2025 (ATF 2025) ທີ່ລັດຈໍຮໍ ບາຣູ ປະເທດມາເລເຊຍ ແລະ ທັງໄດ້ມີໂອກາດເດີນທາງໄປຢ້ຽມຊົມສະຖານທີ່ທ່ອງທ່ຽວທີ່ເປັນທີ່ນິຍົມ ແລະ ສຳຄັນຂອງລັດຈໍຮໍ ບາຣູ ໂດຍໄດ້ຮັບການສະໜັບສະໜູນຈາກອົງການທ່ອງທ່ຽວ ປະເທດມາເລເຊຍ ໃນການເດີນທາງໄປຄັ້ງນີ້ໃນລະຫວ່າງວັນທີ 15 -20 ມັງກອນ 2025.
ລັດ ຈໍຮໍ ບາຣູເປັນລັດໜຶ່ງຂອງປະເທດມາເລເຊຍຊຶ່ງຕັ້ງຢູ່ພາກໃຕ້ສຸດຂອງຄາບມະຫາສະໝຸດມະລາຢູ ແລະ ຕັ້ງຢູ່ກົງກັນຂ້າມກັບ ເມືອງຫຼວງຂອງປະເທດສິງກະໂປ, ເປັນເມືອງທີ່ໃຫຍ່ອັນດັບສອງຂອງປະເທດມາເລເຊຍ ລັດນີ້ແມ່ນມີທ່າແຮງທາງດ້ານເສດຖະກິດການທ່ອງທ່ຽວ ແລະ ປະຫວັດສາດ ເປັນອີກໜຶ່ງຈຸດໝາຍປາຍທາງຂອງນັກທ່ອງທ່ຽວແລະໃນປີ 2025ງານມະຫະກຳທ່ອງທ່ຽວອາຊຽນ 2025 (ATF 2025) ກໍໄດ້ຈັດຂຶ້ນທີ່ລັດດັ່ງກ່າວ, ອົງການທ່ອງທ່ຽວມາເລເຊຍໄດ້ນຳພາຄະນະສື່ມວນຊົນລາວ ແລະ ສື່ມວນຊົນທັງພາຍໃນ ແລະ ຕ່າງປະເທດທີ່ເຂົ້າມາຮ່ວມງານ ໄດ້ເດີນທາງໄປຢ້ຽມຊົມສະຖານທີ່ທ່ອງທ່ຽວທີ່ສຳຄັນຂອງລັດ ຈໍຮໍ ບາຣູໃນລະຫວ່າງ ວັນທີ 17 -18 ມັງກອນ ຜ່ານມາຊຶ່ງໃນມື້ທຳອິດກໍຄືວັນທີ 17 ມັງກອນ 2025 ໄດ້ເດີນທາງໄປຢ້ຽມຊົມ ພິພິທະພັນພະລາຊະວັງສູນລະຕ່ານອາບູບາກາ(The Royal Abu Bakar Museum)ເປັນໜຶ່ງສະຖານທີ່ທ່ອງທ່ຽວທີ່ສຳຄັນທາງປະຫວັດສາດ ແລະ ວັດທະນະທຳຂອງລາສະວົງຈໍຮໍ ພິທິທະພັນແຫ່ງນີ້ຕັ້ງຢູ່ໃກ້ກັບທະເລສາມາດແນມເຫັນວິວທະເລໄດ້ຢ່າງງົດງາມ, ພະລາສະວັງແຫ່ງນີ້ສ້າງຕັ້ງຂຶ້ນໃນປີ 1866 ໂດຍສູນລະຕານອາບູ ບາລາ ທີ່ໄດ້ຮັບການຍົກຍ້ອງເປັນບິດາແຫ່ງຄວາມທັນສະໄໝຂອງຈໍຮໍ ປີ 1990 ພະລາຊະວັງໄດ້ປ່ຽນເປັນພິພິທະພັນເພື່ອໃຫ້ປະຊາຊົນ ແລະ ນັກທ່ອງທ່ຽວໄດ້ຮຽນຮູ້ກ່ຽວກັບລາສະວົງ ແລະ ວັດທະນະທຳຂອງລັດ ຈໍຮໍ.
