![ຫົວໜ້າ ຄຕພ ຕ້ອນຮັບການເຂົ້າຢ້ຽມອຳລາຂອງ ທູດມາເລເຊຍ]()
ໃນວັນທີ 8 ກໍລະກົດນີ້ ທີ່ ຄະນະພົວພັນຕ່າງປະເທດສູນກາງພັກ (ຄຕພ), ທ່ານ ບຸນເຫຼືອ ພັນດານຸວົງ ກໍາມະການສູນກາງພັກ ຫົວໜ້າຄະນະພົວພັນຕ່າງປະເທດສູນກາງພັກ ໄດ້ຕ້ອນຮັບການເຂົ້າຢ້ຽມອຳລາຂອງ ທ່ານ ອິດີ ອີວານ ບິນ ມາມຸດ ເອກອັກຄະລັດຖະທູດແຫ່ງ ມາເລເຊຍ ປະຈຳ ສປປ ລາວ ໃນໂອກາດສໍາເລັດການປະຕິບັດໜ້າທີ່ການທູດຢູ່ ສປປ ລາວ.
![ລັດຖະບານປະດັບຫຼຽນກາມິດຕະພາບ ໃຫ້ແກ່ທູດມາເລເຊຍ]()
ໃນຕອນເຊົ້າຂອງວັນທີ 8 ກໍລະກົດນີ້ ທີ່ ກະຊວງການຕ່າງປະເທດ, ທ່ານ ທອງສະຫວັນ ພົມວິຫານ ຮອງນາຍົກລັດຖະມົນຕີ ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມອຳລາຂອງທ່ານ ອິດີ ອີວານ ບິນ ມາມຸດ (Edi Irwan Bin Mahmud) ເອກອັກຄະລັດຖະທູດວິສາມັນຜູ້ມີອໍານາດເຕັມ ແຫ່ງ ມາເລເຊຍ ປະຈໍາ ສປປ ລາວ ພ້ອມທັງໄດ້ຕາງໜ້າໃຫ້ລັດຖະບານແຫ່ງ ສປປ ລາວ ປະດັບຫຼຽນກາມິດຕະພາບໃຫ້ແກ່ທ່ານທູດ ເພື່ອເປັນການຍ້ອງຍໍຊົມເຊີຍ ແລະ ສັນລະເສີນ ຕໍ່ຜົນງານໃນການປະກອບສ່ວນອັນສໍາຄັນຂອງທ່ານທູດເຂົ້າໃນການເສີມຂະຫຍາຍສາຍ ແລະ ຮັດແໜ້ນສາຍພົວພັນມິດຕະພາບ ແລະ ການຮ່ວມມືອັນດີງາມ ລະຫວ່າງ ສປປ ລາວ ແລະ ມາເລເຊຍ ໃຫ້ມີບາດກ້າວຂະຫຍາຍຕົວ, ແຕກດອກອອກຜົນ ແລະ ເລິກເຊິ່ງຍິ່ງໆຂຶ້ນຕະຫຼອດໄລຍະການປະຕິບັດໜ້າທີ່ການທູດ ຢູ່ ສປປ ລາວ.
![ກອງປະຊຸມຖອດຖອນບົດຮຽນວຽກງານສື່ສານເພື່ອການປ່ຽນແປງພຶດຕິກຳ]()
ກອງປະຊຸມຖອດຖອນບົດຮຽນການຈັດຕັ້ງປະຕິບັດວຽກງານສື່ສານ ເພື່ອການປ່ຽນແປງພຶດຕິກຳ ແລະ ການມີສ່ວນຮ່ວມຂອງຊຸມຊົນໃນຂະບວນການຈັດຕັ້ງປະຕິບັດວັນສັກວັກຊິນກັນພະຍາດແຫ່ງຊາດ (ວສຊ) ໃຫ້ວັກຊິນກັນພະຍາດໂປລີໂອ 2025 -2026 ໄດ້ຈັດຂຶ້ນໃນວັນທີ 8 ມິຖຸນານີ້ ທີ່ໂຮງແຮມສຸພັດຕາ ນະຄອນຫຼວງວຽງຈັນ, ໂດຍການເປັນປະທານຮ່ວມຂອງທ່ານ ວັນນະໄຊ ຊາດຕະກຸນ ຮອງລັດຖະມົນຕີ ກະຊວງສາທາລະນະສຸກ ແລະ ທ່ານ ບິລາລ ໂອແຮັງ ເຊັບ ດູຣານິ ຜູ້ຕາງໜ້າອົງການສະຫະປະຊາຊາດ ສຳລັບເດັກ ປະຈໍາ ສປປ ລາວ, ມີຜູ້ຕາງໜ້າ ສະຖາບັນ, ກົມ, ສູນ ອ້ອມຂ້ອງກະຊວງສາທາລະນະສຸກ, ສູນກາງຊາວໜຸ່ມ, ສູນກາງສະຫະພັນແມ່ຍິງລາວ, ສື່ມວນຊົນ, ໜ່ວຍງານສົ່ງເສີມສຸຂະພາບ ແລະ ສຸຂະສຶກສາ ຈາກພະແນກສາທາລະນະສຸກແຂວງຈາກທົ່ວປະເທດ ແລະ ພາກສ່ວນກ່ຽວຂ້ອງເຂົ້າຮ່ວມ.
