ປ່າເຢັ່ງຊາລໍ່ເຫັນສຳຄັນແມ່ຍິງຕ້ອງມີການພັດທະນາຕົນເອງຢູ່ສະເໝີ

ປ່າເຢັ່ງຊາລໍ່ເຫັນສຳຄັນແມ່ຍິງຕ້ອງມີການພັດທະນາຕົນເອງຢູ່ສະເໝີ
ໂດຍ: ວັນເພັງ
ເນື່ອງໃນໂອກາດວັນວັນແມ່ຍິງສາກົນ ຄົບຮອບ 114 ປີ ໃກ້ມາເຖິງນີ້ (8 ມີນາ 1910-8 ມີນາ 2024) ທ່ານ ນາງ ປ່າເຢັ່ງຊາ ລໍ່ ອະດີດນາງງາມຈັກກະວານລາວ ປີ 2022 ໄດ້ໃຫ້ສໍາພາດຕໍ່ນັກຂ່າວໜັງສືພິມ ປະຊາຊົນເມື່ອບໍ່ດົນມານີ້ວ່າ: ວັນແມ່ຍິງສາກົນເປັນໜຶ່ງວັນທີ່ມີຄວາມໝາຍ-ຄວາມສຳຄັນຫຼາຍ ຕໍ່ແມ່ຍິງໃນທຸກທົ່ວມູມໂລກ ກໍຄືແມ່ຍິງລາວ ກ່ອນຈະມີວັນແມ່ຍິງສາກົນ ກໍຍ້ອນວ່າສະໄໝກ່ອນ ເລື່ອງບົດບາດຂອງແມ່ຍິງຄວາມເທົ່າທຽມກັບເພດຊາຍຍັງມີໜ້ອຍເປັນຕົ້ນຄ່າແຮງງານ, ການປະພຶດປະຕິບັດຕ່າງໆ, ການປິ່ນປົວ ແລະອື່ນໆ. ເຮັດໃຫ້ເກີດມີວັນແມ່ຍິງສາກົນຂຶ້ນມາຄື ວັນທີ 8 ມີນາ 1910 ເພື່ອສາມາດຍົກບົດບາດຂອງແມ່ຍິງຂຶ້ນມາໃຫ້ມີຄວາມສະເໝີພາບຍິງ-ຊາຍ ທຸກຄົນລ້ວນແລ້ວແຕ່ມີຄວາມສາມາດຄືກັນ ແລະເຮັດໄດ້ທຸກສິງທຸກຢ່າງຄ້າຍຄືກັນບໍ່ວ່າຈະເປັນຜູ້ຍິງ ຫຼືຜູ້ຊາຍກໍມີບົດບາດ, ມີຄວາມສາມາດໃນການເປັນຜູ້ນຳ ແລະເຮັດວຽກງານໄດ້ສະເໝີພາບກັນ.
ທ່ານນາງປ່າເຢັ່ງຊາລໍ່ໄດ້ກ່າວເຖິງຄວາມສຳຄັນຂອງແມ່ຍິງທຸກຄົນບໍ່ວ່າຈະດຳລົງຊີວິດຢູ່ໃສກໍຕາມໃຫ້ມີການພັດທະນາຕົນເອງຢູ່ຕະຫຼອດເວລາ, ຢ່າຢຸດທີ່ຈະຮຽນຮູ້ ຊຶ່ງການພັດທະນາຕົນເອງນີ້ຈະລວມເຖິງດ້ານການສຶກສາ, ການພັດທະນາດ້ານຄວາມຮູ້-ຄວາມສາມາດ, ທັກສະການດໍາລົງຊີວິດຕ່າງໆ ແລະອື່ນໆ ເພື່ອຫາວຽກເຮັດງານທຳ, ເຮັດໃຫ້ເຮົາມີອາຊີບສາມາດລ້ຽງດ້ວຍຕົນເອງໄດ້  ເພາະວ່າເມື່ອໃດກໍຕາມຖ້າເຮົາມີຄວາມຮູ້-ຄວາມສາມາດ ແລະສາມາດກຸ້ມຕົນເອງເຮົາກໍມີບົດບາດເທົ່າທຽມກັບຜູ້ຊາຍ ຕົວຢ່າງ: ຊົນເຜົ່າມົ້ງຈຳນວນໜຶ່ງຍັງບໍ່ມີບົດບາດເທົ່າທຽມກັບຜູ້ຊາຍ ຍ້ອນບໍ່ມີຄວາມສາມາດ, ບໍ່ໄດ້ເຂົ້າເຖິງການສຶກສາ ຈຶ່ງບໍ່ມີຄວາມເຂົ້າໃຈຂອງເລື່ອງບົດບາດຍິງ-ຊາຍເຮັດໃຫ້ມີຄວາມດ້ອຍຄ່າຂອງໂຕເອງ ຈຶ່ງບໍ່ຮູ້ວ່າການຮັກໂຕເອງນັ້ນຮັກແບບໃດ. ສະນັ້ນ, ຖ້າຫາກແມ່ຍິງເຮົາທຸກຄົນໄດ້ເຂົ້າເຖິງການສຶກສາ, ມີຄວາມຮູ້-ຄວາມສາມາດມີວຽກເຮັດງານທໍາຫາລ້ຽງກຸ້ມຕົນເອງແລ້ວບົດບາດຍິງ-ຊາຍກໍຈະເກີດມີຂຶ້ນນັ້ນເອງ.
ທ່ານ ນາງປ່າເຢັ່ງຊາລໍ່ໃນນາມແມ່ຍິງ ອາດີດນາງງາມຈັກກະວານລາວ ປີ 2022 ຍັງໄດ້ຝາກເຖິງແມ່ຍິງທຸກຄົນ ຈົ່ງຮູ້ຢູ່ສະເໝີວ່າເຮົາເປັນແມ່ຍິງກໍຄືມະນຸດທົ່ວໆໄປທີ່ບໍ່ທຳມະດາ, ເປັນຄົນທີ່ມີຄວາມຮູ້-ຄວາມສາມາດຕ່າງໆ. ສະນັ້ນ, ຈະເປັນຄົນທີ່ມີຄວາມຮູ້-ຄວາມສາມາດໄດ້ກໍຕ້ອງເປັນຄົນທີ່ຮັກໃນການອ່ານ, ຊອກຮູ້ຮໍ່າຮຽນຢູ່ສະເໝີ, ຄວາມຮູ້ທຸກຢ່າງລ້ວນແຕ່ໄດ້ມາຈາກການອ່ານ. ພ້ອມນັ້ນ,ຈົ່ງຮຽນຮູ້ໃນການທີ່ຈະອ່ານປຶ້ມຕ່າງໆ, ມີການພັດທະນາຕົນເອງ ແລະລົງມືເຮັດຕື່ມອີກ ໂດຍສະເພາະແມ່ຍິງໄວໜຸ່ມນ້ອຍ ຕ້ອງຕັ້ງໃຈຮຽນຫາຄວາມຮູ້ໃຫ້ຫຼາຍໆ, ຕ້ອງມີການສຶກສາຄວາມສຳພັນ (ການແຕ່ງງານ) ແລະມີວຽກເຮັດງານທຳກຸ້ມຕົນເອງໃຫ້ໄດ້.
ເນື່ອງໃນໂອກາດວັນແມ່ຍິງສາກົນ ຄົບຮອບ 114 ໃກ້ມາເຖິງນີ້ອະດີດນາງງາມຈັກກະວານລາວປີ 2022  ຍັງໄດ້ອວຍພອນໄຊໃຫ້ແມ່ຍິງທຸກທົ່ວໜ້າກໍຄືແມ່ຍິງລາວ, ແມ່ຍິງທີ່ເປັນການນຳ, ແມ່ຍິງອາວຸໂສບຳນານ ທຸກທ່ານຈົ່ງມີສຸຂະພາບແຂງແຮງ, ມີຄວາມຈະເລີນຮຸ່ງເຮືອງບໍ່ວ່າຈະເປັນດ້ານການງານ, ການເງິນ, ມີຄວາມສຸກກາຍສະບາຍໃຈ, ປະສົບຜົນສຳເລັດໃນໜ້າທີ່ວຽກງານທຸກປະການ.