ພິພິທະພັນແຫ່ງນີ້ໄດ້ມີຫ້ອງວາງສະແດງປະຫວັດຄວາມເປັນມາຂອງລາສະວົງຈໍຮໍ ເຊັ່ນ: ຫ້ອງວາງສະແດງເຄື່ອງປະດັບ, ຊຸດເຄື່ອງແຕ່ງກາຍ, ອາວຸດ ແລະ ເຄື່ອງເຮືອນທີ່ມີຄຸນຄ່າທາງປະຫວັດສາດ ລວມເຖິງຫ້ອງວາງສະແດງປະຫວັດການປົກຄອງຂອງສູນລະຕານອາບູບາລາ ແລະ ສູນລະຕານອົງອື່ນໆ ຊຶ່ງມີຄວາມງົດງາມໃນດ້ານສະຖາປັດຕະຍະກຳຂອງພະລາຊະວັງປະສົມປະສານກັນລະຫວ່າງຮູບແບບມາເລ ແລະ ເອີຣົບສະແດງໃຫ້ເຫັນເຖິງຄວາມງົດງາມຂອງຍຸກສະໄໝ ສະຖານທີ່ແຫ່ງນີ້ເປີດທຸກມື້ ຍົກເວັ້ນວັນສຸກ ເລີ່ມເປີດເວລາ 9:00 ໂມງ ຫາ 17:00 ໂມງ; ການເດີນທາງມາສະຖານທີ່ແຫ່ງນີ້ໃຊ້ເວລາ 10 ຫາ 15 ນາທີ ຈາກຕົວເມືອງ ຈໍຮໍບາຣູ ສາມາດເດີນທາງດ້ວຍລົດປະຈຳທາງ ແລະ ລົດແທັກຊີກໍໄດ້.ຫຼັງຈາກນັ້ນກໍໄດ້ເດີນທາງໄປຢ້ຽມຊົມສະໜາມກິລາJohor Darul Ta'zimF.CStadiumແລະ ໄດ້ມີບໍລິການທ່ອງທ່ຽວອ້ອມຮອບສະໜາມກິລາດ້ວຍລົດ ແຮ໋ມເມີ ( Hummer Tour) ທີ່ມີລັກສະນະຮູບແບບທີ່ທັນສະໄໝ ພ້ອມນັ້ນກໍມີຜູ້ນຳທ່ຽວພາທ່ຽວຊົມດ້ານໃນຂອງສະໜາມກິລາແຫ່ງນີ້ ຊຶ່ງສະໜາມກິລາແຫ່ງດັ່ງກ່າວ ສາມາດບັນຈຸຜູ້ເຂົ້າຊົມໄດ້ເຖິງ 40,000 ຄົນ; ໄດ້ເປີດໃຫ້ບໍລິການໃນປີ 2020 ເປັນສະໜາມກິລາທີ່ມີມາດຕະຖານລະດັບສາກົນ.
ໃນມື້ທີສອງ ທາງອົງການທ່ອງທ່ຽວມາເລເຊຍ ກໍໄດ້ນຳພາຄະນະສື່ມວນຊົນເດີນທາງໄປທ່ຽວຊົມສວນສະໜຸກເລໂກ້ແລນມາເລເຊຍ(LEGOLAND Malaysia)ເປັນສວນສະໜຸກຂະໜາດໃຫຍ່ທີ່ໄດ້ຮັບຄວາມນິຍົມຈາກນັກທ່ອງທ່ຽວ ມີເຄື່ອງຫຼິ້ນຫຼາຍກວ່າ 40 ຊະນິດ, ໃນນັ້ນລວມມີສວນສະໜຸກອີກ 7 ແຫ່ງ ສວນສະໜຸກແຫ່ງນີ້ມີເອກະລັກພິເສດຄື: ເລໂກ້ (Lego) ມີຫຸ່ນຕ່າງໆທີ່ຕໍ່ດ້ວຍLego ຫຼາຍກວ່າ 15,000 ຫຸ່ນ; ທີ່ສ້າງດ້ວຍການຕໍ່ເລໂກ້ 60 ລ້ານອັນ ຊຶ່ງຜູ້ທີ່ເຂົ້າໄປທ່ຽວສະຖານທີ່ແຫ່ງນີ້ ແມ່ນອົດບໍ່ໄດ້ແນ່ນອນທີ່ຈະຖ່າຍຮູບ. ເດັກນ້ອຍ ແລະ ຜູ້ໃຫຍ່ສາມາດສຳຜັດປະສົບການຄວາມມ່ວນຊື່ນ ແລະ ສຳຜັດກັບຄວາມສຸກໄດ້ທີ່ສວນໜຸກແຫ່ງນີ້. ນອກຈາກນີ້, ຢູ່ສວນດັ່ງກ່າວຍັງມີພິິພິທະພັນສັດນໍ້າທີ່ເໝາະສຳລັບພໍ່ແມ່ ແລະ ລູກໂດຍມີເອກະລັກກ່ຽວກັບສິ່ງທີ່ມີຊີວິດໃນທ້ອງທະເລ, ເປີດໂອກາດໃຫ້ຜູ້ເຂົ້າຊົມໄດ້ຊົມສິ່ງທີ່ມີຊີວິດໃຕ້ທ້ອງທະເລຕ່າງໆຢ່າງໃກ້ຊິດ, ຮຽນຮູ້ກ່ຽວກັບລະບົບນິເວດທາງທະເລ ແລະ ມີສ່ວນຮ່ວມໃນກິດຈະກຳການສຶກສາສຳຜັດຕົວຈິງໃນທ້ອງທະເລ.
