ໃຫ້ກັບນາຍຈ້າງຢູ່ຕ່າງປະເທດໃນຂະນະທີ່ຢູ່ໃນນູແວນເຊລັງ ຊຶ່ງແມ່ນຄວາມພະຍາຍາມເພື່ອຊຸກຍູ້ການທ່ອງທ່ຽວແລະການເຕີບໂຕທາງເສດຖະກິດ.
ທ່ານ ນິໂຄລາ ວິລລິສ ລັດຖະມົນຕີກະຊວງການເຕີບໂຕດ້ານເສດຖະກິດຂອງນູແວນເຊລັງ ກ່າວວ່າ: ລັດຖະບານກຳລັງຍົກລະດັບໃຫ້ນູແວນເຊລັງກາຍເປັນຈຸດໝາຍທີ່ໜ້າສົນໃຈຫຼາຍກວ່າເກົ່າສຳລັບກຸ່ມຄົນທີ່ເຮັດວຽກທາງໄກ ຫຼືເອີ້ນວ່າ digital nomad ເຊັ່ນ: ຜູ້ຊ່ຽວຊານດ້ານໄອທີ, ໂດຍການທ່ອງທ່ຽວແມ່ນແຫຼ່ງລາຍຮັບອັນດັບສອງຂອງນູແວນເຊລັງ ຊຶ່ງສ້າງລາຍຮັບເກືອບ 11 ຕື້ໂດລານິວຊີແລນ (ນູແວນເຊລັງ) ແລະສ້າງວຽກເຮັດງານທຳເກືອບ 200,000 ຄົນ.
ທ່ານ ເອຣິກາ ສະແຕນຟອດ ລັດຖະມົນຕີກະຊວງກວດຄົນເຂົ້າເມືອງຂອງນູແວນເຊລັງ ກ່າວວ່າ: ວີຊານັກຢ້ຽມຢາມດັ່ງກ່າວ ມີຜົນບັງຄັບໃຊ້ໃນວັນ 27 ມັງກອນ ຜ່ານມາ ຊຶ່ງຈະອະນຸຍາດໃຫ້ຜູ້ມາຢ້ຽມຢາມຫຼາຍຄົນສາມາດຂະຫຍາຍເວລາການພັກເຊົາຢູ່ນູແວນເຊລັງ ແລະ ເພີ່ມປະລິມານການໃຊ້ຈ່າຍໃນປະເທດ. ຢ່າງໃດກໍຕາມ, ຜູ້ທີ່ເຮັດວຽກທາງໄກ ຫຼາຍກວ່າ 90 ມື້ກໍຄວນພິຈາລະນາຜົນກະທົບດ້ານພາສີທີ່ອາດເກີດຂຶ້ນໄດ້.
ທ່ານ ຫຼຸຍ ອັບສະຕັນ ລັດຖະມົນຕີກະຊວງການທ່ອງທ່ຽວ ຂອງນູແວນເຊລັງ ລະບຸວ່າ: ຫຼາຍປະເທດກໍາລັງອອກວີຊາໃຫ້ກັບກຸ່ມຄົນເຮັດວຽກທາງໄກແລະ ນູແວນເຊລັງ ວາງເປົ້າໝາຍທີ່ຈະກາຍເປັນຈຸດໝາຍປາຍທາງທີ່ໜ້າສົນໃຈສໍາລັບຜູ້ທີ່ຕ້ອງການເຮັດວຽກ ແລະ ທ່ອງທ່ຽວ (Workcation)ໃນຕ່າງປະເທດເນື່ອງຈາກຮູບແບບການເຮັດວຽກມີຄວາມຍືດຍຸ່ນແລະ ມີລັກສະນະເປັນດີຈີຕອນເພີ່ມຂຶ້ນເລື້ອຍໆ.
ທ່ານ ອັບສະຕັນ ກ່າວວ່າ: ເມື່ອປຽບທຽບກັບຜູ້ມາຢ້ຽມຢາມປະເພດອື່ນໆ, ກຸ່ມຄົນທີ່ເຮັດວຽກທາງໄກມີທ່າອ່ຽງທີ່ຈະໃຊ້ຈ່າຍ ແລະຢູ່ໃນນູແວນເຊລັງດົນຂຶ້ນ ຊຶ່ງລວມເຖິງໄລຍະນອກລະດູການທ່ອງທ່ຽວດ້ວຍ.
ຢ່າງໃດກໍຕາມ, ຜູ້ມາຢ້ຽມຢາມທີ່ຈຳເປັນຕ້ອງເຮັດວຽກຢູ່ນູແວນເຊລັງເຊັ່ນ: ຕົວແທນຈຳໜ່າຍຂອງບໍລິສັດຕ່າງປະເທດ, ນັກສະແດງ ແລະຜູ້ທີ່ມາເຮັດວຽກໃຫ້ນາຍຈ້າງນູແວນເຊລັງ ຍັງຈໍາເປັນຕ້ອງໄດ້ຍື່ນຂໍວີຊາທີ່ສອດຄ່ອງກັບຈຸດປະສົງຂອງການໄປຢ້ຽມຢາມຂອງຕົນ.
ຄໍາເຫັນ