ການສົ່ງອອກທັງໝົດຫຼຸດລົງ 0.5% ເມື່ອທຽບໃສ່ປີກາຍ ມາເປັນ 9.16 ພັນຕື້ເຢນ ຊຶ່ງເປັນການຫຼຸດລົງຢ່າງຕໍ່ເນື່ອງເປັນເດືອນທີສອງ, ໃນຂະນະທີ່ການນໍາເຂົ້າເພີ່ມຂຶ້ນ 0.2% ເປັນ 9.01 ພັນຕື້ເຢນ.
ເມື່ອປຽບທຽບລະດັບພາກພື້ນ, ຍີ່ປຸ່ນເກີນດຸນການຄ້າກັບສະຫະລັດ ອາເມຣິກາ ຫຼຸດລົງ 22.9% ເປັນ 669 ຕື້ເຢນ, ໂດຍການສົ່ງອອກໄປ ສະຫະລັດ ອາເມຣິກາ ຫຼຸດລົງ 11.4% ເປັນ 1.71 ພັນຕື້ເຢນ, ໃນຂະນະທີ່ການນໍາເຂົ້າຫຼຸດລົງ 2% ເປັນ 1.04 ພັນຕື້ບາດ.
ໃນຂະນະດຽວກັນ, ການສົ່ງອອກລົດໄປຍັງ ສະຫະລັດ ອາເມລິກາ ໄດ້ຫຼຸດລົງ 26,7% ໃນດ້ານມູນຄ່າ ຍ້ອນການວາງອັດຕາພາສີຂອງປະທານາທິບໍດີ ສະຫະລັດ ອາເມຣິກາ ຕໍ່ພາຫະນະ ແລະ ສິນຄ້າຂອງຍີ່ປຸ່ນ.
ໂດຍລວມແລ້ວ, ສໍາລັບເຄິ່ງທໍາອິດຂອງປີ 2025 (ມັງກອນ-ມິຖຸນາ), ການສົ່ງອອກຂອງຍີ່ປຸ່ນເພີ່ມຂຶ້ນ 3.6% ໃນຂະນະທີ່ການນໍາເຂົ້າເພີ່ມຂຶ້ນ 1.3%, ສົ່ງຜົນໃຫ້ຍີ່ປຸ່ນຂາດດຸນການຄ້າ 2.22 ພັນຕື້ເຢນ ຊຶ່ງຫຼຸດລົງ 34.2% ຈາກປີ 2024.
ຄໍາເຫັນ