ກຳມະການສູນກາງພັກ ເລຂາພັກແຂວງ ເຈົ້າແຂວງສະຫວັນນະເຂດ, ມີຄະນະນຳຈາກພະແນກການ, ອົງການທຽບເທົ່າຂັ້ນແຂວງ, ການຈັດຕັ້ງກ່ຽວຂ້ອງ, ພ້ອມດ້ວຍຄະນະພັກ-ຄະນະນຳຂອງເມືອງເຂົ້າຮ່ວມ.
ໂດຍປະຕິບັດຕາມຂໍ້ຕົກລົງຂອງເຈົ້າແຂວງສະຫວັນນະເຂດວ່າດ້ວຍການຍົກຍ້າຍພະນັກງານຕົກລົງຍົກຍ້າຍ ທ່ານ ວັນປະເສີດ ແກ້ວມະນີໄຊ ວ່າການເລຂາພັກເມືອງ ວ່າການເຈົ້າເມືອງ ຜູ້ເກົ່າ ໄປປະຈຳການຢູ່ຫ້ອງວ່າການແຂວງ; ຍົກຍ້າຍ: ທ່ານ ທອງເວີ່ນ ແກ້ວວົງສັກ ຫົວໜ້າຫ້ອງການສຶກສາທິການ ແລະ ກິລາເມືອງໄປປະຈຳການຢູ່ພະແນກສຶກສາມິການ ແລະ ກິລາແຂວງ; ຍົກຍ້າຍທ່ານ ສຸລິຕ້າ ທິລາວົງ ຫົວໜ້າຫ້ອງການ-ການເງິນເມືອງໄປປະຈຳການຢູ່ພະແນກການເງິນແຂວງ ແລະ ຍົກຍ້າຍທ່ານ ສຸກສາຄອນ ໂພທິລາດ ຫົວໜ້າພະແນກພາຍໃນແຂວງໄປປະຈຳການຢູ່ຫ້ອງວ່າການເມືອງຊົນນະບູລີ ແລະ ຜ່ານຂໍ້ຕົກລົງຂອງເຈົ້າແຂວງສະຫວັນນະເຂດ ຕົກລົງແຕ່ງຕັ້ງ ທ່ານ ສຸກສາຄອນ ໂພທິລາດ ເປັນວ່າການເຈົ້າເມືອງຊົນນະບູລີ ແລະ ມະຕິຕົກລົງຂອງຄະນະປະຈຳພັກແຂວງແຕ່ງຕັ້ງທ່ານ ສຸກສາຄອນ ໂພທິລາດ ເປັນວ່າການເລຂາພັກເມືອງຊົນນະບູລີ.
ໂອກາດນີ້, ເຈົ້າແຂວງສະຫວັນນະເຂດ ໄດ້ໃຫ້ທິດຊີ້ນຳໃນຫຼາຍບັນຫາທີ່ສຳຄັນຕໍ່ການນຳພາ-ຊີ້ນຳວຽກງານຮອບດ້ານຂອງຄະນະພັກເມືອງໂດຍສະເພາະແມ່ນການປັບປຸງປົວແປງພັກໃນແຕ່ລະຂັ້ນເພື່ອໃຫ້ມີຄວາມໜັກແໜ້ນເຂັ້ມແຂງ ແລະ ການກະກຽມສູ່ການດຳເນີນກອງປະຊຸມໃຫຍ່ 3 ຂັ້ນຂອງພັກກໍຄືກອງປະຊຸມໃຫຍ່ຄັ້ງທີ VII ອົງຄະນະພັກເມືອງພວກເຮົາເພື່ອໃຫ້ມີຜົນສຳເລັດຕາມແຜນການທີ່ວາງໄວ້.
ໃນພິທີດັ່ງກ່າວຍັງໄດ້ມີການລົງນາມໃນບົດບັນທຶກມອບ-ຮັບໜ້າທີ່ວຽກງານລະຫວ່າງທ່ານວ່າການເລຂາພັກເມືອງ ວ່າການເຈົ້າເມືອງຊົນນະບູລີຜູ້ເກົ່າ ແລະ ຜູ້ໃໝ່ ຢ່າງເປັນທາງການ.
(ແຫຼ່ງຂ່າວ: ແຂວງສະຫວັນນະເຂດ)
ຄໍາເຫັນ