flag

ຂ່າວວັດທະນະທຳ-ສັງຄົມ

ງານບຸນນະມັດສະການພະທາດຫຼວງ

ງານບຸນນະ­ມັດ­ສະ­ການພະ­ທາດຫຼວງ ຕ້ອງຮັກສາໄດ້ຮີດຄອງປະເພນີ ຄວາມສະ­ຫງົບ ຄວາມເປັນລະ­ບຽບຮຽບ­ຮ້ອຍ

ເມື່ອເຖິງວັນເພັງເດືອນສິບສອງຂອງທຸກໆປີ ຊາວນະຄອນຫຼວງວຽງຈັນ ກໍຄືປະຊາຊົນລາວບັນດາເຜົ່າ ໄດ້ພ້ອມກັນຈັດງານບຸນນະມັດສະການພະທາດຫຼວງ

 

 ຊຶ່ງເປັນງານບຸນມະໂຫລານໃຫຍ່ທີ່ສຸດໃນ ສປປ ລາວ. ສຳລັບປີນີ້ ແມ່ນຈັດຂຶ້ນໃນລະຫວ່າງ ວັນທີ 11-15/11/2024.

ບຸນນະມັດສະການພະທາດຫຼວງ ໄດ້ສະແດງໃຫ້ເຫັນເຖິງວັດທະນະທຳ ແລະ ຮີດຄອງປະເພນີອັນດີງາມຂອງຊາວພຸດ ກໍຄືຊາວລາວທັງຊາດ ໂດຍປະກອບມີພິທີສຳຄັນທາງສາສະໜາເຊັ່ນ: ພິທີສູດປະລິຕະມຸງຄຸນ, ແຫ່ຜາສາດເຜິ້ງ, ພິທີວຽນທຽນ, ຈູດທູບທຽນ, ບັ້ງໄຟ, ສັກກະລະບູຊາອົງພະທາດຫຼວງ ແລະ ຕັກບາດສັງຄະທານ. ພ້ອມນີ້, ຍັງມີການສະແດງມະໂຫລີ, ສິລະປະ-ວັນນະຄະດີ, ພິທີແຫ່ລູກຄີ ແລະ ການແຂ່ງຂັນກິລາພື້ນເມືອງປະເພດຕີຄີ, ກິລາຕີມວຍ, ມີງານວາງສະແດງສິນຄ້າຈາກຫຼາກຫຼາຍຫ້າງຮ້ານ. ສະເພາະປີນີ້, ງານວາງສະແດງສິນຄ້າທີ່ເດີ່ນພະທາດຫຼວງປະກອບມີສິນຄ້າ; “ໜຶ່ງເມືອງໜຶ່ງຜະລິດຕະພັນ” (ໂອດອບ), ສິນຄ້າຕົວແບບ ແລະ ອື່ນໆ. ຊຶ່ງໃນນີ້, ການວາງສະແດງສິນຄ້າປະເພດຕ່າງໆ ປະມານ 1,625 ຮ້ານ, ສິນຄ້າປະເພດບໍລິສັດຂາເຂົ້າ-ຂາອອກ, ປະເພດເສື້ອຜ້າອາພອນ, ປະເພດສິນຄ້າທົ່ວໄປ ແລະ ເຄື່ອງຫຼິ້ນ, ປະເພດອາຫານ, ເຄື່ອງດື່ມ, ເຂົ້າຫຼາມ-ປິ້ງໄກ່. ສຳ­ລັບການ­ວາງ­ສະ­ແດງຢູ່ສູນການຄ້າລາວ-ໄອເຕັກ ແມ່ນເລີ່ມແຕ່ວັນທີ 7-19 /11/2024, ວາງ­ສະ­ແດງສິນ­ຄ້າດ້ານໃນຕຶກແມ່ນຂາຍສິນ­ຄ້າປະເພດ. ບໍ­ລິ­ສັດຂາອອກ-ຂາເຂົ້າ, ສິນ­ຄ້າທົ່ວໄປ, ສິນ­ຄ້າໄອທີ, ສິນ­ຄ້າ ໂອດັອບ ແລະ SME, ສິນ­ຄ້າເຟີນີເຈີ້, ສິນ­ຄ້າຂອງບັນ­ດາປະ­ເທດອາຊຽນ, ການ­ວາງ­ສະ­ແດງລົດ­ຈັກ ແລະ ລົດໃຫຍ່ສາ­ມາດຮອງຮັບໄດ້ 381 ຮ້ານ. ໃນນີ້ປະ­ກອບມີເຂດບໍ­ລິ­ການຂາຍອາ­ຫານ, ເຂດບໍ­ລິ­ການຂອງບັນປະ­ເທດອາຊຽນ.

