ນາຍົກລັດຖະມົນຕີ ຫວຽດນາມ ພົບປະກັບ ນາຍົກລັດຖະມົນຕີ ປາກິດສະຖານ

ໃນວັນທີ 27 ກໍລະກົດຜ່ານມານີ້ ທີ່ເມືອງປາວຊານ ແຂວງຢຸນນານ ສປຈີນ. ໄດ້ຈັດກິດຈະກໍາຂຶ້ນພາຍໃຕ້ຫົວຂໍ້ “ໂລກຢູ່ໃນກອບດຽວ ພົບກັນທີ່ປາວຊານ” ເປີດຂຶ້ນຢ່າງເປັນທາງການ ຊຶ່ງມີນັກຂ່າວຕ່າງປະເທດ 19 ຄົນ ມາຈາກ 4 ປະເທດຄື; ລາວ, ຫວຽດນາມ,ມຽນມາ ແລະ ບັງກາລາເທດ.

ວິທະຍຸໂທລະພາບສູນກາງຈີນ (CMG) ລາຍງານວ່າ: ໃນວັນທີ 26 ກໍລະກົດ ຜ່ານມາ, ທ່ານ ອັນໂຕນີໂອ ກູເຕີເຣັສ ເລຂາທິການໃຫຍ່ອົງການສະຫະປະຊາຊາດ (ສປຊ) ທີ່ກຳລັງຢ້ຽມຢາມຊີຣີໄດ້ຮຽກຮ້ອງໃຫ້ຍົກເລີກມາດຕະການລົງໂທດທັງໝົດຕໍ່ຊີຣີໃນທັນທີ ແລະ ຮຽກຮ້ອງໃຫ້ປະຊາຄົມໂລກເພີ່ມທະວີການສະໜັບສະໜູນດ້ານການເມືອງ ແລະ ດ້ານເສດຖະກິດເຂົ້າໃນການສ້າງສາຊີຣີຄືນໃໝ່.

ຂ່າວຕ່າງປະເທດລາຍງານໃນວັນທີ 26 ກໍລະກົດ ຜ່ານມາວ່າ: ທ່ານ ອາເລັກຊານເດີ ໂນວັກ ຮອງນາຍົກລັດຖະມົນຕີຣັດເຊຍ ໄດ້ປະກາດໃນວັນທີ 25 ກໍລະກົດຜ່ານມາວ່າ, ຣັດເຊຍຈະຂະຫຍາຍການຫ້າມສົ່ງອອກນ້ຳມັນແອັດຊັງໄປຈົນຮອດທ້າຍປີ 2026 ເພື່ອຮັກສາສະຖຽນລະພາບການສະໜອງນ້ຳມັນເຊື້ອໄຟພາຍໃນປະເທດ.

ວິທະຍຸໂທລະພາບສູນກາງຈີນ (CMG) ລາຍງານໃນວັນທີ 27 ກໍລະກົດ ຜ່ານມາວ່າ: ເນື່ອງ​ຈາກອາ​ເມ​ຣິ​ກາ​ແລະ​ ອີ​ຣານ ຢຸດ​ຕິ​ການ​ໂຈມ​ຕີ​​ກັນ​ເປັນ​ການ​ຊົ່ວ​ຄາວ. ໃນວັນ​ທີ 26 ກໍ​ລະ​ກົດ ຜ່ານມາ, ລາ​ຄາ​ນ້ຳ​ມັນ​ດິບ​ສາ​ກົນ​ໄດ້ຫຼຸດ​ລົງ​ຢ່າງ​ຫຼວງ​ຫຼາຍ ​ໂດຍ​ຫຼຸດ​ລົງ​ຫຼາຍກວ່າ 6% ​ໃນ​ໄລ​ຍະ​ເລີ່ມ​ຕົ້ນ​ການ​ຊື້-​ຂາຍໃນ​ສັບ​ປະ​ດາ​ໃໝ່.

