ໂດຍປະຕິບັດຕາມຈິດໃຈຊີ້ນໍາຂອງສູນກາງພັກປະຊາຊົນປະຕິວັດລາວ, ພັກ-ລັດເຮົາ ໄດ້ຈັດຕັ້ງດໍາເນີນງານວາງສະແດງຮູບພາບ, ເອກະສານ, ປຶ້ມ ແລະ ວັດຖຸພັນ ພາຍໃຕ້ຫົວຂໍ້: “ຊີວິດ ແລະ ການເຄື່ອນໄຫວປະຕິວັດ ຂອງປະທານ ຄໍາໄຕ ສີພັນດອນ” ເນື່ອງໃນໂອກາດສະເຫຼີມສະຫຼອງວັນເກີດຂອງເພິ່ນຄົບຮອບ 100 ປີ (8/2/1924-8/2/2024) ຂຶ້ນທີ່ ຫໍພິພິທະພັນ ໄກສອນ ພົມວິຫານ ນະຄອນຫຼວງວຽງຈັນ ຊຶ່ງພິທີເປີດງານແມ່ນມີຂຶ້ນໃນຕອນເຊົ້າວັນທີ 7 ກຸມພາ ນີ້ ໂດຍການເຂົ້າຮ່ວມຕັດແຖບຜ້າເປີດງານດັ່ງກ່າວ ຂອງ ທ່ານ ບຸນທອງ ຈິດມະນີກໍາມະການກົມການເມືອງສູນກາງພັກຜູ້ປະຈໍາການຄະນະເລຂາທິການສູນກາງພັກຮອງປະທານປະເທດ ແຫ່ງ ສປປ ລາວ; ມີບັນດາທ່ານການນໍາຂັ້ນສູງ ພັກ-ລັດ, ອະດີດການນໍາຂັ້ນສູງພັກ-ລັດ, ພັນລະຍາຂອງ ປະທານ ຄໍາໄຕ ສີພັນດອນ ພ້ອມດ້ວຍລູກຫຼານ ແລະ ບັນດາທ່ານລັດຖະມົນຕີ, ຮອງລັດຖະມົນຕີ, ບັນດາແຂກທີ່ມີກຽດ ຖືກເຊີນເຂົ້າຮ່ວມ.
ໃນພິທີ, ທ່ານ ຄໍາພັນ ເຜີຍຍະວົງ ຄະນະເລຂາທິການສູນກາງພັກ ຫົວໜ້າຄະນະໂຄສະນາອົບຮົມສູນກາງພັກ ປະທານສະພາທິດສະດີສູນກາງພັກ ໄດ້ກ່າວເປີດພິທີວ່າ: ເພື່ອສ້າງຂະບວນການອັນຄຶກຄື້ນເນື່ອງໃນວັນເກີດຂອງ ປະທານ ຄໍາໄຕ ສີພັນດອນ ຄົບຮອບ 100 ປີ, ພວກເຮົາພ້ອມກັນຈັດງານວາງສະແດງຮູບພາບ, ເອກະສານ, ປຶ້ມ ແລະ ວັດຖຸພັນ ພາຍໃຕ້ຫົວຂໍ້ “ຊີວິດ ແລະ ການເຄື່ອນໄຫວປະຕິວັດ ຂອງປະທານ ຄໍາໄຕ ສີພັນດອນ” ເພື່ອລະນຶກເຖິງຄຸນງາມຄວາມດີ ແລະ ຜົນງານອັນໃຫຍ່ຫຼວງ ຂອງເພິ່ນທີ່ມີຕໍ່ປະເທດຊາດ ແນໃສ່ຮຽນຮູ້ ແລະ ນໍາເອົາແບບຢ່າງທີ່ດີຂອງເພິ່ນ ໝູນໃຊ້ເຂົ້າໃນການຈັດຕັ້ງ, ເຄື່ອນໄຫວ ແລະ ການດໍາລົງຊີວິດຂອງພະນັກງານ, ສະມາຊິກພັກ, ປະຊາຊົນ ແລະ ຊັ້ນຄົນຕ່າງໆ ເພື່ອສືບຕໍ່ພັດທະນາປະເທດຊາດ ກ້າວຂຶ້ນຕາມອຸດົມການຂອງພັກ ຢ່າງມີໄຊ. ງານວາງສະແດງໄດ້ແບ່ງອອກເປັນ 5 ພາກ ຄື: ພາກທີ 1: ບ້ານເກີດເມືອງນອນ, ໄລຍະເຍົາໄວ ແລະ ໄລຍະໄວໜຸ່ມຂອງປະທານ ຄໍາໄຕ ສີພັນດອນ (1924-1946). ພາກທີ 2: ເຂົ້າຮ່ວມຂະບວນການຕໍ່ສູ້ ເພື່ອຄວາມເປັນເອກະລາດ ແລະ ອິດສະຫຼະພາບ ຕ້ານກັບການຮຸກຮານ ຢຶດຄອງຂອງພວກລ່າເມືອງຂຶ້ນແບບເກົ່າ ແລະ ຂຸນເສິກຍີ່ປຸ່ນ (1947-1954). ພາກທີ 3: ປະທານ ຄໍາໄຕ ສີພັນດອນ ປະກອບສ່ວນນໍາພາການປະຕິວັດຊາດ ປະຊາທິປະໄຕ ໃນພາລະກິດຕໍ່ສູ້ ຕ້ານການຮຸກຮານຂອງຈັກກະພັດອາເມຣິກາ ແລະ ລູກມື (1955-1975). ພາກທີ 4: ປະທານ ຄໍາໄຕ ສີພັນດອນ ພ້ອມກັບສູນກາງພັກປະຊາຊົນປະຕິວັດລາວ ໄດ້ນໍາພາ-ຊີ້ນໍາ ພາລະກິດ ປົກປັກຮັກສາ ແລະ ສ້າງສາປະເທດຊາດ. ສືບຕໍ່ນໍາພາ ພາລະກິດປ່ຽນແປງໃໝ່ຮອບດ້ານ ມີຫຼັກການຂອງພັກ ຢ່າງມີໄຊຕະຫຼອດມາ (1976-ປັດຈຸບັນ). ພາກທີ 5: ປະທານ ຄໍາໄຕ ສີພັນດອນ ກັບວຽກງານການຕ່າງປະເທດ. ໃນຈໍານວນ 5 ພາກ ດັ່ງກ່າວປະກອບມີບັນດາຮູບພາບວາງສະແດງ 275 ແຜ່ນ, ເອກະສານ ຈໍານວນ 30 ສະບັບ ແລະ ວັດຖຸພັນ ຈໍານວນ 20 ລາຍການ.
ນອກນີ້, ໃນພິທີດັ່ງກ່າວ ທ່ານ ໄຊຍະລາດ ພົງຍາລັກ ຫົວໜ້າກົມ ພິພິທະພັນ ໄກສອນ ພົມວິຫານ ແລະ ອະນຸສອນສະຖານຜູ້ນຳປະຕິວັດ, ຫ້ອງວ່າການສູນກາງພັກ ໄດ້ກ່າວວ່າ: ງານດັ່ງກ່າວນີ້, ກໍເພື່ອໂຄສະນາເຜີຍແຜ່ຊີວິດ ແລະ ການເຄື່ອນໄຫວປະຕິວັດຂອງ ປະທານ ຄໍາໄຕ ສີພັນດອນ ທີ່ໄດ້ອຸທິດສະຕິປັນຍາ, ກໍາລັງວັງຊາປະກອບສ່ວນອັນໃຫຍ່ຫຼວງໃຫ້ແກ່ພາລະກິດປະຕິວັດຂອງພັກ, ຂອງປະຊາຊົນລາວບັນດາເຜົ່າໃນໄລຍະຜ່ານມາ ເພື່ອໃຫ້ມວນຊົນທັງພາຍໃນ ແລະ ຕ່າງປະເທດຮັບຮູ້ເຂົ້າໃຈຢ່າງກວ້າງຂວາງເລິກເຊິ່ງ. ພ້ອມດຽວກັນນີ້, ເພື່ອສ້າງເງື່ອນໄຂໃຫ້ພະນັກງານ ສະມາຊິກພັກ, ນັກຮົບ ແລະ ປະຊາຊົນເຮົາໄດ້ສຶກສາຮໍ່າຮຽນແບບຢ່າງອັນໃສແຈ້ງ, ຄຸນສົມບັດສິນທໍາປະຕິວັດ ແລະ ຄຸນງາມຄວາມດີຜົນງານອັນໃຫຍ່ຫຼວງ ແລະ ແບບຢ່າງທີ່ດີເລີດ ຂອງປະທານ ຄໍາໄຕ ສີພັນດອນ; ທັງເປັນການສຶກສາອົບຮົມທາງດ້ານການເມືອງແນວຄິດໃຫ້ພະນັກງານ, ສະມາຊິກພັກ, ທະຫານ, ຕໍາຫຼວດ, ນັກຮຽນຮູ້, ຕະຫຼອດເຖິງປະຊາຊົນລາວບັນດາເຜົ່າ, ແຂກພາຍໃນ ແລະ ຕ່າງປະເທດ ຮັບຮູ້ເຖິງຜົນງານການເຄື່ອນໄຫວຂອງປະທານ ຄໍາໄຕ ສີ ພັນດອນ ແລະ ຜູ້ນໍາພັກ-ລັດ ທ່ານອື່ນໆ.
ງານວາງສະແດງຮູບພາບ, ເອກະສານ, ປຶ້ມ ແລະ ວັດຖຸພັນ ພາຍໃຕ້ຫົວຂໍ້: “ຊີວິດ ແລະ ການເຄື່ອນໄຫວປະຕິວັດ ຂອງປະທານ ຄໍາໄຕ ສີພັນດອນ” ໄດ້ເລີ່ມເປີດໃຫ້ບັນດາທ່ານຜູ້ທີ່ມີຈຸດປະສົງເຂົ້າຊົມ ແມ່ນສາມາດເຂົ້າມາໄດ້ໃນວັນ ແລະ ເວລາ ລັດຖະການ ໂດຍງານຄັ້ງນີ້ຈັດຂຶ້ນເປັນເວລາ 3 ເດືອນ ນັບແຕ່ມື້ເປີດງານ ຊຶ່ງຄົນລາວເຮົາແມ່ນເຂົ້າຊົມໂດຍບໍ່ເສຍຄ່າ, ສ່ວນຄົນຕ່າງປະເທດ ແມ່ນໄດ້ຊື້ປີ້ເຂົ້າຊົມ ໃນລາຄາ 5.000 ກີບ.
