ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 23 ມີນາ ຜ່ານມາທ່ານ ຟ້າມມິງຈິງ ນາຍົກລັດຖະມົນຕີ ຫວຽດນາມ ໄດ້ລົງສຳຫຼວດ, ກວດກາ ຄວາມຄືບໜ້າຂອງບາງໂຄງການຈຸດສຸມໃນບໍລິເວນແຂວງຕ່ຽນຢາງຄື: ຄັນຄູທະເລ ກໍ່ກົງ, ໂຄງການກໍ່ສ້າງຂົວ ແຣກມ້ຽວ 2.
ຂ່າວລະບຸວ່າ: ສຳລັບຄັນຄູທະເລ ກໍ່ກົງ ມີລວງຍາວທັງໝົດ 15,8 ກມ, ສ້າງຂຶ້ນເພື່ອຮັບປະກັນຄວາມປອດໄພດ້ານຊີວິດອິນຊີ, ຊັບສິນຂອງລັດ ແລະ ຂອງປະຊາຊົນ ປະມານ 600.000 ຄອບຄົວ, ປົກປ້ອງດິນທຳມະຊາດເກືອບ 54 ເຮັກຕາ. ທ່ານ ຟ້າມມິງຈິງ ເນັ້ນໜັກວ່າ: ນີ້ແມ່ນຄັນຄູສຳຄັນ, ກ່ຽວກັບການລົງທຶນກໍ່ສ້າງຄັນຄູເກືອບ 7 ກມ ເພື່ອຫຼຸດຜ່ອນຄວາມແຮງຈາກຄື້ນຟອງທະເລໄກຝັ່ງແລະ ເພື່ອສະກັດກັ້ນສະພາບດິນເຊາະເຈື່ອນທີ່ເກີດຂຶ້ນນັບມື້ນັບຮ້າຍແຮງ ຊຶ່ງທ່ານໄດ້ມອບໝາຍໃຫ້ກະຊວງກະສິກຳ ແລະ ພັດທະນາຊົນນະບົດ, ກະຊວງແຜນການ ແລະ ການລົງທຶນ ຈັດແບ່ງແຫຼ່ງທຶນໃຫ້ໂຄງການຈຸດສຸມນີ້; ພ້ອມທັງມອບໝາຍໃຫ້ບັນດາອົງການຄົ້ນຄວ້າໂຄງການລົງທຶນທ່າກ່ຳປັ່ນທະເລຢູ່ເຂດນີ້ຕາມຮູບແບບຮ່ວມມືພາກລັດ - ເອກະຊົນ.
ສຳລັບໂຄງການຂົວ ແຣກມ້ຽວ 2 - ຂົວແຫ່ງທີສອງ ທີ່ມີຂະໜາດໃຫຍ່ຂ້າມຜ່ານແມ່ນ້ຳຕ່ຽນ, ເຊື່ອມຕໍ່ສອງແຂວງຕ່ຽນຢາງ ແລະ ແບນແຈ ໄດ້ເລີ່ມລົງມືກໍ່ສ້າງໃນເດືອນມີນາ 2022, ຄາດວ່າຈະສ້າງສຳເລັດໃນເດືອນທັນວາ 2025, ມີຍອດເງິນລົງທຶນ 6,8 ພັນຕື້ກວ່າດົ່ງ. ທ່ານ ຟ້າມມິງຈິງ ສະເໜີໃຫ້ເຈົ້າຂອງລົງທຶນ, ທ້ອງຖິ່ນ, ບັນດານັກປະມູນ, ຮັບປະກັນຄວາມຄືບໜ້າ, ຄຸນນະພາບ, ຄວາມປອດໄພ, ຫຼັກອະນາໄມສິ່ງແວດລ້ອມ, ເຕັກນິກ, ປະກອບສ່ວນຊຸກຍູ້ການເຕີບໂຕ, ສ້າງວຽກເຮັດງານທຳໃຫ້ແກ່ປະຊາຊົນ ແລະ ສ້າງສຳເລັດພື້ນຖານໂຄງລ່າງຄົມມະນາຄົມຂອງສອງແຂວງ ເບັ່ນແຈ, ຕ່ຽນຢາງ ແລະ ເຂດທົ່ງພຽງແມ່ນ້ຳຂອງທາງພາກໃຕ້ ແລະ ທົ່ວປະເທດ.
