flag

ຂ່າວການຮ່ວມມື

ເປີດນຳໃຊ້ຫ້ອງການສະພາການຄ້າຊາວຈີນຕ່າງດ້າວ ປະຈຳລາວ

ເປີດນຳໃຊ້ຫ້ອງການສະພາການຄ້າຊາວຈີນຕ່າງດ້າວ ປະຈຳລາວ ຫຼັງໃໝ່

ເປີດນຳໃຊ້ຫ້ອງການສະພາການຄ້າຊາວຈີນຕ່າງດ້າວ ປະຈຳລາວ ຫຼັງໃໝ່
ພິທີເປີດນຳໃຊ້ຫ້ອງການສະພາການຄ້າຊາວຈີນຕ່າງດ້າວ ປະຈຳລາວ ຫຼັງໃໝ່ ໄດ້ຈັດຂຶ້ນໃນວັນທີ 24 ມັງກອນຜ່ານມາທີ່ນະຄອນຫຼວງວຽງຈັນ ໂດຍມີ ທ່ານ ນາງ ຟາງຫົງ ເອກອັກຄະລັດຖະທູດ ສປ ຈີນ ປະຈໍາລາວ,

 

 ທ່ານ ຢາວປິ່ງ ປະທານສະພາການຄ້າຊາວຈີນຕ່າງດ້າວແລະ ພາກສ່ວນກ່ຽວຂ້ອງເຂົ້າຮ່ວມ.

ທ່ານ ຢາວປິ່ງ ໄດ້ໃຫ້ຮູ້ວ່າ: ການເປີດຫ້ອງການໃໝ່ໃນຄັ້ງນີ້, ຈະເພີ່ມປະສິດທິພາບການບໍລິການ, ສະໜອງການສະໜັບສະໜູນ ແລະ ການຊ່ວຍເຫຼືອຂອງສະມາຊິກຫຼາຍຂຶ້ນ, ທັງເປັນການສົ່ງເສີມວຽກງານ ກອງປະຊຸມໄປສູ່ລະດັບໃໝ່, ມີສະພາບແວດລ້ອມໃໝ່, ບັນຍາກາດໃໝ່. ຜົນສຳເລັດຂອງການສ້າງຫ້ອງການໃໝ່ ແມ່ນມີຄວາມສຳຄັນເພາະປີ 2025 ເປັນປີຄົບຮອບ 10 ປີ ຂອງການສ້າງຕັ້ງສະພາການຄ້າຊາວຈີນຕ່າງດ້າວປະຈຳ ສປປ ລາວ. ໃນຕໍ່ໜ້າສະພາການຄ້າຊາວຈີນຕ່າງດ້າວ ປະຈຳລາວ ຈະສືບຕໍ່ຢຶດໝັ້ນແນວຄິດ "ຮັບໃຊ້ປະຊາຄົມຊາວຈີນຢູ່ຕ່າງປະເທດ ແລະ ຊຸກຍູ້ການພັດທະນາ", ອີງຕາມສະພາບການລວມຂອງການຮ່ວມມືຈີນ-ລາວ ໂດຍອີງຕາມຂໍ້ລິເລີ່ມ "ໜຶ່ງແລວໜຶ່ງເສັ້ນທາງ" ແລະ ປະກອບສ່ວນເພີ່ມພູນຄູນສ້າງກຳລັງແຮງ ເພື່ອຊຸກຍູ້ການພັດທະນາເສດຖະກິດການຄ້າ, ການແລກປ່ຽນວັດທະນະທຳ ລະຫວ່າງສອງປະເທດ ໃຫ້ໄດ້ຮັບການພັດທະນາດີຂຶ້ນ.

