ປະທານ ສນຊ ຕ້ອນຮັບການເຂົ້າຢ້ຽມຂໍ່ານັບຂອງທ່ານທູດ ສປ ຈີນ ຄົນໃໝ່ປະຈຳລາວ

ການຮ່ວມມືດ້ານການພັດທະນາ ລະຫວ່າງ ລາວ-ຈີນ ໄດ້ຖືເອົາການເຊື່ອມໂຍງໂຄງລ່າງພື້ນ ຖານເປັນແນວທາງຫຼັກ, ຖືເອົາການຍົກລະດັບໂຄງສ້າງການຄ້າເປັນແນວທາງສໍາຄັນແລະ ຖືເອົາການຂະຫຍາຍໄປສູ່ຂົງເຂດໃໝ່ເປັນທິດທາງ, ກໍ່ໃຫ້ເກີດເປັນແບບແຜນການຮ່ວມມືທີ່ເກື້ອກູນ ແລະ ຕ່າງຝ່າຍຕ່າງໄດ້ຮັບໄຊຊະນະ.

ໃນວັນທີ 19 ກໍລະກົດນີ້ ທີ່ ມະນິລາປະເທດ ຟີລິບປິນ, ທ່ານ ພົງສະຫວັນ ສີສຸລາດຮອງລັດຖະມົນຕີກະຊວງການຕ່າງປະເທດຫົວໜ້າເຈົ້າໜ້າທີ່ອາວຸໂສອາຊຽນຂອງ ສປປ ລາວ ໄດ້ນໍາພາຄະນະ ເຂົ້າຮ່ວມກອງປະຊຸມເຈົ້າໜ້າທີ່ອາວຸໂສອາຊຽນ ແລະ ກອງປະຊຸມຄະນະບໍລິຫານງານຂອງຄະນະກໍາມະການເຂດປອດອາວຸດນິວເຄລຍອາຊີຕາເວັນອອກສ່ຽງໃຕ້. ເຂົ້າຮ່ວມໃນກອງປະຊຸມໃນຄັ້ງນີ້ ມີບັນດາຫົວໜ້າເຈົ້າໜ້າທີ່ອາວຸໂສອາຊຽນ ແລະ ຮອງເລຂາທິການໃຫຍ່ອາຊຽນ ພ້ອມດ້ວຍຄະນະ.

ໃນວັນທີ 16 ກໍລະກົດນີ້ ທີ່ນະຄອນຊຽງໄຮ້ ສປ ຈີນ, ທ່ານ ທອງສະຫວັນ ພົມວິຫານ ກຳມະການສູນກາງພັກ ຮອງນາຍົກລັດຖະມົນຕີ ລັດຖະມົນຕີກະຊວງການຕ່າງປະເທດ ຕາງໜ້າລັດຖະ ບານ ແຫ່ງ ສປປ ລາວ ໄດ້ລົງນາມເປັນປະເທດຜູ້ຮ່ວມກໍ່ຕັ້ງອົງການຮ່ວມມືປັນຍາປະດິດໂລກ(Agreement of the establishment of the World Artificial Intelligence Cooperation Organisation – WAICO).

ວັນທີ 25 ເມສາ 1961, ສາທາລະນະລັດ ປະຊາຊົນຈີນ ແລະ ສາທາລະນະລັດ ປະຊາທິ ປະໄຕ ປະຊາຊົນລາວ ໄດ້ສ້າງສາຍພົວພັນການທູດຢ່າງເປັນທາງການ. ຕະຫຼອດໄລຍະ 65 ປີທີ່ ຜ່ານມາ, ສອງປະເທດໄດ້ພັດທະນາການສາຍພັນຈາກການສະໜັບສະໜູນຊຶ່ງກັນ ແລະ ກັນ ໃນໄລຍະຕົ້ນແຫ່ງການສ້າງສາຍພົວພັນການທູດ ຈົນກ້າວສູ່ການເປັນຄູ່ຮ່ວມມືຍຸດທະສາດຮອບດ້ານ ແລະ ຕໍ່ມາໄດ້ຮ່ວມກັນສ້າງປະຊາຄົມຄູ່ຮ່ວມຊາຕາກຳ ລາວ-ຈີນ, ສະແດງໃຫ້ເຫັນເຖິງການຍົກລະດັບຖານະສາຍພົວພັນຢ່າງຕໍ່ເນື່ອງ.