ການຈັດງານບຸນນະມັດສະການພະທາດຫຼວງວຽງຈັນ ແມ່ນເພື່ອປົກປັກຮັກສາ ແລະ ເສີມຂະຫຍາຍມູນເຊື້ອປະເພນີອັນດີງາມທາງດ້ານວັດທະນະທຳຂອງຊາດລາວ ກໍຄືຊາວນະຄອນຫຼວງວຽງຈັນ ທີ່ໄດ້ສືບທອດກັນມາແຕ່ບູຮານນະການ ໃຫ້ດຳລົງຄົງຢູ່ນຳຊາວລາວຕະຫຼອດໄປ. ພ້ອມທັງເປັນການສ້າງໂອກາດຊຸກຍູ້ສົ່ງເສີມການທ່ອງທ່ຽວ ແລະ ການຜະລິດເປັນສິນຄ້າ.

ປະຕິບັດຕາມຂໍ້ຕົກລົງຂອງເຈົ້າຄອງນະຄອນຫຼວງວຽງຈັນ ສະບັບເລກທີ 967/ຈນວ, ລົງວັນທີ 10 ຕຸລາ 2024 ວ່າດ້ວຍການແຕ່ງຕັັ້ງຄະນະກຳມະການຮັບຜິດຊອບ, ກະກຽມ ແລະ ການດຳເນີນການຈັດງານບຸນນະມັດສະການພະທາດຫຼວງວຽງຈັນ ແລະ ງານວາງສະແດງສິນຄ້າປະຈຳປີ 2024. ດັ່ງນັ້ນ ເພື່ອຄວາມສະຫງົບປອດໄພ ແລະ ຄວາມເປັນລະບຽບຮຽບຮ້ອຍທາງສັງຄົມ, ກອງບັນຊາການ ປກສ ນວ ກໍໄດ້ອອກແຈ້ງການສະບັບເລກທີ 619/ປກສ.ນວ, ລົງວັນທີ 4 ພະຈິກ 2024 ວ່າດ້ວຍການເພີ່ມທະວີປ້ອງກັນຮັກສາຄວາມສະຫງົບ, ຄວາມເປັນລະບຽບຮຽບຮ້ອຍ ໃນໄລຍະການຈັດງານບຸນນະມັດສະການພະທາດຫຼວງວຽງຈັນ ແລະ ງານວາງສະແດງສິນຄ້າປະຈຳປີ 2024 ໂດຍໄດ້ຈັດຕັ້ງກຳລັງເຂົ້າປ້ອງກັນ ຢູ່ 2 ຈູດຄື: ຢູ່ເຂດງານບຸນນະມັດສະການພະທາດຫຼວງວຽງຈັນ (ເດີ່ນພະທາດຫຼວງວຽງຈັນ) ແລະ ງານວາງ ສະແດງສິນຄ້າທີ່ສູນການຄ້າລາວ-ໄອເຕັກ ລວມກຳລັງປ້ອງກັນທັງໝົດຈຳນວນ 2,090 ສະຫາຍ. ປະກອບມີກຳລັງຈາກສາມພາກສ່ວນຄື: ກຳລັງ ປກສ 1,133 ສະຫາຍ, ກຳລັງ ປກຊ 357 ສະຫາຍ ແລະ ກຳລັງຊາວໜຸ່ມ 300 ສະຫາຍ, ເຮັດໜ້າທີ່ປ້ອງກັນເວນຍາມຢູ່ 5 ຈຸດໃຫຍ່, 26 ຈຸດຍ່ອຍ. ສະເພາະກໍາລັງຕຳຫຼວດຈະລາຈອນທັງໝົດ 535 ສະຫາຍ ໄດ້ເຮັດໜ້າທີ່ຄວບຄຸມ, ລະບາຍການສັນຈອນ, ການຈອດລົດຕາມເສັ້ນທາງ, ສາຍທາງ, ນັບທັງທາງຮ່ອມ, ທາງຊອຍເຂົ້າ-ອອກງານບຸນທັງໝົດ ມີ 111 ຈຸດ ໂດຍສົມທົບກັບອຳນາດການປົກຄອງທຸກຂັ້ນ ແລະ ກຳລັງກໍ່ສ້າງຮາກຖານ ເພື່ອຮັບປະກັນໄດ້ບັນຍາກາດໃນການຫຼິ້ນບຸນໃຫ້ມີຄວາມສະຫງົບປອດໄພ ແລະ ເປັນລະບຽບຮຽບຮ້ອຍ. ພ້ອມກັນນັ້ນ, ກໍໄດ້ຈັດຕັ້ງໜ່ວຍງານໂຄສະນາ, ສະກັດກັ້ນກຸ່ມຄົນບໍ່ດີທີ່ຈະສວຍໂອກາດເຄື່ອນໄຫວລັກຊັບ, ຊີງຊັບ, ແຫກກະເປົາ ແລະ ອື່ນໆ.