ໂອກາດນີ້, ທ່ານ ນາງ ຟາງຫົງ ໄດ້ກ່າວວ່າ: ນັບແຕ່ສະພາການຄ້າຊາວຈີນຕ່າງດ້າວ ປະຈຳລາວ ໄດ້ຮັບການສ້າງຕັ້ງ 10 ປີມານີ້, ໄດ້ຕັ້ງໜ້າເຂົ້າຮ່ວມວຽກງານ ສາທາລະນະປະໂຫຍດຂອງສັງຄົມ ແລະ ໄດ້ຈັດກິດຈະກໍາຕ່າງໆ, ໄດ້ເສີມຂະຫຍາຍບົດບາດສໍາຄັນເຂົ້າໃນການເພີ່ມທະວີຄວາມຜາສຸກ ໃຫ້ແກ່ຊາວຈີນຕ່າງດ້າວທີ່ປະຈໍາຢູ່ລາວ ແລະ ສົ່ງເສີມວັດທະນະທໍາຈີນ ຊຸກຍູ້ການແລກປ່ຽນລະຫວ່າງປະຊາຊົນຈີນ-ລາວ ເປັນຂົວຕໍ່ທີ່ສໍາຄັນໃນການຊຸກຍູ້ ການສ້າງປະຊາຄົມຄູ່ຮ່ວມຊາຕາກໍາຈີນ-ລາວ ຫວັງວ່າພາຍໃຕ້ໂອກາດໃໝ່ ແລະ ສະຖານະການໃໝ່ ສະພາການຄ້າຊາວຈີນຕ່າງດ້າວ ປະຈຳລາວ ຈະສືບຕໍ່ຊຸກຍູ້ການສ້າງປະຊາຄົມ ຄູ່ຮ່ວມຊາຕາກໍາລາວ-ຈີນທີ່ມີມາດຕະຖານສູງ, ຄຸນນະພາບສູງ ແລະ ລະດັບສູງຂຶ້ນກວ່າເກົ່າ.

(ຂ່າວ-ພາບ: ກິດຕາ ຂປລ)

ຄໍາເຫັນ

ຂ່າວການຮ່ວມມື

ພັກປະຊາຊົນ ປະຕິວັດລາວ ຮັດແໜ້ນການຮ່ວມມືກັບພັກກອມມູນິດສະຫະພັນຣັດເຊຍ

ພັກປະຊາຊົນ ປະຕິວັດລາວ ຮັດແໜ້ນການຮ່ວມມືກັບພັກກອມມູນິດສະຫະພັນຣັດເຊຍ

ໃນໂອກາດເດີນທາງມາເຄື່ອນໄຫວວຽກງານທີ່ ສ ຣັດເຊຍ, ໃນວັນທີ 24 ມິຖຸນາ ຜ່ານມານີ້ ທີ່ນະຄອນຫຼວງມົສກູ, ສະຫາຍ ບຸນເຫຼືອ ພັນດານຸວົງ ກຳມະການສູນກາງພັກ ຫົວໜ້າຄະນະພົວພັນຕ່າງປະເທດສູນກາງພັກໄດ້ນຳພາຄະນະຜູ້ແທນພັກ ປປ ລາວ ເຂົ້າພົບປະເຮັດວຽກກັບ ສະຫາຍ ດິມິຕຣີ ໂນວິກົບ (Dmitry Novikov) ຮອງປະທານພັກກອມມູນິດສະຫະພັນຣັດເຊຍ ຮອງປະທານກຳມາທິການຕ່າງປະເທດຂອງສະພາດູມາແຫ່ງ ສ ຣັດເຊຍ.
ຮອງຫົວໜ້າຄະນະພົວພັນຕ່າງປະເທດສູນກາງພັກ ເຂົ້າຢ້ຽມຂໍ່ານັບການນຳຂັ້ນສູງຂອງ ພັກປະຊາຊົນມົງໂກລີ

ຮອງຫົວໜ້າຄະນະພົວພັນຕ່າງປະເທດສູນກາງພັກ ເຂົ້າຢ້ຽມຂໍ່ານັບການນຳຂັ້ນສູງຂອງ ພັກປະຊາຊົນມົງໂກລີ

