ໂອກາດດັ່ງກ່າວ, ທ່ານກໍໄດ້ນຳເອົາເງິນຈຳນວນ 200 ລ້ານກີບມາມອບໃຫ້ອົງການປົກຄອງແຂວງອຸດົມໄຊເພື່ອນຳໃຊ້ເຂົ້າໃນການຕ້ານໄພນ້ຳຖ້ວມ. ໃນໄລຍະຢູ່ຢ້ຽມຢາມແຂວງອຸດົມໄຊ, ທ່ານ ພ້ອມຄະນະກໍໄດ້ໄປພົບປະກັບການນຳເມືອງໄຊ ທີ່ສະໂມສອນຂອງເມືອງ ແລະ ໄດ້ໄປຢ້ຽມຢາມເບິ່ງງົວຊົນຂອງປະຊາຊົນບ້ານນາແສນຄຳເມືອງໄຊ ໂດຍໄດ້ຮັບຟັງລາຍງານສະພາບລວມຂອງບ້ານ ແລະ ການລ້ຽງງົວງາມຂອງຊາວບ້ານນາແສນຄຳໂດຍຫຍໍ້ຈາກທ່ານ ຄຳຊາ ຢົງຕົວວື້ ນາຍບ້ານໆນາແສນຄຳ. ປັດຈຸບັນ ບ້ານນາແສນຄຳມີ 293 ຫຼັງຄາ, ມີ 320 ຄອບຄົວ; ມີພົນລະເມືອງທັງໝົດ 1.779 ຄົນ, ຍິງ 891 ຄົນ, ອາຊີບຕົ້ນຕໍ່ຂອງປະຊາຊົນແມ່ນປຸກຝັງ-ລ້ຽງສັດ ພາຍໃນບ້ານມີງົວທັງໝົດ 480 ໂຕ, ຄວາຍ 35 ໂຕ. ການລ້ຽງງົວຂອງຊາວບ້ານ ນອກຈາກລ້ຽງເພື່ອເປັນສິນຄ້າ ແລະ ໄວ້ບໍລິໂພກພາຍໃນຄອບຄົວແລ້ວ ຊາວບ້ານບາງຄອບຄົວຍັງໄດ້ລ້ຽງເພື່ອໄວ້ແຂ່ງຂັນໃນງານບຸນປະເພນີຂອງເຜົ່າ ໂດຍສະເພາະແມ່ນ ບຸນກິນຈຽງເພື່ອໃຫ້ສັງຄົມໄດ້ເບິ່ງໄດ້ຊົມ.
ໂອກາດດຽວກັນທ່ານ ສິນລະວົງ ຄຸດໄພທຸນໄດ້ມອບເງິນຈຳນວນຫນຶ່ງເພື່ອສົ່ງເສີມກິດຈະກຳການລ້ຽງງົວຊົນຂອງຊາວບ້ານນາແສນຄຳ ຂະນະດຽວກັນທ່ານປະທານສູນກາງແນວລາວສ້າງຊາດ ແລະ ທ່ານ ເຈົ້າແຂວງອຸດົມໄຊ ກໍໄດ້ພົບປະໂອ້ລົມຕໍ່ອົງການປົກຄອງບ້ານ ແລະ ພໍ່ແມ່ປະຊາຊົນພ້ອມກັນເຕົ້າໂຮມຄວາມສາມັກຄີພາຍໃນບ້ານໃຫ້ເປັນປຶກແຜ່ນ, ພ້ອມກັນຕ້ານທຸກປາກົດການຫຍໍ້ທໍ້ພາຍໃນບ້ານໃຫ້ຫມົດໄປ, ສືບຕໍ່ຮັກສາມູນເຊື້ອການລ້ຽງງົວຊົນໃຫ້ກາຍເປັນກິດຈະກຳການທ່ອງທ່ຽວຂອງບ້ານເພື່ອດຶງນັກທ່ອງທ່ຽວເຂົ້າມາແຂວງອຸດົມໄຊ ແລະ ສ້າງລາຍຮັບໃຫ້ແກ່ປະຊາຊົນພາຍໃນບ້ານ, ສ້າງໃຫ້ກາຍເປັນບ້ານພັດທະນາທຸກດ້ານ.