ຄໍາເຫັນ

ຂ່າວວັດທະນະທຳ-ສັງຄົມ

ຜ່ານຮ່າງຄູ່ມືຄຸ້ມຄອງລະບົບການເງິນເພື່ອຄວາມເປັນເອກະພາບແລະໂປ່ງໃສ

ຜ່ານຮ່າງຄູ່ມືຄຸ້ມຄອງລະບົບການເງິນເພື່ອຄວາມເປັນເອກະພາບແລະໂປ່ງໃສ

ອົງການກາແດງແຫ່ງຊາດລາວ ໄດ້ຈັດກອງປະຊຸມຜ່ານຮ່າງຄູ່ມືຄຸ້ມຄອງລະບົບການເງິນ ຂອງອົງການກາແດງແຫ່ງຊາດລາວ ໃນວັນທີ 19 ພະຈິກນີ້, ໂດຍການເປັນປະທານ ຂອງທ່ານ ຄໍາລາວັນ ຈັນທະລາວັນ ກໍາມະການສູນກາງພັກເລຂາຄະນະພັກປະທານອົງການກາແດງແຫ່ງຊາດລາວ, ເຂົ້າຮ່ວມມີບັນດາຜູ້ແທນຈາກຂັ້ນສູນກາງ ແລະ ຂັ້ນແຂວງທົ່ວປະເທດ ພ້ອມດ້ວຍຄູ່ຮ່ວມງານພັດທະນາ.
ມ​ສ ສົງແຂວງຫລວງພະບາງ ໄດ້ຮັບການຊ່ວຍ​ເຫຼືອຈາກຄະນະສາຍບຸນ ສປ ຈີນ

ມ​ສ ສົງແຂວງຫລວງພະບາງ ໄດ້ຮັບການຊ່ວຍ​ເຫຼືອຈາກຄະນະສາຍບຸນ ສປ ຈີນ

ພິທີມອບ - ຮັບ ອຸປະກອນການສຶກສາ ຂອງຄະນະທີມງານສາຍບຸນ ຈາກ ສປ ຈີນ ໃຫ້ແກ່ໂຮງຮຽນມັດທະຍົມສົມບູນສົງ (ມ​ສ ສົງ) ແຂວງຫຼວງພະບາງ,ໄດ້​ຈັດ​ຂຶ້ນ​ໃນ​ວັນ​ທີ 19 ພະ​ຈິກ​ຜ່ານ​ມາທີ່ ມ​ສ ດັ່ງ​ກ່າວ, ໂດຍມີ ສາທຸ ຈັນທະລິນ ຈີນນະທັມໂມ ຮອງປະທານ ອົງການພຸດທະສາສະໜາສັມພັນລາວ (ອພສ) ຫົວໜ້າກັມມາທິການສຶກສາສົງແຂວງ, ທ່ານ ຄຳຄ່ອງ ພົມມະປັນຍາ ປະທານກວດກາພັກ-ອົງການກວດກາລັດແຂວງ, ພ້ອມດ້ວຍ ຜູ້ຕາງໜ້າຈາກພະແນກການກ່ຽວຂ້ອງ ເຂົ້າຮ່ວມ.
ນາງ ອາລຸນໄຊ ພຸດທະວົງ ຈາກ ມສ ຄອນ ຊະ​ນະ​ເລີດ ການ​ປະ​ກວດ​ໝໍ​ລຳ​ສີ​ພັນ​ດອນ

