ກິດຈະກຳໃນງານບຸນປະວໍລະນາອອກພັນສາ

ນະຄອນປາກເຊ ຈະຈັດຫຼາຍກິດຈະກຳ ໃນງານບຸນປະວໍລະນາອອກພັນສາ

14:14 10/10/2024

ວັນທີ 9 ຕຸລາຜ່ານມາ, ທ່ານ ບົວລີ ເພັດສົງຄາມເຈົ້ານະຄອນປາກເຊ ໄດ້ຕາງໜ້າຄະນະຮັບຜິດຊອບຈັດກິດຈະກຳໃນງານບຸນປະວໍລະນາອອກພັນສາ ແລະ ຊ່ວງເຮືອປະເພນີ ທີ່ນະຄອນປາກເຊ ໃຫ້ສໍາພາດວ່າ: ງານບຸນປະວໍລະນາອອກພັນສາ

ແລະ ຊ່ວງເຮືອປະເພນີ ທີ່ນະຄອນປາກເຊ ປະຈໍາປີ ພສ 2567 ຄສ 2024 ຈະຈັດຂຶ້ນ ໃນມື້ຂຶ້ນ 15 ຄໍ່າ (ເດືອນ 11 ເພັງ) ແລະ ມື້ແຮມ 1 ຄໍ່າ ເດືອນ 11 ກົງກັບວັນພະຫັດ ແລະວັນສຸກ (ວັນທີ 17-18 ຕຸລາ 2024) ເພື່ອອະນຸລັກຮັກສາ - ສືບສານ ຮີດຄອງປະເພນີ ແລະ ມູນເຊື້ອອັນດີງາມຂອງຊາດ ແລະ ທ້ອງຖິ່ນ ຊຶ່ງຈະໄດ້ຈັດໃຫ້ມີຫຼາຍກິດຈະກຳ,ມີທັງກິດຈະກຳດ້ານສາສະໜາ, ກິດຈະກຳການຊ່ວງເຮືອ, ກິດຈະກໍາສົ່ງເສີມດ້ານການຄ້າ ແລະ ການທ່ອງທ່ຽວ.ໃນນັ້ນ, ກິດຈະຈໍາດ້ານສາສະໜາ, ໃນມື້ຂຶ້ນ 15 ຄໍ່າ ເດືອນ 11 ພສ 2567, ກົງກັບວັນພະຫັດ ວັນທີ 17 ຕຸລາ 2024, ຕອນເຊົ້າ, ເລີ່ມແຕ່ ເວລາ 7:30 ໂມງ ຈະມີພິທີທຳບຸນໃສ່ບາດ, ຖວາຍສັງຄະທານ ແດ່ພະສົງ ທີ່ວັດຫຼວງປາກເຊ; ເວລາ 18 ໂມງ ກໍຈະມີພິທີວຽນທຽນ, ຊຶ່ງປະກອບມີ13 ຂະບວນ, 50 ກ້ອນກໍາລັງ, (ແຫ່ເຮືອໄຟໂຄກ, ແຫ່ຜາສາດເຜິ້ງ, ແຫ່ຕົ້ນກາລະພຶກ) ໂດຍມີກໍາລັງພົນ, ພະສົງສາມະເນນ ແລະ ມວນຊົນເຂົ້າຮ່ວມຂະບວນແຫ່ ປະມານ 4,234 ທ່ານ ຊຶ່ງຈະແຫ່ຈາກວົງວຽນທ່າສາລາຄາ ຕາມເສັ້ນທາງ ເລກທີ 11 ຫາ ຫໍຫຼັກເມືອງປາກເຊ ແລ້ວເຂົ້າສູ່ວັດຫຼວງປາກເຊ, ຖວາຍແດ່ພະສົງ, ແລ້ວລົງໄຫຼເຮືອໄຟ ທີ່ທ່າວັດຫຼວງປາກເຊ ຕາມຮີດຄອງປະເພນີ ທີ່ໄດ້ສືບສານກັນມາ.
