ຜ່ານມາ.ການນໍາ ກະຊວງ ຍທຂ ຍັງໄດ້ສຳເລັດການເຊັນສັນຍາ ເພື່ອສຶກສາຄວາມເປັນໄປໄດ້ ແລະ ອອກແບບລະອຽດ ການຄຸ້ມຄອງ ແລະ ຟື້ນຟູເຂດຊຸ່ມນ້ຳ ຢູ່ນະຄອນ-ຫຼວງພະບາງ ໂຄງການຄຸ້ມຄອງຄວາມສ່ຽງໄພພິບັດນ້ຳຖ້ວມ, ສໍາເລັດການຮັບຮອງເອົາບົດບັນທຶກ ກອງປະຊຸມຄະນະກໍາມະການປະສານງານຮ່ວມ ການເດີນເຮືອເພື່ອການຄ້າຕາມແມ່ນໍ້າຂອງ-ແມ່ນໍ້າລ້ານຊ້າງ, ສໍາເລັດການເຊັນບົດບັນທຶກຄວາມເຂົ້າໃຈ (MOU) ເພື່ອສຶກສາສຳຫຼວດຄວາມເປັນໄປໄດ້ ໃນການພັດທະນາໂຄງການທ່າເຮືອສາກົນ, ເຂດໂລຈີສຕິກ,ເຂດການຄ້າ-ການບໍລິການ, ເຂດກະສິກຳ ແລະ ການທ່ອງທ່ຽວ ຢູ່ເມືອງລອງ ແຂວງຫຼວງນ້ຳທາ ລະຫວ່າງ ລັດຖະບານ ແຫ່ງ ສປປ ລາວ ກັບ ບໍລິສັດ ເອັນຊີຊີ ຈຳກັດຜູ້ດຽວ, ສຳເລັດການອອກໃບອະນຸຍາດຂຸດຄົ້ນຫີນແຮ່, ຊາຍ ໃຫ້ຜູ້ປະກອບການ ປະຈຳປີ 2023-2024 ມີຈຳນວນ 4 ບໍລິສັດປະຈຳປີ 2024-2025 ມີ ຈຳນວນ 1 ບໍລິສັດ, ປັບປຸງໂຄງປະກອບຂາຮຸ້ນລັດວິສາຫະກິດພັດທະນາທ່າເຮືອຫວຸ້ງອ່າງ ລາວ-ຫວຽດນາມ ດັດປັບຮຸ້ນ ຂອງ ລັດຖະບານ ສປປ ລາວ ຈາກ 20% ເປັນ 60%. ປັດຈຸບັນ,ໄດ້ມີຂໍ້ຕົກລົງຈາກທ່ານນາຍົກລັດຖະມົນຕີ ແຕ່ງຕັ້ງອຳນວຍການຊຸດໃໝ່ຂອງຝ່າຍລາວ ເພື່ອເຂົ້າຮ່ວມເປັນຄະນະທ່າເຮືອຫວຸ້ງອ່າງ, ສຶກສາຄວາມເປັນໄປໄດ້ໂຄງການພັດທະນາທ່າເຮືອສາກົນຊຽງກົກ ແລະ ເຂດໂລຈີສຕິກທາງນໍ້າ ເມືອງລອງ ແຂວງຫຼວງນໍ້າທາ, ໂຄງການຄຸ້ມຄອງຄວາມສ່ຽງໄພພິບັດນໍ້າຖ້ວມເທດສະບານເມືອງໄຊ ແຂວງອຸດົມໄຊ ປະຕິບັດໄດ້ 97.11%, ໂຄງການຄຸ້ມຄອງຄວາມສ່ຽງໄພພິບັດນໍ້າຖ້ວມຕົວເມືອງ ຢູ່ ສປປ ລາວ ຄື: ເທດສະບານເມືອງໄຊ ແຂວງອຸດົມໄຊ (ໜ້າວຽກເພີ່ມເຕີມ), ນະຄອນ-ຫຼວງພະບາງ ແຂວງຫຼວງພະບາງ, ນະຄອນຫຼວງວຽງຈັນ ແລະ ເທດສະບານເມືອງປາກຊັນ ແຂວງບໍລິຄຳໄຊ ປະຕິບັດໄດ້ 97%, ໂຄງການກໍ່ສ້າງປ້ອງກັນຕາຝັ່ງເຈື່ອນແຄມຂອງ ບ້ານພະບາດໂພນສັນເມືອງທ່າພະບາດແຂວງບໍລິຄຳໄຊ ປະຕິບັດໄດ້ 98.07%, ໂຄງການກໍ່ສ້າງປ້ອງກັນຕາຝັ່ງເຈື່ອນແຄມຂອງ ບ້ານພະບາດໂພນສັນເມືອງທ່າພະບາດແຂວງບໍລິຄຳໄຊ ປະຕິບັດໄດ້ 60.5%, ໂຄງການກໍ່ສ້າງປ້ອງກັນຕາຝັ່ງເຈື່ອນແຄມຂອງ ປາກກະດິງເໜືອເມືອງປາກກະດິງແຂວງບໍລິຄຳໄຊ ປະຕິບັດໄດ້ 26.55%, ໂຄງການກໍ່ສ້າງປ້ອງກັນຕາຝັ່ງເຈື່ອນແຄມຂອງ ເຂດບ້ານນໍ້າໂລ້ ເມືອງທ່າພະບາດ ແຂວງບໍລິຄໍາໄຊ ປະຕິບັດໄດ້ 51.30%, ໂຄງການກໍ່ສ້າງພັດທະນາແຄມແມ່ນໍ້າຂອງ ເທດສະບານເມືອງປາກຊັນ ແຂວງບໍລິຄຳໄຊ (AF/W02) ປະຕິບັດໄດ້ 98%, ໂຄງການກໍ່ສ້າງປ້ອງກັນຕາຝັ່ງເຈື່ອນແຄມນໍ້າຂອງ ດອນໝາກໂມ ເມືອງສີໂຄດຕະບອງ ນະຄອນຫຼວງວຽງຈັນ ປະຕິບັດໄດ້ 1.34%, ໂຄງການພັດທະນາແຄມຂອງ ແຂວງຈຳປາສັກໄລຍະ I ປະຕິບັດໄດ້ 99.01%, ໂຄງການພັດທະນາແຄມຂອງ ແຂວງຈຳປາສັກ ບ້ວງທຶນກູ້ຢືມດອກເບ້ຍຜ່ອນຜັນເພີ່ມເຕີມ ປະຕິບັດໄດ້ 71.42 %, ໂຄງການພັດທະນາແຄມຂອງ ນະຄອນຫຼວງວຽງຈັນ ປະຕິບັດໄດ້ 64.8%.
ພ້ອມກັນນັ້ນ,ກະຊວງ ຍທຂ ຍັງໄດ້ສຳເລັດການດັດແກ້ເນື້ອໃນສັນຍາໂຄງການຄຸ້ມຄອງຂີ້ເຫຍື້ອ ແລະ ສິ່ງແວດລ້ອມ ນະຄອນຫຼວງວຽງຈັນ EWMP, ສໍາເລັດການມອບ-ຮັບໂຄງການກໍ່ສ້າງຮ່ອງລະບາຍນໍ້າຝົນ ແລະ ໂຄງການກໍ່ສ້າງສະໜາມຂີ້ເຫຍື້ອ ຂອງໂຄງການ GMS4 ຕົວເມືອງປາກຊັນ ແຂວງບໍລິຄຳໄຊ, ສໍາເລັດໂຄງການສ້າງຂີດຄວາມສາມາດໃນການຄຸ້ມຄອງ ແລະ ສົ່ງເສີມການພັດທະນາຕົວເມືອງ ຂອງໂຄງການ CDUDCP ຂອງອົງການໄຈກາ, ໂຄງການພັດທະນາຕົວເມືອງຕາມແລວທາງເສດຖະກິດອານຸພາກພື້ນແມ່ນໍ້າຂອງ 4 (GMS4) ເມືອງທ່າແຂກ ແຂວງຄໍາມ່ວນ ແລະ ເມືອງປາກຊັນ ແຂວງບໍລິຄໍາໄຊ ປະຕິບັດໄດ້ 75%, ໂຄງການຮ່ວມມືກັບບັນດາບໍລິສັດໃນການປັບປຸງຄຸນນະພາບຊີວິດການເປັນຢູ່ ແລະ ສ້າງຄວາມເຂັ້ມແຂງໃຫ້ແກ່ຕົວເມືອງນ້ອຍ ໃຫ້ມີຄວາມທົນທານຕໍ່ການປ່ຽນແປງດິນຟ້າອາກາດ ຢູ່ແຂວງຫົວພັນ ປະຕິບັດໄດ້ 65%; ໂຄງການປັບປຸງສິ່ງແວດລ້ອມ ນະຄອນ-ຫຼວງພະບາງ ແຂວງຫຼວງພະບາງ ໂດຍທຶນຊ່ວຍເຫຼືອ ແລະ ທຶນກູ້ຢືມ ຈາກທະນາຄານພັດທະນາອາຊີ (ADB), ແມ່ນກໍາລັງດໍາເນີນການປະມູນເອົາບໍລິສັດ ທີ່ປຶກສາໂຄງການ,ໂຄງການຍົກລະດັບຂີດຄວາມສາມາດໃນການປັບຕົວ ແລະ ສ້າງທີ່ຢູ່ອາໄສທີ່ທົນທານ ໃນຊຸມຊົນທີ່ມີຄວາມສ່ຽງຢູ່ ສປປ ລາວ ປະຕິບັດໄດ້ 10%; ໂຄງການສ້າງຂີດຄວາມສາມາດໃນການຄຸ້ມຄອງ ແລະ ສົ່ງເສີມການພັດທະນາຕົວເມືອງ ຂອງໂຄງການ CDUDCP ປະຕິບັດໄດ້ 98%.
ຄໍາເຫັນ