ໄດ້ພົບປະກັບພະບາດສົມເດັດພະບໍລົມມະນຽດ ໂນໂຣດົມ ສີຫາມຸນີ ພະມະຫາກະສັດ ແຫ່ງຣາຊະອານາຈັກ ກຳປູເຈຍ. ໃນການພົບປະ, ພະບາດສົມເດັດພະບໍລົມມະນຽດ ໂນໂຣດົມ ສີຫາມຸນີ ໄດ້ຊົມເຊີຍທ່ານ ເຈິ່ນແທັງເໝີນ ທີ່ນຳພາຄະນະຜູ້ແທນຂັ້ນສູງພັກ, ລັດ ຫວຽດນາມ ມາຢ້ຽມຢາມຢ່າງເປັນທາງການ; ທ່ານເນັ້ນໜັກວ່າ, ການຢ້ຽມຢາມຄັ້ງນີ້ເພື່ອປະກອບສ່ວນສຳຄັນປັບປຸງສາຍພົວພັນຖານບ້ານໃກ້ເຮືອນຄຽງພິເສດລະຫວ່າງ 2 ປະເທດ.
ຂ່າວລະບຸວ່າ: ທ່ານ ເຈິ່ນແທັງເໝີນ ຢືນຢັນວ່າ: ສະພາແຫ່ງຊາດ ຫວຽດນາມ ຈະພ້ອມກັບສະພາສູງ ແລະ ສະພາແຫ່ງຊາດຣາຊະອານາຈັກ ກຳປູເຈຍ ສືບຕໍ່ເພີ່ມທະວີການຮ່ວມມືດ້ານນິຕິບັນຍັດ, ຕິດຕາມ ແລະ ຕົກລົງບັນດາບັນຫາໃຫຍ່ຂອງປະເທດຊາດ. ທ່ານປາຖະໜາວ່າ, ພະບາດສົມເດັດ ໂນໂຣດົມ ສີຫາມຸນີ ສືບຕໍ່ເອົາໃຈໃສ່, ພ້ອມກັບບັນດາການນຳຂັ້ນສູງ ກຳປູເຈຍ ຊີ້ນຳການແກ້ໄຂຄວາມຫຍຸ້ງຍາກ, ຂໍ້ຕິດຂັດ ແລະ ສ້າງເງື່ອນໄຂສະດວກໃຫ້ຊາວເຊື້ອຊາດ ຫວຽດນາມ ທີ່ດຳລົງຊີວິດ, ທຳມາຫາກິນມີສະຖຽນລະພາບ, ຖືກຕ້ອງຕາມກົດໝາຍໃນກຳປູເຈຍ.
ໃນຕອນບ່າຍວັນດຽວກັນ, ທ່ານ ເຈິ່ນແທັງເໝີນ ແລະ ຄະນະຜູ້ແທນຂັ້ນສູງພັກ, ລັດ ຫວຽດນາມ ໄດ້ພົບປະກັບພະນັກງານ, ບຸກຄະລາກອນສະຖານທູດ ແລະ ປະຊາຄົມຊາວ ຫວຽດນາມ ປະຈຳ ກຳປູເຈຍ. ໃນການພົບປະ, ທ່ານ ເຈິ່ນແທັງເໝີນ ເນັ້ນໜັກວ່າ: ພັກ ແລະ ລັດ ຍາມໃດກໍ່ຮັບຮູ້ ແລະ ຕີລາຄາສູງບົດບາດຂອງປະຊາຄົມຊາວ ຫວຽດນາມ ທີ່ອາໄສຢູ່ ກຳປູເຈຍ, ທ່ານປາຖະໜາວ່າ, ປະຊາຄົມຊາວ ຫວຽດນາມ ອາໄສຢູ່ ກຳປູເຈຍ ຈະເສີມຂະຫຍາຍນ້ຳໃຈສາມັກຄີ, ອຸ້ມຊູຊ່ວຍເຫຼືອຊຶ່ງກັນ ແລະ ກັນ; ເຄົາລົບບັນດາຂໍ້ກຳນົດຂອງກົດໝາຍປະເທດປະຈຳຖິ່ນ, ສ້າງຄວາມເຂັ້ມແຂງດ້ວຍຕົນເອງ.
ຄໍາເຫັນ