ທ່ານ ບົວລີ ເພັດສົງຄາມ ກ່າວຕື່ມວ່າ: ສໍາລັບກິດຈະກໍາການແຂ່ງຂັນເຮືອຊ່ວງ ປີນີ້ ມີການແຂ່ງຂັນ 6 ປະເພດ, ຄື: ເຮືອຊ່ວງກິລາ 12 ສີພາຍ (ຊາຍ); ເຮືອຊ່ວງປະເພນີ 24 ສີພາຍ (ຊາຍ - ຍິງ); ເຮືອຊ່ວງປະເພນີ 33 ສີພາຍ (ຊາຍ - ຍິງ); ເຮືອສູດ (ກິລາ) 33 ສີພາຍ (ຊາຍ).ປີນີ້, ຄາດວ່າຈະມີເຮືອຊ່ວງ ຈາກບັນດາບ້ານ ພາຍໃນນະຄອນປາກເຊ, ຈາກບັນດາບ້ານ ພາຍໃນແຂວງຈໍາປາສັກ ແລະ ແຂວງອ້ອມຂ້າງ ເຂົ້າຮ່ວມປະມານ 56 ຄະນະແລະ ມີຂອງຂວັນລາງວັນ ຫຼາຍກວ່າ 700 ລ້ານກວ່າກີບ. ສໍາລັບການແຂ່ງຂັນຈະໄດ້ຈັດຂຶ້ນ ໃນ 2 ວັນ ຄື: ວັນທີ 17-18 ຕຸລາ 2024.ນອກນີ້, ຍັງຈະໄດ້ຈັດກິດຈະກຳ ຕະຫຼາດນັດ, ວາງສະແດງ ແລະ ຈຳໜ່າຍສິນຄ້າ ໃນຂອບເຂດພື້ນທີ່ການຈັດງານ ບ້ານຫຼັກເມືອງ, ທ່າສາລາຄໍາ ແລະ ບ້ານປາກເຊ,ສະຖານທີ່ແຄມເຊ ແລະ ແຄມຂອງ ຢ່າງຫຼວງຫຼາຍ ໄວ້ບໍລິການ, ຄາດວ່າຈະມີຫຼາຍກວ່າ 300 ຮ້ານ, ຊຶ່ງງານຕະຫຼາດນັດດັ່ງກ່າວ ໄດ້ກຳນົດ 7 ວັນ ເລີ່ມແຕ່ວັນທີ 12 - 18 ຕຸລາ 2024. ພ້ອມນັ້ນ, ທາງສະພາການຄ້າ ແລະ ອຸດສາຫະກຳແຂວງ ຍັງຈະໄດ້ຈັດຕະຫຼາດກາງຄືນ ແລະ ຕະຫຼາດນັດ ວາງສະແດງສິນຄ້າ,ຜະລິດຕະພັນ (ODOP) ແລະ ສິນຄ້າ ທີ່ຜະລິດພາຍໃນແຂວງ ເປັນຕົ້ນຜະລິດຕະພັນກະສິກຳ, ອຸດສາຫະກຳ ແລະ ການທ່ອງທ່ຽວ ເພື່ອເປັນການສົ່ງເສີມການຜະລິດ ແລະ ການຊົມໃຊ້ຜະລິດຕະພັນທີ່ຜະລິດໄດ້ພາຍໃນແຂວງ.
(ຂ່າວ-ພາບ: ທູນທອງໃຈ)

ຄໍາເຫັນ

ຂ່າວວັດທະນະທຳ-ສັງຄົມ

ບໍລິສັດ ເອັດຊີຈີ SCG ເຂົ້າອວຍພອນໜັງສືພິມປະຊາຊົນ

14/08/2026 10:29

ເນື່ອງໃນໂອກາດວັນສື່ມວນຊົນ, ວັນພິມຈຳໜ່າຍ ແລະ ວັນສ້າງຕັ້ງໜັງສືພິມປະຊາຊົນ ຄົບຮອບ 76 ປີ (13/8 /1950 - 13/8/2026) ບໍລິສັດ ເອັດຊີຈີ (SCG) ນຳໂດຍທ່ານ ນາງ ໂອບບຸນ ແຍ້ມສິລິກຸນ ພ້ອມດ້ວຍຄະນະ ຕາງໜ້າບໍລິສັດໄດ້ມາອວຍພອນໜັງສືພີມປະຊາຊົນ ໃຫ້ກຽດຕ້ອນຮັບໂດຍທ່ານ ສີວັນ ຫອມໄຊຍະເດດ ຮັກສາການຫົວໜ້າບັນນາທິການໃຫຍ່ ໜັງສືພິມປະຊາຊົນ ພ້ອມຄະນະ ໃນວັນທີ 13 ສິງຫານີ້ ທີ່ໜັງສືພີມປະຊາຊົນ.