ໃນວັນທີ 26 ມິຖຸນາຜ່ານມານີ້, ສະຫາຍ ວາລະໄຊ ເລັ່ງສະຫວັດ ກຳມະການສໍາຮອງສູນກາງພັກ ຮອງຫົວໜ້າຄະນະພົວພັນຕ່າງປະເທດສູນກາງພັກ ໄດ້ນຳພາຄະນະເຂົ້າຢ້ຽມຂໍ່ານັບ ສະຫາຍ ຢັງກຸກ ຊອດບາທາຣ (Yangug Sodbaatar) ເລຂາທິການໃຫຍ່ພັກປະຊາຊົນມົງໂກລີ (Mongolian People’s Party), ໃນໂອກາດເຂົ້າຮ່ວມກອງປະຊຸມຄະນະປະຈໍາ ຂອງອົງການກອງປະຊຸມສາກົນຂອງບັນດາພັກການເມືອງໃນອາຊີ ຄັ້ງທີ 45(The 45th Meeting ofthe ICAPP Standing Committee) ທີ່ນະຄອນຫຼວງອູລານບາຕໍ ປະເທດມົງໂກລີ.
ສານປະຊາຊົນ ອັດຕະປື​-​ກວາງຫງາຍ ເພີ່ມທະວີການຮ່ວມມື ປ້ອງກັນ-ຕ້ານອາຊະຍາກຳຂ້າມຊາຍແດນ

ສານປະຊາຊົນ ອັດຕະປື​-​ກວາງຫງາຍ ເພີ່ມທະວີການຮ່ວມມື ປ້ອງກັນ-ຕ້ານອາຊະຍາກຳຂ້າມຊາຍແດນ

ພິທີເຊັນບົດບັນທຶກຊ່ວຍຈໍາ ດ້ານວິຊາສະເພາະກ່ຽວກັບການຊ່ວຍເຫຼືອດ້ານຍຸຕິທຳ ການປ້ອງກັນ ແລະ ຕ້ານອາຊະຍາກຳຂ້າມຊາຍແດນ ລະຫວ່າງ ສານປະຊາຊົນ ແຂວງອັດຕະປື ສປປ​ ລາວ ແລະ ສານປະຊາ ຊົນ ແຂວງກວາງຫງາຍ ສສ​ ຫວຽດນາມ​ ຈັດຂຶ້ນໃນວັນທີ 26 ມິຖຸນາຜ່ານມາ, ທີ່ຫ້ອງປະຊຸມໃຫຍ່ແຂວງອັດຕະປື, ຮ່ວມລົງນາມ ໂດຍສະຫາຍ ຄໍາຫຼ້າ ແກ້ວວັນສອນ ກຳມະການພັກແຂວງ, ເລຂາໜ່ວຍພັກ, ຜູ້ພິ ພາກສາຊັ້ນ 3, ປະທານສານປະຊາຊົນແຂວງອັດຕະປື; ຝ່າຍແຂວງກວາງຫງາຍ ໂດຍສະຫາຍ ເລືອງ ວັນຮຸ່ງ ຮອງເລຂາຄະນະພັກ, ຜູ້ພິພາກສາສານປະຊາຊົນຂັ້ນ 2, ຮອງປະທານສານປະຊາຊົນແຂວງກວາງຫງາຍ, ພ້ອມດ້ວຍພາກສ່ວນກ່ຽວຂ້ອງທັງສອງຝາຍເຂົ້າຮ່ວມ.
ສໍາເລັດຝຶກອົບຮົມການນໍາໃຊ້ເຄື່ອງມືປັນຍາປະດິດຫຼາຍຮູບແບບ

