ອົງການກາແດງແຂວງບໍ່ແກ້ວ ມອບເຄື່ອງກອງນໍ້າ ແລະ ໄຟໂຊລ່າແຊວ ໃຫ້ທະຫານຊາຍແດນ.

ພິທີ ມອບ-ຮັບ ຈັດຂຶ້ນໃນວັນທີ 22 ກໍລະກົດ 2026 ທີ່ເຮືອນພັກເລກ 1 ແຂວງຄໍາມ່ວນ ໂດຍໃຫ້ກຽດຮັບເງິນຈາກ ທ່ານ ໄຊຊະນະ ໂຄດພູທອນ ເລຂາຄະນະບໍລິຫານງານພັກແຂວງ, ປະທານສະພາປະຊາຊົນແຂວງຄໍາມ່ວນ ພ້ອມດ້ວຍບັນດາການນໍາແຂວງ ແລະ ຜູ້ຕາງໜ້າພາກສ່ວນກ່ຽວຂ້ອງ.

ບໍລິສັດ ຝຸ່ນໂປສຕາສ ອາຊີ-ໂປຕາສ ສາກົນ (ລາວ) ຈໍາກັດ ໄດ້ມອບເງິນຈໍານວນ 500 ລ້ານກີບ ໃຫ້ແຂວງຄໍາມ່ວນ ເພື່ອສົມທົບທຶນປັບປຸງ ແລະ ສ້ອມແປງທາງຫຼວງແຫ່ງຊາດເລກທີ 12 ອັນເປັນເສັ້ນທາງຍຸດທະສາດ ທີ່ເຊື່ອມຕໍ່ການຄ້າ ແລະ ການຂົນສົ່ງລະຫວ່າງ ສປປ ລາວ ກັບ ບັນດາປະເທດອະນຸພາກພື້ນ.

ອົງການກວດສອບແຫ່ງລັດ (ອກສລ) ໄດ້ຈັດພິທີມອບ-ຮັບໃບຢັ້ງຢືນໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈໍາປີ 2025 ໃຫ້ບັນດາໜ່ວຍພັກ ຂຶ້ນກັບ ອົງຄະນະພັກ ອົງການກວດສອບແຫ່ງລັດ ແລະ ມອບບັດສະມາຊິກພັກ ຊຸດທີ XI ໃຫ້ສະມາຊິກພັກສົມບູນ ຂຶ້ນໃນວັນທີ 22 ກໍລະກົດນີ້ ທີ່ອົງການດັ່ງກ່າວ, ໂດຍການເປັນປະທານຂອງ ສະຫາຍ ວຽງທະວີສອນ ເທບພະຈັນ ກໍາມະການສູນກາງພັກ ເລຂາຄະນະບໍລິຫານງານພັກ ປະທານອົງການກວດສອບແຫ່ງລັດ, ມີບັນດາສະຫາຍ ຄະນະບໍລິຫານງານພັກ, ຄະນະໜ່ວຍພັກ ສະມາຊິກພັກສົມບູນ-ສຳຮອງເຂົ້າຮ່ວມ.

ໃນວັນທີ 21 ກໍລະກົດ ນີ້ ທີ່ຫ້ອງປະຊຸມໄອຊີທີ ນະຄອນຫຼວງວຽງຈັນ, ກະຊວງສຶກສາທິການ ແລະ ກິລາ (ສສກ) ໄດ້ຈັດກອງປະຊຸມຄົ້ນຄວ້າ ແລະ ປະກອບຄໍາເຫັນໃສ່ຮ່າງມະຕິ ວ່າດ້ວຍການພັດທະນາຊັບພະຍາກອນມະນຸດ ທີ່ມີຄຸນນະພາບ ຕອບສະໜອງໃຫ້ແກ່ການພັດທະນາໃນເງື່ອນໄຂໃໝ່, ໂດຍການເປັນປະທານຂອງ ທ່ານ ທອງສະລິດ ມັງໜໍ່ເມກ ຮອງນາຍົກລັດຖະມົນຕີ ລັດຖະມົນຕີກະຊວງສຶກສາທິການ ແລະ ກິລາ ທັງເປັນປະທານຄະນະກຳມາທິການແຫ່ງຊາດ ເພື່ອພັດທະນາຊັບພະຍາກອນມະນຸດ ຊຶ່ງມີຄະນະນໍາຈາກບັນດາກະຊວງ, ຄະນະຈັດຕັ້ງສູນກາງພັກ, ສະຖາບັນການເມືອງ ແລະ ການປົກຄອງແຫ່ງຊາດ, ສະພາທິດສະດີສູນກາງພັກ, ປະທານຄະນະກໍາມາທິການວັດທະນະທໍາ, ສັງຄົມ ແລະ ເຜົ່າ ສະພາແຫ່ງຊາດ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມທັງເຊິ່ງໜ້າ ແລະ ອອນລາຍ.