![ການສ້າງສາຍພົວພັນການທູດລະຫວ່າງ ສປປ ລາວ ແລະ ເຄືອຈັກກະພົບ ບາຮາມາສ]()
ຫວ່າງບໍ່ດົນມານີ້ ທີ່ ນະຄອນນິວຢອກ ສະຫະລັດ ອາເມຣິກາ, ໄດ້ມີພິທີລົງນາມຖະແຫຼງການຮ່ວມ ວ່າດ້ວຍ ການສ້າງຕັ້ງສາຍພົວພັນການທູດ ລະຫວ່າງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ເຄືອຈັກກະພົບ ບາຮາມາສ, ໂດຍຕາງໜ້າໃຫ້ລັດຖະບານ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ແມ່ນ ທ່ານ ທອງຜ່ານ ສະຫວັນເພັດ ເອກອັກຄະລັດຖະທູດວິສາມັນຜູ້ມີອຳນາດເຕັມ ຜູ້ຕາງໜ້າຖາວອນ ແຫ່ງ ສປປ ລາວ ປະຈໍາອົງການ ສປຊ ແລະ ຕາງໜ້າໃຫ້ລັດຖະບານ ແຫ່ງ ເຄືອຈັກກະພົບ ບາຮາມາສ ແມ່ນ ທ່ານ ສະແຕນ ໂອດູມາ ສະມິດຕ໌ (H.E. Mr. Stan Oduma Smith) ເອກອັກຄະລັດຖະທູດວິສາມັນຜູ້ມີອຳນາດເຕັມ ຜູ້ຕາງໜ້າຖາວອນ ແຫ່ງ ເຄືອຈັກກະພົບ ບາຮາມາສ ປະຈໍາອົງການ ສປຊ ໄດ້ຮ່ວມລົງນາມໃນຖະແຫຼງການຮ່ວມຄັ້ງນີ້ ໂດຍການເຂົ້າຮ່ວມເປັນສັກຂີພິຍານໃນພິທີດັ່ງກ່າວຂອງບັນດານັກການທູດທັງສອງຝ່າຍ.
![ຫົວໜ້າຄະນະພົວພັນຕ່າງປະເທດສູນກາງພັກ ປປ ລາວ ພົບປະກັບ ຫົວໜ້າຄະນະພົວພັນຕ່າງປະເທດສູນກາງພັກກອມນູນິດກູບາ]()
ໃນວັນທີ 7 ກໍລະກົດນີ້, ສະຫາຍ ບຸນເຫຼືອ ພັນດານຸວົງ ກໍາມະການສູນກາງພັກ ຫົວໜ້າຄະນະພົວພັນຕ່າງປະເທດສູນກາງພັກປະຊາຊົນ ປະຕິວັດລາວ ໄດ້ພົບປະຜ່ານຮູບແບບວີດີໂອທາງໄກ ກັບ ສະຫາຍ ເອມີລິໂອ ຣັດມິຣ ໂລຊາດາ ກາຣເຊຍ (Emilio Ratmir Lozada Garcia) ກໍາມະການສູນກາງພັກ ຫົວໜ້າຄະນະພົວພັນຕ່າງປະເທດສູນກາງພັກກອມມູນິດກູບາ.