ສໍາເລັດຝຶກອົບຮົມການນໍາໃຊ້ເຄື່ອງມືປັນຍາປະດິດຫຼາຍຮູບແບບ

ສື່ມວນຊົນລາວ ຈໍານວນ 40 ຄົນ ສໍາເລັດຊຸດຝຶກອົບຮົມ “ທັກສະການນໍາໃຊ້ເຄື່ອງມືປັນຍາປະດິດໃນສື່ມວນຊົນຫຼາຍຮູບແບບ ຫຼາຍຊ່ອງທາງ” ແລະ “ທັກສະການຜະລິດລາຍການ, ຂ່າວ, ບົດຂ່າວ, ຜ່ານໂທລະສັບມືຖື”, ພາຍຫຼັງໄດ້ດໍາເນີນມາເປັນເວລາ 5 ວັນ ແຕ່ວັນທີ 22-26 ມິຖຸນານີ້ ທີ່ໂຮງແຮມເມືອງແທ໋ງ ນະຄອນຫຼວງວຽງຈັນ.
ຄະນະຊາວໜຸ່ມອາສາສະໝັກລະດູແລ້ງສີຂຽວ ນະຄອນໂຮ່ຈິມິນ ຈັດກິດຈະກຳຢູ່ເມືອງຊະນະສົມບູນ

ຄະນະຊາວໜຸ່ມອາສາສະໝັກລະດູແລ້ງສີຂຽວ ນະຄອນໂຮ່ຈິມິນ ຈັດກິດຈະກຳຢູ່ເມືອງຊະນະສົມບູນ

ຄະນະຊາວໜຸ່ມອາສາສະໝັກລະດູແລ້ງສີຂຽວ ພ້ອມດ້ວຍຄະນະແພດໝໍຊາວໜຸ່ມ ນະຄອນໂຮ່ຈິມິນ ສສ ຫວຽດນາມ ເຄື່ອນໄຫວຈັດກິດຈະກຳກວດສຸຂະພາບ ແລະ ຈ່າຍຢາໂດຍບໍ່ເສຍຄ່າໃຫ້ປະຊາຊົນ ຢູ່ເມືອງຊະນະສົມບູນ ແຂວງຈຳປາສັກ ຄື: ບ້ານຄຳແປງ, ບ້ານໜອງແຄນ ແລະ ບ້ານຄຳຫຼວງ ໃນວັນທີ 21 ມິຖຸນາ ຜ່ານມາ, ທີ່ໂຮງຮຽນມັດທະຍົມຕອນຕົ້ນໜອງແຄນ ໂດຍມີທ່ານ ສຸລິຍາ ແກ້ວພິລາວົງ ຮອງເລຂາຄະນະບໍລິຫານງານສູນກາງຊາວໜຸ່ມ ປະຊາຊົນປະຕິວັດລາວ, ປະທານສະຫະພັນຊາວໜຸ່ມລາວ, ມີທ່ານ ຄຳສີ ຫຼິນສະຫວາດ ເລຂາຄະນະບໍລິຫານງານພັກເມືອງຊະນະສົມບູນ, ທ່ານ ສຸວັນນະລາດ ສີຫານົນ ເລຂາຄະນະບໍລິຫານງານຊາວໜຸ່ມແຂວງຈຳປາສັກ, ທ່ານ ເຈິ່ນ ທັນ ຫ໊າຍ ກຳມະການຄະນະບໍລິຫານງານຊາວໜຸ່ມ, ຮອງຫົວໜ້າທີມງານຊາວໜຸ່ມອາສາສະໝັກລະດູແລ້ງສີຂຽວ ນະຄອນໂຮ່ຈິມິນ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ລາວ-ກຳປູເຈຍ ເປີດຂະບວນການສົ່ງອອກ, ສົ່ງຜ່ານພືດ ແລະ ຜະລິດຕະພັນພືດ

