ຂ່າວລະບຸວ່າ:ທ່ານ ແອນດຣູ ຮອກກາດ ລັດຖະມົນຕີກະຊວງຄວາມປອດໄພທາງຊີວະພາບຂອງນູແວນເຊລັງ ກ່າວວ່າ: ການຮ່ວມມືກັບຂະແໜງອຸດສາຫະກໍາແມ່ນສໍາຄັນຕໍ່ຄວາມສໍາເລັດໃນການກຳຈັດພະຍາດໄຂ້ຫວັດສັດປີກປະເພດຮຸ່ນແຮງຢູ່ໃນຟາມໄກ່ໄຂ່ຂະໜາດໃຫຍ່ໃນເຂດໂອທາໂກ ຂອງເກາະໃຕ້. ບ່ອນທີ່ມີການລະບາດຂອງໄຂ້ຫວັດສັດປີກສາຍພັນ H7N6 ທີ່ຮຸ່ນແຮງໜ້ອຍກວ່າ.
ທ່ານ ຮອກກາດ ກ່າວວ່າ: ນີ້ແມ່ນການກວດພົບເຊື້ອໄຂ້ຫວັດສັດປີກທີ່ຮຸ່ນແຮງຄັ້ງທຳອິດໃນນູແວນເຊລັງ ແລະເປັນການທົດສອບຂອງບາງແຜນການທີ່ກຳລັງຖືກພັດທະນາເພື່ອຮັບມືກັບການລະບາດຂອງໄຂ້ຫວັດສັດປີກສາຍພັນ H5N1.
ປັດຈຸບັນ, ກະຊວງອຸດສາຫະກຳຂັ້ນຕົ້ນຂອງນູແວນເຊລັງ ໄດ້ຍົກເລີກການຄວບຄຸມຄວາມປອດໄພທາງຊີວະພາບຢ່າງເຂັ້ມງວດຢູ່ຟາມ Hillgrove ຂອງບໍລິສັດ Mainland Poultry ຊຶ່ງກ່ອນໜ້ານີ້ໄດ້ຖືກຄວບຄຸມເພາະມີການຢືນຢັນກໍລະນີທີ່ເປັນໄຂ້ຫວັດສັດປີກສາຍພັນ H7N6 ເມື່ອເດືອນທັນວາ 2024.
ທ່ານ ຮອກກາດ ກ່າວວ່າ: ລະບົບຄວາມປອດໄພທາງຊີວະພາບທີ່ເຂັ້ມແຂງ ລວມທັງການຄວບຄຸມສັດຕູພືດ ແລະພະຍາດພືດ ຍັງຄົງເປັນປະໂຫຍດທີ່ສໍາຄັນສໍາລັບຂະແໜງກະສິກໍາຂອງນູແວນເຊລັງ. ໃນຂະນະທີ່ການກະກຽມຮັບມືກັບການລະບາດຂອງເຊື້ອໄຂ້ຫວັດສັດປີກ H5N1 ທີ່ອາດເກີດຂຶ້ນໄດ້ ຊ່ວຍໃຫ້ນູແວນເຊລັງຮັບມືກັບໄຂ້ຫວັດສັດປີກ ສາຍພັນ H7N6 ຢ່າງມີປະສິດທິຜົນ.
ຢ່າງໃດກໍຕາມ, ທ່ານ ຮອກກາດ ເຕືອນວ່າ: ການແຍກຕົວທາງພູມສາດຂອງນູແວນເຊລັງໄດ້ປົກປ້ອງນູແວນເຊລັງຈາກໄຂ້ຫວັດສັດປີກ ສາຍພັນ H5N1 ຈົນມາຮອດປັດຈຸບັນ, ແຕ່ພວກເຮົາບໍ່ສາມາດມີຄວາມວາງໃຈໄດ້.
ຄໍາເຫັນ