ໄຟຟ້າລາວ ສະຫຼຸບການດໍາເນີນທຸລະກິດ 6 ເດືອນຕົ້ນປີ ແລະ ທ້າຍປີ 2026

14/08/2026 10:26

ກອງປະຊຸມສະຫຼຸບການດໍາເນີນທຸລະກິດ ປະຈໍາ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2026 ຂອງ ລັດວິສາຫະກິດໄຟຟ້າລາວ ໄດ້ຈັດຂຶ້ນເມື່ອບໍ່ດົນມານີ້ ທີ່ນະຄອນຫຼວງວຽງຈັນ, ໂດຍການເປັນປະທານຂອງ ທ່ານ ຈັນສະແຫວງ ບຸນຍົງ ຮອງລັດຖະມົນຕີ ກະຊວງອຸດສາຫະກໍາ ແລະ ການຄ້າ ມີປະທານສະພາບໍລິຫານ ລັດວິສາຫະກິດໄຟຟ້າລາວ, ຫົວໜ້າກົມ, ຮອງກົມ, ຮອງຜູ້ອໍານວຍການໃຫຍ່ ໄຟຟ້າລາວ, ມີອໍານວຍການ ບໍລິສັດໃນເຄືອ ແລະ ແຂກທີ່ຖືກເຊີນເຂົ້າຮ່ວມ.

ຫຼາຍພາກສ່ວນ ມອບເຄື່ອງຊ່ວຍເຫຼືອ ບັນເທົາທຸກໃຫ້ຜູ້ປະສົບໄພນໍ້າຖ້ວມ ຢູ່ບ້ານນໍ້າດີ

14/08/2026 10:24

ໃນວັນທີ 12 ສິງຫາຜ່ານມາ ຢູ່ທີ່ບ້ານນໍ້າດີ ຕາແສງທົ່ງອົ້ມ ເມືອງຫຼວງນໍ້າທາ ແຂວງຫຼວງນໍ້າທາ, ໄດ້ມີທັງພາກລັດ, ເອກະຊົນ ແລະ ປະຊາຊົນ ໄດ້ຮ່ວມແຮງຮ່ວມໃຈກັນ ນຳເອົາເຄື່ອງອຸປະໂພກ-ບໍລິໂພກ ແລະ ທຶນຮອນຈຳນວນໜຶ່ງ ໄປຊ່ວຍເຫຼືອປະຊາຊົນ ທີ່ໄດ້ຮັບຜົນກະທົບຈາກໄພພິບັດນໍ້າຖ້ວມກະທັນຫັນ ເມື່ອວັນທີ 11 ສິງຫາ ທີ່ຜ່ານມາ.

ວສລ ຈະສູ້ຊົນຫັນປ່ຽນວັດຖຸອຸປະກອນເຕັກນິກ ໃຫ້ມີຄຸນນະພາບສູງໄປສູ່ລະບົບດີຈີຕອນ ຢ່າງສົມບູນ

