ຂ່າວສານຊີອາໄອລາຍງານ, ໃນກອງປະຊຸມຂະແໜງການຈໍລະຈອນ ແລະ ຂົນສົ່ງສິນຄ້າປະຈຳປີ ຄັ້ງທີ 7 ທີ່ຈັດຂຶ້ນໃນວັນທີ 20 ມັງກອນ ຜ່ານມາ, ທ່ານ ເຮີລີມີງ ປະທານສະຫະພັນການຈັດຊື້ ແລະ ຈໍລະຈອນສິນຄ້າຈີນແຈ້ງໃຫ້ຮູ້ວ່າ: ປີ 2023, ຕະຫຼາດຈໍລະຈອນສິນຄ້າຂອງຈີນໄດ້ບັນລຸການເຕີບໂຕແບບຟື້ນຕົວຄືນໃໝ່, ຄາດວ່າໃນປີ 2023 ຍອດມູນຄ່າການຈໍລະຈອນສິນຄ້າທາງສັງຄົມຈະບັນລຸເຖິງ 350.000 ຕື້ຢວນ. ປະລິມານການສົ່ງເຄື່ອງດ່ວນໝົດປີບັນລຸເຖິງ 132 ຕື້ອັນ, ໄດ້ຄອງອັນດັບ 1 ຂອງໂລກໃນ 10 ປີລຽນຕິດ. ປະລິມານການຂົນສົ່ງສິນຄ້າຜ່ານທາງລົດໄຟຂອງຈີນບັນລຸເຖິງ 3,91 ຕື້ໂຕນ, ໄດ້ສ້າງສະຖິຕິ ໃໝ່ອີກ. ສ່ວນປະລິມານການຂົນສົ່ງສິນຄ້າ ແລະ ໄປສະນີຜ່ານການບິນພົນລະເຮືອນບັນລຸ 7,35 ລ້ານໂຕນ, ໄດ້ຟື້ນຟູຄືນເຖິງລະດັບໃນປີ 2019 ໂດຍພື້ນຖານ.
ຊາວອົສຕຣາລີ ຫຼາຍກວ່າ 13 ລ້ານຄົນໃຊ້ AI ທຸກໆມື້
ສຳນັກຂ່າວສານຊິນຮວາລາຍງານໃນວັນທີ 20 ຕຸລາ ຜ່ານມາວ່າ: ອົງການຈ້າງງານ ແລະ ທັກສະ ຂອງອົສຕຣາລີໄດ້ອອກບົດລາຍງານປະຈຳປີ 2026, ໂດຍເປີດເຜີຍວ່າຊາວອົສຕຣາລີໃຊ້ເຄື່ອງມືປັນຍາປະດິດ (AI) ໃນຊີວິດປະຈຳວັນເຖິງ 13.6 ລ້ານຄົນ. ໂດຍສະເພາະ, ກຸ່ມປະຊາກອນໃນໄວເຮັດວຽກ, ທີ່ມີອາຍຸ 25-34 ປີ ແລະ 35-49 ປີ, ໃຊ້ AI ທຸກໆມື້ເຖິງ 74% ແລະ 72% ຕາມລຳດັບ.
ຄໍາເຫັນ