ກອງປະຊຸມອົງການໄອຍະການປະຊາຊົນບັນດາແຂວງ ທີ່ມີຊາຍແດນຕິດຈອດກັນ ລາວ-ຫວຽດນາມ ຄັ້ງທີ VIII ໄດ້ໄຂຂຶ້ນໃນວັນທີ 16 ກໍລະກົດ 2026 ທີ່ ໂຮງແຮມພູແມນ ແຂວງຫຼວງພະບາງ ສປປ ລາວ ພາຍໃຕ້ຫົວຂໍ້ “ເພີ່ມທະວີການຮ່ວມມືທາງອາຍາລະຫວ່າງປະເທດ ເພື່ອສະກັດກັ້ນ ແລະ ຕ້ານອາຊະຍາກຳຂ້າມຊາດ ໂດຍສະເພາະອາຊະຍາກຳໄຊເບີ ຢ່າງມີປະສິດທິຜົນ” ໂດຍພາຍໃຕ້ການເປັນປະທານຮ່ວມຂອງ ສະຫາຍ ນາງ ລີວົງ ລາວລີ ກໍາມະການສູນກາງພັກ ຫົວໜ້າອົງການໄອຍະການປະຊາຊົນສູງສຸດ (ອອປສ) ແຫ່ງ ສປປ ລາວ ແລະ ສະຫາຍ ຫງວຽນ ຮຸຍ ຕຽນ ກຳມະການສູນກາງພັກກອມມູນິດ, ຫົວໜ້າອົງການໄອຍະການປະຊາຊົນສູງສຸດ ແຫ່ງ ສສ ຫວຽດນາມ, ມີບັນດາສະຫາຍຮອງຫົວໜ້າອົງການໄອຍະການປະຊາຊົນສູງສຸດ, ບັນດາກົມ, ອົງການໄອຍະການປະຊາຊົນພາກ, ແຂວງ-ນະຄອນຫຼວງ, ອົງການໄອຍະການທະຫານ ລາວ-ຫວຽດນາມ ເຂົ້າຮ່ວມ.

ໃນວັນທີ 16 ກໍລະກົດນີ້ ທີ່ອົງການກວດສອບແຫ່ງລັດ, ທ່ານ ວຽງທະວີສອນ ເທບພະຈັນ ກຳມະການສູນກາງພັກ ປະທານອົງການກວດສອບແຫ່ງລັດ ໄດ້ຕ້ອນຮັບການເຂົ້າຢ້ຽມຂ່ຳນັບ ຂອງ ທ່ານ ພີ ວີ ຮາຣິ ກຣິສນາ (Mr. P. V. Hari Krishna) ຫົວໜ້າຫ້ອງການກວດສອບປະເທດອິນເດຍ ປະຈຳກົວລາລຳເປີ ປະເທດມາເລເຊຍ ພ້ອມດ້ວຍຜູ້ຕາງໜ້າຈາກ ສະຖານທູດອິນເດຍ ປະຈຳ ສປປ ລາວ ເພື່ອປຶກສາຫາລື ແລະ ແລກປ່ຽນຄວາມຄິດເຫັນກ່ຽວກັບແນວທາງການຮ່ວມມືລະຫວ່າງອົງການກວດສອບແຫ່ງລັດ ສປປ ລາວ ແລະ ອົງການກວດສອບແຫ່ງລັດອິນເດຍ.

ໃນລະຫວ່າງວັນທີ 8 -9 ກໍລະກົດ ຜ່ານມາ ທີ່ນະຄອນຫຼວງເຊອູນ ສ ເກົາຫຼີ, ທ່ານ ສົມບູນ ສີຫານາດ ຫົວໜ້າກົມເສດຖະກິດ ກະຊວງການຕ່າງປະເທດ ໄດ້ນຳພາຄະນະເຂົ້າຮ່ວມກອງປະຊຸມສຳມະນາກອງເລຂາອິນເຕີເນັດ ຄັ້ງທີ 16 ຂອງຂອບການຮ່ວມມືເວທີປຶກສາຫາລືອາຊີຕາເວັນອອກ-ອາເມຣິກາລາຕິນ (FEALAC)

