ອົງການໄອຍະການ ປະຊາຊົນ ແຂວງ ແລະ ພະແນກພະລັງງານ-ບໍ່ແຮ່ ເຊັນສັນຍາປະສານງານໃນການປະຕິບັດກົດໝາຍ

 ໄດ້ຈັດຂຶ້ນ ໃນວັນທີ່ 12 ທັນວານີ້ ທີຫ້ອງປະຊຸມອົງການໄອຍະການແຂວງ ໂດຍການເປັນປະທານຮ່ວມຂອງທ່ານ ນາງສົມຫວັງ ໄຊຍະຕິ ຫົວໜ້າອົງການໄອຍະການປະຊາຊົນແຂວງ ແລະ ທ່ານ ອາລຸນ ບຸນວິໄລ ຫົວໜ້າພະແນກ ພະລັງງານ ແລະ ບໍ່ແຮ່ແຂວງ ແລະ ຂະແໜງການ ທີກ່ຽວຂ້ອງຂອງສອງພາກສ່ວນເຂົ້າຮ່ວມ.

ການເຊັນສັນຍາຄັ້ງນີ້, ເພື່ອກຳນົດກົນໄກປະສານງານໃນການຈັດຕັ້ງປະຕິບັດກົດໝາຍ ແລະ ນິຕິກໍາໃຕ້ກົດໝາຍ ແລະ ເພື່ອເປັນບ່ອນອີງໃນການຈັດຕັ້ງປະຕິບັດພາລະບົດບາດສິດ ແລະ ໜ້າທີ່ ຂອງແຕ່ລະພາກສ່ວນ, ພ້ອມກັນແກ້ໄຂບັນຫາ ແລະ ປະກົດການຍໍ້ທໍ້ຕ່າງໆ ທີ່ເກີດຂຶ້ນໃນສັງຄົມ, ເພື່ອນໍາມາປຶກສາຄົ້ນຄວ້າຮ່ວມກັນຢ່າງເລິກເຊິ່ງໃນແຕ່ລະບັນຫາ ເພື່ອເປັນທິດທາງໃນການປັບປຸງແກ້ໄຂຕໍ່ໄປໃຫ້ຖືກຈຸດ.

ການເຊັນສັນຍາລະຫວ່າງອົງການໄອຍະການປະຊາຊົນແຂວງ ແລະ ພະແນກພະລັງງານ-ບໍ່ແຮ່ແຂວງຄັ້ງນີ້ ເພື່ອສ້າງກົນໄກທີ່ຊັດເຈນໃນການປະຕິບັດໜ້າທີ່ ແລະ ແກ້ໄຂບັນຫາທີ່ເກີດຂຶ້ນໃນສັງຄົມ ແລະ ໄດ້ມີການຄົ້ນຄວ້າບັນຫາຢ່າງເລິກເຊີ່ງ ເພື່ອສະເໜີມາດຕະການໃນການປັບປຸງແກ້ໄຂໃຫ້ທັນເຫດການ ແລະ ມີຄວາມສອດຄ່ອງກັບສະພາບການໃນປັດຈຸບັນ.

(ຂ່າວ: ແສງອາທິດ)