ນາຍົກຫວຽດນາມ ເປັນປະທານກອງປະຊຸມຄະນະປະຈຳລັດຖະບານກັບວິສາຫະກິດ

 ວິທີການແກ້ໄຂເພື່ອໃຫ້ວິສາຫະກິດເອກະຊົນເພີ່ມຄວາມໄວ, ກະໂດດຂັ້ນ, ປະກອບສ່ວນພັດທະນາປະເທດວ່ອງໄວ ແລະ ຍືນຍົງໃນສັງກາດໃໝ່. ໃນກອງປະຊຸມມີການເຂົ້າຮ່ວມຂອງການນຳບັນດາອົງການ, ສະມາຄົມວິສາຫະກິດ, ການນຳ 26 ກຸ່ມບໍລິສັດ, ລັດວິສາຫະກິດ ແລະ ວິສາຫະກິດເອກະຊົນແຖວໜ້າປະເທດ.

ໃນກອງປະຊຸມ, ທ່ານ ຟ້າມມິງຈິງ ເນັ້ນໜັກວ່າ: ໃນບັນດາຜົນສຳເລັດດ້ານເສດຖະກິດຂອງປະເທດໃນປີຜ່ານມາໄດ້ມີການປະກອບສ່ວນຂອງປະຊາຄົມວິສາຫະກິດ. ທ່ານຢັ້ງຢືນວ່າ ລັດຖະບານ ແລະ ບັນດາກະຊວງ, ຂະແໜງການຍາມໃດກໍມີການກະທຳຢ່າງຊັດເຈັນ, ທັນການ, ຍາມໃດກໍຮ່ວມເດີນທາງ, ແບ່ງປັນ, ແກ້ໄຂຄວາມຫຍຸ້ງຍາກໃຫ້ແກ່ວິສາຫະກິດ, ສະເໜີບັນດາວິສາຫະກິດສືບຕໍ່ປະກອບສ່ວນໃຫ້ແກ່ເປົ້າໝາຍການເຕີບໂຕຢູ່ລະດັບຕ່ຳສຸດແມ່ນ 8%ໃນປີນີ້, ສ້າງທ່ວງທ່າ, ກຳລັງ, ບັນຍາກາດເພື່ອໃຫ້ຫວຽດນາມມີການເຕີບໂຕຢູ່ລະດັບ 2 ໂຕເລກໃນຊຸມປີຈະມາເຖິງ. ທ່ານນາຍົກລັດຖະມົນຕີໃຫ້ຮູ້ວ່າໃນໄລຍະຈະມາເຖິງ ຄະນະປະຈຳລັດຖະບານຈະຈັດຕັ້ງບັນດາກອງປະຊຸມກັບລັດວິສາຫະກິດ, ວິສາຫະກິດເອກະຊົນ, ທະນາຄານ, ວິສາຫະກິດທີ່ມີເງິນລົງທຶນຈາກຕ່າງປະເທດເພື່ອແນໃສ່ຮັບຟັງຄຳເຫັນຂອງປະຊາຄົມວິສາຫະກິດ, ດັ່ງນັ້ນ, ສະເໜີບັນດາວິສາຫະກິດໃຫ້ຂໍ້ສັງເກດ, ວິໄຈສະພາບການຢ່າງລະອຽດ, ປະກອບຄຳເຫັນໃຫ້ແກ່ລັດຖະບານ, ບັນດາກະຊວງ, ຂະແໜງການ ແລະ ທ້ອງຖິ່ນ.