ອົງການແຄນາໆຊາດ ປະຈຳ ລາວ ສືບຕໍ່ມອບເຄື່ອງຊ່ວຍເຫຼືອໃຫ້ຜູ້ທີ່ປະສົບໄພນໍ້າຖ້ວມ

ແຂວງເຊກອງ ຈັດງານສັບປະດາແຫ່ງຊາດ ດ້ານຄວາມປອດໄພທາງຫຼວງ ປະຈໍາປີ 2026 ພາຍໃຕ້ຫົວຂໍ້ “ດື່ມຢ່າງມີສະຕິ ເມົາແລ້ວບໍ່ຂັບ” (Drink With Care, Drunk Don't Drive ) ຂຶ້ນໃນຕອນເຊົ້າວັນທີ 24 ເມສານີ້ ໂດຍມີ ທ່ານ ບຸນທະວີ ນະຄອນສິດ ຄະນະປະຈຳພັກແຂວງ ຮອງປະທານຄະນະກຳມະການປົກຄອງແຂວງເຊກອງ, ພ້ອມດ້ວຍການນໍາຂັ້ນແຂວງ, ພະນັກງານ, ນັກຮຽນ ແລະ ນັກສຶກສາເຂົ້າຮ່ວມ.

ວັນທີ 23 ເມສາຜ່ານນມາ, ຢູ່ທີ່ຫ້ອງປະຊຸມຊັ້ນ 3 ຫ້ອງວ່າການແຂວງວຽງຈັນ ໄດ້ຈັດກອງປະຊຸມ ຄົ້ນຄວ້າ, ຄັດເລືອກ ນັກໂທດທີ່ມີເງື່ອນໄຂອະໄພຍະໂທດ ປະຈຳປີ 2026 ເນື່ອງໃນໂອກາດວັນຊາດທີ 2 ທັນວາ 2026 ຄົບຮອບ 51 ປີ, ໂດຍການເປັນປະທານຂອງ ທ່ານ ສີວຽງໄຊ ອໍລະບູນ ກຳມະການປະຈຳພັກແຂວງ ຮອງປະທານຄະນະກຳມະການປົກຄອງແຂວງ, ປະທານຄະນະກຳມະການອະໄພຍະໂທດລະດັບແຂວງວຽງຈັນ, ມີຮອງປະທານ, ມີຄະນະກຳມະການອະໄພຍະໂທດລະດັບແຂວງ ແລະ ກອງເລຂາຊ່ວຍວຽກຄະນະກຳມະການອະໄພຍະໂທດລະດັບແຂວງເຂົ້າຮ່ວມ.

ກອງປະຊຸມຮ່ວມ ລະຫວ່າງ ຄະນະປະຈໍາສະພາປະຊາຊົນແຂວງ ກັບ ອົງການປົກຄອງແຂວງຄໍາມ່ວນ ເພື່ອປຶກສາຫາລື ກະກຽມຄວາມພ້ອມໃຫ້ແກ່ການດໍາເນີນກອງປະຊຸມຄັ້ງປະຖົມມະລຶກ ຂອງສະພາປະຊາຊົນແຂວງຄໍາມ່ວນ ຊຸດທີ V ໄດ້ຈັດຂຶ້ນໃນວັນທີ 23 ເມສານີ້ ທີ່ຫ້ອງປະຊຸມສະພາປະຊາຊົນແຂວງ, ໂດຍມີ ທ່ານ ບຸນມີ ພິມມະສອນ ປະທານສະພາປະຊາຊົນແຂວງ, ທ່ານ ສົມສະອາດ ອຸ່ນສີດາ ປະທານຄະນະກໍາມະການປົກຄອງແຂວງ ພ້ອມດ້ວຍບັນດາຄະນະປະຈໍາສະພາປະຊາຊົນແຂວງ, ຄະນະກຳມະການປົກຄອງແຂວງ, ບັນດາພະແນກການອ້ອມຂ້າງ ເຂົ້າຮ່ວມ.

ພິທີປະກາດການຈັດຕັ້ງ ແລະ ມອບ-ຮັບໜ້າທີ ລະຫວ່າງ ປະທານຄະນະບໍລິຫານງານສະຫະພັນກຳມະບານແຂວງໄຊສົມບູນ ຜູ້ເກົ່າ ແລະ ຜູ້ໃໝ່.ໍ ໄດ້ຈັດຂຶ້ນໃນວັນທີ 23 ເມສານີ້ ຢູ່ທີ່ຫ້ອງວ່າການແຂວງ ໂດຍການເປັນປະທານ ຂອງທ່ານ ພອຍຄຳ ຮຸ່ງບຸນຮວງ ກຳມະການສູນກາງພັກ ເລຂາຄະນະບໍລິຫານງານພັກແຂວງ, ພ້ອມດ້ວຍບັນດາປະທານ - ຮອງປະທານສະຫະພັນກຳມະບານແຂວງ ແລະ ພາກສ່ວນທີ່ກ່ຽວຂ້ອງ ເຂົ້າຮ່ວມ ເປັນສັກຄີພິຍານ.

