ອົງການກາແດງແຂວງບໍ່ແກ້ວ ມອບເຄື່ອງກອງນໍ້າ ແລະ ໄຟໂຊລ່າແຊວ ໃຫ້ທະຫານຊາຍແດນ.

ກອງປະຊຸມສໍາມະນາເຊື່ອມຊຶມເອກະສານ ເພື່ອກະກຽມໃຫ້ກອງປະຊຸມວຽກສື່ມວນຊົນທົ່ວປະເທດ ຄັ້ງທີ I ພາຍໃຕ້ຫົວຂໍ້: ເພີ່ມທະວີບົດບາດການນໍາພາຂອງພັກ, ພັດທະນາວຽກງານສື່ມວນຊົນໃຫ້ຫັນປ່ຽນສູ່ຄຸນນະພາບໃໝ່ ຢ່າງແຂງແຮງ ໄດ້ຈັດຂຶ້ນໃນວັນທີ 13 ກໍລະກົດນີ້, ທີ່ຫໍປະຊຸມແຫ່ງຊາດ ໂດຍການເປັນກຽດເຂົ້າຮ່ວມເຜີຍແຜ່ເອກະສານຂອງທ່ານ ກິແກ້ວ ໄຂຄໍາພິທູນ ກໍາມະການກົມການເມືອງສູນກາງພັກ ປະທານສູນກາງແນວລາວສ້າງຊາດ ປະທານສະພາທິດສະດີສູນກາງພັກ, ໂດຍການເປັນປະທານຂອງທ່ານ ຄໍາພັນ ເຜີຍຍະວົງ ກໍາມະການກົມການເມືອງສູນກາງພັກ ຄະນະເລຂາທິການສູນກາງພັກ ຫົວໜ້າຄະນະໂຄສະນາອົບຮົມສູນກາງພັກ (ຄອສພ) ຮອງປະທານສະພາທິດສະດີສູນກາງພັກ, ມີຄະນະເລຂາທິການສູນກາງພັກ, ກໍາມະການສູນກາງພັກ, ມີບັນດາການນໍາພັກ-ລັດ, ຜູ້ແທນສື່ມວນຊົນສູນກາງ ແລະ ທ້ອງຖິ່ນ ທົ່ວປະເທດເຂົ້າຮ່ວມ.

ທ່ານ ຕຸ້ຍ ວິໄລວົງ ກຳມະການພັກເມືອງ ຫົວໜ້າຫ້ອງການກະສິກໍາ ແລະ ສິ່ງແວດລ້ອມ ເມືອງໝື່ນ ແຂວງວຽງຈັນ ລາຍງານເມື່ອວັນທີ 13 ກໍລະກົດນີ້ ໃຫ້ຮູ້ວ່າ: ຊາວກະສິກອນທົ່ວເມືອງໝື່ນ ແຂວງວຽງຈັນ ພວມສຸມໃສ່ການຜະລິດເຂົ້ານາປີ ປະຈໍາລະດູການຢ່າງຟົດຟື້ນ ມາຮອດປັດຈຸບັນ

ເມືອງໄຊຍະບູລີ ແຂວງໄຊຍະບູລີ ໄດ້ຈັດພິທີສະເຫຼີມສະຫຼອງວັນປ່ອຍປາ ແລະ ສັດນໍ້າແຫ່ງຊາດ ໃນ 13 ກໍລະກົດນີ້ ທີ່ ບ້ານປົ່ງ ແຂວງໄຊຍະບູລີ ໂດຍມີ ທ່ານ ເພັງນິລັນ ຄໍາພັນເພັງ ກໍາມະການສູນກາງພັກ ເລຂາພັກແຂວງ ປະທານສະພາປະຊາຊົນແຂວງໄຊຍະບູລີ, ມີການນໍາແຂວງ, ເມືອງ, ຫົວໜ້າ, ຮອງຫົວໜ້າພະແນກການ, ຫົວໜ້າ, ຮອງຫົວໜ້າຫ້ອງການອ້ອມຂ້າງເມືອງໄຊຍະບູລີ, ແຂກທີ່ຖືກເຊີນ ພ້ອມດ້ວຍ ຊາວໜຸ່ມ-ເຍົາວະຊົນ ເຂົ້າຮ່ວມ.

