ຂ່າວຕ່າງປະເທດລາຍງານ ໃນວັນທີ 17 ກັນຍາ ຜ່ານມາວ່າ: ການ​ສົ່ງ​ອອກ​ສິນຄ້າພາຍ​ໃນ​ປະ​ເທດ​ທີ່​ບໍ່​ແມ່ນ​ນ້ຳມັນ (NODX) ຂອງ​ສິງກະ​ໂປ​ ຫຼຸດ​ລົງ 11.3% ໃນເດືອນສິງຫາ ​ເມື່ອ​ທຽບ​ໃສ່​ປີ​ກາຍ,​ ພາຍຫຼັງ​ເດືອນ​ກໍລະກົດ​ ​ຫຼຸດ​ລົງ 4.7%.

ຂ່າວສານຊີອາໄອລາຍງານວ່າ: ອີງ​ຕາມ​ໂຕ​ເລກ​ສະ​ຖິ​ຕິຫຼ້າ​ສຸດ​ທີ່​ອົງ​ການ​ພ​າ​ສີ​ຈີນ​ເປີດ​ເຜີຍ​​ຫວ່າ​ງ​ມໍ່ໆ​ມາ​ນີ້​ສະ​ແດງ​ໃຫ້​ເຫັນ​ວ່າ: ໃນ 8 ເດືອນ​ຕົ້ນ​ປີ​ນີ້, ຍອດ​ມູນ​ຄ່າ​​ນຳ​ເຂົ້າ-​ສົ່ງອອກສິ​ນ​ຄ້າ​ທີ່​ຈັບ​ຕ້ອງ​ໄດ້​ຂອງ​ຈີນ​ທີ່​ມີ​ຕໍ່​ອາ​ຊຽນ​ໄດ້​ເພີ່ມ​ຂຶ້ນ​ 9.7% ເມື່ອ​ທຽບ​ໃສ່​ໄລ​ຍະ​ດຽວ​ກັນຂອງ​ປີ​ກາຍ​ ແລະ ​ໄດ້​ເພີ່ມ​ຂຶ້ນເປັນ​ເວ​ລາ 18 ເດືອນ​ລຽນ​ຕິດ. ອາ​ຊຽນ​ສືບ​ຕໍ່​ເປັນ​ຄູ່​ການ​ຄ້າ​ໃຫຍ່​ອັນ​ດັບ​ໜຶ່ງ​ຂອງ​ຈີນ.

ວິທະຍຸກະຈາຍສຽງຫວຽດນາມລາຍງານວ່າ: ໃນຕອນເຊົ້າວັນທີ 17 ກັນຍາ ຜ່ານມາ ຢູ່ສຳນັກງານສູນກາງພັກ ນະຄອນຫຼວງຮ່າໂນ້ຍ, ທ່ານ ໂຕເລິມ ເລຂາທິການໃຫຍ່ ເປັນປະທານການເຮັດວຽກກັບຄະນະປະຈຳອົງຄະນະພັກລັດຖະບານກ່ຽວກັບສະພາບການຜັນຂະຫຍາຍປະຕິບັດມະຕິກ່ຽວກັບກະສິກຳ, ຊາວກະສິກອນ, ຊົນນະບົດ ແລະ ການວາງແຜນຜັງ, ກໍ່ສ້າງ, ຄຸ້ມຄອງ ແລະ ພັດທະນາຕົວເມືອງຫວຽດນາມແບບຍືນຍົງ. ໃນການເຮັດວຽກ, ທ່ານເລຂາທິການໃຫຍ່ ຮຽກຮ້ອງຕ້ອງຕີລາຄາຢ່າງພາວະວິໄສ, ຮອບດ້ານກ່ຽວກັບສະພາບການ ແລະ ໝາກຜົນການປະຕິບັດບັນດາມະຕິ, ຄົ້ນຄວ້າຢ່າງລະອຽດບັນດາບັນຫາໄດ້ວາງອອກໃໝ່ພາຍຫຼັງສັບຊ້ອນອົງການບໍລິຫານ, ໂຮມຂັ້ນແຂວງ, ຂັ້ນຕາແສງເຂົ້າກັນ ແລະ ອົງການອຳນາດການປົກຄອງທ້ອງຖິ່ນສອງຂັ້ນ.

ຂ່າວຕ່າງປະເທດລາຍງານ ໃນວັນທີ 16 ກັນຍາ ຜ່ານມາວ່າ: ມະຫາວິທະຍາໄລ Ben-Gurion ຂອງ Negev ໃນປະເທດອິສຣາແອນ ເປີດເຜີຍວ່າ: ທີມນັກຄົ້ນຄວ້າສາກົນໄດ້ພົບເຫັນຫຼັກຖານໃໝ່ທີ່ລະບຸວ່າອາຫານສາມາດສົ່ງຜົນກະທົບໂດຍກົງຕໍ່ໂຣກສະໝອງເສື່ອມຕາມອາຍຸ.

ຂ່າວຕ່າງປະເທດລາຍງານວ່າ: ຫ້ອງການສະຖິຕິ​ຂອງນູແວນເຊລັງ ​ລາຍ​ງານ​ໃນ​ວັນ​ທີ 16 ກັນຍາຜ່ານມາ​ວ່າ, ລາຄາ​ອາຫານ​ໃນນູແວນເຊລັງ ​ໄດ້​ເພີ່ມ​ຂຶ້ນ 5% ​ໃນ​ໄລຍະ 12 ເດືອນ ຈົນເຖິງ​ເດືອນ​ສິງຫາ​ປີ 2025, ​ຫຼັງຈາກທີ່​ເພີ່ມ​ຂຶ້ນ 5% ​ເຊັ່ນດຽວກັນໃນ​ເດືອນ​ກໍລະກົດ.