14/08/2026 10:19

ເນື່ອງໃນໂອກາດວັນສື່ມວນຊົນ ແລະ ການພິມຈໍາໜ່າຍ ຄົບຮອບ 76 ປີ (13 ສິງຫາ 1950 – 13 ສິງຫາ 2026) ແລະ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ (ວສລ). ທ່ານ ນາງ ສິມມະນີ ແກ້ວແກ່ນ ຜູ້ອຳນວຍການໃຫຍ່ ວສລ ໄດ້ໃຫ້ສໍາດຕໍ່ນັກຂ່າວໜັງສືພິມປະຊາຊົນ ເມື່ອບໍ່ດົນມານີ້ ທີ່ ວສລ ໂດຍໄດ້ຍົກໃຫ້ເຫັນບົດບາດສໍາຄັນຂອງສື່ມວນຊົນ ສື່ມວນຊົນເປັນອາວຸດອັນແຫຼມຄົມ ທີ່ໄດ້ປະກອບສ່ວນຢ່າງສຳຄັນໃຫຍ່ຫຼວງເຂົ້າໃນໄຊຊະນະລວມຂອງພາລະກິດປະຕິວັດໃນແຕ່ລະໄລຍະຂອງຊາດຕະຫຼອດໄລຍະຜ່ານມາ ກໍຄືປັດຈຸບັນ; ຍົກໃຫ້ເຫັນວຽກງານອັນພົ້ນເດັ່ນ ວສລ ໃນໄລຍະ 1 ປີຜ່ານມາ ໂດຍສະເພາະໃນໄລຍະມໍ່ໆນີ້ ແມ່ນໄດ້ໂຄສະນາຈັດຕັ້ງຜັນຂະຫຍາຍ ມະຕິກອງປະຊຸມໃຫຍ່ຂອງພັກ (ຄັ້ງທີ XI, XII), ແຜນພັດທະນາເສດຖະກິດ-ສັງຄົມແຫ່ງຊາດ (ຄັ້ງທີ IX, X), ວຽກງານຈຸດສຸມຂອງສະພາແຫ່ງຊາດ ແລະ ລັດຖະບານຊຸກຍູ້ການຜະລິດເປັນສິນຄ້າວຽກດີຄົນເດັ່ນ ແລະ ການສົ່ງເສີມຜະລິດຕະພັນພາຍໃນ. ພ້ອມນັ້ນ, ຍັງໄດ້ສ່ອງແສງເຫດການ ແລະ ວັນສໍາຄັນຕ່າງໆຢ່າງກວ້າງຂວາງ.

ກອງຈາລະຈອນ ປກສ ເມືອງໂຂງ ສຶກສາອົບຮົມກຸ່ມໄວໜຸ່ມດັດແປງສະພາບເຕັກນິກ

14/08/2026 10:16

ວັນທີ 12 ສິງຫາ 2026 ນີ້, ກອງຈາລະຈອນທີ່ຂຶ້ນກັບພະແນກຕຳຫຼວດ ກອງບັນຊາການ ປກສ ເມືອງໂຂງ ແຂວງຈຳປາສັກ ໄດ້ຈັດພິທີສຶກສາອົບຮົມກຸ່ມໄວໜຸ່ມ ທີ່ມີພຶດຕິກຳຂັບຂີ່ລົດສ່ຽງອຸບັດເຫດ ດັດແປງສະພາບເຕັກນິກລົດ ແລະ ຂັບຂີ່ລົດສົ່ງສຽງດັງກວນເມືອງ ຈຳນວນ 13 ຄົນ (ຍິງ 1 ຄົນ). ໃຫ້ການສຶກສາອົບຮົມໂດຍທ່ານ ພັນຕີ ກິດຕິພັນ ພົມມາລາ ຮອງພະແນກຕຳຫຼວດ ຮັບຜິດຊອບກອງຈາລະຈອນ ກອງບັນຊາການ ປກສ ເມືອງໂຂງ, ພ້ອມດ້ວຍ ພະນັກງານວິຊາສະເພາະ, ອຳນາດການປົກຄອງ, ພໍ່ ແມ່ຜູ້ປົກຄອງ ແລະ ນັກຂັບຂີ່ທີ່ລະເມີດລະບຽບ ເຂົ້າຮ່ວມ.