ເນື່ອງໃນໂອກາດລະນຶກວັນເກີດຄົບຮອບ 117 ປີຂອງປະທານສຸພານຸວົງ ( 13 ກໍລະກົດ 1909 - 13 ກໍລະກົດ 2026), ໃນວັນທີ 13 ກໍລະກົດ 2026, ການນໍາພັກ-ລັດແຂວງຄໍາມ່ວນ ນໍາພາໂດຍ ທ່ານ ໄຊຊະນະ ໂຄດພູທອນ ກໍາມະການສູນກາງພັກ ເລຂາຄະນະບໍລິຫານງານພັກແຂວງ ປະທານສະພາປະຊາຊົນແຂວງຄໍາມ່ວນ, ພ້ອມດ້ວຍຄະນະບໍລິຫານງານພັກແຂວງ, ບັນດາອົງການຈັດຕັ້ງທຽບເທົ່າຂັ້ນແຂວງ, ກໍາລັງປະກອບອາວຸດ ແລະ ນ້ອງນ້ອຍເຍົາວະຊົນ-ຊາວໜຸ່ມ ໄດ້ພ້ອມພາກັນຂໍ່ານັບ, ວາງກະຕ່າດອກໄມ້, ຈູດທູບທຽນ ຕໍ່ໜ້າຮູບປັ້ນຫຼໍ່ ຢູ່ທີ່ອະນຸສອນປະທານ ສຸພານຸວົງ ເມືອງທ່າແຂກ.

ແຂວງຄຳມ່ວນ ໄດ້ຈັດພິທີປາຖະກະຖາເນື່ອງໃນໂອກາດວັນເກີດປະທານ ສຸພານຸວົງ ຄົບຮອບ 117 ປີ (13 ກໍລະກົດ 1909–13 ກໍລະກົດ 2026) ໃນວັນທີ 13ອກໍລະກົດນີ້, ທີ່ ແຂວງຄຳມ່ວນ ໂດຍໄດ້ຮັບກຽດປະຖະກະຖາຂອງ ທ່ານ ໄຊຊະນະ ໂຄດພູທອນ ກຳມະການສູນກາງພັກ ເລຂາພັກແຂວງ ປະທານສະພາປະຊາຊົນແຂວງ; ມີບັນດາການນຳຂອງແຂວງ, ພະແນກການ, ອົງການຈັດຕັ້ງຂັ້ນແຂວງ, ພະນັກງານລັດຖະກອນເຂົ້າຮ່ວມ.

ພິທີເປີດຂະບວນການຂ່ຳນັບຮັບຕ້ອນກອງປະຊຸມວຽກງານສື່ມວນຊົນ ທົ່ວປະເທດ ຄັ້ງທີ I ພາຍໃຕ້ຫົວຂໍ້: “ເພີ່ມທະວີບົດບາດການນຳພາຂອງພັກ, ພັດທະນາວຽກງານສື່ມວນຊົນ ໃຫ້ຫັນປ່ຽນສູ່ຄຸນນະພາບໃໝ່ຢ່າງແຂງແຮງ” ຈັດຂຶ້ນໃນວັນທີ 12 ກໍລະກົດນີ້, ນະຄອນຫຼວງວຽງຈັນ ໂດຍມີ ທ່ານ ຄຳພັນ ເຜີຍຍະວົງ ກຳມະການກົມການເມືອງສູນກາງພັກ ຫົວໜ້າຄະນະໂຄສະນາອົບຮົມສູນກາງພັກ, ທ່ານ ທອງລີ ສີສຸລິດ ກຳມະການສູນກາງພັກ ເລຂາຄະນະບໍລິຫານງານ ສູນກາງຊາວໜຸ່ມປະຊາຊົນປະຕິວັດລາວ, ມີຮອງລັດຖະມົນຕີ, ຫົວໜ້າກົມ, ຮອງກົມ ພ້ອມດ້ວຍພາກສ່ວນກ່ຽວ ຂ້ອງ ແລະ ແຂກຖືກເຊີນ ເຂົ້າຮ່ວມ.

ເມື່ອ​ບໍ່​ດົນ​ມາ​ນີ້, ພະແນກຊຸມຊົນສໍາພັນ ຝ່າຍພັດທະນາສັງຄົມ ສາຍງານກິດຈະການອົງກອນບໍລິສັດ ໄຟຟ້າ ຫົງສາ ຈໍາກັດໄດ້ຈັດພິທີ ມອບກອງທຶນຄຸ້ມຄອງ ແລະ ປົກປັກຮັກສາລະບົບສາຍສົ່ງໄຟຟ້າແຮງສູງ 500 ກິໂລໂວນ ງວດທີ່ 1 ເດືອນພຶດສະພາ - ມິຖຸນາ 2026 ໃຫ້ເມືອງຫົງສາ, ເມືອງເງິນ ແລະ ເມືອງຊຽງຮ່ອນ ລວມທັງໝົດ ຈໍານວນ 200 ລ້ານກີບ ລວມພື້ນທີ່ແລວສາຍສົ່ງໄລຍະທາງທັງໝົດ 67 ກິໂລເມັດ.

