 |
ຄະນະກຳມະການໄດ້ລົງກວດກາການຈັດຕັ້ງປະຕິບັດວຽກກໍ່ສ້າງ-ສ້ອມແປງຊົນລະປະທານ (ຝາຍໂກ້-ຝາຍບົວ), ສ້ອມແປງທາງລະບາຍຝາຍຄາຍ ແລະ ຄອງເໝືອງ, ການຟື້ນຟູສ້ອມແປງກໍ່ສ້າງຊົນລະປະທານຄອງເໝືອງຝາຍຈີ່ຫຼໍ່ ແລະ ນາຫອຍ. ທ່ານ ສົມສະໝອນ ຜະລິຈັນ ໄດ້ກ່າວວ່າ: ໂດຍປະຕິບັດຕາມການແກ້ໄຂຄວາມທຸກຍາກ, ແກ້ໄຂໄພພິບັດ. ດັ່ງນັ້ນ, ລັດຖະບານຈິ່ງໄດ້ສຸມທຶນຮອນກໍ່ສ້າງຊົນລະປະທານຝາຍໂກ້-ຝາຍບົວ, ສ້ອມແປງທາງລະບາຍຝາຍຄາຍ ແລະ ຄອງເໝືອງ, ການຟື້ນຟູສ້ອມແປງກໍ່ສ້າງຊົນລະປະທານຄອງເໝືອງຝາຍຈີ່ຫຼໍ່ ແລະ ນາຫອຍ ປະຊາຊົນທີ່ໄດ້ຮັບຜົນປະໂຫຍດຈາກຊົນລະປະທານດັ່ງກ່າວຈົ່ງສ້າງກຸ່ມການຜະລິດ, ການປູກພືດລະດູແລ້ງເຊັ່ນ: ຜັກກາດ, ຜັກບົ່ວ, ຜັກທຽມ, ຖົ່ວ, ໝາກແຕງ ແລະ ອື່ນໆ. ເພື່ອປ້ອນຕະຫຼາດໃນເທສະບານໂພນສະຫັວນ, ເປັນການຫາລາຍໄດ້ເຂົ້າຄອບຄົວ ແລະ ແກ້ໄຂຄວາມທຸກຍາກໃຫ້ດີຂຶ້ນ, ມີນ້ຳພຽງພໍເຂົ້າໃນການຜະລິດໄດ້ທັງ 2 ລະດູ, ຈົ່ງຊັບຊ່າວເປີດພື້ນທີ່ ໃນການຜະລິດໃຫ້ຫຼາຍຂຶ້ນ.
 |
ນອກນີ້, ທ່ານ ບຸນເພັງ ທຳມະວົງ ປະທານບໍລິສັດ ເພັງໄຊໃນນາມຜູ້ລົງທຶນຮັບເໝົາຂອງໂຄງການໄດ້ກ່າວວ່າ: ຂອບໃຈມາຍັງການນຳພັກ-ລັດທີ່ໃຫ້ຄວາມໄວ້ໃຈໃນການຈັດຕັ້ງປະຕິບັດລົງທຶນໃສ່ການກໍ່ສ້າງ. ບໍລິສັດໄດ້ນຳກົນຈັກອຸປະກອນ ແລະ ແຮງງານເຂົ້າໃນການຈັດຕັ້ງປະຕິບັດໂຄງການເພື່ອເຮັດໃຫ້ ໂຄງການສຳເລັດຕາມຄາດໝາຍທັນເວລາ ແລະ ລະດູທຳການຜະລິດຂອງປະຊາຊົນ. ຂອບໃຈມາຍັງການນຳແຂວງ, ເມືອງ, ບ້ານ ແລະ ປະຊາຊົນທີ່ອຳນວຍຄວາມສະດວກປະກອບສ່ວນ ແລະ ຮ່ວມມືຈິ່ງເຮັດໃຫ້ການກໍ່ສ້າງສຳເລັດຕາມຄາດໝາຍ. ວິຊາການປະຈຳພາກສະໝາມໄດ້ລາຍວ່າ: ການກໍ່ສ້າງຊົນລະປະທານ ແລະ ຄອງເໝືອງຝາຍໂກ້-ຝາຍບົວ, ຝາຍຄາຍແມ່ນສຳເລັດແລ້ວ 61%, ມູນຄ່າການກໍ່ສ້າງ 39 ຕື້ກ່ວາກີບ, ການຟື້ນຟູ-ສ້ອມແປງຊົນລະປະທານຄອງເໝືອງຝາຍຈີ່ຫຼໍ່ ສຳເລັດແລ້ວ100%, ມີ 47 ຄອບຄົວໄດ້ຮັບຜົນປະໂຫຍດເນື້ອທີ່ 50 ເຮັກຕາມູນຄ່າການກໍ່ສ້າງ17 ຕື້ກ່ວາກີບ, ຊົນລະປະທານຄອງເໝືອງຝາຍນາຫອຍກໍ່ສ້າງສຳເລັດແລ້ວ100% ມູນຄ່າການກໍ່ສ້າງ 15 ຕື້ກ່ວາກີບ, ມີ 132 ຄອບຄົວໄດ້ຮັບຜົນປະໂຫຍດເນື້ອທີ່ 150 ເຮັກຕາ ແລະ ຍັງສາມາດບຸກເບີກໄດ້ອີກ 10 ເຮັກຕາ, ທ່ານຫົວໜ້າພະແນກກະສິກຳ ແລະ ປ່າໄມ້ແຂວງ ໄດ້ເນັ້ນໃຫ້ປະຊາຊົນຈົ່ງທຳການຜະລິດໃຫ້ຫຼາຍຂຶ້ນ ພ້ອມກັນປົກປັກຮັກສາຝາຍ, ຄອງເໝືອງອານາໄມເພື່ອໃຫ້ຊົມໃຊ້ໄດ້ຍາວນານ.
 |
(ຂ່າວ: ບຸນມີ ແສງທຸມມີ)
ຄໍາເຫັນ