ຕ້ອນຮັບການເຂົ້າຢ້ຽມພົບປະຄະນະສະພາການຄ້າແຂວງຫູນານ

ປະທານສນຊ ຕ້ອນຮັບການເຂົ້າຢ້ຽມພົບປະຄະນະສະພາການຄ້າແຂວງຫູນານ

15:58 16/12/2024

ໃນວັນທີ 16 ທັນວານີ້, ທ່ານ ສິນລະວົງ ຄຸດໄພທູນ ກໍາມະການກົມການເມືອງສູນກາງພັກປະທານສູນກາງແນວລາວສ້າງຊາດໄດ້ຕ້ອນຮັບການເຂົ້າຢ້ຽມພົບປະຂອງທ່ານ ຫຼີລຽງຊ່ວງ ປະທານສະພາການຄ້າ ແຂວງຫູນານ ສປ ຈີນ

ປະຈໍາ ສປປ ລາວ ພ້ອມດ້ວຍຄະນະ ທີ່ສູນກາງແນວລາວສ້າງຊາດ (ສນຊ).
ການພົບປະໃນຄັ້ງນີ້, ສອງຝ່າຍໄດ້ແຈ້ງກ່ຽວກັບສະພາບການພົ້ນເດັ່ນຢູ່ແຕ່ລະປະເທດໃຫ້ກັນຊາບ, ຕີລາຄາການພົວພັນຮ່ວມມື ລາວ-ຈີນ ໃນໄລຍະຜ່ານມາ ແລະ ປຶກສາຫາລືແຜນການຮ່ວມມືໃນຕໍ່ໜ້າ ໂດຍສະເພາະແມ່ນລັດຖະບານລາວ ໄດ້ຊຸກຍູ້ສົ່ງເສີມນັກລົງທຶນ ແລະ ນັກທ່ອງທ່ຽວຈາກ ສປ ຈີນ ເຂົ້າມາລົງທຶນ ແລະ ທ່ອງທ່ຽວ ຢູ່ ສປປ ລາວ ໃຫ້ຫຼາຍຂຶ້ນ ໂດຍສະເພາະໃນປີທ່ອງທ່ຽວລາວ 2024 ນີ້ຊຶ່ງລັດຖະບານລາວ ໄດ້ມີນະໂຍບາຍຍົກເວັ້ນວີຊາ ໃຫ້ແກ່ນັກທ່ອງທ່ຽວຈາກຕ່າງປະເທດ ລວມທັງ ສປ ຈີນ ທີ່ມີຈຸດປະສົງເຂົ້າມາທ່ອງທ່ຽວລາວເປັນຄະນະ ເພື່ອສືບຕໍ່ຮັດແໜ້ນສາຍພົວພັນມິດຕະພາບທີ່ເປັນມູນເຊື້ອ, ການພົວພັນຮ່ວມມືແບບຄູ່ຮ່ວມຍຸດທະສາດຮອບດ້ານ ໝັ້ນຄົງ ຍາວນານ ຕາມທິດ 4 ດີ ກໍຄື ການເປັນຄູ່ຮ່ວມຊາຕາກໍາ ລາວ-ຈີນ, ຈີນ-ລາວ ໃຫ້ເລິກເຊິ່ງກວ່າເກົ່າ, ເພື່ອສືບຕໍ່ບັນດາໂຄງການພັດທະນາພື້ນຖານໂຄງລ່າງ, ດ້ານການຄ້າ-ການລົງທຶນ, ການພັດທະນາດ້ານພະລັັງງານໄຟຟ້າ ແລະ ການຮ່ວມພັດທະນາດ້ານວິທະຍາສາດ-ເຕັກໂນໂລຊີ ເພື່ອເສີມຂະຫຍາຍສາຍພົວພັນ ແລະ ການຮ່ວມມືສອງຝ່າຍ ໃຫ້ນັບມື້ນັບຈະເລີນງອກງາມຂຶ້ນເລື້ອຍໆ.
ພ້ອມກັນນີ້, ສະພາການຄ້າ ແຂວງຫູນານ ໄດ້ມອບເງິນຈໍານວນ 100 ລ້ານກີບໃຫ້ແກ່ສູນກາງແນວລາວສ້າງຊາດ ນໍາໄປມອບໃຫ້ປະຊາຊົນຢູ່ແຂວງພາກເໜືອທີ່ໄດ້ຮັບຜົນກະທົບຈາກໄພທໍາມະຊາດ ໃນໄລຍະຜ່ານມາ.
(ຂ່າວ-ພາບ: ລີ)

