ພັກ​ເຮົາສົ່ງ​ເສີມ​ພາກ​ທຸ​ລະ​ກິດໃຫ້​ເປັນສ່ວນໜຶ່ງໃນການພັດທະນປະເທດ

ແລະອິດສະຫຼະພາບແຫ່ງຊາດໄວ້ໃຫ້ໝັ້ນຄົງ.

ເນື່ອງໂອກາດວັນສ້າງຕັ້ງພັກປະຊາຊົນປະຕິວັດລາວຄົບຮອບ 70 ປີ(22 ມີ 1955-22 ມີນາ 2025), ທ່ານ ນາງ ເພັງວັນບຸນທາວົງ ປະທານບໍລິສັດມາຢູ່ລວຍອັງສັງຫາລິມາຊັບຈຳກັດຜູ້ດຽວໄດ້ສະແດງຄວາມຮູ້ສຶກຕໍ່ວັນດັ່ງກ່າວວ່າ: ຂ້າພະເຈົ້າຮູ້ສຶກເອກອ້າງທະນົງໃຈແລະ ພາກພູມໃຈທີ່ສຸດຕໍ່ພັກປະຊາຊົນປະຕິວັດລາວ, ຕະຫຼອດໄລຍະ70 ປີຜ່ານມາ, ພັກໄດ້ນໍາພາການປະຕິວັດຢ່າງດຸເດືອດຂ້ຽວຂາດ,ນັກຮົບປະຕິວັດ,ກໍາລັງປະກອບອາວຸດ ແລະ ປະຊາຊົນລາວບັນດາເຜົ່າ ແຕ່ເໜືອຮອດໃຕ້ ໄດ້ຕໍ່ສູ້ກັບສັດຕູໂຕຮ້າຍກາດ, ເສຍສະຫຼະຈົນເລືອດອາບທາແຜ່ນດິນ,ສູນເສຍຊີວິດບໍ່ຈັກວ່າທໍ່ໃດ ຈຶ່ງສາມາດປົດປ່ອຍປະເທດຊາດໄດ້ເຮັດໃຫ້ຊາວໂລກຕ້ອງຕົກຕະລຶງ ຂອງຄວາມປີຊາສາມາດສະຫຼາດສ່ອງໃສ,ຄວາມພິລາດອາດຫານຂອງພັກເຮົາ ຈາກປະເທດນ້ອຍໆ ກໍາລັງກະບໍ່ຫຼາຍ,ອາວຸດຍຸດໂທປະກອນຫຼ້າສະໄໝ ແຕ່ຕີເອົາຊະນະສັດຕູ ຜູ້ຮຸກຮານ ພ້ອມດ້ວຍລູກມືຂອງພວກເຂົາໄດ້ຮັບຜົນສໍາເລັດ ຊຶ່ງເປັນຂີດໝາຍທາງປະຫວັດສາດທີ່ຊາວໂລກໄດ້ຈາລຶກ.

ພາຍຫຼັງປະເທດຊາດໄດ້ຮັບການປົດປ່ອຍ,ພັກເຮົາໄດ້ວາງຍຸດທະສາດໃນການປົກປັກຮັກສາ-ສ້າງສາປະເທດຊາດ ກ່ອນອື່ນໝົດແມ່ນໄດ້ ຟື້ນຟູຮໍາບາດແຜ່ສົງຄາມ,ປັບປຸງຊີວິດການເປັນຢູ່ຂອງປະຊາຊົນ ຈາກພື້ນຖານເສດຖະກິດຂອງປະເທດຫຼ້າຫຼັງ; ພັກເຮົາຈຶ່ງວາງແນວທາງໃນການປະຕິຮູບເສດຖະກິດຈາກການບໍລິຫານແບບເກື້ອກູນໄປສູ່ກົນໄກເສດຖະກິດແບບໃໝ່ ເປັນຂີດໝາຍໃໝ່ທີ່ສ່ອງແສງໃຫ້ເຫັນເຖິງບາດກ້າວຂະຫຍາຍຕົວຂອງເສດຖະກິດ-ສັງຄົມຂອງປະເທດເຮົາ.

ດ້ວຍແນວທາງການເມືອງທີ່ຖືກຕ້ອງ ດ້ວຍວິໃສທັດ ແລະ ການນໍາພາທີ່ສະຫຼາດສ່ອງໃສດ້ວຍມານະຈິດປະຕິວັດທີ່ສູງສົ່ງ, ໜຽວແໜ້ນ ແລະ ສຸດກົກສຸດປາຍຂອງພັກເຮົາ ບົນພື້ນຖານຖືເອົາຜົນປະໂຫຍດ ຂອງຊາດ ແລະ ຂອງປະຊາຊົນເປັນທີ່ຕັ້ງນັ້ນ, ພັກເຮົາໄດ້ເອົາໃຈໃສ່ຊຸກຍູ້ສົ່ງເສີມເສດຖະກິດໄປຕາມກົນໄກຕະຫຼາດ ຈຶ່ງເຮັດໃຫ້ທຸລະກິດຂອງຫຼາຍພາກສ່ວນ ໂດຍສະເພາະທຸລະກິດຂອງເອກະຊົນຂະຫຍາຍຕົວຢ່າງຕໍ່ເນື່ອງ.

ຂ້າພະເຈົ້າໃນນາມເປັນນັກທຸກລະກິດໝຸ່ມຄົນໜຶ່ງ ຂໍຂອບໃຈມາຍັງການນຳພັກ-ລັດທີ່ຊີ້ນຳ-ນຳພາ ແລະເປີດໂອກາດໃຫ້ບັນດານັກທຸລະກິດລາວ, ຕະຫຼອດຮອດປະຊາຊົນ, ພໍ່ຄ້າຊາວຂາຍໄດ້ທຳມາຫາຄ້າຂາຍດ້ວຍຄວາມສຸຈະລິດໃສສະອາດເພິ່ງຕົວເອງກຸ້ມຕົວແລະສ້າງຄວາມເຂັ້ມແຂງດ້ວຍຕົນເອງແລະຂໍອວຍພອນໄຊອັນປະເສີດມາຍັງການນຳພັກ-ລັດທຸກຂັ້ນຈົ່ງມີສຸຂະພາບແຂງແຮງ, ມີຄວາມສຸກສ່ວນຕົວແລະຄອບຄົວສືບຕໍ່ຊີ້ນຳ-ນຳພາ ປະເທດຊາດມີການພັດທະນາ, ຄວາມມັ່ງຄັ່ງເຂັ້ມແຂງຕະຫຼອດໄປ.