ຫຼັງຈາກທ່ຽວຊົມສວນສະໜຸກເລໂລແລນແລ້ວ ກໍໄດ້ເດີນທາງໄປສູນການຄ້າJohor Premium Outlets (JPO)ຊຶ່ງເປັນສູນການຄ້າທີ່ໄດ້ຮັບຄວາມນິຍົມ ໂດຍມີຮ້ານຂາຍເຄື່ອງທີ່ມີຍີ່ຫຍໍ້ໃນທົ່ວໂລກ;ພ້ອມດ້ວຍສ່ວນຫຼຸດພິເສດທີ່ດຶງດູດລູກຄ້າທີ່ຕ້ອງການສິນຄ້າຄຸນນະພາບໃນລາຄາທີ່ຖືກ, ສູນການຄ້າແຫ່ງນີ້ແມ່ນມີຮ້ານຄ້າຫຼາຍກວ່າ 150 ຮ້ານໄວ້ບໍລິການໃຫ້ລູກຄ້າໄດ້ເລືອກຊື້ສິນຄ້າຕາມຕ້ອງການ ເຊັ່ນ: ຮ້ານຂາຍເຄື່ອງນຸ່ງ, ຮ້ານຂາຍເຄື່ອງສຳອາງ, ຮ້ານຂາຍກະເປົາ;ຮ້ານຂາຍເກີບ; ຮ້ານຂາຍນໍ້າຫອມ ແລະ ອີກຫຼາຍຜະລິດຕະພັນສິນຄ້າ.ເພື່ອເປັນການອຳນວຍຄວາມສະດວກໃຫ້ແກ່ນັກທ່ອງທ່ຽວທີ່ຈະເຂົ້າມາທ່ອງທ່ຽວ ລັດຈໍຮໍບາຣູປະເທດມາເລເຊຍ ໄດ້ເປີດແອັບທັນສະໄໝ ເພື່ອອຳນວຍຄວາມສະດວກບໍລິການໃຫ້ນັກທ່ອງທ່ຽວ ມາທ່ຽວລັດຈໍຮໍແລ້ວແມ່ນຈະໄດ້ຮັບຄວາມປອດໄພ ແລະ ຄວາມປະທັບໃຈຢ່າງແນ່ນອນ.ໃນການເດີນທາງຢ້ຽມຢາມ ແລະ ທ່ອງທ່ຽວໃນຄັ້ງນີ້ ບັນດາສື່ມວນຊົນປະເທດຕ່າງໆແມ່ນມີຄວາມປະທັບໃຈມ່ວນຊື່ນ ແລະ ອົບອຸ່ນໃນການຕ້ອນຮັບແບບເປັນກັນເອງຂອງລັດຈໍຮໍບາຮູ ພ້ອມທັງໄດ້ຊິມລົດຊາດອາຫານທ້ອງຖິ່ນ ທີ່ມີເປັນເອກະລັກສະເພາະຂອງລັດຈໍຮໍບາຣູ ອີກດ້ວຍ.
ຄໍາເຫັນ