ພົ້ນທະເລທີ່ອາໄສຢູ່ປະເທດລາວໃນນາມຜູ້ອາວຸໂສຂອງຊາວຈີນ,70 ປີຜ່ານມາ ພັກປະຊາຊົນປະຕິວັດລາວຊຶ່ງເປັນຕົວແທນຂອງປະຊາຊົນລາວໄດ້ນໍາພາປວງຊົນລາວທັງຊາດເດີນຕາມເສັ້ນທາງສັງຄົມນິຍົມອັນຖືກຕ້ອງ. ພາຍໃຕ້ການນໍາພາອັນສະຫຼາດສ່ອງໃສຂອງພັກປະຊາຊົນປະຕິວັດລາວໄດ້ນໍາພາໃຫ້ປະເທດຊາດມີຄວາມໝັ້ນຄົງ ພັກໄດ້ຊີ້ນໍາ-ນໍາພາປະເທດຊາດກ້າວເຂົ້າສູ່ຄວາມຈະເລີນຮັ່ງມີ ອຸດົມສົມບູນເປັນກ້າວໆ. ບົດບາດການເມືອງໃນເວທີສາກົນນັບມື້ນັບສູງເດັ່ນຂຶ້ນ, ຊີວິດການເປັນຢູ່ຂອງປະຊາຊົນດີຂຶ້ນ, ມີຄວາມສະຫງົບສຸກສັງຄົມມີຄວາມເປັນລະບຽບຮຽບຮ້ອຍ, ເສດຖະກິດເຕີບໃຫຍ່ຂະຫຍາຍຕົວເປັນກ້າວໆ, ປວງຊົນລາວທັງຊາດມີຄວາມສາມັກຄີຮັກແພງຊ່ວຍເຫຼືອຊຶ່ງກັນ ແລະ ກັນພ້ອມກັນສ້າງປະເທດຊາດຈາກປະເທດກະສິກຳກ້າວເຂົ້າສູ່ປະເທດອຸດສາຫະກຳ ແລະ ທັນສະໄໝເທື່ອລະກ້າວ.
ພັກປະຊາຊົນປະຕິວັດລາວໄດ້ນໍາພາປະຊາຊົນລາວຜ່ານຜ່າສິ່ງທ້າທາຍ ແລະ ຄວາມຫຍຸ້ງຍາກອຸປະສັກນາໆປະການ, ຕໍ່ສູ້ ແລະ ນໍາພາຢ່າງລະອິດລະອ້ຽວໃນການສ້າງສາປະເທດຊາດໃຫ້ຈະເລີນຮຸ່ງເຮືອງຕະຫຼອດ 70 ປີຜ່ານມາ ຈົນມາເຖິງປັດຈຸບັນ ສົມເປັນພັກທີ່ອົງອາດກ້າຫານ ແລະ ມີກຽດຢ່າງສະຫງ່າຜ່າເຜີຍ ແລະ ຍິ່ງໃຫຍ່.ລາວ-ຈີນມີດິນແດນ, ພູຜາປ່າດົງ, ນໍ້າຂອງຕິດຈອດກັນ. ພີ່ນ້ອງສອງຊາດລາວ-ຈີນໄດ້ໄປມາຫາສູ່ກັນເປັນເວລາຫຼາຍເຊັ່ນຄົນ. ການພົວພັນລາວ-ຈີນໄດ້ຮັບການຂະຫຍາຍຕົວຢ່າງບໍ່ຢຸດຢັ້ງ, ການນໍາຂັ້ນສູງຂອງລາວ-ຈີນໄດ້ໄປມາຫາສູ່ກັນຢ່າງຕໍ່ເນື່ອງ, ໄດ້ຮ່ວມກັນແລກປ່ຽນບົດຮຽນທາງດ້ານເສດຖະກິດ, ການຄ້າ, ວັດທະນະທໍາທ່ອງທ່ຽວ ແລະ ອື່ນໆ ເພື່ອພັດທະນາປະເທດຊາດໃຫ້ຈະເລີນຮຸ່ງເຮືອງ. ພາຍຫຼັງສອງປະເທດໄດ້ເຊັນສັນຍາຮ່ວມຊາຕາກຳອັນດຽວກັນ, ການພົວພັນລາວ-ຈີນຍິ່ງກ້າວຂຶ້ນສູ່ສັງກາດໃໝ່ ທີ່ປະຫວັດສາດບໍ່ເຄີຍມີມາແຕ່ກ່ອນ ເສັ້ນທາງລົດໄຟລາວ-ຈີນທີ່ໄດ້ເປີດຂຶ້ນ ຍິ່ງຖ່າຍທອດໃຫ້ເຫັນເຖິງແນວທາງນະໂຍບາຍ ໜຶ່ງແລວທາງ ໜຶ່ງເສັ້ນທາງຂອງຈີນໄດ້ປະກົດຜົນເປັນຈິງທີ່ລາວເຮົາ.
