ໃນໄລຍະສັ້ນ, ອົງການການສຶກສາສາກົນຂອງລັດຖະບານນູແວນເຊລັງ (ENC) ຈະສຸມໃສ່ຄວາມພະຍາຍາມຂອງຕົນໃນການສົ່ງເສີມຕະຫຼາດທີ່ມີທ່າແຮງໃນການເຕີບໂຕສູງສຸດ.
ໃນປັດຈຸບັນ, ຕະຫຼາດການສຶກສາສາກົນຂອງນູແວນເຊລັງ ມີມູນຄ່າທາງເສດຖະກິດເຖິງ 3.6 ຕື້ໂດລານິວຊີແລນ (ນູແວນເຊລັງ) ແລະ ລັດຖະບານຕ້ອງການໃຫ້ໂຕເລກດັ່ງກ່າວເພີ່ມຂຶ້ນ 2 ເທົ່າ ພາຍໃນ 10 ປີຂ້າງໜ້າ, ລວມທັງຕ້ອງການເພີ່ມຈໍານວນນັກສຶກສາຕ່າງປະເທດ ຈາກ 83,700 ຄົນ ໃນປີ 2024 ເປັນ 105,000 ໃນປີ 2027 ແລະ 119,000 ຄົນ ໃນປີ 2034.
ຢ່າງໃດກໍຕາມ, ເປົ້າໝາຍເຫຼົ່ານີ້ສວນທາງກັບປະເທດຕ່າງໆ ລວມເຖິງອົສຕຣາລີ ທີ່ກໍາລັງພິຈາລະນາຫຼຸດຈໍານວນນັກສຶກສາຕ່າງປະເທດ ເນື່ອງຈາກຜົນກະທົບຕໍ່ລາຄາເຮືອນ ແລະ ຜົນກະທົບຕໍ່ປະສົບການໃນມະຫາວິທະຍາໄລຂອງນັກສຶກສາພາຍໃນປະເທດ.
ນອກຈາກນີ້, ນູແວນເຊລັງ ຍັງວາງແຜນທີ່ຈະເພີ່ມຈໍານວນຊົ່ວໂມງເຮັດວຽກນອກເວລາສໍາລັບນັກສຶກສາຕ່າງປະເທດຈາກ 20 ຊົ່ວໂມງ ເປັນ 25 ຊົ່ວໂມງ ແລະ ຂະຫຍາຍເງື່ອນໄຂສໍາລັບປະເພດຂອງນັກສຶກສາຕ່າງປະເທດທີ່ໄດ້ຮັບອະນຸຍາດໃຫ້ເຮັດວຽກໃນຂະນະທີ່ຮຽນ.
ຄໍາເຫັນ