ທັງເປັນສັກຂີພິຍານໃຫ້ແກ່ສິ່ງທີ່ຕ່າງຝ່າຍຕ່າງໄດ້ຮັບຜົນປະໂຫຍດລະຫວ່າງຈີນກັບໂລກ. ເລີ່ມຈາກປະເທດທີ່ອ່ອນແອແລະທຸກຍາກກາຍມາເປັນກຸ່ມເສດຖະກິດໃຫຍ່ອັນດັບສອງຂອງໂລກ, ປະເທດໃຫຍ່ດ້ານອຸດສາຫະກຳອັນດັບໜຶ່ງຂອງໂລກ, ປະເທດໃຫຍ່ດ້ານການຄ້າສິນຄ້າປະເພດຈັບຕ້ອງໄດ້ອັນດັບໜຶ່ງຂອງໂລກ, ປະເທດໃຫຍ່ດ້ານການບໍລິໂພກສິນຄ້າອັນດັບສອງຂອງໂລກ……ຈີນໄດ້ກາຍເປັນພະລັງຂັບເຄື່ອນອັນສຳຄັນໃນດ້ານການເຕີບໂຕຂອງເສດຖະກິດໂລກ. ໃນລະຫວ່າງປີ 1979 ຫາປີ 2023, ອັດຕາການເຕີບໂຕສະເລ່ຍຕໍ່ປີຂອງເສດຖະກິດຈີນໄດ້ບັນລຸເຖິງ 8.9%, ສູງກວ່າອັດຕາການເຕີບໂຕສະເລ່ຍຂອງເສດຖະກິດໂລກໃນໄລຍະດຽວກັນ3.0%. ໂດຍສະເພາະໃນໄລຍະ 10 ກວ່າປີຜ່ານມາ, ອັດຕາປະກອບສ່ວນສະເລ່ຍຂອງຈີນທີ່ມີຕໍ່ເສດຖະກິດໂລກມີຫຼາຍກວ່າ 30%.
ໃນຮອບ 75 ປີຜ່ານມາໄດ້ເກີດມີການປ່ຽນແປງແບບພິກແຜ່ນດິນປີ້ນແຜ່ນຟ້າ, ເປັນຫຍັງຈີນແລະໂລກຈຶ່ງສາມາດບັນລຸແບບຕ່າງຝ່າຍຕ່າງໄດ້ຮັບຜົນປະໂຫຍດ? ນີ້ກໍຍ້ອນວ່າ ຈີນໄດ້ຖືຕົນເອງຢູ່ໃນກະແສການພັດທະນາຂອງມວນມະນຸດຢ່າງສະເໝີຕົ້ນສະເໝີປາຍ, ສ້າງຜົນປະໂຫຍດຮ່ວມກັນກັບໂລກແລະພັດທະນາຮ່ວມກັນ, ຊຸກຍູ້ລະບົບການບໍລິຫານໂລກໃຫ້ກ້າວໄປຕາມທິດທາງທີ່ຍຸຕິທຳແລະສົມເຫດສົມຜົນ.
ການເຮັດແນວໃດຈຶ່ງຈະສາມາດແກ້ໄຂບັນຫາອັນຫຍຸ້ງຍາກດ້ານການພັດທະນາໄດ້? ຈີນໄດ້ມີການເຄື່ອນໄຫວມາໂດຍຕະຫຼອດ: ເລີ່ມຈາກການວາງບັນຫາການພັດທະນາໃສ່ຖານະໃຈກາງຂອງວາລະສາກົນ ຮອດການສະເໜີຂໍ້ລິເລີ່ມ “ໜຶ່ງແລວໜຶ່ງເສັ້ນທາງ” ແລະສາມຂໍ້ລິເລີ່ມໃຫຍ່ທົ່ວໂລກ; ເລີ່ມຈາກການຊ່ວຍເຫຼືອປະເທດທີ່ກຳລັງພັດທະນາເພື່ອຮັບມືກັບຄວາມສ່ຽງ ແລະສິ່ງທ້າທາຍຕ່າງໆ.ຕັ້ງແຕ່ໃດມາ, ຈີນກໍໄດ້ຊຸກຍູ້ການ “ປຶກສາຫາລືຮ່ວມກັນ, ກໍ່ສ້າງຮ່ວມກັນແລະຊົມໃຊ້ຮ່ວມກັນ” ເພື່ອເຮັດໃຫ້ໝາກຜົນການພັດທະນາສາມາດສ້າງຜົນປະໂຫຍດໃຫ້ແກ່ທຸກຄົນ.
ຄໍາເຫັນ