ໄດ້ເຂົ້າຮ່ວມພິທີຕັກບາດຖວາຍສັງຄະທານ, ເພື່ອອຸທິດບຸນກຸສົນແດ່ທ່ານປະທານໄກສອນພົມວິຫານ, ແມ່ຍາດົກ ແລະປະຊາຊົນຊາວບ້ານນາເຊັງ, ພ້ອມເຂົ້າຮ່ວມພິທີມອບ-ຮັບໂຄງການກໍ່ສ້າງເສັ້ນທາງເບຕົງເສີມເຫຼັກ ແລະໂຄງການກໍ່ສ້າງສ້ອມແປງຊົນລະປະທານປະຕູນ້ຳ (ຝາປິດຊົນລະປະທານ) ບ້ານນາເຊັງ ນະຄອນໄກສອນພົມວິຫານ, ຊຶ່ງເປັນບ້ານເກີດຂອງທ່ານປະທານໄກສອນ ພົມວິຫານ.
ໂອກາດນີ້, ທ່ານ ສຸລີຍົງ ຖາວອນວົງ ນາຍບ້ານນາເຊັງໄດ້ລາຍງານໃຫ້ຮູ້ວ່າ: ບ້ານນາເຊັງເປັນບ້ານໜຶ່ງທີ່ຂຶ້ນກັບນະຄອນໄກສອນ ພົມວິຫານ ຫຼາຍເສັ້ນທາງພາຍໃນບ້ານມີຄວາມຫຍຸ້ງຍາກ. ດັ່ງນັ້ນ,ທາງເຖົ້າແກ່ແນວໂຮມ, ອໍານາດການປົກຄອງບ້ານ ພ້ອມເຈົ້າອະທິການວັດໄດ້ຄົ້ນຄວ້າ ແລະ ເຮັດໜັງສືສະເໜີຫານະຄອນ ແລະ ແຂວງ, ເພື່ອລົງສຳຫຼວດຄິດໄລ່, ສຶກສາຫາແຫຼ່ງທຶນມາພັດທະນາເສັ້ນທາງຊອຍເຂົ້າບ້ານໂດຍໃຊ້ວິທີລະດົມນຳພໍ່ແມ່ປະຊາຊົນ ແລະ ນັກທຸລະກິດເຂົ້າມາຊ່ວຍໃນການກໍ່ສ້າງ ຊຶ່ງໄດ້ແບ່ງການກໍ່ສ້າງອອກເປັນ 3 ໄລຍະຄື: ໄລຍະທີ 1 ແມ່ນອະນາໄມຂຸດຮື້ໜ້າທາງເກົ່າ, ປັບເກດ, ຖົມດິນແດງ ແລະ ໂລອັດແໜ້ນຊັ້ນຮອງພື້ນທາງ, ກໍ່ສ້າງທໍ່ລອດທາງ. ໄລຍະທີ 2 ຈົກຮ່ອງລະບາຍນໍ້າ, ວາງທໍ່ພີ 50-60 ແລະ ໄລຍະທີ 3 ແມ່ນເທເບຕົງຄວາມຍາວ 100 ແມັດ, ກວ້າງ 6 ແມັດ, ໜາ 15 ຊັງຕີແມັດ ລວມມູນຄ່າກໍ່ສ້າງທັງໝົດ 656 ລ້ານກວ່າກີບ.
ທ່ານຄຳພະຈັນ ຂັນທະພອນ ປະທານບໍລິສັດອຸດົມສຸກກໍ່ສ້າງຈຳກັດຜູ້ດຽວຜູ້ຮັບເໝົາໂຄງການກໍ່ສ້າງທາງເບຕົງເສີມເຫຼັກ ແລະ ໂຄງການສ້ອມແປງຊົນລະປະທານປະຕູນ້ຳຫ້ວຍສົ້ມປ່ອຍ ບ້ານນາເຊັງໃຫ້ຮູ້ວ່າ: ໂຄງການກໍ່ສ້າງທາງເບຕົງເສີມເຫຼັກແຕ່ແຍກທາງເລກ 9B ຫາ ບ້ານນາເຊັງ, ມີລວງຍາວ 1,100 ແມັດ, ຄວາມກວ້າງ 5 ແມັດ, ໜາ 15 ຊັງຕີແມັດ, ມີມູນຄ່າການກໍ່ສ້າງ 2.24 ຕື້ກວ່າກີບ, ຊຶ່ງເປັນງົບປະມານບ້ວງເງິນເກີນແຜນປີ 2023 ໄດ້ເລີ່ມຈັດຕັ້ງປະຕິບັດນັບແຕ່ເດືອນພຶດສະພາ 2024 ເປັນຕົ້ນມາ, ສ່ວນໂຄງການຟື້ນຟູ-ສ້ອມແປງຊົນລະປະທານປະຕູນ້ຳຫ້ວຍສົ້ມປ່ອຍ ບ້ານນາເຊັງ ທີ່ນຳໃຊ້ງົບປະມານບ້ວງເງິນເກີນແຜນຂອງແຂວງປີ 2023 ໃນມູນຄ່າ 750 ລ້ານກວ່າກີບ, ໂດຍເລີ່ມປະຕິບັດໂຄງການແຕ່ເດືອນກັນຍາ 2024 ມາຮອດປັດຈຸບັນ ທັງສອງໂຄງການດັ່ງກ່າວ ແມ່ນໄດ້ສໍາເລັດ 100%.
ໂອກາດນີ້, ທ່ານ ບຸນໂຈມ ອຸບົນປະເສີດ ໄດ້ໃຫ້ກຽດຕັດແຖບຜ້າ ແລະ ລັ່ນຄ້ອງເພື່ອເປີດການນໍາໃຊ້ເສັ້ນທາງເບຕົງ ແລະ ປະຕູລະບາຍນ້ຳຫ້ວຍສົມປ່ອຍບ້ານນາເຊັງຢ່າງເປັນທາງການ.
(ແຫຼ່ງຂ່າງ: ແຂວງສະຫວັນນະເຂດ)
ຄໍາເຫັນ