ເພື່ອເຮັດໃຫ້ງານບຸນນະມັດສະການພະທາດຫຼວງ ແລະ ງານວາງສະແດງຂາຍສິນຄ້າ ໄດ້ມີບັນຍາກາດເບີກບານມ່ວນຊື່ນ, ຮັກສາໄດ້ຄວາມສາມັກຄີເປັນປຶກແຜ່ນ, ຍົກສູງຄຸນຄ່າມໍຣະດົກມິ່ງເມືອງຂອງຊາດລາວ, ຮັກສາໄດ້ວັດທະນະທຳ-ຮີດຄອງປະເພນີອັນດີງາມຂອງຊາດລາວ ແລະ ຮັບປະກັນໄດ້ຄວາມສະຫງົບ-ຄວາມປອດໄພ ແລະ ຄວາມເປັນລະບຽບຮຽບຮ້ອຍທາງສັງຄົມ. ດັ່ງນັ້ນ, ຈຶ່ງຮຽກຮ້ອງມາຍັງມວນຊົນລາວ ແລະ ຊາວຕ່າງປະເທດ ທີ່ມາທ່ຽວຊົມບຸນງານບຸນທາດຫຼວງປີນີ້ ຈົ່ງໄດ້ເອົາໃຈໃສ່ປະຕິບັດແຈ້ງການຂອງກອງບັນຊາການ ປກສ ນະຄອນຫຼວງວຽງຈັນຢ່າງເຄັ່ງຄັດ.

ໂດຍ: ສີວັນ

ຄໍາເຫັນ

ຂ່າວວັດທະນະທຳ-ສັງຄົມ

ຢາກສົ່ງເສີມໃຫ້ລູກຫຼານໄດ້ຮຽນໜັງສືທີ່ດີ ເພື່ອພັດທະນາຊີວິດການເປັນຢູ່ທີ່ດີ

ຢາກສົ່ງເສີມໃຫ້ລູກຫຼານໄດ້ຮຽນໜັງສືທີ່ດີ ເພື່ອພັດທະນາຊີວິດການເປັນຢູ່ທີ່ດີ

ທ່ານ ໄພທູນ ທ່ຽງລະໄມ ເກີດທີ່ບ້ານປາກຊັນ ເມືອງປາກຊັນ ແຂວງບໍລິຄໍາໄຊ, ຜູ້ສະໝັກຮັບເລືອກຕັ້ງເປັນສະມາຊິກສະພາແຫ່ງຊາດ (ສສຊ) ຊຸດທີ X ເບີ 16 ເຂດ 1 ນະຄອນຫຼວງວຽງຈັນ (ນວ) ກໍາມະການພັກກະຊວງ ຫົວໜ້າຄຸ້ມຄອງວິສາຫະກິດການເງິນກະຊວງການເງິນ ຊຶ່ງເປັນຜູ້ໜຶ່ງທີ່ສະແຫວງຫາການຮຽນໃນຫຼາຍສາຂາ ຄື: ຈົບຊັ້ນສູງການເງິນ-ການບັນຊີ, ຈົບປະລິນຍາຕີກົດໝາຍສາກົນ, ຈົບປະລິນຍາເອກ ສາຂາຍຸດທະສາດການພັດທະນາ ທີ່ປະເທດໄທ, ປັດຈຸບັນ ພວມຮຽນກົດໝາຍເສດຖະກິດ ສາຂາກົດໝາຍທຸລະກິດ ສສ ຫວຽດນາມ, ຕະຫຼອດການເປັນພະນັກງານສັງກັດລັດ ປະຈໍາຢູ່ແຂວງບໍລິຄໍາໄຊ 10 ປີ, ປັດຈຸບັນເຮັດວຽກກ່ຽວກັບສົນທິສັນຍາ ຫຼີກເວັ້ນການເກັບອາກອນຊໍ້າຊ້ອນ ລະຫວ່າງປະເທດ, ການໄລ່ລຽງບັນຊີລາຍໃຫຍ່ຈໍານວນໜຶ່ງ, ຢູ່ກົມຄຸ້ມຄອງວິສາຫະກິດການເງິນການເຮັດວຽກກ່ຽວກັບວິສາຫະກິດລັດລົງທຶນ, ເລື່ອງປະກັນໄພ, ຄາຊີໂນ ແລະ ຫວຍ ຊຶ່ງເປັນວຽກທີ່ສໍາຄັນ.
TESS ສະຫຼຸບຜົນສຳເລັດ ແລະ ສ້າງໄວໜຸ່ມຝຶກວິຊາຊີບ ສ້າງວຽກເຮັດງານທຳສູ່ອະນາຄົດໃນຕໍ່ໜ້າ

