ໂດລາອົສຕຣາລີ ສຳລັບມາດຕະການຄວາມປອດໄພທາງຊີວະພາບ ສິ່ງແວດລ້ອມ ແລະ ສາທາລະນະສຸກ ເພື່ອປົກປ້ອງອົສຕຣາລີຈາກພະຍາດໄຂ້ຫວັດສັດປີກ ສາຍພັນH5N1 ຊະນິດກໍ່ພະຍາດຮຸ່ນແຮງສູງ.
ອົສຕຣາລີິ ເປັນພຽງທະວີບດຽວ ທີ່ຍັງບໍ່ມີການກວດພົບພະຍາດໄຂ້ຫວັດສັດປີກ, ໃນຂະນະທີ່ການລະບາດໃນພື້ນທີ່ອື່ນໆທົ່ວໂລກສົ່ງຜົນໃຫ້ນົກປ່າຕາຍຈຳນວນຫຼາຍ ແລະ ສັດລ້ຽງລູກດ້ວຍນົມບາງຊະນິດຕາຍນັບຕັ້ງແຕ່ປີ 2021, ໂດຍຄະນະຜູ້ຊ່ຽວຊານເຕືອນວ່າ: ການແຜ່ລະບາດຂອງພະຍາດສູ່ອົສຕຣາລີ ຖືເປັນສິ່ງທີ່ຫຼີກລ່ຽງບໍ່ໄດ້ ແລະອາດຈະເກີດຂຶ້ນໃນໄລຍະນົກອົບພະຍົບບິນເຖິງພາກໃຕ້ໃນລະດູໃບໄມ້ຫຼົ່ນ ແລະ ລະດູຮ້ອນ.
ເງິນທຶນເພີ່ມເຕີມແບ່ງສຳລັບແຜນການທີ່ຈະປົກປ້ອງຂະແໜງການກະສິກຳ ໃນກໍລະນີເກີດການລະບາດຂອງພະຍາດໄຂ້ຫວັດສັດປີກ ສາຍພັນH5N1ຈຳນວນ 37 ລ້ານໂດລາອົສຕຣາລີ,ສໍາລັບມາດຕະການດ້ານສິ່ງແວດລ້ອມ ແລະ ການປະຕິບັດໜ້າທີ່ປົກປ້ອງສິ່ງມີຊີວິດທີ່ໃກ້ສູນພັນ ຈຳນວນ35.9 ລ້ານໂດລາອົສຕຣາລີ ແລະ ສຳລັບການສົ່ງເສີມຄວາມພ້ອມດ້ານສາທາລະນະສຸກໂດຍການເພີ່ມວັກຊິນພ້ອມໃຊ້ງານໃນຄັງເກັບຢາແຫ່ງຊາດຈຳນວນ 22.1 ລ້ານໂດລາອົສຕຣາລີ.
ທັງນີ້, ລັດຖະບານອົສຕຣາລີໃຊ້ງົບປະມານສຳລັບການຮັບມືກັບພະຍາດໄຂ້ຫວັດສັດປີກ ສາຍພັນ H5N1ລວມທັງໝົດ100 ລ້ານກວ່າໂດລາອົສຕຣາລີ ແລ້ວ,ຫຼັງຈາກປະກາດການຈັດສັນເງິນທຶນຈຳນວນ 6.9 ລ້ານໂດລາອົສຕຣາລີ ໃນເດືອນກໍລະກົດຜ່ານມາເພື່ອເພີ່ມຄວາມພ້ອມ ແລະ ຂີດຄວາມສາມາດຮັບມືລະດັບຊາດ.
ຄໍາເຫັນ