![ປະທານອົງການກວດສອບແຫ່ງລັດ ຕ້ອນຮັບທູດມາເລເຊຍ ເຂົ້າຢ້ຽມຂໍ່ານັບອໍາລາ]()
ທ່ານ ວຽງທະວີສອນ ເທບພະຈັນ ກໍາມະການສູນກາງພັກ ປະທານອົງການກວດສອບແຫ່ງລັດ ພ້ອມດ້ວຍຄະນະ ໄດ້ໃຫ້ການຕ້ອນຮັບການເຂົ້າຢ້ຽມຂໍ່ານັບອໍາລາ ຂອງທ່ານ ອີດີ ອີວານ ບິນ ມາມຸດ (Mr. Edi Irwan Bin Mahmu) ເອກອັກຄະລັດຖະທູດວິສາມັນ ຜູ້ມີອຳນາດເຕັມ ແຫ່ງ ມາເລເຊຍ ປະຈຳ ສປປ ລາວ ທີ່ທ່ານໄດ້ສຳເລັດການປະຕິບັດໜ້າທີ່ເປັນເອກອັກຄະລັດຖະທູດ ມາເລເຊຍ ປະຈຳ ສປປ ລາວ, ໃນວັນທີ 7 ກໍລະກົດນີ້ ທີ່ອົງການກວດສອບແຫ່ງລັດ.
![ມອບ-ຮັບແຜ່ນແພພື້ນເມືອງ ແລະ ເຮືອຈຳລອງໃຫ້ຟີລິບປິນ ເພື່ອວາງສະແດງໃນງານວາງສະແດງຫັດຖະກຳພື້ນເມືອງອາຊຽນ 2026]()
ໃນວັນທີ 6 ກໍລະກົດຜ່ານມາ ທີ່ຕຳໜັກຜ້າໄໝລາວ, ກົມແຜນການ ແລະ ການຮ່ວມມືສາກົນ ຮ່ວມກັບສະຖາບັນວິຈິດສິນແຫ່ງຊາດກະຊວງວັດທະນະທຳ ແລະ ການທ່ອງທ່ຽວ ໄດ້ສົມທົບກັບສະມາຄົມຫັດຖະກຳລາວ ຈັດພິທີມອບແຜ່ນແພພື້ນເມືອງລາວ ແລະ ເຮືອຈຳລອງໃຫ້ກະຊວງວັດທະນະທຳ ແລະ ສິລະປະແຫ່ງຟີລິບປິນ ຕາມຄຳສະເໜີການປະກອບສ່ວນຂອງຟີລິບປິນ ເພື່ອນຳໄປວາງສະແດງໃນງານວາງສະແດງຫັດຖະກຳພື້ນເມືອງອາຊຽນ ທີ່ປະເທດຟີລິບປິນປະຈຳປີ 2026.
![ງານພົບປະແລກປ່ຽນນາຍທະຫານໝຸ່ມຊາຍແດນ ລາວ-ຫວຽດນາມ ຄັ້ງທີ III]()
ວັນທີ 4 ກໍລະກົດ 2026 ນີ້, ທີ່ ແຂວງເຫງະອານ ສສ ຫວຽດນາ, ກອງບັນຊາການທະຫານຊາຍແດນ ກອງທັບປະຊາຊົນຫວຽດນາມ ແລະ ກອງບັນຊາການທະຫານຊາຍແດນ ກອງທັບປະຊາຊົນລາວ ໄດ້ຈັດພິທີ ພົບປະແລກປ່ຽນ ນາຍທະຫານຊາຍແດນ ສອງປະເທດ ລາວ-ຫວຽດນາມ ພາຍໃຕ້ຫົວຂໍ້: “ມິດຕະພາບອັນໝັ້ນແກ່ນ-ຮ່ວມກັນກ້າວໄປໃນອານາຄົດດ້ວຍຄວາມເຂັ້ມແຂງ”, ໂດຍມີ ສະຫາຍ ພົນຈັດຕະວາ ຫວູ ກວັກ ເອິນ ຮອງຫົວໜ້າການເມືອງ ກອງບັນຊາການທະຫານຊາຍແດນ ກອງທັບປະຊາຊົນຫວຽດນາມ, ສະຫາຍ ພັນເອກ ດາວໄກ ເລີດລີວັນ ຮອງຫົວໜ້າການເມືອງ ກອງບັນຊາການທະຫານຊາຍແດນ ກອງທັບປະຊາຊົນລາວ, ຫົວໜ້າຄະນະນາຍທະຫານໜຸ່ມ ລາວ, ສະຫາຍ ພັນເອກ ຫງວຽນ ກວັກ ຮ້ຽວ ຮອງຫົວໜ້າກົມການເມືອງ ກອງບັນຊາການທະຫານຊາຍແດນ ສສ ຫວຽດນາມ, ຫົວໜ້າຄະນະນາຍທະຫານໜຸ່ມ ຫວຽດນາມ, ມີບັນດາຄະນະຜູ້ແທນ ນາຍທະຫານໝຸ່ມຊາຍແດນ ສອງຊາດ ລາວ-ຫວຽດນາມ ເຂົ້າຮ່ວມ.