TESS ສະຫຼຸບຜົນສຳເລັດ ແລະ ສ້າງໄວໜຸ່ມຝຶກວິຊາຊີບ ສ້າງວຽກເຮັດງານທຳສູ່ອະນາຄົດໃນຕໍ່ໜ້າ

ໃນວັນທີ 13 ກຸມພາຜ່ານມາ ຢູ່ທີ່ພັດຕະຄານສິນສະໄໝ, ໂຄງການຝຶກອົບຮົມວິຊາຊີບ ແລະ ສະໜັບສະໜູນການມີວຽກເຮັດງານທຳ (VTESS) ໄດ້ສະຫຼຸບການຈັດຕັ້ງປະຕິບັດວຽກງານ ແລະ ມອບໃບຢັ້ງຢຶນ ໃຫ້ຜູ້ເຂົ້າຮ່ວມວົງຈອນການໃຫ້ຄໍາປຶກສາ ແລະ ສະໜັບສະໜູນການມີວຽກເຮັດງານທຳ ຊຸດທີ 4, ໂດຍການເປັນປະທານຂອງ ທ່ານ ນາງ ພູວຽງ ອິນທະສອນ ຮອງຫົວໜ້າພະແນກສຶກທິການ ແລະ ກິລາແຂວງ, ທ່ານ ນາງ ສົມຄິດ ແທ່ງສົມບັດ ຮອງຫົວໜ້າພະແນກແຮງງານ ແລະ ສະຫວັດດີການສັງຄົມແຂວງ, ທ່ານ ນາງ ແສງມະນີ ສີສຸດທິຈັກ ຜູ້ປະສານງານໂຄງການ Vtess ປະຈຳແຂວງ, ມີແຂກຖືກເຊີນຈາກບັນດາຂະແໜງການທີ່ກ່ຽວຂ້ອງ, ຜູ້ໃຫ້ຄຳປຶກສາ, ນັກສຳມະນາກອນ ເຂົ້າຮ່ວມທັງໝົດ 78 ທ່ານ.
ພາກພູມໃຈທີ່ຈະໄດ້ຮັບໃຊ້ປະຊາຊົນ

ພາກພູມໃຈທີ່ຈະໄດ້ຮັບໃຊ້ປະຊາຊົນ

ທ່ານ ບຸນທ່ຽງ ລັດຕະນະວົງ ຜູ້ສະໝັກເລືອກຕັ້ງສະມາຊິກສະພາແຫ່ງຊາດ ເຂດ 1 ນະຄອນຫຼວງວຽງຈັນ ຜູ້ສະໝັກເລກ 25 ໄດ້ໃຫ້ສຳພາດຕໍ່ສື່ມວນຊົນວ່າ: ຮູ້ສຶກດີໃຈທີ່ໄດ້ມີສ່ວນຮ່ວມເປັນຜູ້ສະໝັກສະມາຊິກສະພາແຫ່ງຊາດ (ສສຊ) ຊຶ່ງເປັນໜ້າທີ່ການເມືອງທີ່ສຳຄັນ ແລະ ເຮັດວຽກດ້ານທຸລະກິດການກະສິກຳຈຶ່ງຮູ້ບັນຫາເລື່ອງໃນການສະໜອງວັດຖຸດິບເຊັ່ນ: ເຄື່ອງອຸປະໂພກບໍລິໂພກ ແລະ ອື່ນໆ.
ບັນດາຜູ້ສະໝັກຮັບເລືອກຕັ້ງ 5 ທ່ານ ສຶບຕໍ່ ໂຄສະນາຫາສຽງ ຢູ່ເມືອງທ່າໂທມ

