03/2026 12:50

ຂ່າວຕ່າງປະເທດລາຍງານ ຫວ່າງມໍ່ໆມານີ້ວ່າ: ອົງການການບິນພົນລະເຮືອນສາກົນ (ICAO) ໄດ້ປະກາດກົດລະບຽບໃໝ່ກ່ຽວກັບອຸປະກອນແບັດເຕີຣີສຳຮອງແບບພົກພາ ຫຼື power bankທີ່ໃຊ້ແບັດເຕີຣີ lithium ຊຶ່ງຈໍາກັດໃຫ້ຜູ້ໂດຍສານຖ້ຽວບິນແຕ່ລະຄົນສາມາດພົກພາ power bankໄດ້ສູງສຸດ 2 ອັນ ແລະ ຫ້າມນຳໃຊ້ໃນລະຫວ່າງການບິນ. ໂດຍມີຜົນບັງຄັບໃຊ້ທັນທີ.

ກຳປູເຈຍ ຫຼຸດພາສີນຳເຂົ້າລົດໄຟຟ້າ ແລະ ອຸປະກອນພະລັງງານແສງຕາເວັນ

31/03/2026 12:48

ຂ່າວຕ່າງປະເທດລາຍງານ ໃນວັນທີ 30 ມີນາ ຜ່ານມາວ່າ: ຖະແຫຼງການຈາກກົມພາສີ ແລະ ອາກອນຂອງກຳປູເຈຍ ທີ່ອອກໃນວັນ 29 ມີນາຜ່ານມາຊີ້ໃຫ້ເຫັນວ່າ, ກໍາປູເຈຍໄດ້ຕັດສິນໃຈຫຼຸດພາສີນໍາເຂົ້າລົດໄຟຟ້າ (EVs), ເຕົາໄຟຟ້າ ແລະ ອຸປະກອນພະລັງງານແສງຕາເວັນ ເລີ່ມແຕ່ວັນທີ 1 ເມສາ 2026 ເປັນຕົ້ນໄປ ເພື່ອຫຼຸດຜ່ອນຜົນກະທົບຂອງລາຄານໍ້າມັນເຊື້ອໄຟທົ່ວໂລກທີ່ເພີ່ມຂຶ້ນ ເນື່ອງຈາກຂໍ້ຂັດແຍ່ງໃນຕາເວັນອອກກາງ.

ດັດຊະນີການປະດິດສ້າງໃໝ່ຂອງຈີນ ຫຍັບຂຶ້ນເປັນອັນດັບ 9 ຂອງໂລກ

31/03/2026 12:47

ຂ່າວສານຊີອາໄອລາຍງານ ໃນວັນທີ 30 ມີນາ ຜ່ານມາວ່າ: “ບົດລາຍງານດັດຊະນີປະດິດສ້າງໃໝ່ແຫ່ງຊາດ 2025” ທີ່ສະຖາບັນຄົ້ນຄວ້າຍຸດທະສາດການພັດທະນາວິທະຍາສາດເຕັກໂນໂລຊີຈີນເປີດເຜີຍໃນກອງປະຊຸມປະຈຳປີຂອງເວທີປຶກສາຫາລືຈົ່ງກ່ວນຊຸນປີ 2026 ທີ່ຈັດຂຶ້ນໃນວັນທີ 29 ມີນາ ຜ່ານມາ ສະແດງໃຫ້ເຫັນວ່າ: ດັດຊະນີການປະດິດສ້າງໃໝ່ແຫ່ງຊາດຂອງຈີນໄດ້ຫຍັບຂຶ້ນມາເປັນອັນດັບທີ 9 ຂອງໂລກ ດີຂຶ້ນ 11 ອັນດັບເມື່ອທຽບໃສ່ປີ 2012 ແລະ ໄດ້ກາຍເປັນປະເທດທີ່ໄດ້ຮັບຄວາມກ້າວໜ້າໄວທີ່ສຸດໃນ 10 ກວ່າປີຜ່ານມາ ແລະ ຢວ່າງບາດກ້າວໄປສູ່ເປົ້າໝາຍທີ່ເປັນປະເທດແຖວໜ້າຂອງບັນດາປະເທດທີ່ມີການປະດິດສ້າງໃໝ່ ແລະ ເປັນປະເທດເຂັ້ມແຂງດ້ານວິທະຍາສາດເຕັກໂນໂລຊີຂອງໂລກ.

ເພີ່ມເຕີມ