ລາວ-ກຳປູເຈຍ ເປີດຂະບວນການສົ່ງອອກ, ສົ່ງຜ່ານພືດ ແລະ ຜະລິດຕະພັນພືດ

ພິທີເປີດຂະບວນການສົ່ງອອກ, ສົ່ງຜ່ານພືດ ແລະ ຜະລິດຕະພັນພືດ ລະຫວ່າງ ສປປ ລາວ ແລະ ຣາຊະອານາຈັກກຳປູເຈຍ ໄດ້ຈັດຂຶ້ນໃນ ວັນທີ 22 ມິຖຸນານີ້ ທີ່ ທ່າບົກທ່ານາແລ້ງ ນະຄອນຫຼວງວຽງຈັນ, ໂດຍໃຫ້ກຽດເຂົ້າຮ່ວມຂອງ ທ່ານ ລິນຄຳ ດວງສະຫວັນ ລັດຖະມົນຕີກະຊວງກະສິກຳ ແລະ ສິ່ງແວດລ້ອມ, ທ່ານ ດິດ ທິນາ ລັດຖະມົນຕີກະຊວງກະສິກໍາ, ປ່າໄມ້ ແລະ ການປະມົງ ແຫ່ງ ຣາຊະອານາຈັກ ກໍາປູເຈຍ ພ້ອມດ້ວຍພາກສ່ວນທີ່ກ່ຽວຂ້ອງທັງສອງຝ່າຍເຂົ້າຮ່ວມ.
ມອບຜູ້ຖືກຫາແກ້ງສະແກມເມີ ໃຫ້ທາງການຈີນ

ມອບຜູ້ຖືກຫາແກ້ງສະແກມເມີ ໃຫ້ທາງການຈີນ

ໃນວັນທີ 18 ມິຖຸນາຜ່ານມາ, ທີ່ດ່ານສາກົນບໍ່ເຕ່ນ ສປປ ລາວ - ບໍ່ຫ່ານ ສປ ຈີນ ໄດ້ມີພິທີມອບ-ຮັບຜູ້ຖືກຫາສັນຊາດຈີນ ທີ່ກະທຳຜິດກົດໝາຍຂອງ ສປປລາວ ຈຳນວນ 145 ຄົນ ລະຫວ່າງ ກອງບັນຊາການປ້ອງກັນຄວາມສະຫງົບ (ປກສ) ແຂວງບໍ່ແກ້ວ ສປປ ລາວ ແລະ ເຈົ້າໜ້າທີ່ວິຊາສະເພາະ ຈາກ ສປ ຈີນ ເພື່ອນໍາຕົວໄປດໍາເນີນຄະດີຢູ່ ສປ ຈີນ.
ຄະນະສື່ມວນຊົນລາວຮັດແໜ້ນສາຍພົວພັນການຮ່ວມມືກັບອົສຕຣາລີ

ຄະນະສື່ມວນຊົນລາວຮັດແໜ້ນສາຍພົວພັນການຮ່ວມມືກັບອົສຕຣາລີ

ເມື່ອບໍ່ດົນມານີ້, ຄະນະຜູ້ແທນສື່ມວນຊົນຈາກ ສປປ ລາວ ເດີນທາງຢ້ຽມຢາມປະເທດອົສຕຣາລີ ຕາມຄໍາເຊີນຂອງກະຊວງການຕ່າງປະເທດ ແລະ ການຄ້າອົສຕຣາລີ (DFAT). ການຢ້ຽມຢາມຄັ້ງນີ້ແມ່ນເປັນໂອກາດດີໃຫ້ຜູ້ນໍາສື່ມວນຊົນລາວໄດ້ພົບປະກັບພະນັກງານຂັ້ນສູງຂອງລັດຖະບານອົສຕຣາລີ ແລະ ໄປຢ້ຽມຢາມອົງກອນສື່ມວນຊົນຊັ້ນນໍາຂອງອົສຕຣາລີນຳອີກ.
ລາວ-ຟີລິບປິນ ສືບຕໍ່ຮັດແໜ້ນ ແລະ ເສີມຂະຫຍາຍການຮ່ວມມືຂະແໜງກະສິກຳ