ກົມການຄ້າຕ່າງປະເທດກະຊວງອຸດສາຫະກຳ ແລະ ການຄ້າ (ອຄ) ສປປ ລາວ ຮ່ວມ ກັບກົມສົ່ງເສີມການຄ້າກະຊວງອຸດສາຫະກຳ ແລະ ການຄ້າ ສສ ຫວຽດນາມ ໄດ້ຈັດງານວາງສະ ແດງສິນຄ້າລາວ-ຫວຽດນາມ ປະຈໍາປີ 2026 (VIET-LAOEXPO 2026) ຂຶ້ນລະຫວ່າງວັນທີ 16-20 ກໍລະກົດນີ້ ທີ່ສູນການຄ້າລາວ-ໄອເຕັກ (ຕຶກເກົ່າ) ນະຄອນຫຼວງວຽງຈັນ ໂດຍເປັນກຽດເຂົ້າຮ່ວມ ຕັດແຖບຜ້າເປີດງານມີທ່ານ ພຸດທະວັນ ນັນທະວົງ ຮອງລັດຖະມົນຕີກະຊວງອຸດສາຫະກຳ ແລະ ການຄ້າ, ທ່ານ ຫງວຽນມິງເຕິມ ເອກອັກຄະລັດຖະທູດວິສາມັນຜູ້ມີອໍານາດເຕັມແຫ່ງ ສສ ຫວຽດນາມ ປະຈໍາລາວ, ພ້ອມດ້ວຍຜູ້ປະກອບການຫົວໜ່ວຍທຸລະກິດລາວ ແລະ ຫວຽດນາມ, ແຂກຖືກເຊີນເຂົ້າຮ່ວມ.

ໃນໂອກາດ​ທີ່​ ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະບໍລິຫານງານພັກແຂວງ ປະທານ​ສະພາ​ປະຊາຊົນ​ແຂວງຈໍາປາສັກ​ ພ້ອມດ້ວຍຄະນະ​ ເດີນທາງມາເຄື່ອນໄຫວ ຢ້ຽມຢາມ ແລະ ເຮັດວຽກ ຢູ່ປະເທດຮົງກາຣີ ແລະ ໄດ້ພົບປະຢ້ຽມຢາມ ທ່ານ ຄຳພອນ ວົງສັນຕິ​ ເອກ​ອັກ​ຄະ​ລັດ​ຖະ​ທູດລາວ ປະຈຳ ຮົງກາລີ, ໃນ​ວັນ​ທີ 15 ກໍ​ລະ​ກົດ​ຜ່ານ​ມາ.​

ຄໍາວ່າ “ສະຫາຍ” ໄດ້ສະທ້ອນເຖິງຄຸນສົມບັດທາງການເມືອງ ທີ່ສອງຝ່າຍ ລາວ-ຈີນ ມີຄວາມໄວ້ເນື້ອເຊື່ອໃຈກັນ ແລະ ຄວາມເຫັນດີເຫັນພ້ອມທາງຍຸດທະສາດທີ່ຈະຮ່ວມກັນກ້າວໜ້າພ້ອມກັນ. ຕະຫຼອດໄລຍະ 65 ປີ ແຫ່ງການສ້າງຕັ້ງສາຍພົວພັນທາງການທູດ, ສອງພັກ ແລະ ສອງປະເທດ ຍາມໃດກໍຖືເອົາການນຳພາຂອງພັກເປັນຫຼັກແຫ່ງການຢຶດຖື, ໄດ້ນຳເອົາຄວາມໄວ້ເນື້ອເຊື່ອໃຈທາງດ້ານການເມືອງຕິດພັນກັບທົ່ວຂະບວນການພັດທະນາແຫ່ງສາຍພົວພັນ, ເຮັດໃຫ້ມິດຕະພາບອັນເປັນປະເພນີແບບສະຫາຍອ້າຍນ້ອງດຽວກັນນັ້ນ ມີຄວາມເຂັ້ມແຂງ ແລະ ຍືນຍົງກວ່າເກົ່າ. ນັບແຕ່ຍຸກໃໝ່ເປັນຕົ້ນມາ, ຜູ້ນຳສູງສຸດຂອງສອງພັກ ໄດ້ຮ່ວມກັນວາງແຜນຜັງການສ້າງຄູ່ຮ່ວມຊາຕາກຳລາວ-ຈີນທີ່ເຂັ້ມແຂງໜຽວ ແໜ້ນໃນທຸກສະພາບການ, ສ້າງຄວາມໝາຍອັນໃໝ່ໃຫ້ແກ່ແນວຄິດ “ສະຫາຍທີ່ດີ” ນີ້.