ນາຍົກລັດຖະມົນຕີ ຫວຽດນາມ ເຮັດວຽກກັບການນຳນະຄອນດານັງ

ປ້ອງກັນຄວາມສະຫງົບໃນບໍລິເວນນະຄອນ ໃນໄລຍະ 8 ເດືອນ ຂອງປີ 2024.

ຂ່າວລະບຸວ່າ: ໃນການເຮັດວຽກ, ທ່ານ ຟ້າມມິງຈິງ ໄດ້ເນັ້ນໜັກວ່າ: ດານັງ ໄດ້ແກ້ໄຂບັນດາຈຸດອຸດຕັນຂອງພື້ນຖານເສດຖະກິດໄດ້ເປັນຢ່າງດີ; ນະຄອນພວມນັບມື້ນັບຢັ້ງຢືນໄດ້ທີ່ຕັ້ງ, ບົດບາດ, ຄວາມສຳຄັນຂອງສູນການເຕີບໂຕ, ສົ້ນການເຕີບໂຕຂອງພາກກາງ, ເຕິຍງວຽນ ແລະ ທົ່ວປະເທດ. ເຖິງຢ່າງໃດກໍຕາມ, ທ່ານ ຟ້າມມິງຈິງ ຍັງເນັ້ນໜັກວ່າ: ດານັງ ຕ້ອງພັດທະນາຢ່າງຮອບດ້ານ ແລະ ສະໝ່ຳສະເໝີກວ່າເກົ່າອີກ; ພັດທະນາຢ່າງໄວວາແຕ່ຕ້ອງຍືນຍົງ, ມີຄວາມກົມກຽວລະຫວ່າງການພັດທະນາດ້ານເສດຖະກິດ, ສັງຄົມ, ວັດທະນະທຳ, ມະນຸດ. ໃນໄລຍະຈະມາເຖິງ, ທ່ານສະເໜີໃຫ້ ດານັງ ສຸມໃສ່ປະຕິບັດບັນດາໜ້າທີ່, ມາດຕະການພັດທະນາເສດຖະກິດ - ສັງຄົມ ຕິດພັນກັບ “3 ສູນ”, ລວມມີ: ສູນຕົວເມືອງອັດສະລິຍະ; ໝູນໃຊ້, ຄົ້ນຄວ້າວິທະຍາສາດເຕັກໂນໂລຊີ, ສະຕາດອັບ, ນະວັດຕະກຳຂອງທົ່ວປະເທດ ແລະ ພາກພື້ນ ອາຊີຕາເວັນອອກສ່ຽງໃຕ້; ສູນການບໍລິການ, ການທ່ອງທ່ຽວຕິດພັນກັບການຈັດຕັ້ງເຫດການສາກົນ, ບັນລຸມາດຖານພາກພື້ນອາຊີ; ສູນເສດຖະກິດທະເລ, ການບໍລິການການຂົນສົ່ງ, ເຂດການຄ້າເສລີ.