(ຂ່າວ-ພາບ: ສຸກສະຫວັນ)
ໃນພິທີ, ທ່ານ ຄໍາພັນ ເຜີຍຍະວົງ ຄະນະເລຂາທິການສູນກາງພັກ ຫົວໜ້າຄະນະໂຄສະນາອົບຮົມສູນກາງພັກ ປະທານສະພາທິດສະດີສູນກາງພັກ ໄດ້ກ່າວເປີດພິທີວ່າ: ເພື່ອສ້າງຂະບວນການອັນຄຶກຄື້ນເນື່ອງໃນວັນເກີດຂອງ ປະທານ ຄໍາໄຕ ສີພັນດອນ ຄົບຮອບ 100 ປີ, ພວກເຮົາພ້ອມກັນຈັດງານວາງສະແດງຮູບພາບ, ເອກະສານ, ປຶ້ມ ແລະ ວັດຖຸພັນ ພາຍໃຕ້ຫົວຂໍ້ “ຊີວິດ ແລະ ການເຄື່ອນໄຫວປະຕິວັດ ຂອງປະທານ ຄໍາໄຕ ສີພັນດອນ” ເພື່ອລະນຶກເຖິງຄຸນງາມຄວາມດີ ແລະ ຜົນງານອັນໃຫຍ່ຫຼວງ ຂອງເພິ່ນທີ່ມີຕໍ່ປະເທດຊາດ ແນໃສ່ຮຽນຮູ້ ແລະ ນໍາເອົາແບບຢ່າງທີ່ດີຂອງເພິ່ນ ໝູນໃຊ້ເຂົ້າໃນການຈັດຕັ້ງ, ເຄື່ອນໄຫວ ແລະ ການດໍາລົງຊີວິດຂອງພະນັກງານ, ສະມາຊິກພັກ, ປະຊາຊົນ ແລະ ຊັ້ນຄົນຕ່າງໆ ເພື່ອສືບຕໍ່ພັດທະນາປະເທດຊາດ ກ້າວຂຶ້ນຕາມອຸດົມການຂອງພັກ ຢ່າງມີໄຊ. ງານວາງສະແດງໄດ້ແບ່ງອອກເປັນ 5 ພາກ ຄື: ພາກທີ 1: ບ້ານເກີດເມືອງນອນ, ໄລຍະເຍົາໄວ ແລະ ໄລຍະໄວໜຸ່ມຂອງປະທານ ຄໍາໄຕ ສີພັນດອນ (1924-1946). ພາກທີ 2: ເຂົ້າຮ່ວມຂະບວນການຕໍ່ສູ້ ເພື່ອຄວາມເປັນເອກະລາດ ແລະ ອິດສະຫຼະພາບ ຕ້ານກັບການຮຸກຮານ ຢຶດຄອງຂອງພວກລ່າເມືອງຂຶ້ນແບບເກົ່າ ແລະ ຂຸນເສິກຍີ່ປຸ່ນ (1947-1954). ພາກທີ 3: ປະທານ ຄໍາໄຕ ສີພັນດອນ ປະກອບສ່ວນນໍາພາການປະຕິວັດຊາດ ປະຊາທິປະໄຕ ໃນພາລະກິດຕໍ່ສູ້ ຕ້ານການຮຸກຮານຂອງຈັກກະພັດອາເມຣິກາ ແລະ ລູກມື (1955-1975). ພາກທີ 4: ປະທານ ຄໍາໄຕ ສີພັນດອນ ພ້ອມກັບສູນກາງພັກປະຊາຊົນປະຕິວັດລາວ ໄດ້ນໍາພາ-ຊີ້ນໍາ ພາລະກິດ ປົກປັກຮັກສາ ແລະ ສ້າງສາປະເທດຊາດ. ສືບຕໍ່ນໍາພາ ພາລະກິດປ່ຽນແປງໃໝ່ຮອບດ້ານ ມີຫຼັກການຂອງພັກ ຢ່າງມີໄຊຕະຫຼອດມາ (1976-ປັດຈຸບັນ). ພາກທີ 5: ປະທານ ຄໍາໄຕ ສີພັນດອນ ກັບວຽກງານການຕ່າງປະເທດ. ໃນຈໍານວນ 5 ພາກ ດັ່ງກ່າວປະກອບມີບັນດາຮູບພາບວາງສະແດງ 275 ແຜ່ນ, ເອກະສານ ຈໍານວນ 30 ສະບັບ ແລະ ວັດຖຸພັນ ຈໍານວນ 20 ລາຍການ.