ເມືອງແກ່ນທ້າວ ແຂວງໄຊຍະບູລີ ໄດ້ຈັດພິທີສະເຫຼີມສະຫຼອງວັນປ່ອຍປາ ແລະ ສັດນໍ້າແຫ່ງຊາດ (13 ກໍລະກົດ) ຢ່າງຄຶກຄື້ນ ໃນ​ວັນ​ທີ 8 ກໍ​ລະ​ກົດ​ນີ້ ທີ່ບ້ານດອນເມນໂດຍມີ ທ່ານ ຄຳເຫຼັກ ແກ້ວວິໄລພອນ ກຳມະການປະຈຳພັກແຂວງປະທານຄະນະກວດກາພັກປະທານອົງການກວດກາລັດແຂວງ,ມີທ່ານ ຄໍາປຸ່ນ ນວນສະບັບ ກໍາມະການພັກແຂວງເລຂາຄະນະບໍລິຫານງານພັກເມືອງ, ມີການ​ນຳ​ເມືອງແລະພາກ​ສ່ວນ​ກ່ຽວ​ຂ້ອງ​ເຂົ້າ​ຮ່ວມ.

ເນື່ອງໃນໂອກາດຈະເຖິງວັນປ່ອຍປາ ແລະ ສັດນໍ້າ ແຫ່ງຊາດ, ທ່ານ ລິນຄໍາ ດວງສະຫວັນ ລັດຖະມົນຕີ ກະຊວງກະສິກໍາ ແລະ ສິ່ງແວດລ້ອມ ໄດ້ຖະແຫຼງຂ່າວວັນປ່ອຍປາ ແລະ ສັດນໍ້າແຫ່ງຊາດໃນວັນທີ 9 ກໍລະກົດນີ້ ທີ່ກະຊວງກະສິກໍາ ແລະ ສິ່ງແວດລ້ອມ ຊຶ່ງໄດ້ກ່າວວ່າ: ວັນທີ 13 ກໍລະກົດ ຂອງທຸກໆປີ ເປັນວັນປ່ອຍປາ ແລະ ສັດນໍ້າແຫ່ງຊາດ ເພື່ອຄຸ້ມຄອງ, ປົກປັກຮັກສາ ແລະ ພັດທະນາສັດນໍ້າ ໃຫ້ອຸດົມສົມບູນ ແລະ ມີຄວາມຍືນຍົງ, ໂດຍໄດ້ເລີ່ມແຕ່ປີ 1997 ເປັນຕົ້ນມາ ແລະ ໃນປີນີ້ ກໍຄົບຮອບ 29 ປີ. ນອກຈາກນີ້, ວັນດັ່ງກ່າວ ຍັງກົງກັບ ວັນເກີດຂອງ ປະທານ ສຸພານຸວົງ ຜູ້ນໍາທີ່ ແສນເຄົາລົບຮັກ ຂອງປວງຊົນລາວທັງຊາດ.

ເມືອງຄູນຄຳ ແຂວງຄຳມ່ວນ ມີຝົນຕົກໜັກຕິດຕໍ່ກັນຫຼາຍ​ວັນ,ມາ​ຮອດວັນທີ 07 ກໍລະກົດ 2026 ເຮັດໃຫ້ລະດັບນ້ຳເພີ່ມຂຶ້ນຫຼາຍ, ດັ່ງ​ນັ້ນ, ທ່ານ ຄຳປ່ຽນ ມະນີຄຳ ກຳມະການພັກແຂວງ ເລຂາພັກເມືອງຄູນຄຳ, ທ່ານ ພົມມະລາ ຄານລາຫວັນ ຮອງເລຂາພັກເມືອງ ປະທານຄະນະກຳມະການປົກຄອງເມືອງຄູນຄຳ, ຄະນະກຳມະການຄຸ້ມຄອງໄພພິບັດຂັ້ນເມືອງ ພ້ອມດ້ວຍຂະແໜງການທີ່ກ່ຽວຂ້ອງໄດ້ພ້ອມກັນລົງຕິດຕາມສະພາບຢ່າງໃກ້ສິດ.