ບັນດາຜູ້ສະໝັກຮັບເລືອກຕັ້ງ 5 ທ່ານ ສຶບຕໍ່ ໂຄສະນາຫາສຽງ ຢູ່ເມືອງທ່າໂທມ

ຜູ້ສະໝັກຮັບເລືອກຕັ້ງ ສະມາຊິກສະພາແຫ່ງຊາດ (ສສຊ) ຊຸດທີ X ປະຈຳເຂດເລືອກຕັ້ງທີ 18 ແຂວງໄຊສົມບູນ ໄດ້ລົງເຄື່ອນໄຫວໂຄສະນາຫາສຽງ ຢູ່ຕາແສງ ແກ້ວມີໄຊ ໃນວັນທີ 17 ກຸມພາຜ່ານມາ ຢູ່ໂຮງຮຽນມັດທະຍົມສຶກສາສົມບູນຕາດຍອງ ຊຶ່ງຄະນະທີ 1 ມີຈຳນວນ 5 ທ່ານ ຍິງ 1 ທ່ານ, ມີປະທານຄະນະກຳມະການປົກຄອງເມືອງ ພ້ອມດ້ວຍປະທານຕາແສງ, ພະນັກງານຄູ-ອາຈານ ຕະຫຼອດຮອດ ອຳນາດການປົກຄອງ ແລະ ປະຊາຊົນພາຍໃນບ້ານ ເຂົ້າຮ່ວມດ້ວຍບັນຍາກາດຟົດຟື້ນ.
ຜູ້ມີສິດປ່ອນບັດເລືອກຕັ້ງເມືອງໄຊຈຳພອນ ຮັບຟັງການລົງໂຄສະນາຫາສຽງ ຂອງຜູ້ຮັບສະໝັກຮັບເລືອກຕັ້ງເປັນ ສສຊ

ຜູ້ມີສິດປ່ອນບັດເລືອກຕັ້ງເມືອງໄຊຈຳພອນ ຮັບຟັງການລົງໂຄສະນາຫາສຽງ ຂອງຜູ້ຮັບສະໝັກຮັບເລືອກຕັ້ງເປັນ ສສຊ

ໃນລະຫວ່າງວັນທີ 15-16 ກູມພານີ້, ຜູ້ມີສິດລົງເລືອກຕັ້ງເປັນສະມາຊິກສະພາແຫ່ງຊາດ (ສສຊ) ຊຸດທີ X ປະຈຳເຂດ 11 ແຂວງ ບໍລິຄຳໄຊ ຈຳນວນ 10 ທ່ານ ຍິງ 2 ທ່ານ ໄດ້ເຄື່ອນໄຫວພົບປະໂຄສະນາຫາສຽງຕໍ່ຜູ້ມີສິດປ່ອນບັດເລືອກຕັ້ງ ຢູ່ບ້ານ ນໍ້າອ້ອນ, ວັງບານ, ໂພນຄຳ, ບ້ານສົບເຕີ່ງ ແລະ ສະໂມສອນໃຫຍ່ຂອງເມືອງ, ເພື່ອພົບປະຜູ້ມີສິດປ່ອນບັດເລືອກຕັ້ງເມືອງ ໄຊຈຳພອນ ຊຶ່ງນຳໂດຍ ທ່ານ ກອງແກ້ວ ໄຊສົງຄາມ ກຳມະການສູນກາງພັກ ປະທານສະຖາບັນວິທະຍາສາດເສດຖະກິດ ແລະ ສັງຄົມແຫ່ງຊາດຜູ້ລົງສະໝັກນໍ້າເບີ 1, ທ່ານ ສອນທະນູ ທຳມະວົງ ກຳມະການສູນກາງພັກ ເລຂາພັກແຂວງ ບໍລິຄຳໄຊ ຜູ້ສະໝັກເບີ 2 ມີພໍ່ແມ່ປະຊາຊົນຜູ້ມີສິດປ່ອນບັດເລືອກຕັ້ງ ສສຊ, ສສຂ ເຂົ້າຮ່ວມຮັບຟັງເປັນຈຳນວນຫຼວງຫຼາຍ.
ຜູ້ສະໝັກເລືອກຕັ້ງ ສສຊ ເຂດເລືອຕັ້ງທີ 10 ແລະ ສສຂ ລົງພົບປະຜູ້ມີສິດເລືອກຕັ້ງຢູ່ ບ້ານແຈ້ງ ເມືອງທຸລະຄົມ

ຜູ້ສະໝັກເລືອກຕັ້ງ ສສຊ ເຂດເລືອຕັ້ງທີ 10 ແລະ ສສຂ ລົງພົບປະຜູ້ມີສິດເລືອກຕັ້ງຢູ່ ບ້ານແຈ້ງ ເມືອງທຸລະຄົມ

