ໂຄງການພືດ ແລະ ສັດ ສະເພາະຖິ່ນກຳປູເຈຍ (Fauna & Flora-Cambodia) ຊຶ່ງເຮັດວຽກຮ່ວມມືກັບກະຊວງສິ່ງແວດລ້ອມ ແລະ ກະຊວງກະສິກຳ, ປ່າໄມ້ ແລະ ການປະມົງ ໄດ້ປະສົບຄວາມສຳເລັດໃນການສຳຫຼວດການອອໄຂ່ຂອງປະກາລັງຈຳນວນຫຼາຍບໍລິເວນໝູ່ເກາະຣົງ ໃນລະຫວ່າງເດືອນກຸມພາຫາເດືອນມີນາ 2025.
ບົດລາຍງານລະບຸວ່າ: ນີ້ແມ່ນປີທີສອງຂອງການຄົ້ນຄວ້າການອອກໄຂ່ຂອງປະກາລັງຢູ່ເຂດນ່ານນ້ຳກຳປູເຈຍ ຕໍ່ຈາກການສຳຫຼວດຄັ້ງທຳອິດໃນປີ 2024 ແລະ 2025, ໂດຍການສຳຫຼວດພົບປະກາລັງອອກໄຂ່ໃນປີນີ້ ຊີ້ໃຫ້ເຫັນຜົນສຳເລັດຂອງຄວາມພະຍາຍາມຮ່ວມກັນໃນການອະນຸລັກຈາກບັນດາກະຊວງ,ສະຖາບັນ, ອຳນາດການປົກຄອງ ແລະ ອົງການຈັດຕັ້ງທີ່ກ່ຽວຂ້ອງ.
ກະຊວງກະສິກຳລະບູວ່າ: ການສຳຫຼວດໄດ້ພົບເຫັນປະກາລັງອອກໄຂ່ໃນເຂດນ່ານນ້ຳກຳປູເຈຍເປັນເວລາ 2 ປີລຽນຕິດ, ຖືເປັນສັນຍາລັກແຫ່ງຄວາມຫວັງ, ຄວາມມະຫັດສະຈັນທາງທຳມະຊາດ ແລະ ເປັນຫຼັກຖານຢັ້ງຢືນເຖິງຄວາມມຸ່ງໝັ້ນຂອງລັດຖະບານກຳປູເຈຍ ໃນການປົກປັກຮັກສາລະບົບນິເວດທະເລໃຫ້ຄົນຮຸ່ນຫຼັງ.
ກະຊວງສິ່ງແວດລ້ອມ ລະບຸວ່າ: ນີ້ແມ່ນສັນຍານທີ່ດີທີ່ສະແດງໃຫ້ເຫັນວ່າ, ສະພາບແວດລ້ອມທາງທະເລຂອງກຳປູເຈຍໄດ້ຮັບການພັດທະນາດີຂຶ້ນ ຊຶ່ງແມ່ນໝາກຜົນຂອງການເພີ່ມທະວີການອະນຸລັກຮັກສາ ແລະ ຕິດຕາມກວດກາປະກາລັງທີ່ມີບົດບາດສຳຄັນໃນການປົກປັກຮັກສາລະບົບນິເວດທະເລ ແລະ ທີ່ຢູ່ອາໄສໃນທະເລ, ເພີ່ມມູນຄ່າທາງດ້ານເສດຖະກິດຜ່ານການທ່ອງທ່ຽວ ແລະ ສົ່ງເສີມການປະມົງແບບຍືນຍົງ.
ທັງນີ້, ໂຄງການປູກພືດແລະສັດ ສະເພາະຖິ່ນກຳປູເຈຍໄດ້ຕິດຕາມສະພາບປະກາລັງໃນນ່ານນໍ້າແຄມຝັ່ງກຳປູເຈຍຢ່າງໃກ້ຊິດ. ເພື່ອເກັບກຳ ແລະ ບັນທຶກຂໍ້ມູນການແຜ່ພັນຂອງປະກາລັງ.
ຄໍາເຫັນ