ນາງ ອາລຸນໄຊ ພຸດທະວົງ ຈາກ ມສ ຄອນ ຊະ​ນະ​ເລີດ ການ​ປະ​ກວດ​ໝໍ​ລຳ​ສີ​ພັນ​ດອນ

ງານຕະຫຼາດນັດກາງຄືນຂອງ ເມືອງ​ໂຂງ ແຂວງ​ຈຳ​ປາ​ສັກ ເພື່ອສືບສານສິລະປະໝໍລຳສີພັນດອນ ພາຍໃຕ້ຄຳຂວັນ: “ມົນສະເໜ່ສີພັນດອນ ສືບສານວິຖີຊີວິດ ສ້າງສີສັນຍາມຄ່ຳຄືນ” ຕິດພັນກັບການປະກວດໝໍລຳສີພັນດອນ ໃນລະດັບໂຮງຮຽນມັດທະຍົມສົມບູນ (ມສ) ທົ່ວເມືອງໂຂງ ໄດ້​ປິດ​ລົງ​ຢ່າງຄຶກຄື້ນ ແລະ ມ່ວນຊື່ນ ໃນ​ຄ່ຳ​ຄືນ​ຂອງວັນ​ທີ 19 ພະ​ຈິກ​ຜ່ານ​ມາ ທີ່ ບ້ານ​ເມືອງ​ແສນ ຕາ​ແສງດອນ​ໂຂງ, ໂດຍມີ ທ່ານ ສາທິດ ປັດສາພັນ ກຳມະການພັກແຂວງ ເລຂາຄະນະບໍລິຫານງານພັກເມືອງໂຂງ, ທ່ານ ສະເຫຼີມໄຊ ແສງສຸລິຍະວົງ ຮອງປະທານຄະນະກຳມະການປົກຄອງເມືອງ, ມີ​ພາກ​ສ່ວນ​ກ່ຽວ​ຂ້ອງ ຕະຫຼອດ​ຮອດ​ປະ​ຊາ​ຊົນ​ຊາວ​ເມືອງ​ໂຂງເຂົ້າຮ່ວມຢ່າງຫຼວງຫຼາຍ.
ແຂວງຄຳມ່ວນ ມອບ 500 ລ້ານກີບ ບູລະນະໂຮງຮຽນ ມ.ປ ທ່າແຂກ

ແຂວງຄຳມ່ວນ ມອບ 500 ລ້ານກີບ ບູລະນະໂຮງຮຽນ ມ.ປ ທ່າແຂກ

“ທ່ານ ໄຊຊະນະ ໂຄດພູທອນ ເລຂາພັກແຂວງປະທານສະພາປະຊາຊົນແຂວງຄໍາມ່ວນ ໄດ້ມອບເງິນ 500 ລ້ານກີບ ທີ່ໄດ້ຈາກການລະດົມທຶນຈາກສັງຄົມ ໃຫ້ແກ່ໂຮງຮຽນມັດທະຍົມຕອນປາຍທ່າແຂກ ເພື່ອບູລະນະສ້ອມແປງອາຄານ ແລະ ປັບປຸງສະພາບແວດລ້ອມການຮຽນ-ການສອນ.
ຊາວໜຸ່ມແຂວງຫຼວງພະບາງ ຈັດ​ກິດ​ຈະ​ກຳບໍລິຈາກເລືອດ