ວັນທີ 16 ກຸມພານີ້, ຜູ້ຮັບສະໝັກເລືອກຕັ້ງເປັນສະມາຊິກສະພາແຫ່ງຊາດ (ສສຊ) ປະຈຳເຂດເລືອກຕັ້ງທີ 10 ແຂວງວຽງຈັນ ຊຸດທີ X ຈໍານວນ 5 ທ່ານ ຍິງ 2 ທ່ານ (ຈາກຈຳນວນຜູ້ສະໝັກທັງໝົດ 14 ທ່ານ) ແລະ ສະມາຊິກສະພາປະຊາຊົນແຂວງ (ສສຂ)ຊຸດທີ V ປະຈຳເຂດເລືອກຕັ້ງເມືອງທຸລະຄົມ ຈໍານວນ 7 ທ່ານ ຍິງ 1 ທ່ານ ໄດ້ລົງໂຄສະນາຫາສຽງ ແລະ ສະເໜີຕົວຕໍ່ຜູ້ມີສິດເລືອກຕັ້ງຢູ່ ບ້ານແຈ້ງ ເມືອງທຸລະຄົມ ໂດຍການນໍາພາຂອງທ່ານ ບຸນສອນ ເພັດລາວັນ ປະທານສະພາປະຊາຊົນແຂວງວຽງຈັນ, ພ້ອມດ້ວຍຄະນະຂັ້ນແຂວງ, ເມືອງ, ອຳນາດການປົກຄອງບ້ານ ແລະ ພໍ່ແມ່ປະຊາຊົນເຂົ້າຮ່ວມຮັບຟັງ.
ຜູ້ສະໝັກຮັບເລືອກຕັ້ງ ສສຊ ປະຈຳເຂດເລືອກຕັ້ງທີ 9 ສືບຕໍ່ໂຄສະນາຫາສຽງ

ຜູ້ສະໝັກຮັບເລືອກຕັ້ງ ສສຊ ປະຈຳເຂດເລືອກຕັ້ງທີ 9 ສືບຕໍ່ໂຄສະນາຫາສຽງ

ເພື່ອເຊີດຊູລະດັບຄວາມຕື່ນຕົວທາງດ້ານການເມືອງຂອງປະຊາຊົນບັນດາເຜົ່າ ແລະ ຮັບປະກັນການປະຕິບັດສິດເປັນເຈົ້າຂອງປະເທດຊາດຂອງພົນລະເມືອງ ໃນການໄປໃຊ້ສິດປ່ອນບັດເລືອກຕັ້ງເອົາສະມາຊິກສະພາແຫ່ງຊາດ (ສສຊ) ຢ່າງຄົບຖ້ວນຖືກຕ້ອງຕາມລະບຽບຫຼັກການ ທັງເຮັດໃຫ້ຜູ້ມີສິດເລືອກຕັ້ງ ໄດ້ຮູ້ໄດ້ເຫັນຜູ້ສະໝັກຮັບເລືອກຕັ້ງ ແລະ ກຳໄດ້ຊີວະປະຫວັດ, ຄຸນສົມບັດ, ຄວາມຮູ້ຄວາມສາມາດ, ທັດສະນະ ແລະ ການເຄື່ອນໄຫວວຽກງານຂອງຜູ້ສະໝັກຮັບເລືອກຕັ້ງ ແລ້ວໃຊ້ສິດພື້ນຖານຂອງຕົນເພື່ອເລືອກເອົາບຸກຄົນທີ່ມີມາດຕະຖານເງື່ອນໄຂຖືກຕ້ອງ ແລະ ຄົບຖ້ວນ ເຂົ້າເປັນຕົວແທນແຫ່ງສິດອຳນາດຂອງປະຊາຊົນຢ່າງແທ້ຈິງ ແລະ ເພື່ອໃຫ້ຜູ້ສະໝັກຮັບເລືອກຕັ້ງ ໄດ້ຮັບຮູ້ກ່ຽວກັບຄວາມມຸ່ງມາດປາຖະໜາ ແລະ ສະພາບການດຳລົງຊີວິດຂອງປະຊາຊົນບັນດາເຜົ່າໃນເຂດເລືອກຕັ້ງຂອງຕົນ ທັງໄດ້ພົວພັນສະໜິດແໜ້ນກັບປະຊາຊົນຢູ່ໃນທ້ອງຖິ່ນທີ່ຕົນລົງສະໝັກຮັບເລືອກຕັ້ງ; ວັນທີ 11-14 ກຸມພານີ້, ທ່ານ ບຸນໂຮມ ເທດທານີ ປະທານສະພາປະຊາຊົນແຂວງ ຮອງປະທານຄະນະກຳມະການເລືອກຕັ້ງແຂວງຊຽງຂວາງ ໄດ້ນຳພາຜູ້ສະໝັກຮັບເລືອກຕັ້ງເປັນສະມາຊິກສະພາແຫ່ງຊາດປະຈຳເຂດເລືອກຕັ້ງທີ 9 ແຂວງຊຽງຂວາງ ຊຸດທີ X ລົງໂຄສະນາຫາສຽງ ແລະ ສະເໜີຕົວຕໍ່ຜູ້ມີສິດເລືອກຕັ້ງຢູ່ກຸ່ມບ້ານຄັງພະນຽນ ເທດສະບານເມືອງໜອງແຮດ; ບ້ານນາຍອງ, ບ້ານນາທອງໄຄ້ວຽງ ແລະ ເທດສະບານເມືອງຄຳ; ກຸ່ມຍອດງື່ມ ເມືອງແປກ; ໂຮງຮຽນເຫຼົ່າຮົບບ້ານແປນ ແລະ ເທດສະບານເມືອງພູກູດ ໂດຍການຕ້ອນຮັບຈາກບັນດາເລຂາຄະນະບໍລິຫານພັກກຸ່ມບ້ານ ແລະ ບ້ານ ຊຶ່ງມີຄະນະກຳມະການພັກເມືອງ, ຄະນະພັກ-ຄະນະບັນຊາ, ນາຍ ແລະ ພົນທະຫານ-ຕຳຫຼວດ ແລະ ຫ້ອງການອ້ອມຂ້າງ, ຄະນະພັກບ້ານ, ຄູ-ອາຈານ ຕະຫຼອດຮອດພໍ່ແມ່ປະຊາຊົນ ເຂົ້າຮ່ວມຮັບຟັງຢ່າງພ້ອມພຽງ.
ຂ້າພະເຈົ້າ ຫວັງວ່າຈະໄດ້ເປັນຕົວແທນແຫ່ງສິດຜົນປະໂຫຍດຂອງພວກທ່ານ

