ອາທິດຜ່ານມາ, ທ່ານ ທອງຈັນ ພົມມະລັດ ຮອງຫົວໜ້າຄະນະໂຄສະນາອົບຮົມແຂວງຫຼວງພະບາງ ພ້ອມດ້ວຍທີມງານໄດ້ລົງເຜີຍແຜ່ເອກະສານວຽກງານສັງລວມ-ຫາງສຽງສັງຄົມຢູ່ອົງການໄອຍະການປະຊາຊົນແຂວງຫຼວງພະບາງ, ມີທ່ານ ເພັດສີດາ ແສງພະຈັນ ຮອງຫົວໜ້າອົງການໄອຍະການປະຊາຊົນແຂວງ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ພາຍຫຼັງ, ທ່ານ ໄຊຊົ່ງ ຕົ່ງປໍຈົ້ວເຈ້ຍ ຮອງຫົວໜ້າຂະແໜງຄົ້ນຄວ້າສັງລວມ-ເກັບກຳຫາງສຽງສັງຄົມ ຄະນະໂຄສະນາອົບຮົມແຂວງ ໄດ້ຂຶ້ນຜ່ານຄຳສັ່ງແນະນຳຂອງຄະນະປະຈຳພັກແຂວງ ວ່າດ້ວຍການເພີ່ມທະວີວຽກງານຕິດຕາມ, ເກັບກຳສະພາບແນວຄິດ-ຫາງສຽງສັງຄົມໃນໄລຍະໃໝ່. ຈາກນັ້ນ, ທ່ານ ທອງຈັນ ພົມມະລັດ ໄດ້ໃຫ້ກຽດເຜີຍແຜ່ເອກະສານວຽກງານສັງລວມ-ຫາງສຽງສັງຄົມ ຊຶ່ງໄດ້ຍົກໃຫ້ເຫັນບັນຫາພື້ນຖານວຽກງານຫາງສຽງສັງຄົມ, ຄວາມໝາຍ-ຄວາມສຳຄັນພາລະບົດບາດ, ສິດ, ໜ້າທີ່ ແລະ ຄຸນລັກສະນະປັດໄຈກ່ຽວກັບບັນດາຫາງສຽງສັງຄົມ, ຄວາມແຕກຕ່າງພາຍໃນການຈັດຕັ້ງ, ສຳນັກງານກົມກອງ ແລະ ສັງຄົມ. ຜ່ານການເຊື່ອມຊຶມເອກະ ສານໃນຄັ້ງນີ້ ຈະສ້າງຄວາມຮູ້ພື້ນຖານໃຫ້ແກ່ສະມາຊິກພັກ, ພະນັກງານ-ລັດຖະກອນສາມາດຈຳແນກ, ວິເຄາະວິໄຈກ່ຽວກັບບັນຫາຂ່າວລື, ຖ້ອຍທຳນອງ ແລະ ຫາງສຽງສັງຄົມ ເພື່ອຍົກສູງສະຕິລະວັງຕົວ ແລະ ຕອບຕ້ານໃຫ້ທັນກັບເວລາ, ຮັບຮູ້ເຂົ້າໃຈກ່ຽວກັບວຽກງານຫາງສຽງສັງຄົມ ແມ່ນວຽກຍຸດທະສາດທາງດ້ານກະແສແນວຄິດ, ເປັນວຽກທີ່ຫຼໍ່ແຫຼມຢູ່ໃນສັງຄົມເພື່ອຍົກສູງສະຕິລະວັງຕົວ ແລະ ຕອບຕ້ານໃຫ້ທັນກັບເວລາ, ຮັບຮູ້ເຂົ້າໃຈກ່ຽວກັບວຽກງານຫາງສຽງສັງຄົມແມ່ນວຽກຍຸດທະສາດທາງດ້ານກະແສແນວຄິດ, ເປັນວຽກທີ່ຫຼໍ່ແຫຼມຢູ່ໃນສັງຄົມ ທຸກຄົນຕ້ອງມີສ່ວນຮ່ວມ, ກຳໄດ້ບັນດາປະກົດການຫຍໍ້ທໍ້ທີ່ເກີດຂຶ້ນຢູ່ໃນກົມກອງ, ທ້ອງຖິ່ນ ແລະ ສັງຄົມ ພ້ອມທັງແກ້ໄຂສິ່ງທີ່ບໍ່ຖືກຕ້ອງ ເສີມຂະຫຍາຍສິ່ງທີ່ດີສິ່ງສຳຄັນແມ່ນເຂົ້າໃຈຕໍ່ວຽກງານຕິດຕາມເກັບກຳສະພາບແນວຄິດຫາງສຽງສັງຄົມ ໂດຍສະເພາະດ້ານຫຼັກການ, ທິດນຳໃນການເຄື່ອນໄຫວວຽກງານຢູ່ໃນສັງຄົມ.
ຂ່າວ: ພອນປະສິດ ສຸເດດຊານໄຊ
ຄໍາເຫັນ