ຊາວໜຸ່ມແຂວງຫຼວງພະບາງ ຈັດ​ກິດ​ຈະ​ກຳບໍລິຈາກເລືອດ

ຄະນະບໍລິຫານງານຊາວໜຸ່ມ ແຂວງຫຼວງພະບາງ ໄດ້ຈັດກິດຈະກຳ ຮັບບໍລິຈາກເລືອດແບບສະໝັກໃຈ ເພື່ອຊ່ວຍເຫຼືອສັງຄົມ, ໃນ​ວັນ​ທີ 20 ພະ​ຈິກ​ນີ້, ໂດຍມີ ທ່ານ ຄຳຫຼ້າ ລຽນປະດິດ ຮອງເລຂາຄະນະບໍລິຫານງານພັກແຂວງ, ພ້ອມດ້ວຍຄະນະບໍລິຫານງານຊາວໜຸ່ມແຂວງ, ຕາງໜ້າອົງການກາແດງແຂວງ, ພະສົງ-ສາມະເນນ ແລະສະມາຊິກຊາວໜຸ່ມ ຈາກສຳນັກງານ-ອົງການ ພາຍໃນແຂວງ ເຂົ້າຮ່ວມ.
ອັດຕະປື ເປີດນຳໃຊ້ລະ​ບົບ​ໃບເກັບ​ເງິນເອ​ເລັກ​ໂຕ​ຣ​ນິກ ແລະ ເບີກຈ່າຍງົບປະມານລັດ

ອັດຕະປື ເປີດນຳໃຊ້ລະ​ບົບ​ໃບເກັບ​ເງິນເອ​ເລັກ​ໂຕ​ຣ​ນິກ ແລະ ເບີກຈ່າຍງົບປະມານລັດ

ກະຊວງການເງິນ ຮ່ວມກັບ ອົງການປົກຄອງແຂວງອັດຕະປື ຈັດກອງປະຊຸມເຜີຍແຜ່ແນະນຳ ແລະ ເປີດນຳໃຊ້ລະບົບໃບເກັບເງິນເອເລັກໂຕຣນິກ (E-Tax Invoice) ແລະ ລະບົບຄຸ້ມຄອງແບບຟອມ ແລະ ເບີກຈ່າຍງົບປະມານພາກລັດແບບເອເລັກໂຕຣນິກ (D-Filing) ໃນວັນທີ 19 ພະຈິກຜ່ານ​ມາ ທີ່ແຂວງອັດ​ຕະ​ປື, ໂດຍມີ ທ່ານ ສາຍມະໂນລິນ ສິນບັນດິດ ຮອງຫົວ ໜ້າກົມສ່ວຍ ສາອາກອນ ກະຊວງການເງິນ, ມີທ່ານ ນາງ ໄຍຄຳ ສີຊາຊົນ ຮອງຫົວໜ້າພະແນກການເງິນແຂວງອັດຕະປື, ມີພາກ​ສ່ວນ​ກ່ຽວ​ຂ້ອງເຂົ້າຮ່ວມ
ສະມໍລບີ ໃຊ້ພະນັກງານ 280 ຄົນ ອະນາໄມໃນງານບຸນພະທາດຫຼວງ ຕະຫຼອດ 24 ຊົ່ວໂມງ

ສະມໍລບີ ໃຊ້ພະນັກງານ 280 ຄົນ ອະນາໄມໃນງານບຸນພະທາດຫຼວງ ຕະຫຼອດ 24 ຊົ່ວໂມງ

ບໍລິສັດ ສະມໍລບີ ໄດ້ກະກຽມກໍາລັງພະນັກງານຈໍານວນ 280 ຄົນ ພ້ອມອຸປະກອນ ແລະ ພາຫະນະຮັບໃຊ້ວຽກງານອະນາໄມ, ເກັບມ້ຽນ ແລະຂົນສົ່ງຂີ້ເຫຍື້ອພາຍໃນງານບຸນນະມັດສະການພະທາດຫຼວງວຽງຈັນ ປີ 2026 ໂດຍໄດ້ຈັດກໍາລັງພະນັກງານປະຈໍາການຕະຫຼອດ 24 ຊົ່ວໂມງ ເພື່ອຮັກສາສະພາບແວດລ້ອມພາຍໃນງານບຸນໃຫ້ສະອາດງາມຕາ ແລະ ເປັນລະບຽບຮຽບຮ້ອຍ.
ຄະນະຈັດຕັ້ງສູນກາງພັກ ມອບອຸປະກອນໄອທີໃຫ້ 38 ຕາແສງ ທົ່ວແຂວງສາລະວັນ

