ປະຈໍາ ສປປ ລາວ ໂດຍທ່ານປະທານສະພາແຫ່ງຊາດ ໄດ້ກ່າວສະແດງຄວາມຍິນດີຕ້ອນຮັບ ແລະ ຊົມເຊີຍຕໍ່ທ່ານທູດທີ່ປະຕິບັດໜ້າທີ່ປະສານສົມທົບກັບ ສປປ ລາວ ທັງສາຍລັດບໍລິຫານ ແລະ ສາຍນິຕິບັນຍັດ ໂດຍສະເພາະເປັນເຈົ້າການໃນການຊຸກຍູ້, ສົ່ງເສີມ ແລະ ສະໜັບສະໜູນການເປັນປະທານອາຊຽນ ແລະ ປະທານໄອປາ ຂອງ ສປປ ລາວ ຊຶ່ງເປັນການປະກອບສ່ວນສໍາຄັນເຂົ້າໃນການເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືອັນດີງາມຂອງສອງປະເທດ ກໍຄືການເປັນຄູ່ຮ່ວມຍຸດທະສາດເພື່ອການຈະເລີນເຕີບໂຕ ເເລະ ການພັດທະນາເເບບຍືນຍົງ ໃຫ້ນັບມື້ຈະເລີນງອກງາມຍິ່ງໆຂຶ້ນ; ສະແດງຄວາມຂອບໃຈລັດຖະບານ ແລະ ລັດຖະສະພາ ກໍຄືປະຊາຊົນໄທ ທີ່ໃຫ້ການສະໜັບສະໜູນທັງດ້ານຊ່ຽວຊານ ແລະ ວັດຖຸປັດໄຈ ປະກອບສ່ວນຊ່ວຍໃນການຈັດຕັ້ງກອງປະຊຸມໄອປາ ຄັ້ງທີ 45 ທີ່ສະພາແຫ່ງຊາດລາວເປັນເຈົ້າພາບໃນປີນີ້ໃຫ້ໄດ້ຮັບຜົນສໍາເລັດຢ່າງຈົບງາມ.
ການພົວພັນຮ່ວມມືລະຫວ່າງສອງອົງການນິຕິບັນຍັດ ລາວ-ໄທ ໃນໄລຍະຜ່ານມາໄດ້ຮັບການພັດທະນາຢ່າງຕໍ່ເນື່ອງ, ສອງຝ່າຍມີການແລກປ່ຽນຢ້ຽມຢາມຂອງຄະນະຜູ້ແທນຂັ້ນສູງ ແລະ ຂັ້ນຕ່າງໆນໍາກັນເປັນປົກກະຕິ, ອັນພົ້ນເດັ່ນໃນເດືອນຕຸລາ 2022 ທ່ານ ໄຊສົມພອນ ພົມວິຫານໄດ້ນໍາພາຄະນະຜູ້ແທນຂັ້ນສູງຂອງສະພາແຫ່ງຊາດລາວ ຢ້ຽມຢາມຢ່າງເປັນທາງການຢູ່ປະເທດໄທ ແລະ ໄດ້ລົງນາມບົດບັນທຶກຄວາມເຂົ້າໃຈວ່າດ້ວຍການຮ່ວມມືລະຫວ່າງສະພາແຫ່ງຊາດລາວ ກັບ ລັດຖະສະພາໄທ ເປັນສະບັບທໍາອິດຂອງສອງອົງການນິຕິບັນຍັດ ລາວ-ໄທ; ສອງຝ່າຍໄດ້ສະໜັບສະໜູນຊຶ່ງກັນ ແລະ ກັນຕະຫຼອດມາທັງໃນຂອບສອງຝ່າຍ ແລະ ຫຼາຍຝ່າຍ.
ທ່ານ ນາງ ມໍຣະກົດ ສີສະຫວັດ ໄດ້ກ່າວສະແດງຄວາມຂອບໃຈຢ່າງສູງທີ່ທ່ານປະທານສະພາແຫ່ງຊາດໄດ້ໃຫ້ການຕ້ອນຮັບຢ່າງອົບອຸ່ນ ພ້ອມທັງແຈ້ງໃຫ້ຊາບກ່ຽວກັບຈຸດປະສົງຂອງການເຂົ້າຢ້ຽມຂໍ່ານັບໃນຄັ້ງນີ້ ແລະ ນໍາເງິນຈໍານວນ 2.1 ລ້ານບາດ ມາມອບເພື່ອອຸປະຖໍາການເປັນເຈົ້າພາບຈັດກອງປະຊຸມສະມັດຊາໃຫຍ່ລັດຖະສະພາລະຫວ່າງຊາດອາຊຽນ ຫຼື ໄອປາ (AIPA) ຄັ້ງທີ 45 ຊຶ່ງຕາງໜ້າຮັບໂດຍທ່ານ ນາງ ອໍາໄພວອນ ລ້ອມບຸນແພງ ເລຂາທິການສະພາແຫ່ງຊາດ. ຈາກນັ້ນ, ທ່ານ ໄຊສົມພອນ ພົມວິຫານ ໄດ້ມອບໃບຍ້ອງຍໍໃຫ້ລັດຖະບານແຫ່ງຣາຊະອານາຈັກໄທທີ່ປະກອບສ່ວນອຸປະຖໍາໃນຄັ້ງນີ້.
ຂ່າວ-ພາບ: ສອນສັກ ວັນວິໄຊ
ຄໍາເຫັນ