ສະ​ຫາຍ ພົນເອກ ວິໄລ ຫຼ້າຄໍາຟອງ ກໍາມະການກົມການເມືອງສູນກາງພັກ ຜູ້ປະຈໍາການຄະນະເລຂາທິການສູນກາງພັກ ພ້ອມດ້ວຍຄະນະ ແລະ ການນຳແຂວງ ໄດ້ຢ້ຽມຢາມສຳນັກງານຕາແສງຊຽງທອງ ນະຄອນ ຫຼວງພະບາງ ຕັ້ງຢູ່ບ້ານຜານົມ ເມື່ອ​ວັນ​ທີ 21 ກໍ​ລະ​ກົດ​ຜ່ານ​ມາ. ໂດຍໄດ້ຮັບການຕ້ອນຮັບຈາກການນຳ ນະຄອນ ຫຼວງພະບາງ ຄະນະກຳມະການຕາແສງ, ຄະນະກຳມະການປົກຄອງບ້ານໃນຕາແສງຊຽງທອງ ແລະປະຊາຊົນບ້ານຜານົມ.

ແຂວງອັດຕະປື ໄດ້ຈັດຝຶກອົບຮົມການນໍາໃຊ້ລະບົບຖານຂໍ້ມູນການຂຶ້ນບັນຊີໂຄງການເຊົ່າ-ສໍາປະທານທີ່ດິນຂອງລັດ (LCIS) ແລະ ການປັບປຸງຖານຂໍ້ມູນການເຊົ່າ-ສໍາປະທານທີ່ດິນຢູ່ແຂວງອັດຕະປືໃນ​ວັນ​ທີ 21 ກໍ​ລະ​ກົດ​ນີ້, ໂດຍການເປັນປະທານຂອງທ່ານ ກົງໃຈ ສີດາວົງ ກຳມະການພັກແຂວງ, ຫົວໜ້າພະແນກກະສິກຳ ແລະ ສິ່ງແວດລ້ອມແຂວງ, ມີທ່ານ ຄໍາແກ້ວນະບຸນສີ ຮອງຫົວໜ້າພະແນກສິ່ງແວດລ້ອມ-ສັງຄົມ, ຫ້ອງການຄະນະກໍາມະການສົ່ງເສີມ ແລະ ຄຸ້ມຄອງການລົງທຶນຂັ້ນສູນກາງ, ມີພາກ​ສ່ວນ​ກ່ຽວ​ຂ້ອງເຂົ້າຮ່ວມ.

ໃນວັນທີ 21 ກໍລະກົດນີ້, ທີ່ສະໂມສອນ​ກອງບັນຊາການທະຫານແຂວງຫຼວງພະບາງ ໄດ້ມີພິທີປະກາດແຕ່ງຕັ້ງປະທານ, ຮອງປະທານ, ຜູ້ປະຈຳການ ແລະ ກຳມະການ ຄະນະກຳມະການປ້ອງກັນຊາດ (ປກຊ)​ - ປ້ອງກັນຄວາມສະຫງົບ (​ປກສ)​ ແຂວງຫຼວງພະບາງ ໂດຍການເປັນປະທານຂອງສະຫາຍ ພົນເອກ ວິໄລ ຫຼ້າຄຳຟອງ ກຳມະການກົມການເມືອງສູນກາງພັກ ຮອງປະທານຄະນະກຳມະການ ປກຊ​-ປກສ ຂັ້ນສູນກາງ ຜູ້ປະຈຳການ ຄະນະເລຂາທິການສູນກາງພັກ, ມີທ່ານ ບຸນເລື່ອມ ມະນີວົງ ກຳມະການ​ສູນກາງ​ພັກ​ ເລຂາ​ພັກແຂວງ​ ປະທານ​ສະພາ​ປະຊາຊົນ​ແຂວງ ພ້ອມດ້ວຍຄະນະນຳແຂວງ, ນາຍ ແລະ ພົນທະຫານ, ນາຍ ແລະ ພົນຕຳຫຼວດເຂົ້າຮ່ວມ.