ແຂວງສາລະວັນ ໄດ້ຮັບຜົນກະທົບຈາກໄພພິບັດ, ລົມພາຍຸ ແລະ ອັກຄີໄພ (ໄຟໄໝ້ ເຮືອນ) ນັບແຕ່ໄລຍະວັນທີ 9-21 ເມສາ 2026 ເກີດຂຶ້ນທັງໝົດ 10 ຄັ້ງ. ໃນນັ້ນ, ໄຟໄໝ້ເຮືອນ 5 ຄັ້ງ, ເສຍຫາຍ 13 ຫຼັງຄາເຮືອນ, ຜົນກະທົບຈາກລົມພາຍຸພັດເຮືອນ ເສຍຫາຍ 26 ຫຼັງຄາເຮືອນ ໃນຈຳນວນ 19 ບ້ານ ແລະ ເກີດເຫດຟ້າຜ່າ ຢູ່ບ້ານອີເລີງ ເມືອງເລົ່າງາມ ຊຶ່ງສ້າງຄວາມເສຍຫາຍໃຫ້ແກ່ຊັບສິນຂອງປະຊາຊົນ ມູນຄ່າເສຍຫາຍ 2 ຕື້ກວ່າກີບ. ຊຶ່ງເຫດການທັງໝົດນີ້ ໄດ້ສົ່ງຜົນກະທົບຕໍ່ປະຊາຊົນ 800 ກວ່າຄົນ ຍິງ 402 ຄົນ.

ໃນວັນທີ 21 ເມສາ ຜ່ານມານີ້, ລັດວິສາຫະກິດໄຟຟ້າລາວ (ຟຟລ) ແລະ ທະນາຄານການຄ້າຕ່າງປະເທດລາວ ມະຫາຊົນ (ທຄຕລ) ໄດ້ລົງນາມຮ່ວມມືການບໍລິການຮັບຊຳລະເງິນຄ່າກະແສໄຟຟ້າ ຜ່ານລະບົບໃບບິນທັນສະໄໝ (E-Bill) ແລະ ການຊຳລະແບບອັດຕະໂນມັດ (Auto Payment)

ພັກເຮົາຍາມໃດກໍໄດ້ເອົາໃຈໃສ່ວາງແນວທາງນະໂຍບາຍປົດປ່ອຍແມ່ຍິງໃນຫຼາຍໆດ້ານ ເພື່ອເຮັດໃຫ້ວຽກງານພັດທະນາແມ່ຍິງສຳເລັດຜົນຕາມຄາດໝາຍ ໂດຍປະຕິບັດຕາມຄໍາຊີ້ນໍາ, ຄໍາສັ່ງຂອງປະທານ ໄກສອນ ພົມວິຫານ ຊຶ່ງໄດ້ກາຍເປັນມໍລະດົກອັນລໍ້າຄ່າໃຫ້ແກ່ຂະບວນການພັດທະນາເອື້ອຍນ້ອງແມ່ຍິງມາເຖິງທຸກວັນນີ້.

ກອງປະຊຸມສະໄໝວິສາມັນຄົບຄະນະເປີດກວ້າງຂອງຄະນະບໍລິຫານງານພັກກະຊວງ ສສກ ຄັ້ງທີ 2 ສະໄໝທີ X ໄດ້ຈັດໃນວັນທີ 22 ເມສາ ນີ້ ທີ່ ສສກ ໂດຍພາຍໃຕ້ການເປັນປະທານຂອງສະຫາຍ ທອງສະລິດ ມັງໜໍ່ເມກ ກຳມະການກົມການເມືອງສູນກາງພັກຮອງນາຍົກລັດຖະມົນຕີ ເລຂາຄະນະບໍລິຫານງານພັກກະຊວງ ລັດຖະມົນຕິກະຊວງສຶກສາທິການ ແລະ ກິລາ, ມີບັນດາສະຫາຍຮອງເລຂາ, ກຳມະການປະຈຳພັກ, ຄະນະບໍລິຫານງານພັກກະຊວງ, ຮອງລັດຖະມົນຕີ, ຫົວໜ້າຫ້ອງການ, ຫົວໜ້າ-ຮອງຫົວໜ້າກົມ, ມະຫາວິທະຍາໄລແຫ່ງຊາດ, ສະຖາບັນ ແລະ ວິທະຍາໄລ ເຂົ້າຮ່ວມ.

ເປີດນໍາໃຊ້ອາຄານ ສໍານັກງານທະນາຄານພັດທະນາລາວ (LDB) ໜ່ວຍບໍລິການເຊບັ້ງໄຟ ຂຶ້ນໃນ ວັນທີ 22 ເມສາຜ່ານມາ ທີ່ບ້ານຂົວເຊ ເມືອງເຊບັ້ງໄຟ ແຂວງຄໍາມ່ວນ ໂດຍໃຫ້ກຽດເຂົ້າຮ່ວມຂອງທ່ານ ທອງໄຊ ມັງໜໍ່ເມກ ເລຂາຄະນະບໍລິຫານງາຍພັກເມືອງເຊບັ້ງໄຟ, ທ່ານ ຈັນທະມິດ ພິມມະສອນ ຮອງຫົວໜ້າສາຂາພາກສະຫວັນນະເຂດ, ມີບັນດາການນໍາຂອງເມືອງ, ນັກທຸລະກິດ ເຂົ້າຮ່ວມ.

ກອງປະຊຸມໃຫຍ່ຜູ້ແທນແນວລາວສ້າງຊາດ ທົ່ວປະເທດຄັ້ງທີ XII ຈະເປີດຂຶ້ນໃນລະຫວ່າງວັນທີ 28-29 ເມສາ ທີ່ຈະມາເຖິງນີ້, ທ່ານ ລາວປາວຊົ່ງ ນະວົງໄຊ ກຳມະການສູນກາງພັກ ຮອງເລຂາຄະນະບໍລິຫານງານພັກ ຮອງປະທານສູນກາງແນວລາວສ້າງຊາດ ຜູ້ປະຈຳການ ໄດ້ຖະແຫຼງຂ່າວໃນວັນທີ 22 ເມສານີ້