ຄະນະຈັດຕັ້ງສູນກາງພັກ ມອບອຸປະກອນໄອທີໃຫ້ 38 ຕາແສງ ທົ່ວແຂວງສາລະວັນ

ຄະນະຈັດຕັ້ງສູນກາງພັກ ມອບອຸປະກອນໄອທີໃຫ້ຄະນະກຳມະການປົກຄອງຕາແສງ 38 ຕາແສງ ທົ່ວແຂວງສາລະວັນ ປະກອບມີ ປີ່ນເຕີ 38 ເຄື່ອງ, ແທັບເລັດ 38 ເຄື່ອງ ແລະ ຄອມພິວເຕີແລັບທັອບ 38 ເຄື່ອງ, ລວມທຸກລາຍການທັງໝົດ 114 ເຄື່ອງ.
ສາລະວັນວາງເປົ້າໝາຍສ້າງຄອບຄົວພົ້ນທຸກ 5 ພັນກວ່າຄອບຄົວ

ສາລະວັນວາງເປົ້າໝາຍສ້າງຄອບຄົວພົ້ນທຸກ 5 ພັນກວ່າຄອບຄົວ

ແຂວງ​ສາ​ລະ​ວັນໄດ້​ຈັດກອງປະຊຸມເຜີຍແຜ່ ວາລະແຫ່ງຊາດ ວ່າດ້ວຍ ການພັດທະນາຊົນນະບົດ ແລະ ແກ້ໄຂຄວາມທຸກຍາກ ໃນວັນທີ 18 ພະຈິກຜ່​ານ​ມາທີ່ສະໂມສອນແຂວງ, ໂດຍການເປັນປະທານຂອງ ທ່ານ ປະເດີມພອນ ສົນທະນີ ຮອງເລຂາພັກແຂວງ, ປະທານຄະນະກໍາມະການປົກຄອງແຂວງ ທັງເປັນຫົວໜ້າຄະນະຊີ້ນໍາການຈັດຕັ້ງປະຕິບັດ ວາລະແຫ່ງຊາດຂັ້ນແຂວງ, ມີພາກ​ສ່ວນ​ກ່ຽວ​ຂ້ອງເຂົ້າຮ່ວມ.
ກອງປະຊຸມສະໄໝສາມັນເທຶ່ອທີ2 ຂອງສະພາປະຊາຊົນແຂວງໄຊຍະບູລີຊຸດທີ V

ກອງປະຊຸມສະໄໝສາມັນເທຶ່ອທີ2 ຂອງສະພາປະຊາຊົນແຂວງໄຊຍະບູລີຊຸດທີ V

ກອງປະຊຸມສະໄໝສາມັນເທຶ່ອທີ 2 ຂອງສະພາປະຊາຊົນແຂວງໄຊຍະບູລີຊຸດທີ V ໄດ້ເປີດ​ຂຶ້ນ​ໃນວັນທີ 19 ພະຈິກ 2026 ທີ່ແຂວງໄຊ​ຍະ​ບູ​ລີ,ພາຍໃຕ້ການເປັນປະທານຂອງທ່ານເພັງນິລັນຄໍາພັນເພັງກໍາມະການສູນກາງພັກເລຂາພັກແຂວງປະທານສະພາປະຊາຊົນແຂວງໄຊຍະບູລີ,ມີທ່ານດວງຕາໄຊວຸດປະທານຄະນະກໍາມະການປົກຄອງແຂວງ, ມີບັນດາການນຳ, ສະມາຊິກສະພາແຫ່ງຊາດປະຈໍາເຂດເລືອກຕັ້ງທີ່7, ສະມາຊິກສະພາປະຊາຊົນແຂວງແລະພາກ​ສ່ວນ​ກ່ຽວ​ຂ້ອງເຂົ້າຮ່ວມ.
ເພີ່ມເຕີມ