ໃນໄລຍະດຽວກັນນີ້, ທ່ານປະທານສູນກາງແນວລາວສ້າງຊາດ ພ້ອມຄະນະກໍໄດ້ໄປຢ້ຽມຢາມໂຮງງານປຸ່ງແຕ່ງນ້ຳຢາງພາລາຂອງບໍລິສັດຈົງອູຢູ່ບ້ານກໍນ້ອຍ ຊຶ່ງລົງທຶນໂດຍນັກທຸລະກິດຈາກຕ່າງປະເທດ. ບໍລິສັດໄດ້ມາລົງທຶນຢູ່ໃນແຂວງອຸດົມໄຊນັບແຕ່ປີ 2005 ເປັນຕົ້ນມາ ໃນນາມໂຄງການປູກພືດທົດແທນການປູກຝິ່ນ. ໃນນີ້ ໄດ້ສົ່ງເສີມປະຊາຊົນປູກຢາງພາລາ ຢູ່ 5 ບ້ານ ແລະ ໄດ້ສ້າງຕັ້ງໂຮງງານປຸງແຕ່ງສຳເລັດຮູບຂຶ້ນໃນປີ 2012ເປັນຕົ້ນມາ ໃນແຕ່ລະປີທາງໂຮງງານມີຄວາມຕອ້ງການວັດຖຸດິບ ຫຼື ນໍ້າຢາງດິບມາປ້ອນໂຮງງານ 32.000 ໂຕນຕໍ່ປີ, ນັບຕັ້ງແຕ່ສ້າງໄດ້ໂຮງງານມາໄດ້ສ້າງວຽກເຮັດງານທຳໃຫ້ກັບປະຊາຊົນໃນເຂດພື້ນທີ່ຈໍານວນຫຼວງຫຼາຍ, ລວມທັງແຮງງານລາຍວັນ ອັນໄດ້ແກ້ໄຂຊີວິດການເປັນຢູ່ຂອງປະຊາຊົນດີຂຶ້ນ. ຈາກນັ້ນ ກໍໄດ້ໄປເບິ່ງໂຄງການປູກມອນລ້ຽງມ້ອນຂອງ ບໍລິສັດຊ່ວງໄຊພັດທະນາກະສິກຳ ຈຳກັດ ຊຶ່ງໂຄງການດັ່ງກ່າວໄດ້ສົ່ງເສີມປູກມອນ-ລ້ຽງມ້ອນເປັນສິນຄ້າເພື່ອສົ່ງອອກເລີ່ມແຕ່ປີ 2019 ເປັນຕົ້ນມາ, ມີເນື້ອທີ່ປູກໃບມອນທັງໝົດ 410 ເຮັກຕາ ໃນ 4 ເມືອງຄື: ເມືອງໄຊ, ເມືອງແບງ, ເມືອງງາ ແລະ ເມືອງຮຸນ. ໂຄງການດັ່ງກ່າວເປັນການເຮັດຮ່ວມກັບປະຊາຊົນໂດຍມີຮູບການ 2+3 ໂດຍປະຊາຊົນເປັນດິນ ແລະ ແຮງງານ ສ່ວນບໍລິສັດເປັນທຶນ, ຕະຫຼາດ, ເຕັກນິກ ແລະ 4+1 ໂດຍປະຊາຊົນເປັນດິນໃຫ້ບໍລິສັດເຊົ່າ. ປີ 2023 ຜ່ານມາບໍລິສັດໄດ້ດໍາເນີນການລ້ຽງມ້ອນໄດ້ທັງໝົດ 11 ຊຸດ, ຜະລິດຝຶກຫຼອກໄດ້ປະມານ 200 ໂຕນ ແລະ ໄປຢ້ຽມຢາມແຫ່ງອື່ນໆ.
(ຂ່າວ: ໄມພອນ)
ໂອກາດດຽວກັນທ່ານ ສິນລະວົງ ຄຸດໄພທຸນໄດ້ມອບເງິນຈຳນວນຫນຶ່ງເພື່ອສົ່ງເສີມກິດຈະກຳການລ້ຽງງົວຊົນຂອງຊາວບ້ານນາແສນຄຳ ຂະນະດຽວກັນທ່ານປະທານສູນກາງແນວລາວສ້າງຊາດ ແລະ ທ່ານ ເຈົ້າແຂວງອຸດົມໄຊ ກໍໄດ້ພົບປະໂອ້ລົມຕໍ່ອົງການປົກຄອງບ້ານ ແລະ ພໍ່ແມ່ປະຊາຊົນພ້ອມກັນເຕົ້າໂຮມຄວາມສາມັກຄີພາຍໃນບ້ານໃຫ້ເປັນປຶກແຜ່ນ, ພ້ອມກັນຕ້ານທຸກປາກົດການຫຍໍ້ທໍ້ພາຍໃນບ້ານໃຫ້ຫມົດໄປ, ສືບຕໍ່ຮັກສາມູນເຊື້ອການລ້ຽງງົວຊົນໃຫ້ກາຍເປັນກິດຈະກຳການທ່ອງທ່ຽວຂອງບ້ານເພື່ອດຶງນັກທ່ອງທ່ຽວເຂົ້າມາແຂວງອຸດົມໄຊ ແລະ ສ້າງລາຍຮັບໃຫ້ແກ່ປະຊາຊົນພາຍໃນບ້ານ, ສ້າງໃຫ້ກາຍເປັນບ້ານພັດທະນາທຸກດ້ານ.