ຂ້າພະເຈົ້າ ຫວັງວ່າຈະໄດ້ເປັນຕົວແທນແຫ່ງສິດຜົນປະໂຫຍດຂອງພວກທ່ານ

ທ່ານ ໄຊນະຄອນ ອິນທະວົງ ຜູ້ສະໝັກຮັບເລືອກຕັ້ງເປັນສະມາຊິກສະພາແຫ່ງຊາດ ຊຸດທີ X ປະຈໍາເຂດເລືອກຕັ້ງທີ 1 ນະຄອນຫຼວງວຽງຈັນ (ນວ) ໄດ້ໃຫ້ສໍາພາດຕໍ່ນັກຂ່າວ ທີ່ນະຄອນຫຼວງວຽງຈັນ ວ່າ: ຂ້າພະເຈົ້າເກີດທີ່ເມືອງຄໍາ ແຂວງຊຽງຂວາງ, ພໍອາຍຸ 6 ປີ ໄດ້ຍ້າຍມາຢູ່ ນວ ກັບຄອບຄົວ ພໍ່ແມ່, ປີ 1993 ສັງກັດຢູ່ ກະຊວງປ້ອງກັນຄວາມສະຫງົບ ທີ່ສະໜາມບິນວັດໄຕ, ຂົວມິດຕະພາບ ກວດຄົນ ເຂົ້າ-ອອກເມືອງ, ປີ 2000 ໄປຍົກລະດັບປະລິນຍາຕີ ດ້ານວິທະຍາສາດຄອມພິວເຕີ ຢູ່ປະເທດອົສຕຣາລີ, ປະລິນຍາໂທບໍລິຫານທຸລະກິດສາກົນ ຮຽນຢູ່ລາວ ແລະ ປະເທດຝຣັ່ງ ຄວບຄູ່ກັນ, ປີ 2010-2015 ຄົ້ນຄວ້າປະລິຍາເອກກ່ຽວກັບ ວິທະຍາສາດການຄຸ້ມຄອງບໍລິຫານຈັດການ ເປັນການຮ່ວມມື ລະຫວ່າງ ມະຫາວິທະຍາໄລແຫ່ງຊາດລາວ ຮ່ວມກັບ ວິທະຍາໄລເຕັກໂນໂລຊີຄຸນໝິງ, ປີ 2021 ຖືກຍົກຍ້າຍມາປະຕິບັດໜ້າທີ່ຢູ່ກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມ, 2018 ຮັບການແຕ່ງຕັ້ງ ເປັນຮອງລັດຖະມົນຕີກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມ, ປີ 2024 ຮັບການແຕ່ງຕັ້ງໄປປະຈໍາການຢູ່ແຂວງຜົ້ງສາລີ ເປັນຮອງເລຂາຄະນະພັກ-ຮອງເຈົ້າແຂວງ (ປະຕິບັດໜ້າທີ່ປະມານ 6 ເດືອນກວ່າ) ກໍໄດ້ຮັບການແຕ່ງຕັ້ງຮັບໜ້າທີ່ໃໝ່, ປັດຈຸບັນ ເປັນຮອງເລຂາຄະນະພັກ ຮອງລັດຖະມົນຕີກະຊວງກະສິກໍາ ແລະ ສິ່ງແວດລ້ອມ.
ຈະເປັນກະບອກສຽງທີ່ດີໃນການຮັບໃຊ້ຊາດຮັບໃຊ້ສັງຄົມ