ຄໍາເຫັນ

ຂ່າວການຮ່ວມມື

ທະຫານຊາຍເເດນ ລາວ-ຫວຽດນາມ ກວດກາຫຼັກໝາຍຊາຍແດນຮ່ວມກັນ

04/08/2026 13:58

ໃນວັນທີ 30 ກໍລະກົດ 2026 ຜ່ານມານີ້, ກອງຮ້ອຍທະຫານຊາຍເເດນ 541 ທີ່ຂຶ້ນກັບກອງບັນຊາການທະຫານແຂວງອັດຕະປື ກອງທັບປະຊາຊົນລາວ ແລະ ຄ້າຍທະຫານຊາຍແດນ 671 ທີ່ຂຶ້ນກັບກອງບັນຊາການທະຫານແຂວງກວາງຫງາຍ ກອງທັບປະຊາຊົນຫວຽດນາມ ໄດ້ຈັດຕັ້ງເຄື່ອນໄຫວກວດກາຫຼັກໝາຍຊາຍແດນຮ່ວມກັນ 2 ຈຸດ ຄື: ຫຼັກໝາຍທີ 761-763, ຢູ່ທີ່ດ່ານເຣີລ໋ອງ ຄ້າຍທະຫານຊາຍແດນ 671 ກອງບັນຊາການທະຫານແຂວງກວາງຫງ໋າຍ.

ລະນຶກວັນເກີດ ຟິແດນ ກັສໂຕຣ ຜູ້ນຳທາງປະຫວັດສາດທີ່ດີເດັ່ນ ແລະ ກ້າແກ່ນຂອງການປະຕິວັດກູບາ

04/08/2026 13:51

ໃນວັນທີ 3 ສິງຫາ ນີ້ ທີ່ສະພາແຫ່ງຊາດ, ສະຫາຍ ຈະເລີນ ເຢຍປາວເຮີ ປະທານສະມາຄົມມິດຕະພາບ ລາວ-ກູບາ ໄດ້ມີຄຳເຫັນໃນໂອກາດລະນຶກວັນເກີດຂອງສະຫາຍ ຟິແດນ ກັສໂຕຣ (Fidel Castro) ຜູ້ນຳທາງປະຫວັດສາດທີ່ດີເດັ່ນ ແລະ ກ້າແກ່ນ ຂອງການປະຕິວັດກູບາ ຄົບຮອບ 100 ປີ (13/8/1926-13/8/2026) ຊຶ່ງສະຫາຍ ຈະເລີນ ເຢຍປາວເຮີ ກ່າວວ່າ: ຂ້າພະເຈົ້າຮູ້ສຶກພາກພູມໃຈທີ່ໄດ້ຮ່ວມກັບບັນດາສະຫາຍ ແລະ ເພື່ອນມິດຈາກທົ່ວໂລກ ມີຄຳເຫັນຕໍ່ສະຫາຍ ຟິແດນ ກັສໂຕຣ ຜູ້ນຳທາງປະຫວັດສາດທີ່ດີເດັ່ນ ແລະ ກ້າແກ່ນຂອງການປະຕິວັດກູບາ.

ຕຳຫຼວດລາວເຂົ້າຮ່ວມແຂ່ງຂັນກ໊ອບຕຳຫຼວດອາຊຽນ ເປີດກວ້າງຄັ້ງທີ II ທີ່ ສສ ຫວຽດນາມ

04/08/2026 11:34

ໃນລະຫວ່າງວັນທີ 1-2 ສິງຫາຜ່ານມາ, ຄະນະນັກກິລາເຈົ້າໜ້າທີ່ຕຳຫຼວດແຫ່ງ ສປປ ລາວ ນຳພາໂດຍສະຫາຍ ພັອ ອານຸສິນ ສັກປະເສີດ (ຫົວໜ້າຄະນະ) ໄດ້ເດີນທາງເຂົ້າຮ່ວມການແຂ່ງຂັນກິລາກ໊ອບ ຕຳຫຼວດອາຊຽນເປີດກວ້າງປະຈຳປີ 2026 (ASEAN Police Open Golf Tournament 2026) ທີ່ສະໜາມ Nova World Phan Thiet Golf Club ແຂວງລາມດົງ ສາທາລະນະລັດ ສັງຄົມນິຍົມຫວຽດ ນາມ.