ຊາວຈີນພົ້ນທະເລພວກເຮົາ ຂໍສະແດງຄວາມຮູ້ບຸນຄຸນຢ່າງລົ້ນເຫຼືອ ມາຍັງພັກປະຊາຊົນປະຕິວັດລາວ ໃນການນໍາພາທົ່ວປະເທດໃຫ້ມີຄວາມຈະເລີນຮຸ່ງເຮືອງ ໄດ້ມີແນວທາງນະໂຍບາຍສູງ ແລະ ສະເໝີຕົ້ນສະເໝີປາຍໃຫ້ແກ່ການດໍາລົງຊີວິດ ແລະ ການທຳມາຫາກິນຂອງຊາວຈີນຢ່າງສະດວກສະບາຍ. ປັດຈຸບັນປະເທດຈີນ ເປັນຜູ້ລົງທຶນຢູ່ລາວເປັນອັນດັບໜຶ່ງ. ຊາວຈີນພົ້ນທະເລພວກເຮົາໄດ້ປະກອບສ່ວນເຂົ້າໃນການພັດທະນາເສດຖະກິດ-ສັງຄົມ ແລະ ຍັງໄດ້ປະກອບສ່ວນໃນການກຸສົນ, ອັກຄີໄພ, ການສຶກສາຕ່າງໆຢ່າງຫຼວງຫຼາຍ. ສົມກັບຄຳເວົ້າທີ່ວ່າ ລາວ-ຈີນ ເປັນສະຫາຍທີ່ດີ, ອ້າຍນ້ອງທີ່ດີ, ຄູ່ຮ່ວມມືທີ່ດີ, ບ້ານໃກ້ເຮືອນຄຽງທີ່ດີ. ເຊື່ອໝັ້ນວ່າພາຍໃຕ້ການນໍາພາຂອງພັກປະຊາຊົນປະຕິວັດລາວ ປະເທດຊາດຈະກ້າວເຂົ້າສູ່ຄວາມອຸດົມສົມບູນຮັ່ງມີຢ່າງບໍ່ຢຸດຢັ້ງ. ການພົວພັນລາວ-ຈີນຈະກ້າວເຂົ້າສູ່ສັງກາດໃໝ່ຢ່າງແຂງແກ່ນ.
ຊາວຈີນພົ້ນທະເລ ຂໍສະແດງຄວາມຮູ້ບຸນຄຸນຢ່າງລົ້ນເຫຼືອແລະ ຊົມເຊີຍວັນສ້າງຕັ້ງພັກປະຊາຊົນ ປະຕິວັດລາວ ຄົບຮອບ 70 ປີ ຢ່າງສຸດອົກສຸດໃຈ ຂໍອວຍພອນໄຊອັນປະເສີດແດ່ຜູ້ນໍາພັກ-ລັດຈົ່ງມີສຸຂະພາບເຂັ້ມແຂງນໍາພາປະເທດຊາດໃຫ້ຈະເລີນຮຸ່ງເຮືອງເປັນກ້າວໆ ພັກປະຊາຊົນປະຕິວັດລາວໝັ້ນຍືນ!.
ຄໍາເຫັນ