ໃນໄລຍະດຽວກັນນີ້, ທ່ານປະທານສູນກາງແນວລາວສ້າງຊາດ ພ້ອມຄະນະກໍໄດ້ໄປຢ້ຽມຢາມໂຮງງານປຸ່ງແຕ່ງນ້ຳຢາງພາລາຂອງບໍລິສັດຈົງອູຢູ່ບ້ານກໍນ້ອຍ ຊຶ່ງລົງທຶນໂດຍນັກທຸລະກິດຈາກຕ່າງປະເທດ. ບໍລິສັດໄດ້ມາລົງທຶນຢູ່ໃນແຂວງອຸດົມໄຊນັບແຕ່ປີ 2005 ເປັນຕົ້ນມາ ໃນນາມໂຄງການປູກພືດທົດແທນການປູກຝິ່ນ. ໃນນີ້ ໄດ້ສົ່ງເສີມປະຊາຊົນປູກຢາງພາລາ ຢູ່ 5 ບ້ານ ແລະ ໄດ້ສ້າງຕັ້ງໂຮງງານປຸງແຕ່ງສຳເລັດຮູບຂຶ້ນໃນປີ 2012ເປັນຕົ້ນມາ ໃນແຕ່ລະປີທາງໂຮງງານມີຄວາມຕອ້ງການວັດຖຸດິບ ຫຼື ນໍ້າຢາງດິບມາປ້ອນໂຮງງານ 32.000 ໂຕນຕໍ່ປີ, ນັບຕັ້ງແຕ່ສ້າງໄດ້ໂຮງງານມາໄດ້ສ້າງວຽກເຮັດງານທຳໃຫ້ກັບປະຊາຊົນໃນເຂດພື້ນທີ່ຈໍານວນຫຼວງຫຼາຍ, ລວມທັງແຮງງານລາຍວັນ ອັນໄດ້ແກ້ໄຂຊີວິດການເປັນຢູ່ຂອງປະຊາຊົນດີຂຶ້ນ. ຈາກນັ້ນ ກໍໄດ້ໄປເບິ່ງໂຄງການປູກມອນລ້ຽງມ້ອນຂອງ ບໍລິສັດຊ່ວງໄຊພັດທະນາກະສິກຳ ຈຳກັດ ຊຶ່ງໂຄງການດັ່ງກ່າວໄດ້ສົ່ງເສີມປູກມອນ-ລ້ຽງມ້ອນເປັນສິນຄ້າເພື່ອສົ່ງອອກເລີ່ມແຕ່ປີ 2019 ເປັນຕົ້ນມາ, ມີເນື້ອທີ່ປູກໃບມອນທັງໝົດ 410 ເຮັກຕາ ໃນ 4 ເມືອງຄື: ເມືອງໄຊ, ເມືອງແບງ, ເມືອງງາ ແລະ ເມືອງຮຸນ. ໂຄງການດັ່ງກ່າວເປັນການເຮັດຮ່ວມກັບປະຊາຊົນໂດຍມີຮູບການ 2+3 ໂດຍປະຊາຊົນເປັນດິນ ແລະ ແຮງງານ ສ່ວນບໍລິສັດເປັນທຶນ, ຕະຫຼາດ, ເຕັກນິກ ແລະ 4+1 ໂດຍປະຊາຊົນເປັນດິນໃຫ້ບໍລິສັດເຊົ່າ. ປີ 2023 ຜ່ານມາບໍລິສັດໄດ້ດໍາເນີນການລ້ຽງມ້ອນໄດ້ທັງໝົດ 11 ຊຸດ, ຜະລິດຝຶກຫຼອກໄດ້ປະມານ 200 ໂຕນ ແລະ ໄປຢ້ຽມຢາມແຫ່ງອື່ນໆ.
(ຂ່າວ: ໄມພອນ)
ຄໍາເຫັນ