ສສຫວຽດນາມໃຫ້ກົມກອງແລະບຸກຄົນແຂວງໄຊຍະບູລີ

04/08/2026 11:09

ພິທີປະດັບຫຼຽນຈາກພັກ-ລັດຖະບານແຫ່ງສສຫວຽດນາມໃຫ້ກົມກອງແລະບຸກຄົນແຂວງໄຊຍະບູລີຈັດຂຶ້ນໃນວັນທີ 1 ສິງຫາຜ່ານມາທີ່ ແຂວງໄຊຍະບູລີໂດຍມີສະຫາຍເພັງນິລັນຄໍາພັນເພັງກໍາມະການສູນກາງພັກເລຂາຄະນະບໍລິຫານງານພັກແຂວງປະທານສະພາປະຊາຊົນແຂວງໄຊຍະບູລີ, ສະຫາຍຮວາງຢາງຮອງເລຂາພັກແຂວງຜູ້ປະຈໍາການປະທານສະພາປະຊາຊົນແຂວງລາວກ່າຍສສຫວຽດນາມ, ມີພາກສ່ວນກ່ຽວຂ້ອງເຂົ້າຮ່ວມ.

ໄຊຍະບູລີ-ລາວກ່າຍ ເພີ່ມທະວີການຮ່ວມມືສອງຝ່າຍ

04/08/2026 11:07

ກອງປະຊຸມພົບປະລະຫວ່າງຄະນະຜູ້ແທນແຂວງໄຊຍະບູລີ ສປປ ລາວ ແລະ ຄະນະຜູ້ແທນແຂວງ ລາວກ່າຍ ສສ ຫວຽດນາມ ໄດ້ຈັດຂຶ້ນໃນວັນທີ 1 ສິງຫາຜ່ານມາ ທີ່ແຂວງໄຊຍະບູລີ, ຝ່າຍແຂວງໄຊຍະບູລີນຳໂດຍທ່ານ ດວງຕາ ໄຊວຸດ ຮອງເລຂາພັກແຂວງ ປະທານຄະນະກໍາມະການປົກຄອງແຂວງໄຊຍະບູລີພ້ອມຄະນະ, ຝ່າຍຫວຽດນາມ ນໍາໂດຍ ທ່ານ ຮວາງ ຢາງ ຮອງເລຂາພັກແຂວງ ຜູ້ປະຈໍາການ ປະທານສະພາປະຊາຊົນແຂວງລາວກ່າຍ ສສ ຫວຽດນາມ ພ້ອມດ້ວຍຄະນະ.

ທູດປະເທດມຽນມາ ມອບພະໄຕປິດົກ ແລະຄຳພີອັດຖະກະຖາໃຫ້ແກ່ ແຂວງຫຼວງພະບາງ

04/08/2026 11:04

ວັນທີ່ 31 ກໍລະກົດ 2026 ນີ້ ທ່ານ ອູ ອອງ ໂກ (H.E Mr. U Aung Ko) ເອກອັກຄະລັດຖະທູດ ສາທາລະນະລັດ ສະຫະພາບ ມຽນມາ ປະຈຳ ສປປ ລາວ ໄດ້ຖວາຍ-ມອບ ໜັງສືພະໄຕຣປິດົກ ແລະໜັງສືພະອັຕຖະຄາຖາທັມ ພາສາບາລີອັກສອນພະມ້າ ຈາກຄະນະສົງ ແລະລັດຖະບານ ສາທາລະນະລັດ ສະຫະພາບມຽນມາ ໄວ້ເປັນຄັງປັນຍາ ແລະ ມໍລະດົກພຸດທະສາສະໜາ ໃຫ້ແກ່ ສູນຂໍ້ມູນພຸດທະສາສະໜາ ແຂວງຫຼວງພະບາງ ຊຶ່ງເປັນໂຄງການຄົ້ນຄວ້າ ແລະອະນຸລັກຮັກສາມໍລະດົກພຸດທະສາສະໜາ ຂອງອົງການພຸດທະສາສະໜາສັມພັນລາວ ແຂວງຫຼວງພະບາງ, ຮັບໂດຍ ພະອາຈານໃຫຍ່ ບົວວັນ ປຸນຍະສາໂຣ ຮອງປະທານອົງການພຸດທະສາສະໜາ ສຳພັນລາວແຂວງຫຼວງພະບາງ ຫົວໜ້າກັມມາທິການສາທາລະນູປະການ, ມີ ທ່ານ ທອງວັນ ຈັນນິລາ ຮອງປະທານແນວລາວສ້າງຊາດແຂວງ, ພ້ອມດ້ວຍຄະນະສົງ, ຄະນະອໍານວຍການ ແລະພະນັກງານຂອງ ສູນຂໍ້ມູນພຸດທະສາສະໜາຫຼວງພະບາງ ເຂົ້າຮ່ວມເປັນສັກຂີພະຍານ.