ນອກນີ້, ໃນພິທີດັ່ງກ່າວ ທ່ານ ໄຊຍະລາດ ພົງຍາລັກ ຫົວໜ້າກົມ ພິພິທະພັນ ໄກສອນ ພົມວິຫານ ແລະ ອະນຸສອນສະຖານຜູ້ນຳປະຕິວັດ, ຫ້ອງວ່າການສູນກາງພັກ ໄດ້ກ່າວວ່າ: ງານດັ່ງກ່າວນີ້, ກໍເພື່ອໂຄສະນາເຜີຍແຜ່ຊີວິດ ແລະ ການເຄື່ອນໄຫວປະຕິວັດຂອງ ປະທານ ຄໍາໄຕ ສີພັນດອນ ທີ່ໄດ້ອຸທິດສະຕິປັນຍາ, ກໍາລັງວັງຊາປະກອບສ່ວນອັນໃຫຍ່ຫຼວງໃຫ້ແກ່ພາລະກິດປະຕິວັດຂອງພັກ, ຂອງປະຊາຊົນລາວບັນດາເຜົ່າໃນໄລຍະຜ່ານມາ ເພື່ອໃຫ້ມວນຊົນທັງພາຍໃນ ແລະ ຕ່າງປະເທດຮັບຮູ້ເຂົ້າໃຈຢ່າງກວ້າງຂວາງເລິກເຊິ່ງ. ພ້ອມດຽວກັນນີ້, ເພື່ອສ້າງເງື່ອນໄຂໃຫ້ພະນັກງານ ສະມາຊິກພັກ, ນັກຮົບ ແລະ ປະຊາຊົນເຮົາໄດ້ສຶກສາຮໍ່າຮຽນແບບຢ່າງອັນໃສແຈ້ງ, ຄຸນສົມບັດສິນທໍາປະຕິວັດ ແລະ ຄຸນງາມຄວາມດີຜົນງານອັນໃຫຍ່ຫຼວງ ແລະ ແບບຢ່າງທີ່ດີເລີດ ຂອງປະທານ ຄໍາໄຕ ສີພັນດອນ; ທັງເປັນການສຶກສາອົບຮົມທາງດ້ານການເມືອງແນວຄິດໃຫ້ພະນັກງານ, ສະມາຊິກພັກ, ທະຫານ, ຕໍາຫຼວດ, ນັກຮຽນຮູ້, ຕະຫຼອດເຖິງປະຊາຊົນລາວບັນດາເຜົ່າ, ແຂກພາຍໃນ ແລະ ຕ່າງປະເທດ ຮັບຮູ້ເຖິງຜົນງານການເຄື່ອນໄຫວຂອງປະທານ ຄໍາໄຕ ສີ ພັນດອນ ແລະ ຜູ້ນໍາພັກ-ລັດ ທ່ານອື່ນໆ.
ງານວາງສະແດງຮູບພາບ, ເອກະສານ, ປຶ້ມ ແລະ ວັດຖຸພັນ ພາຍໃຕ້ຫົວຂໍ້: “ຊີວິດ ແລະ ການເຄື່ອນໄຫວປະຕິວັດ ຂອງປະທານ ຄໍາໄຕ ສີພັນດອນ” ໄດ້ເລີ່ມເປີດໃຫ້ບັນດາທ່ານຜູ້ທີ່ມີຈຸດປະສົງເຂົ້າຊົມ ແມ່ນສາມາດເຂົ້າມາໄດ້ໃນວັນ ແລະ ເວລາ ລັດຖະການ ໂດຍງານຄັ້ງນີ້ຈັດຂຶ້ນເປັນເວລາ 3 ເດືອນ ນັບແຕ່ມື້ເປີດງານ ຊຶ່ງຄົນລາວເຮົາແມ່ນເຂົ້າຊົມໂດຍບໍ່ເສຍຄ່າ, ສ່ວນຄົນຕ່າງປະເທດ ແມ່ນໄດ້ຊື້ປີ້ເຂົ້າຊົມ ໃນລາຄາ 5.000 ກີບ.
(ຂ່າວ-ພາບ: ສຸກສະຫວັນ)
ຄໍາເຫັນ