ຂ່າວຕ່າງປະເທດລາຍງານ ໃນວັນທີ 16 ກັນຍາ ຜ່ານມາວ່າ: ປະເທດບຣາຊິນ ຊຶ່ງເປັນຜູ້ຜະລິດ ແລະ ສົ່ງອອກກາເຟລາຍໃຫຍ່ທີ່ສຸດໃນໂລກ, ສົ່ງອອກກາເຟສຳເລັດຮູບໄປ ສະຫະລັດ ອາເມຣິກາ ຫຼຸດລົງເກືອບ 60% ໃນເດືອນສິງຫາ ຜ່ານມາ ເມື່ອທຽບໃສ່ປີກ່ອນໜ້ານີ້, ເນື່ອງຈາກ ສະຫະລັດ ອາເມຣິກາ ໄດ້ເກັບພາສີນໍາເຂົ້າສູງເຖິງ 50%.

ຂ່າວຕ່າງປະເທດລາຍໃນ​ວັນ​ທີ 16 ກັນຍາ ຜ່ານມາວ່າ: ກະຊວງ​ການ​ຄ້າ​ກຳປູ​ເຈຍ​ ໄດ້​ລາຍ​ງານ​ການ​ສົ່ງ​ອອກ​ໄປ​ຍັງ​ສະຫະພາບ​ເອີຣົບ (EU) ​ແລະ ອາ​ຊຽນ (ASEAN)​ ໃນ​ໄລຍະ 8 ​ເດືອນ​ຕົ້ນ​ປີ 2025 (ມັງກອນ-ສິງຫາ) ​ເພີ່ມ​ຂຶ້ນ​ເປັນລະດັບ​​ໂຕ​ເລກສອງຫຼັກ.

ຂ່າວຕ່າງປະເທດລາຍ ໃນວັນທີ 16 ກັນຍາ ຜ່ານມາວ່າ: ກະຊວງສາທາລະນະສຸກຂອງຍີ່ປຸ່ນປະກາດວ່າ, ແມ່ຍິງອາຍຸ 20 ປີ ທີ່ມີປະຫວັດການເດີນທາງໄປອາຟຣິກກາ ເມື່ອບໍ່ດົນມານີ້ ໄດ້ຖືກຢືນຢັນວ່າຕິດເຊື້ອພະຍາດໝາກສຸກລີງ (MPox) ທີ່ເມືອງໂກເບ ປະເທດຍີ່ປຸ່ນ.

ຂ່າວສານຊີອາໄອລາຍງານວ່າ: ໃນວັນ​ທີ 16 ກັນ​ຍາ ຜ່ານມາ, ຫ້ອງ​ການ​ຖະ​ແຫຼງ​ຂ່າວ​ຄະ​ນະ​ລັດ​ຖະ​ບານ​ຈີນ​ໄດ້​​ຈັດກອງ​ປະ​ຊຸມ​ຖະ​ແຫຼງ​ຂ່າວ, ​ເພື່ອແຈ້ງ​ສະ​ພາບ​ກ່ຽວ​ກັບ​ການ​ພັດ​ທະ​ນາ​ດ້ວຍ​ຄຸນ​ນະ​ພາບ​ສູງ​ດ້ານ​ກະ​ສິ​ກຳ ແລະ ຊົນ​ນະ​ບົດ​ຂອງ​ຈີນ​ໃນ​ໄລ​ຍະ​ດຳ​ເນີນ​ແຜນ​ພັດ​ທະ​ນາ​ເສດ​ຖະ​ກິດ​-ສັງ​ຄົມ​ແຫ່ງ​ຊາດ 5 ປີ​ຄັ້ງ​ທີ 14.

ວິທະຍຸກະຈາຍສຽງຫວຽດນາມລາຍງານວ່າ: ໃນຕອນເຊົ້າວັນທີ 16 ກັນຍາ ຜ່ານມາ, ກົມການເມືອງ, ຄະນະເລຂາທິການສູນກາງພັກກອມມູນິດ ຫວຽດນາມ ໄດ້ຈັດກອງປະຊຸມເຊື່ອມຊຶມ ແລະ ຜັນຂະຫຍາຍປະຕິບັດມະຕິສຳຄັນ 4 ສະບັບຂອງກົມການເມືອງ. ໂດຍການເຂົ້າຮ່ວມຂອງ ທ່ານ ໂຕເລິມ ເລຂາທິການໃຫຍ່, ທ່ານ ເລືອງເກື່ອງ ປະທານປະເທດ ຫວຽດນາມ, ທ່ານ ຟ້າມມິງຈິງ ນາຍົກລັດຖະມົນຕີ ຫວຽດນາມ, ທ່ານ ເຈິ່ນແທັງເໝິນ ປະທານສະພາແຫ່ງຊາດ ຫວຽດນາມ. ໂດຍມີຜູ້ແທນໃນທົ່ວປະເທດ 1.2 ລ້ານກວ່າຄົນ ເຂົ້າຮ່ວມແບບທາງໄກ.