ເປີດໂຄງການທົດລອງລະບົບບໍລິຫານຈັດການການລ້ຽງສັດດິຈິຕອນດ້ວຍປັນຍາປະດິດ

04/08/2026 11:01

ສະຖາບັນຄົ້ນຄວ້າກະສິກຳ ແລະ ປ່າໄມ້ແຫ່ງຊາດ (NAFRI) ກະຊວງກະສິກຳ ແລະ ສິ່ງແວດລ້ອມ ຮ່ວມກັບ WHYBIZ Corp., INPRO ແລະ ອົງການສົ່ງເສີມການຄ້າ ແລະ ການລົງທຶນແຫ່ງສາທາລະນະລັດເກົາຫຼີ (KOTRA)ໄດ້ເປີດໂຄງການທົດລອງ (PoC) ລະບົບບໍລິຫານຈັດການການລ້ຽງສັດດິຈິຕອນດ້ວຍປັນຍາປະດິດ (AI-Based Digital Livestock Management System) ຄັ້ງທໍາອິດຂອງ ສປປລາວ.

ເສັ້ນທາງການພັດທະນາ AI ແບບຈີນສ້າງຜົນປະໂຫຍດຫຼາຍກວ່າເກົ່າໃຫ້ແກ່ໂລກ

04/08/2026 10:54

ມາຮອດປັດຈຸບັນ, ທົ່ວໂລກໄດ້ໃຫ້ການຍອມຮັບວ່າ ສປ ຈີນ ໄດ້ນຳໜ້າໃນການພັດທະນາ AI ຢ່າງກ້າວກະໂດດ ແລະ ການພັດທະນານັ້ນບໍ່ພຽງແຕ່ເພື່ອປະເທດຊາດ ແລະປະຊາຊົນຈີນເທົ່ານັ້ນ, ຫາກຍັງເພື່ອມວນມະນຸດຊາດທົ່ວໂລກຕື່ມອີກ. ຫຼ້າສຸດເມື່ອກາງເດືອນກໍລະກົດ 2026, ທ່ານ ສີ ຈິ້ນຜິງ ປະທານ ປະເທດຈີນ ໄດ້ປະກາດມາດຕະ ການສຳຄັນຂອງຈີນ ເພື່ອສະໜັບ ສະໜູນການພັດທະນາປັນຍາປະ ດິດໂລກໃນ 5 ປີຕໍ່ໜ້າ ຊຶ່ງໃນນັ້ນ, ຈີນຈະສະໜອງໂອກາດການຝຶກອົບຮົມດ້ານປັນຍາປະດິດຈຳນວນ 5.000 ຄົນ ໃຫ້ແກ່ປະເທດກຳລັງພັດທະນາ; ສ້າງສູນຮ່ວມມືການປະຍຸກໃຊ້ປັນຍາປະດິດສາກົນທີ່ ຫັນໜ້າສູ່ອາຊຽນ, ສັນນິບາດອາຣັບ, ສະຫະພາບອາຟຣິກາ, ປະຊາຄົມປະເທດອາເມຣິກາລາຕິນ-ກາຣາອິບ, ອົງການຮ່ວມມືຊຽງໄຮ້ ແລະ ບຣິກສ. ນອກນີ້, ຍັງຈະໄດ້ຊຸກຍູ້ແຜນການແຈ້ງເຕືອນໄພດ້ານດິນຟ້າອາກາດແບບອັດສະລິຍະ “MAZU” ໃຫ້ໄດ້ຮັບການຈັດຕັ້ງປະຕິບັດຢ່າງເປັນຮູບປະທຳຢູ່ 30