ຈະເປັນກະບອກສຽງທີ່ດີໃນການຮັບໃຊ້ຊາດຮັບໃຊ້ສັງຄົມ

ທ່ານ ສອນໄຊ ສີສົມພັນ ໝາຍເລກ 14 ລົງຮັບສະໝັກເປັນສະມາຊິກສະພາແຫ່ງຊາດ (ສສຊ) ຊຸດທີ X ປະຈໍາເຂດເລືອກຕັ້ງທີ 1 ນະຄອນຫຼວງວຽງຈັນ (ນວ) ໃຫ້ສໍາພາດຕໍ່ນັກຂ່າວທີ່ນະຄອນຫຼວງວຽງຈັນວ່າ: ຂ້າພະເຈົ້າເກີດທີ່ບ້ານນາເມືອງ ເມືອງວຽງໄຊ ແຂວງຫົວພັນ, ຕົ້ນປີ 2009 ຖືກແຕ່ງຕັ້ງເປັນຮອງຫົວໜ້າຫ້ອງວ່າການ ນວ ເຮັດວຽກພັກ-ພະນັກງານ, ຊ່ວຍວຽກສະຫາຍເລຂາ-ຮອງເລຂາ ນວ, ທ້າຍປີ 2025 ໄດ້ຮັບການເລືອກຕັ້ງໃຫ້ເປັນຄະນະບໍລິຫານງານພັກ ນວ, ປັດຈຸບັນ ກໍາມະການພັກ ນວ, ເປັນເລຂາພັກຮາກຖານ, ຫົວໜ້າພະແນກວັດທະນະທໍາ ແລະ ທ່ອງທ່ຽວ ນວ.
ຜູ້ສະໝັກຮັບເລືອກຕັ້ງ ສສຊ ຊຸດທີ X ສືບຕໍ່ລົງເຄື່ອນໄຫວໂຄສະນາຫາສຽງ ຢູ່ບ້ານຫ້ວຍແຊງຄຳ

ຜູ້ສະໝັກຮັບເລືອກຕັ້ງ ສສຊ ຊຸດທີ X ສືບຕໍ່ລົງເຄື່ອນໄຫວໂຄສະນາຫາສຽງ ຢູ່ບ້ານຫ້ວຍແຊງຄຳ

ໃນຕອນເຊົ້າຂອງວັນທີ 16 ກຸມພານີ້, ຢູ່ທີ່ບ້ານຫ້ວຍແຊງຄຳ ເມືອງປາກແບງ ແຂວງອຸດົມໄຊ, ທີມງານຜູ້ສະໝັກຮັບເລືອກຕັ້ງສະມາຊິກສະພາແຫ່ງຊາດ (ສສຊ) ຊຸດທີ X ປະຈຳເຂດເລືອກຕັ້ງທີ 4 (ທີມທີສອງ) ຈຳນວນ 6 ທ່ານ ນຳໂດຍທ່ານ ນາງ ວິລະວອນ ພັນທະວົງ ຮອງຫົວຫນ້າຄະນະໂຄສະນາອົບຮົມສູນກາງພັກ,ພ້ອມດ້ວຍຜູ້ສະໝັກເປັນສສຊຊຸດທີ X ໄດ້ລົງເຄື່ອນໄຫວພົບປະ ແລະ ໂຄສະນາຫາສຽງກັບພໍ່ແມ່ປະຊາຊົນພາຍໃນບ້ານຫ້ວຍແຊງຄຳ ເພື່ອກະກຽມໃຫ້ແກ່ວັນເລືອກຕັ້ງໃຫຍ່ທີ່ຈະມາເຖິງ, ໃຫ້ກຽດຕ້ອນຮັບໂດຍຕາງໜ້າຄະນະບໍລິຫານງານພັກເມືອງປາກແບງ, ມີເລຂາພັກບ້ານ, ນາຍບ້ານ, ເຖົ້າແກ່ແນວໂຮມ, ພ້ອມດ້ວຍພໍ່ແມ່ປະຊາຊົນພາຍໃນບ້ານເຂົ້າຮ່ວມ.
ເພີ່ມເຕີມ

ຂ່າວ​ລ່າ​ສຸດ

EPaper