ຂ່າວລະບຸວ່າ: ສຳລັບຄັນຄູທະເລ ກໍ່ກົງ ມີລວງຍາວທັງໝົດ 15,8 ກມ, ສ້າງຂຶ້ນເພື່ອຮັບປະກັນຄວາມປອດໄພດ້ານຊີວິດອິນຊີ, ຊັບສິນຂອງລັດ ແລະ ຂອງປະຊາຊົນ ປະມານ 600.000 ຄອບຄົວ, ປົກປ້ອງດິນທຳມະຊາດເກືອບ 54 ເຮັກຕາ. ທ່ານ ຟ້າມມິງຈິງ ເນັ້ນໜັກວ່າ: ນີ້ແມ່ນຄັນຄູສຳຄັນ, ກ່ຽວກັບການລົງທຶນກໍ່ສ້າງຄັນຄູເກືອບ 7 ກມ ເພື່ອຫຼຸດຜ່ອນຄວາມແຮງຈາກຄື້ນຟອງທະເລໄກຝັ່ງແລະ ເພື່ອສະກັດກັ້ນສະພາບດິນເຊາະເຈື່ອນທີ່ເກີດຂຶ້ນນັບມື້ນັບຮ້າຍແຮງ ຊຶ່ງທ່ານໄດ້ມອບໝາຍໃຫ້ກະຊວງກະສິກຳ ແລະ ພັດທະນາຊົນນະບົດ, ກະຊວງແຜນການ ແລະ ການລົງທຶນ ຈັດແບ່ງແຫຼ່ງທຶນໃຫ້ໂຄງການຈຸດສຸມນີ້; ພ້ອມທັງມອບໝາຍໃຫ້ບັນດາອົງການຄົ້ນຄວ້າໂຄງການລົງທຶນທ່າກ່ຳປັ່ນທະເລຢູ່ເຂດນີ້ຕາມຮູບແບບຮ່ວມມືພາກລັດ - ເອກະຊົນ.
ສຳລັບໂຄງການຂົວ ແຣກມ້ຽວ 2 - ຂົວແຫ່ງທີສອງ ທີ່ມີຂະໜາດໃຫຍ່ຂ້າມຜ່ານແມ່ນ້ຳຕ່ຽນ, ເຊື່ອມຕໍ່ສອງແຂວງຕ່ຽນຢາງ ແລະ ແບນແຈ ໄດ້ເລີ່ມລົງມືກໍ່ສ້າງໃນເດືອນມີນາ 2022, ຄາດວ່າຈະສ້າງສຳເລັດໃນເດືອນທັນວາ 2025, ມີຍອດເງິນລົງທຶນ 6,8 ພັນຕື້ກວ່າດົ່ງ. ທ່ານ ຟ້າມມິງຈິງ ສະເໜີໃຫ້ເຈົ້າຂອງລົງທຶນ, ທ້ອງຖິ່ນ, ບັນດານັກປະມູນ, ຮັບປະກັນຄວາມຄືບໜ້າ, ຄຸນນະພາບ, ຄວາມປອດໄພ, ຫຼັກອະນາໄມສິ່ງແວດລ້ອມ, ເຕັກນິກ, ປະກອບສ່ວນຊຸກຍູ້ການເຕີບໂຕ, ສ້າງວຽກເຮັດງານທຳໃຫ້ແກ່ປະຊາຊົນ ແລະ ສ້າງສຳເລັດພື້ນຖານໂຄງລ່າງຄົມມະນາຄົມຂອງສອງແຂວງ ເບັ່ນແຈ, ຕ່ຽນຢາງ ແລະ ເຂດທົ່ງພຽງແມ່ນ້ຳຂອງທາງພາກໃຕ້ ແລະ ທົ່ວປະເທດ.
ຄໍາເຫັນ