ວິທະຍຸກະຈາຍສຽງຫວຽດນາມລາຍງານວ່າ: ເນື່ອງ​ໃນ​ໂອ​ກາດ​ສະ​ເຫຼີມ​ສະ​ຫຼອງ 79 ປີ​ແຫ່​ງວັນ​ທະ​ຫານ​ເສຍ​ອົງ​ຄະ​ນະ ນັກ​ຮົບ​ເສຍ​ສະຫຼະ​ຊີ​ວິດ​ເພື່ອ​ຊາດ (27/7/1947 - 27/7/2026), ໃນ​ວັນ​ທີ 27 ກໍ​ລະ​ກົດ ຜ່ານມາ ຢູ່ນະຄອນຫຼວງ​ຮ່າ​ໂນ້ຍ, ທ່ານ​ນາງ ຫງວຽນ​ທິ​ແທັງ ຮອງ​ປະ​ທານ​ສະ​ພາ​ແຫ່ງ​ຊາດ ໄດ້​ພົບ​ປະ​ກັບ​ບັນ​ດາ​ແມ່​ຫວຽດ​ນາມວິ​ລະ​ຊົນ, ນັກ​ວິ​ລະ​ຊົນ​ກຳ​ລັງ​ປະ​ກອບ​ອາ​ວຸດ, ຜູ້​ມີ​ຄຸນ​ງາມ​ຄວາມ​ດີ​ອັນ​ດີ​ເດັ່ນ​ຂອງ​ນະ​ຄອນຫຼວງຮ່າ​ໂນ້ຍ, ແຂວງ​ນິງ​ບິ່ງ ແລະ ໄທ​ງວຽນ ເຂົ້າ​ຮ່ວມ​ລາຍ​ການ “ຍືນ​ຍົງ​ຄົງ​ຕົວ​ກັບ​ປະ​ເທດ​ຊາດ ຊົ່ວ​ກາ​ລະ​ນ​ານ” ຊຶ່ງຈັດຂຶ້ນ​ໂດຍ​ຫ້ອ​ງວ່າ​ການ​ສະ​ພາ​ແຫ່ງ​ຊາດ ແລະ ສະ​ຖາ​ບັນ​ຄົ້ນ​ຄວ້າ​ວັດ​ທະ​ນະ​ທຳ ແລະ ການ​ດຳ​ລົງ​ຊີ​ວິດ​ຂອງ​ປະ​ຊາ​ຊົນ.

ວິທະຍຸໂທລະພາບສູນກາງຈີນ (CMG) ລາຍງານຫວ່າງມໍ່ໆມານີ້ວ່າ: 6 ​ເດືອນ​ຕົ້ນ​ປີ​ນີ້, ເສດ​ຖະ​ກິດ​ຈີນ​ເຕີບໃຫຍ່ຂະຫຍາຍຕົວ​ຢ່າງ​ໜັກ​ແໜ້ນ, ມີ​ຄຸນ​ນະ​ພາບ​ດີ​ຂຶ້ນ ແລະ ມີ​ປະ​ສິດ​ທິ​ພາບ​ສູງ​ຂຶ້ນ ຊຶ່ງສາມາດສ້າງ​ຜົນ​ງານ​ທີ່​ໂດດ​ເດັ່ນ​ໃນຫຼາຍ​ຂົງ​ເຂດ ເຊັ່ນ: ການ​ຄ້າ​ກັບ​ຕ່າງ​ປະ​ເທດ, ການ​ຈໍ​ລະ​ຈອນ​ສິນ​ຄ້າ​ ແລະ ອື່ນໆ ຊຶ່ງ​ໄດ້​ສະ​ແດງ​ໃຫ້​ເຫັນ​ເຖິງ​ຄວາມ​ເຂັ້ມ​ແຂງ, ຄວາມໜຽວ​ແໜ້ນ ແລະ ຄວາມມີຊີ​ວິດ​ຊີ​ວາຂອງ​ເສດ​ຖະ​ກິດ​ຈີນ.

ສຳນັກຂ່າວສານຊິນຮວາລາຍງານໃນວັນທີ 27 ກໍລະກົດ ຜ່ານມາວ່າ: ກະຊວງສຶກສາທິການຂອງມຽນມາໄດ້ຫ້າມນັກຮຽນໃນໂຮງຮຽນປະຖົມໃຊ້ໂທລະສັບມືຖືໃນເວລາຮຽນ ເພື່ອປ້ອງກັນການໃຊ້ໂທລະສັບມືຖືຫຼາຍເກີນໄປ ແລະ ປົກປ້ອງນັກຮຽນຈາກຜົນກະທົບທີ່ເປັນອັນຕະລາຍຈາກການໃຊ້ສື່ສັງຄົມອອນລາຍທີ່ບໍ່ເໝາະສົມກັບອາຍຸ.