ເປີດໂຄງການ ລະບົບອາຫານກະສິກຳແບບຍືນຍົງ ເນັ້ນ 4 ແຜນງານ ພັດທະນາວິສາຫະກິດກະສິກຳ ໃຫ້ເຂັ້ມແຂງ ແລະ ຍືນຍົງ

14/08/2026 10:13

ກົມສົ່ງເສີມ ຈຸນລະວິສາຫະກິດ, ວິສາຫະກິດຂະໜາດນ້ອຍ ແລະ ກາງ(ຈນກ) ກະຊວງອຸດສາ ຫະກຳ ແລະ ການຄ້າ ຮ່ວມກັບທະນາຄານ ພັດທະນາອາຊີ (ADB) ແລະ ຄູ່ຮ່ວມພັດທະນາອື່ນໆ ໄດ້ຈັດພິທີເປີດໂຄງການລະບົບອາຫານກະສິກຳແບບຍືນຍົງ (SASSP) ຢ່າງເປັນທາງການ ໃນວັນທີ 11 ສິງຫາ ຜ່ານມາ ທີ່ໂຮງແຮມ Crowne Plaza ນະຄອນຫຼວງວຽງຈັນ ໂດຍການເປັນປະທານຂອງ ທ່ານ ພຸດທະວັນ ນັນທະວົງ ຮອງລັດຖະມົນຕີ ກະຊວງອຸດສາຫະກຳ ແລະ ການຄ້າ.

ໜ່ວຍສະຫະພັນແມ່ຍິງ ກອງບັນນາທິການ ໜັງສືພິມກອງທັບ ສະຫຼຸບວຽກງານ ປະຈໍາ 6 ເດືອນຕົ້ນປີ

14/08/2026 10:08

ວັນທີ 13 ສິງຫາ 2026 ນີ້, ໜ່ວຍສະຫະພັນແມ່ຍິງ ກອງບັນນາທິການ ໜັງສືພິມກອງທັບ ກະຊວງ ປ້ອງກັນປະເທດ ໄດ້ສະຫຼຸບວຽກງານ ປະຈໍາ 6 ເດືອນຕົ້ນປີ ແລະ ວາງທິດທາງແຜນການ ປະຈໍາ 6 ເດືອນທ້າຍປີ 2026, ໂດຍການເປັນກ່ຽດເຂົ້າຮ່ວມ ຂອງສະຫາຍ ພັນເອກ ວັນເຮືອງ ສິວິໄລ ຫົວໜ້າກອງບັນນາທິການ ໜັງສືພິມກອງທັບ, ມີຄະນະພັກ-ຄະນະບັນນາທິການ, ຄະນະໜ່ວຍຊາວໜຸ່ມ, ຄະນະໜ່ວຍ ແລະ ສະມາຊິກສະຫະພັນແມ່ຍິງ ເຂົ້າຮ່ວມ.

ສນຊ ປາຖະກະຖາວັນສ້າງຕັ້ງແນວລາວສ້າງຊາດ ຄົບຮອບ 76 ປີ ແລະ ປະກາດການຈັດຕັ້ງ

14/08/2026 10:07

ສູນກາງແນວລາວສ້າງຊາດ (ສນຊ) ໄດ້ຈັດພິທີປາຖະກະຖາວັນສ້າງຕັ້ງແນວລາວສ້າງຊາດ ຄົບຮອບ 76 ປີ (13 ສິງຫາ 1950 – 13 ສິງຫາ 2026) ແລະ ປະກາດການຈັດຕັ້ງ ພາຍໃນ ສນຊ ຂຶ້ນໃນວັນທີ 13 ສິງຫານີ້ ທີ່ ສນຊ ໂດຍການເປັນປະທານ ແລະ ໃຫ້ກຽດປາຖະກະຖາ ຂອງສະຫາຍ ກິແກ້ວ ໄຂຄໍາພິທູນ ກໍາມະການກົມການເມືອງສູນກາງພັກ ປະທານ ສນຊ, ມີບັນດາຮອງປະທານ ສນຊ, ຜູ້ປະຈໍາການ ແລະ ບໍ່ປະຈໍາການ ສນຊ, ມີຄະນະປະຈໍາພັກ, ຄະນະພັກ, ເລຂາ-ຮອງເລາຂາໜ່ວຍພັກ, ພ້ອມດ້ວຍພະນັກງານ-ລັດຖະກອນ ເຂົ້າຮ່ວມ.

