ທ່ານ ເຈເນວີຟ ອະດາໂມ ຜູ້ຊ່ຽວຊານອາວຸໂສຂອງສູນຂໍ້ມູນສານພິດ ແຫ່ງລັດ South Wales ກ່າວວ່າ:ອາການຂອງສານພິດຈາກເຫັດຊະນິດນີ້ປະກອບມີ ປວດຮາກ, ຕັບ ແລະ ໝາກໄຂ່ຫຼັງເສຍຫາຍ ແລະ ເສຍຊີວິດ ຈຶ່ງຮຽກຮ້ອງໃຫ້ປະຊາຊົນກຳຈັດເຫັດທີ່ເກີດຂຶ້ນໃນສວນ ຫຼື ສວນສາທາລະນະ ພ້ອມທັງຕິດຕາມເບິ່ງເດັກນ້ອຍທີ່ຫຼິ້ນນອກເຮືອນຢ່າງໃກ້ຊິດ, ໂດຍສະເພາະຕອນແລ່ນຫຼິ້ນໃກ້ກັບຕົ້ນໄມ້ໃຫຍ່ທີ່ອາດມີເຫັດເກີດຂຶ້ນຢູ່.
ທັງນີ້, ມີຜູ້ຖືກນຳສົ່ງໂຮງໝໍໃນລັດ New South Wales ເພາະອາການເບື່ອຫຼັງຈາກກິນເຫັດ ໃນປີ 2024 ຈຳນວນ 23 ຄົນ ຊຶ່ງ 2 ຄົນ ເປັນເດັກນ້ອຍອາຍຸຕ່ຳກວ່າ 5 ປີ. ສູນດັ່ງກ່າວໄດ້ຮັບແຈ້ງພົບເຫັນເຫັດປ່າໃນປີ 2024 ທັງໝົດ 363 ຄັ້ງ ແລະ ໃນປີ 2025 ມີ 190 ຄັ້ງ ເມື່ອນັບເຖິງໃນທ້າຍເດືອນພຶດສະພາ ຜ່ານມາ.
ທ່ານ ເບຣດ ຊຳເມີເຣລ ຫົວໜ້ານັກວິທະຍາສາດປະຈຳສວນພຶກສາສາດ ນະຄອນຊິດນີ ກ່າວວ່າ: ບໍ່ມີວິທີທີ່ງ່າຍ ຫຼື ເຊື່ອຖືໄດ້ ທີ່ຈະຈຳແນກໄດ້ວ່າເຫັດປ່າຊະນິດໃດກິນໄດ້ ຫຼື ເປັນພິດ ຈຶ່ງແນະນຳໃຫ້ປະຊາຊົນຢ່າເກັບ ຫຼື ກິນເຫັດປ່າ.
ພະແນກສາທາລະນະສຸກຂອງລັດ Victoria ຊຶ່ງຕັ້ງຢູ່ໃກ້ກັບລັດ New South Wales ໄດ້ອອກຄໍາເຕືອນທີ່ຄ້າຍຄືກັນໃນຕົ້ນເດືອນພຶດສະພາ ຜ່ານມາ.
ຄໍາເຫັນ