ກະຊວງດັ່ງກ່າວຄາດຄະເນວ່າ: ເສດຖະກິດຍີ່ປຸ່ນຈະຟື້ນຕົວໃນລະດັບປານກາງ, ໂດຍມີປັດໄຈສະໜັບສະໜູນຈາກການຈ້າງງານ ແລະລາຍໄດ້ທີ່ດີຂຶ້ນ, ແຕ່ໃນຂະນະດຽວກັນ ກໍເຕືອນເຖິງຄວາມສ່ຽງທີ່ເພີ່ມຂຶ້ນຈາກນະໂຍບາຍອັດຕາພາສີຂອງ ສະຫະລັດ ອາເມຣິກາ.
ກະຊວງດັ່ງກ່າວລະບຸວ່າ: ເຖິງວ່າການບໍລິໂພກສ່ວນບຸກຄົນຈະຟື້ນຕົວເທື່ອລະກ້າວ, ແຕ່ສັງເກດເຫັນຜົນກະທົບຈາກລາຄາສິນຄ້າ ແລະ ການບໍລິການທີ່ສູງຂຶ້ນ ໂດຍຜູ້ບໍລິໂພກຫັນໄປຊື້ສິນຄ້າທີ່ມີລາຄາຕໍ່າກວ່າ ເພື່ອພະຍາຍາມຊ່ວຍປະຢັດຄ່າໃຊ້ຈ່າຍ
ດ້ານກິດຈະກໍາການຜະລິດຍັງຢູ່ໃນທ່າອ່ຽງຟື້ນຕົວ. ແຕ່ຢູ່ໃນອັດຕາທີ່ຊ້າລົງທ່າມກາງຄວາມກັງວົນກ່ຽວກັບຜົນກະທົບຂອງອັດຕາພາສີສະຫະລັດ ອາເມຣິກາ.
ດ້ານສະພາບການຈ້າງງານກໍຄ່ອຍໆດີຂຶ້ນ, ເຖິງວ່າພາກທຸລະກິດຍັງປະສົບກັບບັນຫາຂາດແຄນແຮງງານຢ່າງຮຸ່ນແຮງກໍຕາມ.
ທັງນີ້, ກະຊວງການເງິນຍີ່ປຸ່ນໄດ້ຮັກສາການປະເມີນເສດຖະກິດຂອງຕົນນັບແຕ່ເດືອນກໍລະກົດ ປີ 2022, ອີງຕາມການທົບທວນສະພາບເສດຖະກິດລະດັບພາກພື້ນທົ່ວປະເທດ ທຸກໆໄຕມາດ.
ຄໍາເຫັນ