![ທູດ ໄທ ປະຈຳ ສປປ ລາວ ຢ້ຽມຢາມ ແລະເຮັດວຽກ ຢູ່ຫຼວງພະບາງ]()
ທ່ານ ນາງ ຄຣອງຂະນິດ ຮັກຈະເລີນ ເອກອັກຄະຣາຊະທູດ ຜູ້ມີອຳນາດເຕັມແຫ່ງ ຣາຊະອານາຈັກໄທ ປະຈຳ ສປປ ລາວ ພ້ອມຄະນະ ໄດ້ເດີນທາງມາຢ້ຽມຢາມ ແລະເຮັດວຽກຢູ່ນແຂວງຫຼວງພະບາງ ເມື່ອວັນທີ 6 ກໍລະກົດຜ່ານມາ, ໂດຍໄດ້ເຂົ້າພົບປະກັບທ່ານ ບຸນເຫຼືອ ສິນໄຊວໍຣະວົງ ປະທານຄະນະກຳມະການປົກຄອງແຂວງ.
![ຄຳມ່ວນຍົກລະດັບນັກປະຊາສຳພັນທ່ອງທ່ຽວ ເພື່ອດຶງດູດນັກທ່ອງທ່ຽວຂ້າມແດນ]()
ວັນທີ 6 ກໍລະກົດ 2026 ພະນັກງານຂະແໜງທ່ອງທ່ຽວ ແລະ ສື່ມວນຊົນຈາກແຂວງຄໍາມ່ວນ ຈໍານວນ 10 ທ່ານ ໄດ້ເຂົ້າຮ່ວມໂຄງການຝຶກອົບຮົມການຜະລິດສື່ປະຊາສຳພັນການທ່ອງທ່ຽວລະຫວ່າງ ນະຄອນພະນົມ-ຄຳມ່ວນ ໃນຫົວຂໍ້ “ການວາງແຜນການສື່ສານ ແລະ ການປະຊາສໍາພັນດ້ານການທ່ອງທ່ຽວໃນຍຸກດິຈິຕອນ” ທີ່ຫ້ອງປະຊຸມສູນປະຕິບັດການ ສາລາກາງຈັງຫວັດນະຄອນພະນົມ ປະເທດໄທ. ໃຫ້ກຽດເປັນປະທານພິທີເປີດໂຄງການໂດຍ ທ່ານ ວ່າທີ່ພັນຕີ ອະດິສັກ ນ້ອຍສຸວັນ ຜູ້ວ່າຣາຊະະການຈັງຫວັດນະຄອນພະນົມ, ພ້ອມດ້ວຍ ນາງ ອັດສະຈະລາ ສິຣິຈັນ ຫົວໜ້າພະແນກປະຊາສຳພັນຈັງຫວັດນະຄອນພະນົມ. ຄະນະຜູ້ແທນຈາກແຂວງຄຳມ່ວນ ນຳໂດຍ ທ່ານ ສົມສັກດາ ແກ້ວມະນີ ຮອງຫົວໜ້າພະແນກ ວັດທະນະທຳ ແລະ ການທ່ອງທ່ຽວ ພ້ອມຄະນະວິຊາການເຂົ້າຮ່ວມ.
ຄໍາເຫັນ