ເມື່ອບໍ່ດົນມານີ້, ສ່ວຍສາອາກອນປະຈໍາແຂວງເຊກອງ ຈັດກອງປະຊຸມສະຫຼຸບຕີລາຄາການຈັດຕັ້ງປະຕິບັດວຽກງານ 6 ເດືອນຕົ້ນປີ ແລະ ວາງທິດທາງ 6 ເດືອນທ້າຍປີ 2026 ໂດຍການເປັນປະທານຂອງທ່ານ ສີໄຄ້ ລຽງສະຫວັດ ຮອງຫົວໜ້າພະແນກການເງິນແຂວງ, ມີທ່ານ ສົມບູນ ພັນຈັນ ວ່າການຫົວໜ້າສ່ວຍສາອາກອນປະຈໍາແຂວງ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

ໃນວັນທີ 21 ກໍລະກົດນີ້, ທີ່ຫ້ອງວ່າການເມືອງແກ່ນທ້າວ ແຂວງໄຊຍະບູລີ ໄດ້ຈັດກອງປະຊຸມແນະນໍາການນໍາໃຊ້ລະບົບຂໍ້ມູນຂ່າວສານການເງິນພາກລັດ (LIFMIS) ໂດຍການເປັນກຽດເຂົ້າຮ່ວມຂອງທ່ານ ສົມສີ ຊາວພິລາ ຮອງປະທານຄະນະກໍາມະການປົກຄອງເມືອງ, ມີຄະນະຮັບຜິດຊອບຈາກພະແນກການເງິນແຂວງ, ຫົວໜ້າ-ຮອງຫົວໜ້າຫ້ອງການ, ກົມກອງ ພ້ອມດ້ວຍຜູ້ຮັບຜິດຊອບວຽກງານການເງິນເຂົ້າຮ່ວມ.

ກອງບັນຊາການປ້ອງກັນຄວາມສະຫງົບ (ປກສ) ເມືອງປະທຸມພອນ ແຂວງຈຳປາສັກ ຈັດກອງປະຊຸມສະ ຫຼຸບວຽກງານວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ, ການທ້ອນໂຮມອາວຸດປືນ-ວັດຖຸລະເບີດ ປະຈຳປີ 2025 ແລະ ທິດທາງແຜນການປີ 2026 ໃນວັນທີ 21 ກໍລະກົດນີ້, ທີ່ສະໂມສອນກອງບັນຊາການ ປກສ ເມືອງ, ໃຫ້ກຽດເຂົ້າຮ່ວມໂດຍສະຫາຍ ສົມຈິດ ແພງສະຫວັດ ກຳມະການພັກແຂວງ ເລຂາຄະນະບໍລິຫານງານພັກເມືອງ ຫົວໜ້າຄະນະສະມາຊິກສະພາປະຊາຊົນແຂວງປະຈຳເຂດເລືອກຕັ້ງເມືອງ; ມີສະຫາຍ ກິ່ງແກ້ວ ນະວະພົມ ຮອງເລຂາພັກເມືອງ ປະທານຄະນະກຳມະການປົກຄອງເມືອງ, ສະຫາຍ ພັນໂທ ຂາວພອນ ສຸຂະວົງ ກຳມະການປະຈຳພັກເມືອງ, ເລຂາຄະນະພັກຮາກຖານ ຫົວໜ້າກອງບັນຊາການ ປກສ ເມືອງ ພ້ອມດ້ວຍນາຍ ແລະ ພົນຕຳຫຼວດເຂົ້າຮ່ວມ.