ລາວ-ຟີລິບປິນ ສືບຕໍ່ຮັດແໜ້ນ ແລະ ເສີມຂະຫຍາຍການຮ່ວມມືຂະແໜງກະສິກຳ

ກອງປະຊຸມພົບປະສອງຝ່າຍ ລະຫວ່າງ ກະຊວງກະສິກຳ ແລະ ສິ່ງແວດລ້ອມ ສປປ ລາວ ແລະ ກະຊວງກະສິກໍາ ແຫ່ງ ສາທາລະນະລັດ ຟິລິບປິນ ໄດ້ຈັດຂຶ້ນໃນ 22 ມິຖຸນາ ນີ້ ທີ່ນະຄອນຫຼວງວຽງຈັນ, ຝ່າຍລາວ ນຳໂດນ ທ່ານ ລິນຄຳ ດວງສະຫວັນ ລັດຖະມົນຕີກະຊວງກະສິກໍາ ແລະ ສິ່ງແວດລ້ອມ ສປປ ລາວ ພ້ອມຄະນະ, ຝ່າຍຟີລິບປິນ ນຳໂດຍ ທ່ານ ຟຣານຊິດສະໂກ ຕີວລໍເຣວ ລັດຖະມົນຕີກະຊວງກະສິກຳ ແຫ່ງ ສາທາລະນະລັດ ຟີລິບປິນ ພ້ອມດ້ວຍຄະະນະ.
ກອງປະຊຸມຄະນະກຳມະການທີ່ປຶກສາອາຊຽນວິທະຍາສາດເຕັກໂນໂລຊີ ແລະ ນະວັດຕະກຳ ຄັ້ງທີ 20

ກອງປະຊຸມຄະນະກຳມະການທີ່ປຶກສາອາຊຽນວິທະຍາສາດເຕັກໂນໂລຊີ ແລະ ນະວັດຕະກຳ ຄັ້ງທີ 20

ກອງປະຊຸມຄະນະກຳມະການທີ່ປຶກສາອາຊຽນ ກ່ຽວກັບວິທະຍາສາດ, ເຕັກໂນໂລຊີ ແລະ ນະວັດຕະກຳ ຄັ້ງທີ 20 (The 20th Meeting of the Board of Advisory Council) ຫຼື BAC-20 ໄດ້ຈັດຂຶ້ນຢ່າງເປັນທາງການ ໃນວັນທີ 22 ມິຖຸນາ ນີ້ ທີ່ໂຮງແຮມຄຣາວພລາຊາ ນະຄອນຫຼວງວຽງຈັນ, ພາຍໃຕ້ການນຳພາຮ່ວມຂອງ ທ່ານ ໄຄຣູນ ຣີຊັນ (Dr. Khairul Rizal) ຫົວໜ້າອົງການວິໄຈ ແລະ ນະວັດຕະກຳແຫ່ງຊາດ ປະເທດອິນໂດເນເຊຍ ທັງເປັນປະທານຄະນະກຳມະການ BAC ແລະ ທ່ານ ກຽງໄກ ອຸ່ນມະນີ ຮອງຜູ້ອຳນວຍການສູນການສຶກສາເພື່ອພັດທະນາຊຸມຊົນຂົງເຂດຕາເວັນອອກສ່ຽງໃຕ້ ຫຼື ຊີເມວ ກະຊວງສຶກສາທິການ ແລະ ກິລາ ສປປ ລາວ ຊຶ່ງມີຜູ້ຕາງໜ້າຈາກບັນດາປະເທດສະມາຊິກອາຊຽນ (AMS) ແລະ ພາກສ່ວນກ່ຽວຂ້ອງເຂົ້າຮ່ວມ.
ເພີ່ມເຕີມ

ຂ່າວ​ລ່າ​ສຸດ

EPaper