ທ່ານ ນາງ ບຸນນານ ບຸນນະແສງ, ໄດ້ມີ ທັດສະນະຕໍ່ ສື່ມວນຊົນລາວ ແລະ ການພິມຈຳໜ່າຍ

14/08/2026 10:05

ເນື່ອງໃນໂອກາດສື່ມວນຊົນລາວ ແລະ ການພິມຈຳໜ່າຍ ຄົບຮອບ 76 ປີ (13 ສິງຫາ 1950 ຫາ 13 ສິງຫາ 2026), ທ່ານ ນາງ ບຸນນານ ບຸນນະແສງ, ພະນັກງານບຳນານ ແລະ ອະດີດຫົວໜ້າ, ວັດທະນະທຳ ແລະ ທ່ອງທ່ຽວແຂວງອັດຕະປື ໄດ້ໃຫ້ທັດສະນະວ່າ: ຕະຫຼອດໄລຍະ 76 ປີ ສື່ມວນຊົນລາວໄດ້ມີການກຳເນີດ, ສ້າງຕັ້ງ ແລະ ພັດທະນາມາຢ່າງຕໍ່ ເນື່ອງ ຈາກສື່ສິ່ງພິມ ມາສູ່ ວິທະຍຸ, ໂທລະພາບ, ສື່ອິເລັກໂຕຣນິກ ແລະ ສື່ອອນລາຍ. ໃນປີ 1950 ສື່ມວນຊົນລາວ ໂດຍສະເພາະ ໜັງສືພິມ “ລາວອິດສະຫຼະ” ສະບັບກຳເນີດ ໄດ້ຖືກກຳເນີດຂຶ້ນຢູ່ເມືອງວຽງໄຊ ແຂວງຫົວພັນ. ຈາກ ນັ້ນມາ ວຽກງານສື່ມວນຊົນໄດ້ພັດທະນາຕາມຍຸກສະໄໝ ແລະ ປັດຈຸບັນສື່ເກົ່າໄດ້ປະສົມປະສານກັບສື່ໃໝ່ ເຮັດ ໃຫ້ການນໍາສະເໜີຂ່າວສານສາມາດເຂົ້າເຖິງປະຊາຊົນໄດ້ກວ້າງຂວາງ ແລະ ວ່ອງໄວຂຶ້ນ.

ຍົກລະດັບຄວາມຮູ້ ແລະ ຄວາມພ້ອມດ້ານຄວາມປອດໄພໄຊເບີ

14/08/2026 10:03

ໃນວັນທີ 11 ສິງຫາຜ່ານມານີ້ ທີ່ໂຮງແຮມລາດຊະວົງ, ກົມຄວາມປອດໄພທາງໄຊເບີ ກະຊວງເຕັກໂນໂລຊີ ແລະ ການສື່ສານ ໄດ້ຈັດກອງປະຊຸມສໍາມະນາຫົວຂໍ້: ການຍົກລະດັບຄວາມຮູ້ ແລະ ຄວາມພ້ອມດ້ານຄວາມປອດໄພໄຊເບີ ສໍາລັບພາກລັດ ແລະ ຂະແໜງໂຄງລ່າງພື້ນຖານຂໍ້ມູນຂ່າວສານ. ໂດຍການເປັນປະທານ ຂອງທ່ານ ແກ້ວວີສຸກ ໂສລະພົມ ຮອງລັດຖະມົນຕີກະຊວງເຕັກໂນໂລຊີ ແລະ ການສື່ສານ ພ້ອມດ້ວຍບັນດາທ່ານ ຜູ້ຕາງໜ້າຈາກກະຊວງ, ອົງການທຽບເທົ່າ, ສະຖາບັນການເງິນ, ຜູ້ໃຫ້ບໍລິການໂທລະຄົມມະນາຄົມ, ລັດວິສາຫະກິດ, ຜູ້ຊ່ຽວຊານ, ແຂກຜູ້ມີກຽດ ທີ່ໃຫ້ກຽດເຂົ້າຮ່ວມກອງປະຊຸມສໍາມະນາ ຈຳນວນ 100 ກວ່າທ່ານ.

ເພີ່ມເຕີມ