ວິທະຍຸໂທລະພາບສູນກາງຈີນ (CMG) ລາຍງານວ່າ: ໃນວັນ​ທີ 25 ກໍ​ລະ​ກົດ ຜ່ານມາ, ໃນ​ກອງ​ປະ​ຊຸມ​ໃຫຍ່​ມໍ​ລະ​ດົກ​ໂລກ​ຄັ້ງ​ທີ 48 ທີ່​ຈັດ​ຂຶ້ນ​ຢູ່​ນະ​ຄອນບູ​ຊານ​ຂອງ ສເກົາຫຼີ, ຮອງ​ຮອຍ​ເຄື່ອງ​ປັ້ນ​ດິນ​ເຜົາ​ຫັດ​ຖະ​ກຳຈິງ​ເຕີ​ເຈິ້ນ​ຂອງ​ຈີນ​ໄດ້​ຖືກ​ຈັດ​ເຂົ້າ​ໃນ​ບັນ​ຊີ​ລາຍ​ຊື່​ມໍ​ລະ​ດົກ​ໂລກ ຂອງ​ອົງ​ການ​ອຸຍ​ເນັດ​ສະ​ໂກ​ສະ​ຫະ​ປະ​ຊາ​ຊາດ​ຢ່າງ​ເປັນ​ທາງ​ການ, ຮ່ອງ​ຮອຍ​ດັ່ງ​ກ່າວ​ໄດ້​ກາຍ​ເປັນ​ມໍ​ລະ​ດົກ​ໂລກ​ລາຍ​ການ​ທີ 61 ຂອງ​ຈີນ. ນີ້​ແມ່ນ​ຈີນ​ສະ​ເໜີ​ເອົາ​ຮ່ອງ​ຮອຍ​ອຸດ​ສາ​ຫະ​ກຳ​​ເຂົ້າ​ເປັນ​ມໍ​ລະ​ດົກ​ໂລກເປັນ​ຄັ້ງ​ທຳ​ອິດ ຊຶ່ງ​ໄດ້ເຕີມ​ເຕັມ​ຊ່ອງ​ຫວ່າງມໍ​ລະ​ດົກ​ໃນ​ຫົວ​ຂໍ້ “ເຄື່ອງ​ປັ້ນ​ດິນ​ເຜົາ” ໃນ “ບັນ​ຊີ​ລາຍ​ຊື່​ມໍ​ລະ​ດົກ​ໂລກ” ຂອງ​ອົງ​ການ​ອຸຍ​ເນັດ​ສະ​ໂກ ​ເຮັດ​ໃຫ້​ເຄື່ອງ​ປັ້ນ​ດິນ​ເຜົາ, ​ຜ້າ​ໄໝ ແລະ ຊາ ​ຢ່າງ​ຄົບ​ຖ້ວນ​ທີ່ເປັນ​ສື່​ກາງວັດ​ທະ​ນະ​ທຳ​ໃຫຍ່ 3 ​ຢ່າງ​ໃນ​ການ​ໄປ​ມາ​ຫາ​ສູ່​ດ້ານ​ການ​ຄ້າ​ກັບ​ຕ່າງ​ປະ​ເທດ​ໃນ​ສະ​ໄໝ​ບູ​ຮານ​ຂອງ​ຈີນ​ໄດ້​ຖືກ​ຈັດ​ເຂົ້າ​ໃນ​ບັນ​ຊີ​ລາຍ​ຊື່​ມໍ​ລະ​ດົກ​ໂລກ.

ຂ່າວຕ່າງປະເທດລາຍງານ ໃນວັນທີ 26 ກໍລະກົດ ຜ່ານມາວ່າ: ບັນດານັກພະຍາກອນອາກາດເຕືອນວ່າ, ປະກົດການແອວນີໂຢ ຊຶ່ງມັກຈະເຮັດໃຫ້ເກີດໄພແຫ້ງແລ້ງ, ນໍ້າຖ້ວມ ແລະ ພາຍຸຮ້າຍແຮງໃນອາຟຣິກາ, ອາດຈະເພີ່ມທະວີຄວາມຮຸນແຮງຂຶ້ນຢ່າງຫຼວງຫຼາຍ ຖ້າຫາກອຸນຫະພູມທີ່ສູງຂຶ້ນຂອງມະຫາສະໝຸດປາຊີຟິກໃນປັດຈຸບັນຍັງສືບຕໍ່.

ສຳນັກຂ່າວສານຊິນຮວາລາຍງານຫວ່າງມໍ່ໆມານີ້ວ່າ: ອົງການພະລັງງານສາກົນ (IEA) ລາຍງານວ່າ, ພະລັງງານໝູນວຽນກຳລັງຈະແຊງໜ້າຖ່ານຫີນຂຶ້ນເປັນແຫຼ່ງພະລັງງານສຳລັບຜະລິດໄຟຟ້າທີ່ໃຫຍ່ທີ່ສຸດໃນໂລກໃນປີ 2026, ຫຼັງຈາກມີອັດຕາສ່ວນໃກ້ຄຽງກັນໃນປີ 2025. ໃນຂະນະທີ່ຄວາມຕ້ອງການໄຟຟ້າທົ່ວໂລກຄາດວ່າຈະສືບຕໍ່ເພີ່ມຂຶ້ນຈົນຮອດປີ 2027.