ຜູ້ແທນ ຍທຂ ເຂົ້າຮ່ວມກອງປະຊຸມໂຕະມົນ ລັດຖະມົນຕີດ້ານການກໍ່ສ້າງ ແລະ ທີ່ຢູ່ອາໄສອາຊຽນ-ຈີນ ຄັ້ງທີ 4 ທີ່ມາເລເຊຍ

03/08/2026 15:01

ຄະນະຜູ້ແທນ ກະຊວງໂຍທາທິການ ແລະ ຂົນສົ່ງ (ຍທຂ) ແຫ່ງ ສປປ ລາວ ນໍາພາໂດຍທ່ານ ງາມປະສົງ ເມືອງມະນີ ຮອງລັດຖະມົນຕີກະຊວງ ຍທຂ ພ້ອມດ້ວຍຄະນະຈາກກົມເຄຫາ ແລະ ຜັງເມືອງ, ຫ້ອງ ການກະຊວງ, ກົມແຜນການ ແລະ ການຮ່ວມມື ແລະ ສະມາຄົມສະຖາປະນິກ ແລະ ວິສະວະກອນໂຍທາລາວ (ສສວ) ໄດ້ເຂົ້າຮ່ວມກອງປະຊຸມໂຕະມົນລັດຖະມົນຕີດ້ານການກໍ່ສ້າງ ແລະ ທີ່ຢູ່ອາໄສ ອາຊຽນ-ຈີນ ຄັ້ງທີ 4 ພາຍໃຕ້ຫົວຂໍ້ “ເມືອງທີ່ຍືນຍົງ, ທີ່ຢູ່ອາໄສທີ່ມີຄຸນນະພາບ, ຊຸມຊົນທີ່ສາມັກຄີ” (Sustainable Cities, Quality Housing, Cohesive Communities) ໃນວັນທີ 1 ສິງຫາຜ່ານມາ ທີ່ເມືອງອີໂປ ລັດເປຣັກ ປະເທດມາເລເຊຍ ໂດຍມີຜູ້ແທນລະດັບລັດຖະມົນຕີ ແລະ ຮອງລັດຖະມົນຕີ ຈາກບັນດາປະເທດອາຊຽນ, ສປ ຈີນ, ກອງເລຂາອາຊຽນ ແລະ ອົງການທີ່ກ່ຽວຂ້ອງເຂົ້າຮ່ວມຫຼາຍກວ່າ 80 ທ່ານ ເພື່ອແລກປ່ຽນນະໂຍບາຍ, ປະສົບການ ແລະ ນະວັດຕະກຳ ກ່ຽວກັບການພັດທະນາຕົວເມືອງ, ທີ່ຢູ່ອາໄສ ແລະ ໂຄງລ່າງພື້ນຖານຢ່າງຍືນຍົງ.

ເປີດກິດຈະກໍາການປຸກລະດົມຂົນຂວາຍປ້ອງກັນການຄ້າມະນຸດ

03/08/2026 13:23

ເນື່ອງໃນໂອກາດວັນສາກົນເພື່ອຕ້ານການຄ້າມະນຸດ, ອົງການສະຫະປະຊາຊາດ ເພື່ອຕ້ານຢາເສບຕິດ ແລະ ອາຊະຍາກຳ (UNODC) ຮ່ວມກັບ ຫ້ອງການຜູ້ປະສານງານອົງການສະຫະປະຊາຊາດ ປະຈໍາ ສປປ ລາວ (RCO) ໄດ້ເປີດກິດຈະກໍາການປຸກລະດົມຂົນຂວາຍປ້ອງກັນການຄ້າມະນຸດ ຢູ່ ສປປ ລາວ ໃນວັນທີ 30 ກໍລະກົດ ຜ່ານມາ ທີ່ນະຄອນຫຼວງວຽງຈັນ, ຈຸດປະສົງ ເພື່ອປ້ອງກັນການຄ້າມະນຸດ ການຕົວະຍົວະຫຼອກລວງ, ດ້ວຍການຊ່ວຍໃຫ້ປະຊາຊົນຮູ້ທັນຮູບແບບການໂຄສະນາວຽກປອມ, ສາມາດຕັດສິນໃຈຢ່າງມີຂໍ້ມູນ ແລະ ຫຼຸດຜ່ອນຄວາມສ່ຽງຈາກການຖືກກົດຂີ່ຂູດຮີດ.

ເພີ່ມເຕີມ