ທ່ານ ເທບພີນໂຍ ໂຄອານົນ ຜູ້ອໍານວຍການກອງຊັ່ງຕວງ-ວັດ ກົມການຄ້າພາຍໃນ ກະຊວງພານິດ ຣາຊອານາຈັກໄທ ແລະ ທ່ານ ຊົມຊື່ນ ໄຊເກີຢາຈົງຕົວ ຫົວໜ້າພະແນກອຸດສາຫະກຳ ແລະ ການຄ້າ ແຂວງຫຼວງພະບາງ, ມີຫົວຫນ້າພະແນກ ແລະ ຮອງຫົວໜ້າພະແນກ ອຸດສາຫະກຳແລະການຄ້າ 17 ແຂວງ ແລະ ນະຄອນຫລວງວຽງຈັນເຂົ້າຮ່ວມ.
ທ່ານ ວຽງທອງ ວົງທະວິໄລ ກ່າວວ່າ: ການຝຶກອົບຮົມຄັ້ງນີ້, ມີຄວາມສຳຄັນຫຼາຍເພື່ອເຮັດໃຫ້ວິຊາການຮັບຮູ້-ເຂົ້າໃຈ ການກວດສອບ ແລະ ການຢັ້ງຢືນ ກ່ຽວກັບຫົວຈ່າຍປໍ້ານໍ້າມັນເຊື້ອໄຟ, ການກວດສອບຊິງຊັ່ງ-ຜອງ ແລະ ສິນຄ້າຫຸ້ມຫໍ່ໃຫ້ຖືກຕ້ອງ, ຊັດເຈນ, ສອດຄ່ອງກັບກົດໜາຍ ແລະ ລະບຽບການທີ່ກ່ຽວຂ້ອງ ແນໃສ່ເຮັດໃຫ້ການຈັດຕັ້ງປະຕິບັດໃຫ້ມີຄວາມເປັນເອກະພາບກັນໃນທົ່ວປະເທດ, ຮັບປະກັນຄວາມໂປ່ງໃສ, ເຮັດໃຫ້ສັງຄົມມີຄວາມຍຸຕິທຳ, ເພື່ອເປັນການປົກປ້ອງສິດຜົນປະໂຫຍດຂອງລັດ, ຜູ້ດຳເນີນທຸລະກິດ ແລະ ຜູ້ຊົມໃຊ້, ປະກອບສ່ວນ ເຂົ້າໃນການພັດທະນາເສດຖະກິດສັງຄົມແຫ່ງຊາດ ໃຫ້ດີຂຶ້ນເທື່ອລະກ້າວ. ການຝຶກອົບຮົມໃນຄັ້ງນີ້ ໄດ້ຜູ້ເຂົ້າຮ່ວມ ໄດ້ຮັບຟັງການບັນຍາຍທາງດ້ານທິດສະດີ ຈາກວິທະຍາກອນ ຂອງກົມການຄ້າພາຍໃນ, ກະຊວງພານິດ ຣາຊອານາຈັກໄທ ເພື່ອຍົກລະດັບຄວາມຮູ້, ຄວາມສາມາດ ໃຫ້ແກ່ພະນັກງານວິຊາການ ທັງເຮັດໃຫ້ການຈັດຕັ້ງປະຕິບັດເປັນເອກະພາບ, ສ້າງຈິດສໍານຶກ ແລະ ຄວາມຮັບຮູ້ ໃຫ້ແກ່ທຸກຄົນໃນສັງຄົມ ເປັນຕົ້ນ ຜູ້ປະຕິບັດລະບຽບການ ແລະ ຄຸ້ມຄອງວຽກງານການວັດແທກ, ຜູ້ປະກອບການ, ນັກທຸລະກິດ, ຜູ້ຜະລິດ, ຜູ້ຄ້າຂາຍ ແລະ ຜູ້ຊົມໃຊ້ທັງໝົດ ໄດ້ເຂົ້າໃຈຢ່າງເລິກເຊິ່ງ ແນໃສ່ໃຫ້ສອດຄ່ອງກັບລະບຽບ, ຫຼັກການລວມທັງພາກພື້ນ ແລະ ສາກົນ.
(ພາບ-ຂ່າວ: ດາວອນ ມະນີວັນ)
ຄໍາເຫັນ